Ka Nupepa Kuokoa, Volume XLII, Number 12, 22 Malaki 1907 — Ke Tabalo ma ka Hale Mele Hou [ARTICLE]

Ke Tabalo ma ka Hale Mele Hou

Ma ke ahiahi Poaono o keia puie i hala aku la, la 16, ua haawi ae ka Hui Hawaii Ponoi i kekahi mau hoikeike ana e pili ana i na hula kahiko o Hawaii. Ua piha ku'i aku ka Hale Mele Hou me na kanaka ame na wahine, hui puia me na malihini o IjOS Angeles i hoea mai nei i Honolulu nei. Na ka Hui Himeni o Kawaihau i wehe mua, i na hana, a he maikal wale aku no na hana a hoea i ka hopena. Ua ike houia aku o Kaahumanu i kela ahiahi me kona mau ku kahili.' He nani ke nana aku, a o ka makana a kona mau makaainana. iaia oia ka mea nani loa. O ke ko, ka ma-ia, ke kalo, ka uwala, ka moa, ka ilio, a he nui wale aku, ua waiho ia aku imua o ka moiwahine me ka haahaa. Ua haawl pu ia mai i kela po kekahl himeni nani loa i lohe mua ole ia maHawaii nei e Miss Kaleikau ame. Miss Kaleikoa, a he mau lede e haaheo ai 0 Hawaii aloha ina o laua na lede himeni o ka Bana Lahui. Mamuli o ka nani moakaka lea o ko laua mau leo, ua nui ka pa'ipa'iia, a he elua o laua manawa i ku mai ai imua o kela anaina nui. Ua hookuuia na hana o kela po ma ka hoike piha ia ana mai o Kamehameha I ame na kaikamahine opiopio o ka aina nei e hoopuni ana iaia, a i ka mele ia ana mai o ko kakou Mele Lahul Hawaii Ponoi, me he mea la, ma ka nana aku, ua nui maoli na waimaka 1 helelei mamuli o ka eehia o kē mele.