Ka Nupepa Kuokoa, Volume XLII, Number 11, 15 Malaki 1907 — HOIKE O KA AHAHUI HOOIKAIKA KRISTIANO O WAIHEE. [ARTICLE]

HOIKE O KA AHAHUI HOOIKAIKA KRISTIANO O WAIHEE.

Ua malama ia ka hoike o ka Ahahui i ha'i'ia maluna, ma ka la ame ka makahiki i ha'iaia e like me na mea i •hoonohonoia ma 'ka papa hana e hoouna pu ia aku nei, ua akoakoa ae ma ua halawai la he anaina mahuahua he hookahi haneri a oi aku, mailoko o keia he 65 ka nui o na lala i akoakoa mai a i hoike ia. He nui ka eleu am» ka makaukau na opio āme na pokii i ka hoopaanaau ana i na pauku Baibala a oi loa aku hoi ma na mele, v aole oia wale no. • O ka wehewehe ana mai i kekahi poolelo e like me ia ma ka papa kuhikuhl, na ikekahi opio kane i wehewehe māi me ko'u kahaha no kona makaukau maoli ua hoohalaia he mau hora, e hoomaka ana hora 12 o ia aumoe, a hookuu na hana, oiai e lawe mai ana ke ahe laumakani i ke ala o ka imu puaa—palna ke anaina holookoa—a hoi kela ame keia e hooluolu. Ka heluna o na lala o keia Ahahui ma kona mau buke he 77. Ka hooikaika ana o kela ame keia opio kane e hoomaha i ka inu waiona ka mua 3 pau ia mau mahina me ka holopono hoomaha hou me ka hoomahuahua hou o na opio no eono mahina lanakila lakou ma keia hana a hoomanawanui ana. Lilo kekahi mau Moremona i mau hoahanau no ka Ekalesia o Waihee, •ka mea keia e ku-e nei ka agena o ka Papa Hawaii, pehea la keia e hua mai nei Nui a mahuahua na opio. Makaukau a ku i ke anoano na himeni i a'o ia a i mele ia e keia ahahui. Hoomanawanui ke alakai o Robert J. K. Nawahine i ke alakai ana ma na mea apau. Ke paipai nei au i na ahahui e ae he mea pono e hele e nana i ka lawelawe ana o na hana ma keia Ahahui i loaa kekahi mau ike hou no keia hana pookela. E ka Ahahui Hooikai'ka o Waihee imua e na pokii, na opio ame na makua, a i aku imua ka lanakila a mai poina i ke alakai nui o na hana, a ia iluna, mai hilinai i kanaka o haule pu. Owau iho no, PEHU N. KAHOKUOLUNA, Hope Peresidena nui no na mokupuni o Maul. I—Himeni Hui, E hapai ia lesu. 2—Pule, Rev. O. Nawahine. 3—Kaheainoa. 4—Na pauku paanaau o na Papa ame Himeni. s—Hlmeni Hui, Hamau -kei na Mele. 6—Na poe ha'iolelo maluna o ke poo olelo. lakobo i:10. E hoohaahaa oukou ia oukou iho imua o ka Haku, a nana oukou e hookiekie ae. (1) Alfred K. Maialoha, Peresidena o ka Ahahui Hooikaika Kristiano Makua. Himeni—Na Keikikane. > (2) Mrs. Emily Keapo 1.... Himeni Duet —J. Keala ame Keikl. (3) C. M. W. Kanui. Himeni Pakolu—Na Kelkikane. (4) Robt. Kanui Himeni—Boys' Quarttet. (5) Abraham D. Nuuhiwa Himeni—Boys* Quarttet. (6) Miss Hattie Maule Himeni—Senior ame Junior C. E. (7) John Keala—Presidena o ka S. C. E. Himeni—Na Keikikane. 7—Lulu Dala $7.00 B—Na hoike Papa Kula ma na Apana 9—Hlmeni Hui—Mele au ka iono Lani 10—Na Manao Paipai. Mrs. Sarah Kahokuoluna, Kakauolelo o ka Ahahui o Maui. Himeni—Girls' Quarttet. Peter N. Kahokiioluna —Peresidenā nui o na Mokupuni o Maui. . . —Boys' Quarttet. P; T. K. Nawahine, alakai o na Ahahui o Waihee. Himeni Hookuu—A ka Ahahui. ] • Pule hookuu a : ka Ahahūl. I keia la e piha ai ka makahiki o ke ku ana o ka hui holo pa-u Kaonohiokala, a ma-Keia po e wehe ana iakou he hula Hawaii ,ma, ka St. An,tonio Hall, ma ka horā 7:30. E loaa no na tikiki ma ka puka komo.