Ka Nupepa Kuokoa, Volume XLII, Number 9, 1 March 1907 — KA PAPA KUHIKUHI O NA HEIHEI WAA O WAIKIKI. [ARTICLE]

KA PAPA KUHIKUHI O NA HEIHEI WAA O WAIKIKI.

Ua hiki mai i ka wa e hoalaia ai o na hana heihei waa i hoopaneeia mai ai mamuli o ka nui o ka ino iloko o ka mahina o lanuarl aku nei i hala. O ka Poaono la 16 o Malaki ae nei, oia ka la e malamaia ai ia mau heihei, 0. e malama pu ia ana ka heihei au, ame ka hookuku heenalu. Malalo iho nei ka papa hoonohonoho 0 na hana o ia la: I.—Heihei au, he eono poe. Mai ka hae e ku pono ana i kahi o Balaunu a hiki i ka uwapo o ka Hokele Moana. 2. —Heihei waapa kiki no na lede. Alahele, mai ka uwopo aku p ka Hokele Moana a hiki i kahi mouo a huli hoi mai. 3. —Heihei pe'a. He umi-kumamālua kapuai "papa moku le'ale'a." Alahele mai ka uwapo mai o ka Hokele Moaha a kaapuni i ka pahu hae e kupono ana 1 kahi o Kak?la, mailaila aku a i ka pahu hae mawaho aku o khl o McFarlane, a huli hoi a hiki J ka uwapo. 4.—Heihel waa eono hoe", no ka moho 0 na Mokupuni Hawaii. Alahele, mal ka uwapo aku o ka Hokele Moana a hiki i ka pahu hae e ku pono ana i kahi o Balaunu, a huli hoi mai a kahi 1 koomaka ai. 5. —Heihei waa pulua, o "ke ano hou." Alahele, mai ka pahu hae aku mawa- i waho ae o kahl o Balaunu a hiki i ka uwapo o ka Hokele Moana. 6.—Heihei waa eono hoe. Moi ka Hokele Moana a hlki i ka mouo a huli hoi mai a hiki i kahi i hoomaka ai. 7.—Heihei waa pulua, (waa o ke ano kahiko.) Mai ka Hokele Moana aku a hiki i ka mouo mawaho" ae o kahi o Balaunu a huli hoi hou i kahi i hoomaka ai. B.—Heihei waa eha hoe, (waa o ke ano kahiko). Alahele e like me ka heihei maluna ae. 9. —Heihei waa pukahi. Mai ka mouo mai mawaho ae o kahi o Balaunu a hiki i ka uwapo o ka Hokele Moana. 10. —Heihei waa eha hoe. Alahele, e like me ka heihei helu 7. 11.—Heihei waa Kenada (2 hoe) Alahele e like me ka heihei helu 5. 12.—Heihei pe'a, na waape'a Hawaii oke ano kahiko. Mai kā uwapo aku o ka Hokele a hiki I ka mouo mawaho ae o kahl o Kakela a hoi hou a kahi i hoomaka ai. 13.—Heihei pe'a, na auwaa Hawaii (na auwaa pananai olalo o keia au hou) Alahele, e like me ka helu 2. 14.—Hookuku heenalu maluna o na papa. Mawaho pono aku o ka Hokele Moana. 15.—Hookuku pakaka waa. Ma ka hora 2 o ka auwina la e hoomaka ai ila hana le'ale'a ma ka la i olelola.