Ka Nupepa Kuokoa, Volume XLII, Number 9, 1 March 1907 — KA AINA O WAIANAE-UKA. [ARTICLE]

KA AINA O WAIANAE-UKA.

O ka aina o Waianae-uka malalo o ke Keena Kaua ua moe aku ia mai kc kiekiena o ke kualapa o Kaala e nana la ia Waianae a hiki iluna o ke kiekiena o ke kulapa o Koolau ma kahi o 15 mile ke ko-wa. A aia hoi ka huina o na mana o na kahawai o Kaukonahua ua ano kokoke aku i ka palena o keia aina. Ma na wahi apuni olalo o na puu ame na kula pu, he nui ka aina i kupono e laweia no na aina mahi nunui a liilii malalo o ka loina mahi aina maloo. O ka aina i kaa ma kona wahi kiekie loa aia ma kahi o 4050 kapuai ma ke kiekiena'o ke kualapa o Kaala a ma kahi hoi o 900 kapuai averika o ke alanui aupuni e moe la no Waialua e moe la mawaenakonu o ua aina nei a mailaila aku i pii malie aku ai ka moe ana o ka aina a hiki i ke kiekiena o ke kualapa o na Koolau, ma kahi o umi mile a ma kahi hoi o 2360 kapuai ke ana kiekie. O ka huina eka holookoa o Waianae-uka he 14,678 eka. O keia aina oia kekahi o na aina waiwai nui loa o na aina aupuni o ka mokupuni o Oahu. Ina aole e hoihoi mai ana ka Federala i keia aina i ke Aupuni Teritori alaila e pono no e hoeueuia aku e kukuluia i kahua kanu meaulu hoao malalo o ka hooholomua ana o Jared Smith ame Polopeka Krauss ma ka lawe ana i ka loina o ka mahi aina maloo ana.