Ka Nupepa Kuokoa, Volume XLII, Number 9, 1 Malaki 1907 — NO KA MAHI AINA MALOO ANA. KA LOINA I HAAWIIA NO KA MANAOLANA O NA AINA ANO PANOA O HAWAII. [ARTICLE]

NO KA MAHI AINA MALOO ANA.

KA LOINA I HAAWIIA NO KA MANAOLANA O NA AINA ANO PANOA O HAWAII.

Aia he manao i haawiia ae e Mr. John L. Cowan ina ka helu o Iulai o ka Century e pili ana i ka mahi ana o ka aina maloo, he manao waiwai hoi ia kakou apau o keia mau mokupuni. He loina keia i weheweheia ma kahi o umi o na wahi kanu hoao o na mea ulu maluna hoi o na wahi mahi he nui e malamaia nei e n Alahao Komohana a maluna hoi o na wahi mahi pilikahi he mau haneri. Ua maweheia ae no hoi keia loina i na kau apau o iwakalua makahiki neepapa e Mr. H. W. Campbell o Lincoln, Nebraska, oia hoi, o ke kanaka mahi aina maloo i hoohua mai me ka holomua me ka hoookahekahe wai oleia ana oia no ka hua hookahi i upu muaia aku mai ka hookahekahe wai ana me kahi hoolilo kaulele uuku loa ke hookukuia ae. Ua maheleia keia mau kumuoiaio iloko o elua helu. Akahi, oia no ka mahi mau ana i ka aina me ka waliwali mau o ka lepo, a oia no hoi ka mea e komo maalahi ai ka ua i ka lepo ano paa olalo ae, a ia manawa hookahi no e mau ana ka ma-u oloko mamuli o ka waliwali mau o ka lepo kahi a ke ea maloo wela e omo ai. A o ka lua hoi, oia no ka pili maikai mau ana o ka lepo malalo o keia lepo maloo nahaha waliwali oluna, a oia no hoi ka mea e * ai ka ma-u ana ame ka waliwali, ua like no hoi ia me ke kaa ana o ke kulana o ka lepo i kupono maoli no ka hooulu ana i ka anoano ame ka meaulu kino maoli. Ma keia kumu iho la e iia ai he malama ke kanaka mahi aina maloo i ka wai aole iloko o na luawai a mau palewai paha aka e like iho la me ia i hoikeia. Ma na aina panoa apau o ka hikina o na mauna o Colorado ua lilo i mea nui keia mau kumuoiaio i na papa kalepa hoopukapuka * na hui o na ano like no ka hooholomua ana i keia loina o ka mahi ana a ke nee nei lakou me ka holomua. Ua komo pu aku ke aupuni maloko ona kanu hoao ana a pela no hoi na kula a'o mahi e hooikaika nei no keia mea hookahi. Ua hiki no keia mea ke laweia mai no ka holomua a hoohana aku maluna o na kaukani eka aina e waiho nei mai Pearl City a Wahiawa ame Wailua mai a pau pu no me na wahi apau o na mokpuni. Nolaila, e noonoo i ka waiwai maoli o keia Teritori i ka mahi ana i na aina apau i loaa ole ka wai. He pii mau ka ma-u me ka maalahi e like me ia e komo ai iloko, a i mea e kaomi mau ai i ka pii ana iluna a oia no hoi ka noho mau ana o ka ma-u iloko o ka lepo oia no ka malama mau ana i ka waliwali o ka lepo oluna ma kahi o elua iniha. Ua like no keia me ke pani o ka luawai e paa ana i ke ano ma-u mai ka hemo loa ana aku iwaho ma ke omo ana o ka ea maloo ame wela. A mawaho ae no hoi o keia na ka waliwali o keia lepo oluna e haawi aku he manawa no ka ua e komo ai iloko o ka lepo paa ma-u olalo ae. Ua kalele iho no hoi o Mr. Campbell i keia oiaio; oia hoi, ma na wahi apau e haule ua ia ai nm kahi o umi-kumamalua iniha ka averika kiekie ua hiki ke hoouluia na meakanu me ka wai ole. He mea no hoi keia e hoike mai ana, aneane no e pau loa na eka apau o na kula nunui mawaena o Pearl City ame Wahiawa i ke kupono i ka mahi.