Ka Nupepa Kuokoa, Volume XLII, Number 7, 15 February 1907 — KEKAHI KUMU I OI AI O HAWAII. [ARTICLE]

KEKAHI KUMU I OI AI O HAWAII.

He paeaina o Hawaii i kaulana upnni iwaena na e o na aina ī nohoia e ka malamalama no ka maikai ame ka nani ma na liiohiona 0 ka aina, oia hoi kona mau kualono ame kuahiwi i ka paa i na launahele uliuli e nele ole ai ka makahehi o na malihini ke kipa maij ame ka maikai no hoi o ke ea e nele ole ai ka hoolaia o ka malihini piliaiku ame ka oluolu a lokomaikai nui wale o na Hawaii ka lahui kumu hoi o ka aina, a oi loa aku ka makahehi nuiia mamuli o ka ulu ana mai „0 na hana hou o ke au naauao nei. A pela i hooho mauia ai, "o Hawaii no ka oi, ka Paredaisa o ka Pakipika." Aka, mamuli o na poino he nui e puka mai nei iloko o na aina nui o ka honua i loaa mai ai ia makou ka ike o ka loaa ana o kekahi kumu kupono i kau hou ae ai 0 Hawaii Paeaina ma ka papa o ka helu ekahi i loaa ole ae i kekahi poe aina e ae, a oia no kekahi kumu 1 kohu ai ka mamalaolelo kaulana i hoikeia ae nei e keha ana no Hawaii "ka Paredaiso o Hawaii;" a oia kumu, oia no na meahou kaumaha a kakou e lohe mau nei a e heluhelu mau nei maloko o na nupepa e pili ana i ka puka mau o na ola'i i Kingston o Jamaica ame ka wi e pahola mai la i Kina ame na pilikia o na aina e ae. He poe aina keia i loaa aku i keia mau pilikia. Ao na aina i loaa aku i ka ola'i e like me Kingston he mau aina lakou i like me Hawaii ma ko lakou kulana papa like, oia hoi, he mau aina luapele kahi e hikimua ai na hoonei ana o ke ola'i ame ke kahe ana o ka pele, a o ka mea kupaianaha no nne oia ka nui ino o ka poino i kau aku maluna o Kingstou, a loaa ole iho la kekahi pilikia maluna o Hawaii. Kupaianaha! Pela i hoohoia ae ai makou i ka oi o Hawaii ma ia mahele. Loaa o Kingston ika pilikia a loaa ole iho la hoi o Hawaii ia haawina. O kekalii o na haawina ano e i ikeia mawaena o keia mau aina ame na aina luapele e ae oia no ka mea nana i hoopii hou ae ia Hawaii ma k< kulana oi ae, a oia kul'ana i oi ae ai kakou penei no ia: Ma Napela kahi a ka pele o Vesuvius i hu ae ai ua kahe aku ia a o kona mau liiohiona i liaawi aku ai i ka nui lehulehu apuni ia wahi lie liaawina weliweli no ia ke kumu o lakou i kaiehuia aku ai mai ko lakou mau home aku a holo kohana aku la no ka palekana o ko lakou ola, ma ka olelo hoopokole ana ae he kahe ana ia i weliia. e like me ka oiaio o ia haawina weliweli maluna o Napela pela no ia haawina liookahi i pahola aku ai maluna o Kingston o Jamaica a mawaho ae o keia kauia o ka weli e na kanaka ua hoopoino pu ia na ola, ua wawahiia ka honua, ua lukuia na kauhale a ua hooneleia ka poe ola me na lako kupono e oluolu ai. Aole pela o Hawaii ka aina i kauia ma ka papa luapele e like me Kingston ame Napela ame na aina eaeo ia ano. I keia mau la iho nei no i kau mai malulia o ko Hawaii poe nei ka makemake ame ka makahehi e ike i ka pele, a aole hoi he haawina o ka weliweli i kau mai ai maluna o lakou. A no ia kumu no hoi i ike ai kakou i ka holo ohuohu ana ākn o Mokuahi Kinau ame Mauna Loa mai Honolulu aku nei me na ohua e ike ika pele. Aole wale o keia ka haawina maikai, aka, aole he mau poino i kau mai maluna o kanaka e noho kokoke ana ia Pele ma, aolie he ola i hoopoinoia, aohe he kauhale i lukuia a aohe no hoi he poe i hooneleia ina home. A ma keia wahi iho la i loaa ai ia makou ka ike i ko Hawaii oi ana ae mamua o keia mau aina. Eia o Kina iloko o ka pilikia nui iloko o keia mau la e nee nei, mamuli oka pahola ana oka wi, Aia he mau kaukani ona kanaka iloko o ka pololi kekahi i haalele wale aku ai na makua i ka lakou poe keiki e make iloko o ka ke kumu hoi i ala mai ai na aina malamalama e like me Haw.aii ame Amerika a haawi i ko laua mau kokua ma ke dala a hoouna aku la i na agena no ka hanai aku ia lakou. Ma ka haawina weliweli o ka wi i loaa aku Ia ia Kina aole o Hawaii iloko oia ino. He hoomaikai nui keia i loaa ia kakou, ahe mea pono na makaainana o keia aina e hoomaikai aku i ke Akua no ia maikai a oia no hoi kekahi kumu o ka oi anii ae o Hawaii.