Ka Nupepa Kuokoa, Volume XLII, Number 7, 15 February 1907 — KE HOOIKAIKA MAI NEI KA OIHANA MAKAI EMI MAI KA ONA. [ARTICLE]

KE HOOIKAIKA MAI NEI KA OIHANA MAKAI EMI MAI KA ONA.

Eia ka Oihana Makai ke imi mai nei i wahi e nalohia aku ai ka poe ona mai na Alanui aku o Honolulu nei, a mai ka ike ana aku a ka lehulehu. Ke hoomaopopo pu nei no hoi lakou ina wahi e loaa mau nei ka lama i ka poe ona mau, aole no ka hoomakaukau wale ana no i papainoa o na walii e liiki ai ke a'o aku i kekahi papa laikini e kukuluia aku ana malalo o ke kanawai waiona hou no ke kupono ame ke kupono ole o ka mea noi e loaa ka laikini. Aia no nae he mau ala e hiki ai ke hoohanaia aku ma keia mau w&hi e kuulala mai nei na hana ana, me ke kali ole no ka hooholoia o kekahi kanawai waiona hou. Ma ka malama aku nei o lanuari i hala, ua hiki aku ka nui o na poe i hopuia no ka ona ma na wahi o ka lehulehu i ke kanaono-kumamakahi, ua oi loa ae hoi keia huina i ka awelika o ka mahina o ka makahiki i hala. Mamuli nae o ka haawiia ana o ke kauoha e makaala loa i ka poe e hoikeike ana i ko lakou ona i ke akea, ua ikeia ka paa ana mai o ka poe ona, he kanakolu ko lakou huina i hopuia ae no ka mahina o Feberuari nei. Mamuli o keia makaala ana me ka hooko ponoia o ke kauoha e na makai, ke ikeia nei ke emi ana mai o ka poe ona ma na alanui. Ke ike pu ia nei no hoi ka meha ana mai oka liauwalaau mauka o Leleo kalii i ikeia o na hana uhauha i kekahi wa ae nei i hala. Ua pani-kuia kekahi mau hale aina o na haleinu rama i keia wa no ka hoomaopopo ana o ka poe kuai waiona e oki loa aku ana ia oihana ma keia hope aku. Oka manaolana oka Makai Nui laukea oia no ka hoomau ana i ka hopuhopu i ka poe ona mau. ame ka poe no hoi i ike mau oleia ko lakou ona, aka nae e hoikeike ana i ko lakou ona i ke akea ma na alanui.