Ka Nupepa Kuokoa, Volume XLII, Number 6, 8 February 1907 — HAAWI O IAUKEA HE MAU OLELO A'O IKAIKA I KA OIHANA MAKAI. [ARTICLE]

HAAWI O IAUKEA HE MAU OLELO A'O IKAIKA I KA OIHANA MAKAI.

Ma ka la Sabati nei 1 akoakoa ae al na poe hana apau loa o ka Oihana Makai o ke Kalana o Oahu, ma ka Halewai malalo o ke kauoha a ka Makai Nui C. P. laukea. O keia hol ka wa mua loa 1 loaa ai ia laukea h& manawa no ka hoakoakoa ana mai i kona mau kanaka a haawi aku i na a'o ana i pili i ka lakou mau hana pakahi. Ua akoakoa mai na makai ku hulna, na makai kaulio, na makai kaa hehihehl wawae," na kakauolelo ame na makai kuikawa maloko o ke keena hookolokolo o ka Aha Hoomalu, a mahope iho o ko lakou hoolohe ana I ka ha'iolelo a ko lakou poo C. P. laukea, ua naholo aku la lakou ma ko lakou mau wahi hana pakahi iho, me ke ku laina mua ana nae mamua pono iho 0 ka Halewai no ke pa'ikli ana. Ma ka ha'iolelo a laukea imua o kona mau kanaka, ua hoeueu aku ola ia lakou e hoopono ma ka lakou mau hana, a e lawelawe hoi i na hana, e like me ka hilinai i papahiia aku maluna o lakou. O ka lakou hana oia no ka hooko ana i ke kanawai ame na hana e ae apau e hiki ai ke oleloia h« hookoia no ka maikai. He hana kupono no hoi i na kanaka apau iloko o keia oihana ke hoike 1 ko lakou kupaa mahope o ko lakou mau poo, a e hana 1 na hana me kuio. Ma na mea i pili i na hana o keia oihana, he mea pono ke malama loaia me ka malu, i mea e hiki ai ke hooko ponoia ke kanawai. O na mea e hanaia ana ma na hana oloko o ke keena, aole ia he mau mea keaka waleia mawaho, a o ka mea e uhaki ana i kekahi o *keia mau rula e hoopauia no oia, a e manaoia oia he mea i hoolohe ole i ke a'o a kona poo. Ua hoike pu aku no hoi o laukea i kona mau makai aole e ae wale i na hooponopono ana mai na lawehala mai, a e holo paha mahope o kekahi mea hooponopono.