Ka Nupepa Kuokoa, Volume XLII, Number 6, 8 Pepeluali 1907 — APONOIA KA MANAO KUAPO AINA O KIAAINA CARTER E KA AHA KIEKIE [ARTICLE]

APONOIA KA MANAO KUAPO AINA O KIAAINA CARTER E KA AHA KIEKIE

Mamuli o ka lilo ana o ka manao kuapo o Kiaaina Carter i ka Mokupuni o Lanai me kekahi poe mea aina e ae, i ninau no ka pono ame ka pono ole o ia hana ana a ke Kiaaina imua o ka Alia Kiekie pela i ka-uaia ai ka hoolahaia ana aku o ka leka a ka Peresidena Rusawela i hoouna mai ai i ke Kiaaina, Ua hoounaia mai ka leta iloko o Okatoba o ka makahiki i hala, aka oiai e ku ana keia ninau iloko o ka Aha Kiekie, ua manao ke Kiaaina, he mea maikai ke ka-ua ana i ka hoolahā ana, o ulu mai auauei na hoohuoi ana, o ka apono ana mai a ka Peresidena i ke alahele a'ke Kiaaina i lawe ae nei, he mea ia e hoohulihuliia ai ka manao o na lunakanawai. Oiai nae ua hoopuka ae nei ka Aha Kiekie i ka olelo hooholo e apono ana i ka manao kuapo o ke Kiaaina, nolaila ua haawi ae o Kiaaina Carter i ka mea kakau o ka Nupepa Advertiser i ke kope o ua leka la a ka Peresidena, a oia iho keia malalo iho nei. Ka Hale Keokeo, Wakinekona, Okatoba 10, 1906. E kuu Kiaaina Carter aloha: —Ua piha ohohiaia kau mau leka. No na :mea e pili ana no na mokupuni liilii, u a hoomoakaka mai no oe, e hoao kakou e hoolilo aku malalo o ka noho onaia ana e kekahi poe kanaka waiwai, e hiki ai ke law T elawe i kekahi mau hana, e hiki ole ai ke noho kanaka oleia lakou, ma o ka hooneleia ana i ka ululaau ame ka maloo ana o ka wai. Aohe o'u nana no ka mea a ka poe kalaiaina e olelo mai ai nou, a emi iho hoi no ka lakou mau olelo no kau keehina hana. Ke pono la kau hana ana, a ua liiki ia oe ke hooiaio no ka'u kokua kupono. Kou iho no, THEODORE ROOSEYELT. Hon. Geo. H. Carter, Kiaaina o Hawaii, Honolulu, Hawaii. Aole ke Aupuni Teritori i hookaulua iho i ka hoolilo ana aku i ka mokupuni o Lanai mahope koke iho o ka hoopuka ang. mai o ka Aha Kiekie i kana olelo hooholo e hoole ana i ke koi a McCandless ma na ano apau no ke ku-e ana i ke kuapo aina. Ma ka Poalima aku nei i hanaia ae ai na palapala kuapo aina e ka loio o W. M. Giffard ka mea i hooliloia aku ai o ka Mokupum 0 Lanai. Oke ano oua kuapo la, oia ko ke Aupuni hoolilo ana aku 1 na aina apau loa iloko o ka Mokupuni o Lanai me ka haawi pu ana i palapala Sila no ia mau aina, a ma ka aoao hoi o Mr. W. M. Giffard e hana mai ana oia i palapala hoolilo i ke Aupuni co ka ili aina o Kalawahine nona ka nui o 293 1-2 ewa i iweia ka o Coney ma Puuohia (Tantalus); ka waiwai ma ke kihi o na Alanui Moi Likeke ame Puowaina i ikeia ka home noho o Hopper; ka home noho o Maerten wa ke kihi ona Alanui Beritania, V ictoria ame Young, ame ka waiwai o Kamakau ma na alanui Puowaina ame Ema e pili pu ana me ke Kula Ālii o Kehehuna. O ka helu waiwai o keia mau aina i ka makahiki i hala oia keia mahope ae DGipeUei: « 70 000 Kalawahine * 70 »|J 0U Ka home noho o Hopper 17,500 Ka home noho o Maertens 20,000 Ka Waiwai o Kamakau 6,500 Huina ? 114 ' 000 O ka helu waiwai hoi o na aina o Molokai i ka makahiki i hala he nolaila ua oi ae ka waiwaiio o na aina i lilo aku la i ke aupuni mamua o na aina iloko o ka Mokupuni o Lanai i lilo mai la ia Mr. W. M. Giffard.