Ka Nupepa Kuokoa, Volume XLII, Number 6, 8 February 1907 — KEKAHI MAU INO I HOOPUHILI MAU I NA HOA AHAOLELO. [ARTICLE]

KEKAHI MAU INO I HOOPUHILI MAU I NA HOA AHAOLELO.

Oiai eia ka manawa o ka Ahaolelo 1907 ke hookokoke loa mai nei, ka wa ihoi e noho ae ai ua aha hanohano la o ke Aupuni Panalaau o Hawaii Paeaina, a oia no hoi ka Poakolu ekolu o keia malama, Feheruari 20, 1907, alaila, e hui ana ko ke kulanakauhale nei me na hoa o na kuaaina ame ko ke kulanakauhale iho nei a he wa hoi ia o na hana ano nui e lawelawe ia āi no ka pono o keia aina, no ke aupuni a no ka lahuikanaka e noho ana malalo o kona malumalu. Ma keia mahele i hoikeia ae la na maikai ia no na hoa e lawelawe ai, a no ia mau mea no hoi lakou i kāheaia ai e noho ae iloko

oka Ahaolelo, a iloko no o kaheaia ana o lakou pela e hana ai malalo o ke kauoha o na kanawai o ka aina ame ko lakou mau nila Ahaolelo no e hooholo ae ai i panana no lakou e alakaiia ai ma na hana apau, eia nae T aole no i nele ka hanaia o kekahi mau ino, a makou e manaoio nei aohe he ahaolelo apuni ke ao nei i komo oleia e ia ano ino, aole no ka makemakeia oia mau ino e hoohanaia iloko o na ahaolelo aka mamuli o ke komo ana o kanaka kupono ole i mau hoa ahaolelo. Oiai he mea maopopo, na lakou no ia mau ino i hookomo aku iloko olaila ma ka poholalo e ike koke oleia ai e ka lehulehu, aka, e nele ole ana nae ko lakou honi aku i ka hohono mahope mai; a mamuli o ia mau ano iho la i koiia mai ai makou no ka paipai ana 1 na hoa ahaolelo i ole ai lakou e hei ia mau ino a i paipaiia ai no hoi ka lehulehu no ka makaala ana i keia poe hoa ahaolelo, no ka mea, ma ka makou hoomaopopo iho, ua loaa i ka lehulehu ke kuleana o ke kilo ana maluna o lakou hoa ahaolelo oiai he poe kauwa lakou e hooponopono aua i ko lakou (lehuleihu) mau pono, e like me ke kuleana ana o ke kanaka nona ka waiwai i haawiia malalo o ka malama ana o ka lunahooponopono waiwai. e makaala ai i ka lawelawe ana a ua lunahooponopono waiwai nei ona. O keia malalo iho kekahi mau ino i kuluma i ka lawelaweia e na hoa ahaolelo a makou e manaoio nei aole e nele ka lawelaweia oia ano ino e kekahi mau hoā o ka ahaolelo e noho mai ana i keia kau ke ole e hookanakamakua a hookuoo lakou: Akahi, hoowalewale ki-pe. He nui ka poe i hoohihiaia e keia ino a he nui no lioi o lakou i poino a he nui no hoi i pakele ma ka apua mai ka lima aku o ke kanawai, a he nui no hoi i loaa ole a i liiki ole ke huliia no ka hooiaio ana mamuli o ko lakou maalea loa 0 ke ano hiena maopopo. He hookahi no nae mea i maopopo loa me ka hoohewahewa oleia, aia no he wa e ikeia ae ai ia mau ino ina ma ka huliia ana a loaa, a i ole, ina ma ka hoike maoli mai o ka poe i hana ia mau ino mamua o ko lakou make ana e like me na mea o ia ano i hookoia he mau manawa lehulehu i hala. Elua, ka hoowalewale o ka hoopilimeaai e lilo ai ke kanaka i mea hoopiliwale e punukuia ai oia a e louia ai kona ihu i ka uwea a ma ka uwea e hukiheleia ai ma na wahi ona i makemakeia ai e hele ina no ua hoowahawaha oloko iho ona no ia hukiheleia ona. Ekolu, ka hoowalewale o ke ano hookamalii e ku ole ai i ke kulana kanakamakua, e lilo ai ka hoa ahaolelo i mea hiki wale no j ke paaniia, kekahi kumu e pahemo ai ka hilinai ana o ka lehulehu mai iaia mai a heaha no hoi ke kohu o ka haawi ana aku i ka walwai na ia ano J*anaka e hooponopono mai. Eha, ka hoowalewale o ka hoakamai. He wahi hoowalewale keia i hoopuhili mau aku i ka nui lehulehu maloko o na hoomana a ahaolelo a ma na mea e ae no apau, a oloko o ka ahaolelo kahi i nele ole ai o ka hanaia o ia ano, a e nele ole ai ka uhu ae o ka manao a noke wale aku i ke kualehelehe me ka hoomikioi ana i na olelo i ikeia mai ai he akamai i ka ha'iolelo a he kulana maoli no ka oiwi. He nui ka poe i hei i keia ano hoowalewale, ke kumu i pehu ae ai ke poo a keha iho la ua nui ka ike i mea nona e koho houia mai ai. Ua ikeia keia ano hoakamai iloko o na ahaolelo o kakou i hala iho nei a mamua aku no hoi iwaena o na haole ame na Hawaii pu. Elima, ka hoowalewale o ke kakoo a ku-e wale ana i na bila kanawaOnaikai a kupono loa ina ua ike iho pela io, mamuli o ka huhu pilikino, lili, a hookae paha a pela aku. Oia nei kekahi ona hemahema lapuwale loa a me he mea la o ka hapanui ka i nele ole 1 ka hoopuhiliia, a oia no hoi ke kumu o ke kakaikahi ana o na ka,naka ma ka aoao o ke kupono. Ua like ko ianei ikaika hoowalewale me ka ikaika o ke ki-pe, no ka mea, e pau pu ana ka poe kupono ika hei i kekahi manawa/e like me ka hei ana oka poe noonoo lahilahi. Eono, ka hoowalewale maka'uwale i na poo a liakuhana paha. Ua pili keia ino i ka poe ahaolelo e noho hana ana malalo o na hakuhana a poo paha o na hana i kaa malalo o ka lakou hooponopono a alakai ana. E laa na hoa ahaolelo i noho hana paha malalo ona mahiko a malalo o na hui kalepa a hui e ae, a maloko o ka umii o na alakai o na aoao kalaiaina. He hoowalewale keia e hoaiai mau aku ana i ua ano hoa ahaolelo nei e ae wale aku i na hana hoohaiki o ua mau hui la e hookoia iloko o ka ahaolelo a ina aole e hooko aku ua kanakahana nei a hoa ahaolelo hoi alaila e hoopauia ana oia ke kumu i nele ole ai ke kau aku o ka niaka'u maluna ona no ka hoopauia. O ka mea maka'uwale la oia no ke hei ana a lilo kona mana koho aole mamuli o kona manao ponoi iho. A ina he mea kahi o ia ano i hanaia alaila na ia mau hana no e hoike ae he mau hui hoohaiki pono kela, a o lakou no na hui kulanalana, ke kumu i koi ai e hana aku'i na inea e loaa nui mai ai ka waiwai me ka nana ole ae pehea la ka ino o na hana e hanaia ai. Aia ka pono a nui ke dala. JJa komo iloko o keia huina na hui piliwaiwai a hui kuai waiona ame na hui hoohaiki e ae. A ma keia wahi no hoi i kaulike ole ai na hui kalepa maikai a kupono, a i maopopo hoi ko lakou kupono a maikai ana mamuli o ka mau o ka nee ana o ko lakou ola a hala he mau makahiki loihi ma kahi o iwakalua-kumamalima, kanalima, haneri, a pii aku. O lakou na hui kalepa maikai loa e like me kekahi mau mahiko a hui kalepa o kakou o Hawaii nei, a o na hoa ahaolelo no lakou na hana | iloko olaila, ua hiki ia makou ke pane ae me ke kanalua ole, 0 lakou ka poe i palekana mai na hoohaiki, ana, mai ia mau ino mai, koe wale no ina he mau luna ino, oiai o na haku a mau poo paha, he poe noonoo kanakamakua lakou, a aole lakou e koi wale aku me ka hookikina ana, aka, e nele ole ana no nae ko lakou waiho aku i ko lakou mau kumuliana no ka o ua hoa ahaolelo kanakahana nei o lakou me ka waiho pu aku i ke noi e hooko aku ina ua ike oia (hoa ahaolelo) i ke kupono anie ka ole no ke kokua a kakoo ana i like loa lioi me ko lakou (hui) liele ana e hui me na lioa ahaolelo e ae. Ma keia wahi la i pili ole ai ka hoowalewale i hoikeia ae nei i na hoa ahaolelo no lakou na hui o keia ano, koe wale no ina he pekana loa ia lioa. Ehiku, ka hoowalewale o ke kalaiaina. He ma'i kuluma keia i kau aku maluna oka hapanui loa ona hoa aliaolelo. He nui na ino o keia hoowalewale a he hoopoino maoli no i ka lehulehu; a oi kekahi oia mau ino oia keia: No ka Repubalika ana o ka makua-| kane o kekahi bila maikai e kupono loa ai e hooholoia aole i nele ke komo aku o keia hoowalewale iloko o na Demokarata e pepehi i ua bila la me ka nana oleia iho o kona kupono a maikai ana, a i ka wa e make ai, alaila, lawe ae la kekahi hoa Demokarata i ua bila hookahi nei no a hookomo aku la, a emoole ua hooholoia ae la a i kekahi manawa ua pepehiia ae e na Repubalika mamuli o ka ike ana iho i ka hana apiki a na Demokarata. A i ka hiki ana mai o ke kau koho balota alaila haanui aku la na Demokarata—e ole lakou holo ai ua bila la a i pomaikai hoi ka lehulehu mamuli ona t>emokarata. He hoowalewale keia i loaa iloko o na ahaolelo o kakou nei a iloko o na ahaolelo o na mokuama o Amerika a iloko o ka Ahaolelo Nui Federala. Ua kauhihi aku no hoi keia ino maluna o na Demokarata a maluna pu no hoi o na Repubalika, a iloko iho nei o Hawaii, ua ikeia keia ino iwaena o na Repubalika • ame na Home Rula ame na Demokarata no hoi koe wale no aole i kanakamakua loa ae o Demokarata ia man la i hala o Hawaii nei. He nni na hoowalewale o na boa ahaolelo e hel ai mawaho ae o keia mau ino, aka, mamuli o ko lakon kuluma ana pela makou I lawe mai ai i mea e hoohailiia ai na noonoo o na hoa ahaolelo a e hookanakamakua lakou me ka ae ole aku e mlaia mai e lakou. Ooe ke rula aku ia mau ino e pono ai.