Ka Nupepa Kuokoa, Volume XLII, Number 5, 1 Pepeluali 1907 — PAU NA PAKE PILIWAIWAI HE 68 I KA HOOPA'IIA. [ARTICLE]

PAU NA PAKE PILIWAIWAI HE 68 I KA HOOPA'IIA.

Ma ka hlhia plliwaiwal o Ah Slng ame kekahi poe Pake okoa aku he ka-naono-kumamahiku i hookoiokoloia imua o Lunakanawai Kaapuni Robikana, ua pau lakou i ka hoopa'iia. Ua hookauia aku ka hoopa'l hoopaahao o eono mahina maluna o Ah Wal ame Shing Tai, na mea 1 hoomaopopoia na laua e hoohana maoli ana ka hana piliwaiwai. Ua hoopa'iia o Ah Wal i ka Aha Hoomalu he hookahi mahina hoopaahao, a ua hookuuia hoi o Sing Tal ma o kona uku ana i ka uku hoopa'i, &ka ua komo iike aku la nae oia ma

lea hoopa'i like me kona kokoolua. O Ah Chee. a mea i hoopa'iia he elua pule hoopaahao, ua hookuu lu ma keia hookolokolo hou ana na kona ku hoike ana ma ka aoao o ke aupuni. 0 ka nui iho o ka poe i hoopiiia ua pau 1 ka hoopa'i dala ia ma ka $25 ame koina. Ua hoohalahala aku ka loio o ka poe 1 hoopiiia i keia olelo hooholo, a ua kau mai ka Lunakanawai i ka bela o ka poe i hoopa'i dala ia i $50 pakahi, a o na mea i hoopa'i hoopaahaoia i $2,500 pakahi. O keia na hihia piliwaiwai i hopula ai e ke Komite o ke Kiure Nui o ke kau i haia, ia lakou e hele Etna ma ka lakou huakai noii i ke taona o na Pake.