Ka Nupepa Kuokoa, Volume XLV, Number 43, 26 October 1906 — HE LUNANANA KOHO BALOTA HUPO. [ARTICLE]

HE LUNANANA KOHO BALOTA HUPO.

Ua hoouna mai nei ka lunahoomalu o kekahi o na papa nana koho balota o ka Mokupuni o Maui he leta i ke keena o ke Kakauolele, e hoike mai ana i kona maopopo ole i ke ano o kekahi o na buV:e i hoouna ia aku iaia ma kona ano lunahoomalu no ka papanana koho balota E hoike maoli mai ana hoi ka manao o ua leta la i ke ku-e maoli ia o na kuhikuhi i hoounaia aku iaia me na pepa apau e pili ana i ke koho balota, ma o kona wehe e ana i na balota mamua o ka hiki ana mai i jka la koho. Penei ka unuhina oka leta i hoounaia mai nei: ' "Aloha oe:—Aole i maopopo ia'u ka buke moolelo, a heaha la ka'u mea e hana aku ai no keia buke. E oluolu e hoike koke mai ia'u e liiee me ka hiki. Ua maopopo ia'u na mea eae a koe ka buke moolelo, a pela no hoi na balota au i hoouna mai nei, aole he mau inoa o na m'oho oluna. Oia la, e oluolu oe e hoike mai. Ua pau ae la no. Na ke Akua e hoomaikai mai ia oe, . . »» Kou ;