Ka Nupepa Kuokoa, Volume XLV, Number 42, 19 ʻOkakopa 1906 — HOOLEIA KO J. R. KEOLOEWA AME P. K. KUHI MAU PALAPALA HOLO MOHO. [ARTICLE]
HOOLEIA KO J. R. KEOLOEWA AME P. K. KUHI MAU PALAPALA HOLO MOHO.
Ma ka lawe ana aku a ka loio Samuel Noa i na nalapala holo moho o J. RKeolewa ame P. K. Kuhi, he mau Home Rula no ka mokupuni o Kauai ma ke ano moho Senatoa ame makaainana. ua hoole mai la o Kakauolelo C. R. Buckland i ka lawe ana aku i ua mau palapala la ame na dala no ia mau moho; no ke kumu, aole i waihoia mai ua mau palapala noi la mamua o ke aumoe o ka hora 12 o ka po Poaono aku nei. No keia hooleia ana o keiā mau palapala e Mr, Buckland, ua hele aku la ka loio imua o ka Loio Kuhina, a ma kona nana pono ana i ka manao o ke Kanawai, ua maopopo loa, ua pau io no ka manawa e waiho ai i na palapala holo moho o na mokupuni mawaho ae o Honolulu, ma ka hora 12 o ka po Poaono aku nei; nolaiia, ua kakoo aku ka Loio Kuhina i ka hoole ana a C. R. Buckland.