Ka Nupepa Kuokoa, Volume XLV, Number 42, 19 October 1906 — KA HOONANEA OKA MANAWA. HUKINA-KE KIAAINA KUPAA. [ARTICLE]

KA HOONANEA OKA MANAWA.

HUKINA-KE KIAAINA KUPAA.

A iwaena o na poe i hele mai e ike i ke Kiaaina, he kanaka poohina kekahi, he lunapaahao hoi no ka halepaahao i hoopaa īa ai o John Trent, e noi pu ana iaia e hoopakele ae i ke ola o ke kaikamalnne opio. "He kanaka keia i hookohuia aku no e ke Kiaaina a ua komohia maoli ke aloha iloko Ona no keia wahi kaikamahine, no ka mea, o keia no kana wahi e hele mai ai e paani pu me ua kaikamahine la. Iloko o keia mau uwalo ana apau no ka pono o Kalode, aole no īa he mea e loli ae ai ka manao o ua elemakule Kiaaina la. I ka oili ana mai o kekahi la ae, ka la hoi e h la ai o John Irent maluna o ka amana li-kanaka, ua hoea hou mai la he leta īmua o ke Kiaaina me ke kii o kahi kaikamahine ana, e kau pu ana me ke kanaka pepehikanaka malUna o ka amana. - I ko ke Kiaaina ike ana i keia kii ku i ka mana ona o, ua. ku-o ae Ja oia me ka leo nui, me ka holo ke ana i o a ia nei e haehae liiln ana 1 ke kii me ka puliki ana o kona mau lima ma kona poo, me ka noke mau ana no i ka uwe kumakena. I ka hoea ana mai o na makaikiu, ua kuhihewa loa īa lakou ua pupule ia ke Kiaaina mamuli o keia holo ke ona i-o a ia nei, aka ua hoopau koke ia nae ia mau manao koho hewa o lakou mamuli o ka ike maoli ana i ke kumu maopopo loa o ka uluahewa ana o ka noonoo o na Kiaaina la. , . ... A mahope o ka loaa ana aku o na hoakaka ana i na makaikiu e pili ana i ko ano o ka leta ame ke kii i loaa mai i ke Kiaaina, ua nalo hou aku la ua mau makaikiu la, no ka hookolo hou ana mahope o ka meheu o ka mea nana i hoouna mai i keia mau mea, aole nae me ka | manao hoihoi, aka me ka hookuanui no, oiai aole he mau hiohiona e hiki ai ke loaa ke kolohe. Ke kokoke mai la ka manawa e hookoia aku ai o ka hoopa'i maluna o ka lawehala. a ke maka'u loa la hoi ua mau ilio hanu meheu la, (makaikiu) o ka hoea e maj o ka manawa e hookoia ai na hana hoomaewaewa a ka poe opu lokoino maluna o ke kaikamahine a ke Kiaaina mamua o ka loaa ana akū ia lakou, a lilo hoi ia i mea e kau mai ai o ka inaina o ko lakou haku maluna o lakou no ka hooikaika ole i Tca huli ana. . Ke aneane loa ae la ka manamana kuhikuhi hora o ka uwaki 1 ka manawa e hookoia ai o ka hoopa'i i kau ia maluna o John Trent, a ke nana aku i ke Kiaaina iloko, o keia manawa, ua hele oia a haikea, aohe kohu kanaka ke nana aku, he kepolo ka hoa e kohu ai, a ua hoi akt! la oia noloko o kona rumi, a pani mai la i ka puka a paa. 0 ka wahine hoi keia ke waiho-a-make mai la no oia iloko o kona iumi, me na kauka lapaau e hoopuni ana i na aoao o ka moe, e haawi ana i ko lakou ike lapaau apau i mea e loaa ai ka oluolu ame ka maha o ka mea ma'i, eia nae, aole ia mau lapaau ana apau e hiki ke hoala mai i ka makuahine o ke kamalei i nalowale. A ina no paha o ke Kiaaina kekahi e fke pu nei i keia ano o kana wahine, aole no e nele kona manao ua hala aku oia ma kela aoao o ka make, aka nae ua huna loa ia keia kulana kupilikii o ka wahine mai ke kane mai, malalo o nakuniu kupono i hoomaopopoia, he pono e hana pela. He elima wale no minute i koe, a kani mai ka uwaki no ka hoike ana mai i ka manawa e lewalewa ai o ohn Trent, a me ka milimili hoi a 11 a Kiaaina la maluna o ka amana li kanaka o ke aupuni, ame ka amana a ka poe na lakou i aihue ia Kalode, eia nae, aole he wahi lohe i hoea mai imua o ka makuakane o ke kaikamahine, e hoike mai ana la hoi ua ikeia, a ua loaa paha ka momi, a me ka milimili e huli ia nei, he ole loa no. E like no hoi paha me na makuakane makee i ka mea aloha he keiki ke ake ana aku e lohe mahu'i i kau wahi mea e pili ana no ka mea i nalowale, pela iho la no ke ano o Kiaaina Hukina iloko o keia mau minute o ke kupilikii. Ke nana mau la oia me ke kiei ana ma ka puka aniani, me ke ake ana e ike aku i kona mau kanaka e hoi mai ana e hoike i ka* mea hou hoolana manao, eia nae aole wahi mea a maalo iki mai o kekahi mea, a ua hele oia a piha me ka luuluu ame ke kaumaha e noho la i keia manawa. laia i kiei hope aku ai no waho me ka manao no o ka hoi mai o na makaikiu me ka meahou e hauoli ai o kona manao, ua kani mai la ka uwaki, i ka hora i kau ia ai o ka make maluna o ke kanaka paahao John Trent, a na ia mea i hoohuli ino mai i ke kino nui o ua Kiaaina la a nana aku, la i ka uwaki, a pelu koke iho la i kona mau kuli iluna 0 ka papahele m'e ka haliu ana o kona mau maka iluna a pule aku la 1 ke Akua me ka naau mokumokuahua: "E kuu Akua e hoopakele ae i kuu keikil E hoopakele ae i kuu keiki!" me ka leo kuwo maoli oia a ka maka'u kui'o i ke Akua e waiho Ia i keia mau leo nonoi no ke ola o kana kaikamahine. Ke noke la oia i ka nonoi ana i ke Akua me ka ehaeha maoli o kona naau, ua piha he umi minute o kona uwalo ana imua o ka Mea iaia o ke ola ame ka make, no kana wahi kaikamahine; a na ke kikeke ana mai o kekahi mea ma kona puka i hooki ae i kana pule ana. laia i hele aku ai e wehe i ka puka o ka rumi ana e noho ana. ike aku la oia i ka luna paahao hapauea e ku mai ana, ka mea hoi nana i kikeke mai i ka puka, ua hele na maka a kunahihi; me he mea la i uhaiia mai e kekahi pualikoa nui, a e ke kepolo paha. Alakai ak« la ke Kiaaina Hukina i ka lunapaahao noloko o ka rumi a hoonoho aku la iluna o kekahi noho e pili kokoke ana me kona a ninau aku la: "I hele mai nei anei oe e hoike ia'u, ua pau kau hana i ka hookoia? Ua make anei ua kanaka la?" Kulou iho la kc poo o ua lunapaahao la ilalo me ka luliluli ana, a loihi, ua ea ae la kona poo iluna, a pane mai a me ka leo haalulu: "E kuu Kiaaina maikai, i hele mai la au imua ou, aole no ka hoike ana aku no ka hooko pono ia o ka'u hana, aka no ko'u waiho ana aku imua ou i ka'u palapala waiho oihana. "Aole au i hooko aku i ka'u hana maluna o ka paahao i keia la no ka mea ua mahuka aku oia i ka po nei, a ua noke au ame ko'u mau kanaka i ka huli iaia aole ona loaa iki, a ua piha loa ia au i ke kaumalia, 110 ka pakele ana o ke pio malalo o ka'u malama ana. "Ina oe e oluolu ana e lawe aku i kuu palapala waiho oihana, alaila, e hauoli auanei au iloko o ko'u mau la hapauea, no ka ike ana ua aponu mai oe i ko'u waiho ana aku i kuu hana, no ka hoohemahema ana i ka hilinai i papahi ia mai maluna o'u." Nana pono aku la o Kiaaina Hukina i kona kokoolua, iaia e hoike mai nei i keia mea hou; me ke kahaha nui o kona naau, a i ka maopopo ana iaia o na mea apau, ua holo aku la oia imua a paa aku la i ka lima o ka hapauea luna paahao, ana i hilinai &i no kona hoopono i na makahiki lehulehu i hala aku, a pane aku la: "E ktiu kauwa hoopono, no keia mau makahiki he kanakolu-ku-mamalima kou noho lawelawe ana malalo o keia hana ano nui, aole loa i loaa he mea nana e hapala ae i ka maemae ame ka holopono o na hana i hooko ia e oe, a na, ia mau hana i huki aku i kuu puuwai apau e haawi i ka hilinai piha ana maluna ou; a hiki wale no i keia minute a kaua e kamailio nei. "E ke kauwa hoopono, na ke Akua e hoopomaikai mai i kou mau la elemakule, a ke apono aku nei au i kau palapala waiho oihana." 1 ke Kiaaina no i hooki koke iho ai i kana kamailio ana o ka manawa no ia i kani mai ai o ke kelepona, e hoike mai ana i ke nuhou hauoli, ua loaa ke kaikamahine a ua Kiaaina la, i na makaikiu iluna

0 ke kaaahi, a eia ma ke alahele no ka home no ka halawai pu ana me na makua e waiho nei iloko o na haawina o ke kupilikii. Ua loaa aku o Miss Kalode i na makaikiu iluna o kekahi kaaahi, ua haalele ia e ka poe kolohe ma kekahi hale hoolulu he kanaha mile mai kahi aku o ke Kiaaina. Ua lilo keia mea hou i hoikeia mai i mea e hooluolu ia ai na manao uluku o ke Kiaaina, a ua hoola maoli ia hoi ka ma'i o kana wahine, mamuli o ka ike hou ana i na maka o kana lei aloha, aka no ka paahao 1 mahuka ame ka poe na lakou i aihue ia Kalode, aole i paa i ka hopuia, a haalele wale aku ka mea kakau moolelo i na makaikiu e noke nui ana no i ka huli. KA HOPENA.