Ka Nupepa Kuokoa, Volume XLV, Number 42, 19 October 1906 — HOI HOU MAI KA HOKUAO NO HONOLULU NEI. [ARTICLE]

HOI HOU MAI KA HOKUAO NO HONOLULU NEI.

Mamuli o ke komo nui o ke kai ame ka lawa kupono ole o ka lanahu e hoohana ai i na pauma, ua huli hoi hou mai la ka mokuahi Hokuao (Morning Star) no Honolulu nel. Ma ka auwina Ia o ka Poakahi nei 1 hoea mal al oia rto Honolulu nei, a ke mo-ku mal nei no ma kona wahi mau. Ma ka Poalua aku nei o kela pule i haalele iho ai oia ia Honolulu nei, me ka manao ana e holo no Eealile, kahl ona e lilo ai i ke kuaiia. He maikai ka makani laia i holo ai, a ua loaa he ISO mau mlle i hoio ia i ka la mua. I ka lua mai o ka la, ua emi mai ka a i ka 120 mile, a oki loa mai hoi 1 ke kolu o ka la. Ma ke kakahlaka Poallma i hoike aku ai ka wiliki i ke Kapena, i ka poino ke hoomau aku ka moku i ka holo ana no ka mea, ua nui mai ke komo ana a ke kai iloko jb ka moku, ua loaa he umi-kumamawalu iniha i ka hora hookahi, a ina e hoomauia ftku ana ka holo ana o ka moku, alaila aole e hoea ana i Kapalakiko o ke piholo no ia. Ua ae koke mai ke kapena i keia noi a ka wiliki ,a hoohuli hou mai i ka rfioku no Honolulu nei, kahi e hana hou ia ai kona pilikia i hiki ai ke hoomau hou aku ma kona alaheie moana.