Ka Nupepa Kuokoa, Volume XLV, Number 42, 19 ʻOkakopa 1906 — SIR FIODOA "KA NAITA OPIO O BAVARIA." Ka Hoopakele o ka U'i Konelia. [ARTICLE]

SIR FIODOA "KA NAITA OPIO O BAVARIA."

Ka Hoopakele o ka U'i Konelia.

MOKUNA XVI. ILOKO O KA HANA —HE NU HAUOLI. Me ko ka Naita Opio nana ole no kona kulana iho, *me ko na pualikoa mau luhiehu e kuku mai ana, ua hiki ole iaia ke uumi kona mau waimaka e halo'ilo'i mai ana ma kona mau lihilihi maka. ka Moi wale no ka i ike mai i keia ano o ka Naita Opio, a aia no hoi kekahi i loaa aku i ka loku ana o keia manao, nona na kulu waimaka 1 hoohaniniia e ka opio, aka nae, aole i lilo keia mea i mea e hoemi iho ai i ka mahaloia o ka Naita e ko ke alo alii. "A eia kou kokoolua. Ma kuu ola ana, oia nei kekahi o na koa wiwo ole. Ho, ho! ua loaa ia'u na kanaka kupono no ko'u puali. E kuu mau keiki —Imua!" Imua pono o kekahi kula oneanea, e waiho lahalaha mai ana kahi 1 hookaawaleia no ka hookahakaha ana i na pualikoa ia kakahiaka, a malaila kahi o na pualikoa nona ka huina nui o na koa i hiki aku i ka elua kaukani kahi i kuku ai iloko o na laina ma na puali like ole; a ia lakou i ike mai ai i ka Moi ame kona mau ukali e hookokoke aku ana imua o ke kahua hookahakaha ua hoomaka mai la na puali e maki 110 ka hookahakaha ana. Ina puali e maki mai ana imua ma na laina, ua ku i ka hiehie ko lakou mau kulana ke nana aku a o ka Moi Federika ka mea i hooho ae i kona manao mahalo maoli no ka nani ame ka hiehie o kona mau pualikoa; eia nae i ka manawa i haawiia mai ai o ke kauoha no ka hoihoi ana i na laina loko o ko lakou mau puali pakahi iho, ua ike ia aku la ka huikau ana o na pualikoa, a hiki ole i ke lii koa nana e lawelawe ana i na hana hookahakaha, ke hooponopono i keia pilikia. Ke hakilo pono loa la no ka kakou koa opio i keia hookahakaha ana o na pualikoa, a ke ike la oia i kahi o ka hewa nana i hoopohihihi i ka ike paikau, o ke alakai o na pualikoa, a ke nalu wale la no ia iloko ona iho, ina paha nana e hookele kela puali nui me kona mana piha e liaawi ia mai ana iaia, ina ua hiki loa iaia ke houpau i kela pilikia iloko 0 ka imo ana a ka maka. Ē noonoo ana no oia no keiai mea, pa-e ana no ka leo kahea o ka Moi Federika: "E ke Konela!" me ke kuhikuhi pu ana aku o kona lima imua o ke kahua hookahakaha, a hoomaw mai la: "Ua hiki anei ia oe e Fiodoa ke hele e hooponopono i kela pilikii?" I ka poha pōno ana mai o keia kauoha ma na pepeiao o ka kaua Fiodoa, ua huli ino mai la oia imua o kona Haku Moi, a o ka pii ana ae o kona lima ka mea i ikeia aku, oili mai la oia maluna o kona lio me he pua la i hemo aku mai ke kakaka aku, a o ke ano no hoi paha o ka lio i noke ia i ke a'o a makaukau e kona kahu, nui ole ka hana, a pili ana o Fiodoa ma ka aoao o ka Mekia. M.amuli o ka loaa ana o na liikoa kiekie ae i ka ma'i ua haule ko laua alakai ana ina pualikoa ma keia hookahakaha ana, a ua kaa | malalo o ka Mekia ke ko'iko'i o keia hana nui, a imua ona ka Naita Fio doa i hoea aku ai. "E ka Mekia" i pane aku ai o Fiodoa me ka oluolu ame ka paa rula o ka oihana koa. "Ma ke kauoha a ka Mea Kiekie, ka Moi i hele mai la au e hooponopono i ka pilikia o ko pualikoa." "E hooko aku ia kauoha, a ke haawi aku nei au ia oe i ka'u mau hoomaikai ana. Aole e hiki ia'u ke hana aku i mea e pau ai keia pilikia." Alaila, unuhi koke ae la o Fiodoa i kana pahikaua e ka'ilewa ana ma kona aoao, a o ke poha aku la no ia o kana kauoha, me ka leo moakaka, e haawi ana i na kapena o na puali like ole; me ke ko'iko'i ame ka mana. I ka manawa i poha aku ai o keia leo kauoha mai ka Naita Opio aku, o ka manawa no ia i niniu ae ai o na koa ma ko lakou mau laina,»a komo ana iloko o ko lakou mau puali iho me ka eleu ame ka mikioi, a e ku ana hoi o Fiodoa ma ke poo o ka puali holookoa, me na maka kuoo e nana aku ana i ka hooko pono ia ana o kana kauoha. Na ke kulana Naita oiaio, ame ke ano o ka haawi kauoha ana i kaili okoa ae i ka puuwai o na pualikoa ana e paikau ana ia manawa, a he eleu maoli ke ano o ka paikau ana e kaili maoli ia aku ai ka manao mahalo o ke alo alii ame ka lehulehu apau e makaikai ana i ka hookahakaha a«a. "E nana oe," i huli mai ai o Fiodoa imua o ka Mekia, iaia i ike aku ai i ka holopono o kana paikau ana, a pane aku la: O keia kekahi o na puaiikoa maikai loa i loaa ia oe maluna o kekahi kahua kaua, ahe mau kanaka koa io maoli lakou au e haaheo ai. Aka ea, mai ae aku e hoohuikau hou ia lakou," a hoohuli mai la oia i ke. poo o kona lio no ka hoi ana mai imua o kona Haku Moi; oiai i ka Naita Opio. Eia no ka Moi Federika ame kona mau Kenerala ke hakilo aku nei i na hana hookahakaha, mai ka mua loa mai o na hana a hiki wale 1 ka haalele ana aku o* Fiodoa, a he liookahi a lakou mea i ike ai. oia ka lua ole o ka mana i loaa ia Fiodoa ma kana mau kauoha, ka mea nana i haawi i na kauoha, e hiki ai ke hoopau ia ai ka pohihihi o ka Mekia 1010. "Pehea kou nianao e Severine i kela hana a Fiodoa?" i ninau aku ai ka Moi Federika i ka punahele ana. "He hookahi no a'u mea e olelo ae ai nona, ua hanau maoli ia mai no oia ma ke ano he Kapena." "Pololei mai la kau koho ana. Ho, ho! ua loaa ia 5 u ka pono oke kapa ana aku ika opio, na'u ponoi. Ua haawi.mai kuu hoahanau maikai o P»avaria iaia na'u, a ua apono mai no hoi oia i ka hana a'u i haawi aku ai nana. Aole oia wale no, aka e hoopaa loa mai ana wau iaia a lilo loa mai na'u, malalo o kekahi hipuu oi ae o ka paa, e makili hou ole ai, ke komo ke'ake'a oleia mai nae hoi ko'u mau manao e kuu hoaīoha." • Imua o Wetinaboro ka moi e huli nei o kona alo iaia e kamailio ana eia nae, aole he hoolohe mai o ke duke i ka ia nei mau olelo ame ka ianei nana ana aku, a huli hou mai la no ka Moi a kamailio pu me Severinc, a hiki wale i ko Gio<loa hoea ana mai imua o lakou. "Heaha ka pilikia me ka puali koa," i ninau aku ai ka Moi ia Fiodoa." "O ka pilikia i loaa aku nei ia'u oia no ka ma'i ana o na aliikoa na laua e malama na hana hookahakaha o keia la, a eia malalo o ka Mekia ka puali holookoa. He kanaka makaukau no oia i ka paikau ana, a ina oia wale no ame kona puali ke paikau ina aole e loaa kela huikau a kakou i ike maka aku nd no ka ike ana mai nei paha hoi kekahi i ka nana aku o ka Moi, pela i pilia loa ai oia i ka pihoihoi. "Ua nui loa kana mau kauoha e haawi ai i ka manawa hookahi, a pela i lalau ai kona mau kanaka, aka manao nae au, aole oia e hana hou ana i kela hewa." "No keaha kou mea i manao ai pela? i ninau hou aku ai ka Moi.." "No ka mea hoi, ua hoomaikai mai nei oia no ko'u hele ana aku nei e kokua iaia, ina he manao ku-e kekahi ona no'u, ina aole oia e haawi mai i na olelo ohaoha o ka hoomaikai." "Ua pololei io oe e Fiodoa, a ua lilo no hoi kela paikau ana mai nei au i kela pualikoa i mea no'u e haaheo ai no kou akamai."

He hookahi no pane a ka Naita Opio, no keia mau olelo a ka Moi oia kona kunou ana aku me ka hiehie; a hookuene pono hou iho la ua Moi la ame kona mau ukali no ka makaikai hou ana i na hana hookahakaha o ia |a. I ke kani hou ana mai o ka leo o ka o-le ua hoomaka mai la ka nee ana o na pualikoa imua, a he ku i ke kilakila ke nana aku i ko lakou kulana paikau, a ua lilo hoi ia i mea no ka Moi e haaheo ai i ka ike ana aku i kona mau kanaka e nee ae ana me he la e maki ana lakou imua no ka halawai ana me ka enemi. Aole he mea a ua Moi la e hoohalahala ai i kona mau pualikoa, aole hoi i* ko lakou paikau ana, a i ka pii ana ae 0 ka puali a Fiodoa i hooponopono ai ke hakilo pono loa la laua me ka Moi i ka lakou paikau ana. "Ua pololei 10 oe," i pane mai ai ka Moi Federika, i ka pau ana o ka mahelehele ana o na pualikoa. "He puali maikai io maoli kela, a ke lana nei kuu manao ,aole loa e loaa hou ana he hewa ma ka lakou paikau ana ma keia hope aku." Ua hele no hoi ka la a kau ma na piko o na iaau ma ka aoao komohana, huli hoi aku la ka puali holookoa no ko lakou mau wahi, a o ka Moi hoi me kona mau ukali, ua hoi aku la lakou no ka pa alii. "M<> a'u oe e hele pu ai," i kamailio aku ai ka Moi ia Fiodoa, ia laua i lele iho ai mailuna iho o ko laua mau lio. A i na kahu lio i hoea mai ai no ka hoihoi ana i na lio o ko lakou mau haku noloko o ka hale lio, ua pane aku la o Fiodoa ia Gotibe: "E noho pu oe me kou mau hoa kahu lio me ka makaukau i na manawa apau e kaheaia aku ai oe," a huli ae Ia oia a hele pu aku la me ka Moi noloko o ka halealii. "Ina aole au i kuhihewa," i pane aku ai o Federika ia Fiodoa, ia laua i mamao aku ai mai ko laua mau hoa mai. "E loaa ana ia kaua i keia po kekahi hoaloha, au hoi i kau nui loa ai e ike. Ua hiki nae paha ia oe ke koho wale mai i ua hoaloha la a'u e manao nei ?" Haalulu ae la ua Naita nei me ka mae ana iho o kona helehelena no ka mea, o ka u'i Konelia wale no ka hoaloha a kona puuwai e loku ana ia manawa a ka Moi i ho.omahu'i mai ai i kana ninau. Aka no ka m/.nawa pokole wale no ia mae ana iho o kona helehelena, alaila haka pono aku Ia kona nana ana maluna o ka Moi a pane aku Ia: "Aole e hiki ia'u ke pane aku i kau ninau e ka Moi. Ua hoole mai kuu puuwai i ka inoa o ka mea ana e hiipoi nei." "No ke aha mai hoi ke kumu?" "A, ua loaa pono mai la ia oē ka mea oiaio. Ae e kuu keiki, ke kapa aku nei au ia oe he keiki na'u, no ka mea he kuleana ko'u e kapa aku ai ia oe pela; a ike iho no hoi oe la e hoea mai ana ko makuahine ianei i keia po, a e hui pu ana kakou me ia. "He leta kana i kakau mai ai ia'u iloko o kela mau la ekolu ae nei i hala, e hoike mai ana eia oia ma ke alanui e hoea mai ai i o kakou nei." "Alaila o kou wahi anei e ka Moi kona wahi e kipa mai ai:?" "Ae, o kuu halēalii nei kaoa,puuhpnua e malu ai, a hiki i kou haawi ana aku iaia i home nona i kupono i kona makemake. A e kuu keiki, e lilo auanei keia—Auwe! aole ka ou hoolohe mai i ka'u mau olelo." "He oiaio hoi ia, o, e kala mai oe ia'u! Aka—o kuu makuahine! Ua liJo kona inoa i mea al<?ha na'u, a o ka halawai pu ana aku me ia i keia po, ka mea nana i hoopiha mai i kuu uhane me ka hauoli. Aka e hoolohe aku ana au i kau mau olelo, a ke hoohiki aku nei au imua ou." "Aole—e kali kaua a hiki i ko kaua hiki ana aku i kalii t lohe ole ia mai ai ka kaua mau olelo alaila kamailio aku au i na mea e pili ana i ko makuahine. "Ua hoea mai oia mamua iho v o ke awakea o keia la mai Munika mai i ukali pu ia mai e na puali o ka poe kalepa, ame na puali koa no no ka ka hoopuipui ana mai i ko'u mau pualikoa. Aole na Bavaria i hoouna mai i keia mau koa, aka he mau kanaka kahiko no lakou no'u, ka mea nana i paniku mai nei i ke alahele. "Ua hoolala oia i kona manao e uhai aku mahope o kou meheu i kou wa e hele ai ma kau huakai, a o keia wale no ka manawa kupono I iiiua loa ana i manao ai e loaa iaia ka palekana o ka halawai ana mai 1 me oe. Ua hoea io mai nei no hoi oia me ka maalahi ame ke ola kino' maikai." Ma keia wahi o ka laua mau kukai olelo ana, ua hoea aku la laua ma ka lanai o ka halealii i hoonani ia hoi kona mau anuu alapii me na pohaku ma-bala, a ma keia wahi i huli ae ai ka Moi a kamailio aku la i kekahi mau olelo i kona Kenelala, alaila hoopa aku la i ka poohiwi o Fiodoa, a o ko laua komo aku la no ia. Mamuli o ka hoomaopopo aku i ke ano o ka hana a ka Moi' e makemake nei, oia no ka lawe ana aku ia Fiodoa e hoikeike imua o kekahi anaina hanohano kakaikahi. Ua lawe aku la ka Moi i ka kaua Fiodoa, a hoonoho aku la iaia iloko o kekahi rumi ma-lu oloko o ka halealii, a ke piha loa la o Fiodoa me na manao kahaha no na mea e halawai mai ana me ia iloko o ke anaina ona e laweia nei e hoikeike. Ke noonoo la oia no na mea i hanaia iloko o na hora he kanaha-kumamawalu i hala aku. I Mailoko mai o ka pouli aaki o ka po, ame ka poino he nui e hoo-! puni ia ana e ka poe ohumu kipi e imi ana e hoopilikia i ke ola o ka Moi ame kona mau kapena koa, i aha'i aku ai oia i ka lono iwaenakonu o ka po no ka hoopakele ana i ke ola o ka Moi ame kona mau hoaloha apau, a pela i pii mai ai oia mai ke kulana haahaa mai a i ka hanohano ame ka hilinai ia; oia. kekahi 0 kona mau manao e nalu ana iloko ona iho. Ke loku la iloko o ,na pana ana a kona puuwai ke aloha o ka u'i Konelia, aka nae, ua papa lokoino ia mai kona upu ana aku no ia haa-

i wina kilakila, a ma keia wahi i kahamaha mai ai ka Moi i kana m ar 1 mea e noonoo ana. ! "E Fiodoa ka opio koa, ke hoonoho aku nei au ia oe maloko iui . keia rumi, a aole no au e li'uli'u loa hoi hou mai 110 wau," a haaiviv 1 iho la ka Moi iaia e noho hookahi." Kulou iho la o Fiodoa me ka paa ana ae o kona mau linm r\f : kona poo, a halialia niai la na hoomanko ana no kona luaui niakuai hine; ke hoonana wale la no oia i ka ikiiki o ke aloha nona, a holoh, ;,, ae la oia ia loko o ka rumi me ka leha ana aku o kona mau maka irawaho oka pukaaniani iluna oka lewa lani. laia nei e hoonana nt; j na hakukoi hakuikui ana 4 ke aloha o kona mama, me he mea la kr . kau pu la no ke akaku o kana ipo aloha Konelia ma ka aoao o k. makuahine. Hakuikui hou mai la oloko o ka u'i Konelia, me hc uwiuwiki i ;i no ka manaolana ame ka hauoli. Na kekahi uhane anei i hookom,, mai i koia manaolana iloko ona? He hookahi nae niea maopopn 1 ~,t oia no ka awili pu ana o na hoomanao ana 110 kona makuahine anir kana mea i aloha ai, a me he mea la e i okoa mai ana 110 ia mau ha'.i'ali'a ana, ua pau ko kaua kaawale ana, a e huipu kaua iloko o na hau«.i<. ana a ka pana ana a ko kaua mau puuwai, no ka wa pau ole. O keia iho la na manao ana e hakoko ana—a komo ana 110 k:i Moi me ka ihoiho kukui e paa ana ma kona lima, a pane mai la: ''Aole anei oe i manao e kuu keiki, he mau buke maikai loa keia au i waiho iho nei nau e heluhelu ai? Ua poina loa ia nae au eia k.t ua napoo ka la, a ua poina loa ia 110 hoi au i ka noonoo ana ae i ru inea apau, no ka lilo loa paha hoi kekahi o ko'u nianao nou—llo ka hana e kali mai la no ka, halawai ana mai me oe. E kuu Fiodoa, mai nolio oe a ninau iki mai ia'u i kekahi mea e liiki ana no ka'u mau nua e hoike aku ai ia oe. "Eia au iloko o ko'u manawa oka hauoli i keia wa. I na niea kaua e kani poha paapaaina mai nei ma kahi mamao, a ke ike maoli aku paha kuu mau maka i na aina nui i huiia e ala kaua ku-e mai ana ia'u, e lilo ana ia mau mea i mau mea no'u e hoopilikia ia ai, aka nae. ina ua mohala maikai ko'u manao ame ko'u noonoo, aole loa lie n;au mea' na'u e maka'u ai, nolaila ea e noho hou iho oe ilalo." Ua noho iho la o Fiodoa ilalo, a pela no hoi me ka Moi, a ke noke la ua Moi la i ke kolikoli i ka ihoiho kukui alaila pane aku la: MOKUNA XVII. MAI KA OLINOLINO O KA LA, A I KE AO OMALU lIAKUMAKUMA. "Malia paha ua manao oe ua maka'u au 1 na pilikia ano ole, a e hoopau aku ana au i kou pohihihi ma ia mea. Oka mua loa o ka'u mau mea i makemake ai e noi aku ia oe oia no kou wehe ana ae i kou lole oluna, a hoikeike mai i ko lima akau ia'u, oia hoi i ka hapa maluna." Puiwa koke ae la o Fiodoa no keia noi a ka Moi. "Ha! wahi ana i pane aku ai. "E emi uiai ana ka paha oe ; ka mea pohihihi e pili ana i kela ke'a? "Malia hoi o hiki ia'u ke wehewehe aku i ke ano." Wehe ae la o Fiodpa i kona lole olima, a waiho wale ae la kor:a lima akau imua o ka Moi, a mawaena o ke kuekue lima ame ka pooliiwi, e kau keha ana he ke'a bolu nui, i like ka nui me ka manamanalima nui. a he ku no i ka maiau ka hanaia ana. Paa mai la ka Moi i ka lima o ka opio, a hoomalamalama aku la i ka ihoiho kukui, Ke nana la oia iua hoailona la, me lie la nae aia kona noonoo i kahi e kahi i lalau ai. "Ua lawa ae la ko'u ike ana e Fiodoa," i pane aku ai ka Moi me ka leo oluolu, a me na maka mohaha maikai i maa ole iaia i ka nana ana. "Ua olelo mua aku nei au ia oe," i loli ae ai ka leo o ka Moi ma kana kamailio ana mai—malia paha ua hiki iau ke wehewehe i ke ano o keia ke'a. Aole au i manao o keia ka manawa a'u e hoike aku a\ ia oe i kona ano. Aole, aole—he mau hana okoa ka kaua o keia nianawa, a mai luliluli mai oe i kou poo. Ika wa pono au e hoike aku ai ia oe jno keia mea. Aka e kuu keiki, ua makemake an e haha aku ia loko o j kou puuwai. Ua komohia oe iloko oka pohai o kekahi lede opio au i ike ai iVa u'i ame ka maemae o kona apo. Ake mae mai la kou hele* helena!" "E ka Moi," i hooho mai ai ka opio. "Heaha la ka manao o kau mea e iini nei? E hoike aku no au i kahi o kuu puuwai i ku ai. ina 0 kou makemake ia." "Ua makemake loa ia hoi au e ike." "He oiaio, ia oe i hoopuka mai nei i kela lede u'i a maemae, ua manao anei oe no Konelia Wetinaboro kau mea e kamailio ana?" "Ae, nona ia mau ano pilipaa." "Alaila no ua lede la kuu puuwai. Aole e hiki ia'u ke hoike piha , aku ia oe ike ano o kuu aloha ana iaia. Ua maopopo no nae ia oe. ko'u hoopakele ana i ka u'i a'u i aloha ai ame kona makuakane mailoko mai ona lima ona powa o Bohemea. Ma ia hoopakele ana a'u ia laua, ma kona aoao au i kau pu aku ai maluna o ko laua kaa. "Ua halawai pinepine no au me ia mahope mai—a ua halawai ait 1 a ike i ka nui o kona aloha no'll, aka, ua hoehaeha ia nae kona puuwai no ka paa mua ana i kekahi aelike ka mea a kona makuakane i hoao ai e mawehe ae. aka ua hiki ole. He pono anei ke ku-e ia aelike pela?" "A e kuu keiki," i pane mai ai ka Moi me na minoaka ana ma kona helehelena. "Aole loa oe e lilo i loio. a oki loa aku hoi ka lilo ! ana i lunakanawai. Ua nui loa ka pihoihoi o kou noonoo, i alakai ia hoi e na manao oloko ou." I (Aole i pau.)