Ka Nupepa Kuokoa, Volume XLV, Number 41, 12 October 1906 — O'EIA KA WAHINE A GEORGE GEAR E KA PIPI. [ARTICLE]

O'EIA KA WAHINE A GEORGE GEAR E KA PIPI.

Ua halawai ae ka wahine a George Gear me kekahi ulia ma kc kakahiaka Poalima aku nei ma ko laua home mawaho o Kaimuki. He mau pipi waiu ka laua e malama nei, a he mau pipi keiki liilii. Ma ka la i hoikeia ae la maluna, ua makemake iho la o Mrs. Gear c uwi i kekahi pipi, a i mea hoi e hoi ai ka pipi makuahine iloko o ka hale kalii e uwi ai i ka waiu, ua hoopaa aku la oia i ke kaula ma ka a4 o ka pipi keiki, me ka manao aia a komo ka pipi keiki iloko o ka hale, alaila hele mai ka makuahine, eia nae, aoie pela ka manao o ka pipi makuahine. Ia Mrs. Gear e hoopaa ana ike kaula ika pipi keiki, ke nana mai la no ka makuahine, a manao mai la paha oia e kolohe ia ana kana keiki, ua holo mai Ia oia a o'e ia Mrs. Gear me ke kiloi pu ana iaia maloko o kekahi pa okoa aku. Ua loaa no he mau palapu iaia» aole nae he mau eha kukonukonu. Ua kelepona koke ia mai o Mr. Gear, ilalo nei o ka Aha hookolokolo, a ua hoomoe koke ia ka Aha. eia nae ia Gear i hoea aku ai i kauhale e moe ana no kana wahine. aole nae i nui loa ka eha e hoopilikia ia mai ai ka noonoo.