Ka Nupepa Kuokoa, Volume XLV, Number 41, 12 October 1906 — SIR FIODOA "KA NAITA OPIO O BAVARIA." Ka Hoopakele o ka U'i Konelia. [ARTICLE]

SIR FIODOA "KA NAITA OPIO O BAVARIA."

Ka Hoopakele o ka U'i Konelia.

MOKUNA XV. %A HOOHEWALE AME KE KOA WIWOOLE— KA HOOKAHAKAHA. . I ka hiki ana aku o laua nei i ka halelio, kahi hoi i hoopaaia ai na lio o na poe ohumukipi i pau ai i ka hopuia, loaa aku la ka lio punaheie o ua Naita la e ku mai ana me kona hiohiona mohaha a eleu no hoi, a pela no hoi ko Kolieba lio. Ikawa i lohe ai ke kanaka malama lio ua makemakeia keia mau lio no ka huakai hookahakaha a ma ke kulana hoi he mau ukali no ka moi, o ka lilo aku la no ia o ua kanaka la i kana hana, e palaki ana hoi a palahinu na hulu, a e kope ana noi i na huelo ame na hulu a-i, a i ka pau ana o kana hana, he nani hoi kau oua mau lio la. lCau na noho, komo na kaulawaha, a īa laua nei no a kau ae iluna o ko laua mau lio, wawalo ana ka leo o ka o-le, t haehae ana i na paia lani. MOKUNA XVI. ILOKO OKA HANA—HE XU HAUOLI.

Ia niau la ke nana aku i ka Moi Federika ka Nui. he koa maoli xio oia, a oiai no nae aole no ona puni hoonaninani ma na aahu, aole no j oia i nele ika hooponopono ana iaia iho. Mahope no nae onala o, }ce kaua, e hookala ana hoi ke kila me ke kila, a e panai ana he koko no ke koko, ua noho iho oia me ka hoomaopopo ole i ke ano o kona aahu ana. 'He mea ke nui īa ka moi no kona hooponopono ole iaia iho, a ua kau aku hoi na manao o na malihini e kipa aku ana i ona la, t ike aku ana iaia e noho mai ana me na aahu kumukuai nui maluna o iona kino alii; eia nae, ua hoohokaia aku lakou. I kekahi wa, iaia e hele holoholo ana iloko o kona kulanakauhale, ua kuhihewaia aku no oia he wahi kanaka no kuaaina mai, a na ka hooho a ka poe e ike ana i kona helehelena e hoike ae, o ka moi ka ua kanaka la i manaoia he walii kuaaina. Ua laweia aku na olelo nema a lohe kona mau pepeiao, a i kekahi manawa, iaia e luakaha ana me kona mau aliikoa, e hoopuka mau ana oia i keia mau huolelo: "He Aupuni ko'u na'u e malama iho, a o oukou hoi o na wahi pauku kino liilii o oukou ka Qukou e hanai ilio. Nolaila. mai hoohemahema oukou i ka malama ana." 1 keia kakahiaka hoi, e hekau ana na hiohiona o ke kaua, a e maki ana hoi na pualikoa like ole no ke kahua hookahakaha, ua iho mai ia ka nioi me ekolu o kona mau ukali punahele ma na anuu alapii maba!a o ka hale alii, a aia no hoi ko lakou mau lio ke alakai ia la no kahi 3 lakou e kau ae ai. Ma ka haawi hoailona ana oka moi, e hookaawale aku la o Kenelala Severina ame ka Duke o Desau, a koe iho la ka Duke o Wetinaboro e hele ana ma ka aoao o kona haku alii. "E kuu haku duke," i pane mai ai o Federika, me kona hoomeamea oie iho, "aohe o'u makemake i kou nanaina. Ua hele mai nei oe imua o'u me he kanaka la i loohia ina ehaeha he nui. Heaha keia ou?"

"He oiaio, e kuu hakui pane aku ai kla duke/ me kona hoao ana ae e minoaka, "ua hauoli loa paha oe i ke kilo mau ana i ko'u ano." "Aole pela! Aole o'u hakilo ia oe. Ua nana aku au a ike. E, ke nana aku au ia oe ua like oe me kekahi kanaka 1010, a hiki ole hoi ke kamailio, e like me ka pohaku. Heaha keia ou?" "E kuu haku, e kala mai ia'u, a o ka'u noi haahaa keia imua ou, a mai hoao oe "

"Eaha ana oe!" i kahamaha aku ai ka moi me kona hapai ana ac i kona lima, a hookau aku la nialnna o ka poohiwi o ka duke me ka piha aloha. ,k I kamailio aku nei au no ka mea ua ike no au ia meā, ano ia mea, ua hiki no hoi ia'u ke kokua aku ia oe. Eka hoaloha, ona mea anei e pili ana mawaena o von Alenadofa ame kau kaikamahine u'i na mea nana e hookaumaha nei i kou puuwai, pela anei ?" Me ka puiwa nui o \Vetinaboro i kau aku ai kona mau maka maluna o ka moi, aka aole ana pane.

4, H0. e kuu Wetinaboro maikai. ua hiki loa ia'u ke ike i na kahoa&a a wehewelie aku i ko lakou mau manao, a ua ike no au i ka moolelo piha o ka'u mea i ninau aku nei nou. Ma ka inoa o na anela niaemae o ka lani, aole loa oe e haawi i kela Hma maemae o kau kaikamahine i kela kanaka hoohewale a piliwale!" 14 A, e kuu haku, oka wai i hanini aole loa ia e hoi hou iloko oka pakeke. Oka aelike i hanaia, ua kakau pulimaia'e ko makuakane "

"Heaha ka'u e nana ai ia mea? Ikawa i make ai kuu makuakane, oiai e paepae ana kuu mau lima i kona poo a hiki i ka aili ana ae o kona aho hope loa, ua holoi ae oia ina hana hewa apau i hiki ke holoiia. A ke ha'i aku nei au ia oe, o kela aelike au oia kekahi o na mea i holoiia.

Ke manao nei no anei oc ua punukuia oe a paa loa e hiki ole ai ia'u iho ke wawahi iho?"

"E kuu haku," i hooho ae ai ua duke la iloko o ke kaumaha. me kona mau lima hoi e puili iho ana ma kona umaiuna, '.'e ku ana au ma ka aoao o ka moe make o Kauna Hamona von Alenadofa. Ma na lima o ua kanaka la i hiamoe aku ai ko'u makuakane no ka wa mau loa a hookau aku hoi maluna ona i ka aelike i hanaia, a hoomauia mai maluna o'u. Ama ka aoao oia moe make i kahea ia ae ai ka Makua Lavi e hooia iho i ua aelike la, a lawe iho la au i ka hoohiki, i hiki ole ke wawahiia iho, e hoomau aku i ka hooko ana i ka makemake o kuu makuakane; a ua lawe mai no hoi au a panai aku ma ua hoohiki la i ko'u hanohano naita ma ke ano he uku ina au ma ko'u aoao e ukahi ilio iua aelike la me ko'u ike no ame ko'u manao maoli no. Ua maopopo ia oe. eka moi. ke kulana i keia manawa; He hookahi wale no hooilina o Alenadofa; ahe hookahi no hoi o Wetinaboro. Hookahi o keia mau hooilina he opiokane, a hookahi he opiowahine." "Aka," i panai koke aku ai o Federika, "ia oe i lawe ai i ua hoohiki la ua manao ia e puka mai ana no he hooilina hou no Alenadota?''

"Ac. Ia wa e ola ana no o Faranicia von Alenadofa—kuu hoaloha maikai loa! Pela no hoi me kana wahine—he wahine maikai a oluolu no hot. Eia nae ua make aku !aua a waiho iho ia'u ame Bereterama iloko o ke apo o ua hoohiki la. Nolaila, e oluolu oe e hoopau iho i keia knmuhana a kaua. Aole e hiki ia oe ke noi māi ia'u e wawahi ilio i keia hoohiki!" M Ao!e—aole loa au e hana pela; aka he iini ko'u e alakai aku ma kekahi alahele okoa e hiki ai ke kapaeia ae ua hoohiki la. E hoike mai i kou manao. Ina aole he mea e ae nana e koi ana i ka lima palupalu o kau kaikamahine, pehea la kou manao ina e haawi aku i ua kaikamahine la i wahine na ka opio koa wiwoole o Bavaria—Sir Fiodoa ?" Auwe iho la ua duke Ja, a pane mai la: u Ma ke aloha o na* lani, e kuu moi t mai hoopuka hou mai oe i kekahi mea e pili ana no ia niea! Aole loa—aole ioa e hiki ke hanaia akHpela!' r "Auwe no hoi oe! Ua hiki loa ia'u ke ike aku aia kou puuwai ke haku'i pono ole nei no ka Naita Opio o Bavaria/' i pane aku ai ka moi, me na minoaka e halii ana maluna ona. "Uwoki—uwoki!" i hooho ae ai o Wetinaboro, me kona haahilu, a naeiki no hoi. " Aole i maopopo ia oe ka nui ehaeha i loaa mai i kuu puuwai mamuli o kau mau olelo i puana mai nei. He oiaio, ua haawi «ku kahi i kekahi i kona puuwai iho—oia hoi o Fiodoa ame Konelia—

Ima ia hana ana a lana pela, kc noho kaumaha nei laua! Ua kauoha īleu au i ka opiokane e haaldc iho i kona noonoo ana no Koneiia. i Keia kakahiaka no, a ua haalele ae oia ia'u me kona naau kaumaha. no ka mea ua hoike aku nei au iaia i ka'u hoohiki; a ua haalele aku nei no hoi au i ka'u kaikamahme iloko no o ka ehaeha, me kona noi mai e make oia e pono ai! Aka heaha ka'u e hana'i? Maiia o haia ae he manawa a o ke ola no ia o ia mau naau ehaeha. a ** "A," i kahamaha aku ai ka moi. i ka wa i kunana ilio ai ka duke. "a e waiho no oe i keia mea iloko o ko'u lima. Aole au e koi aku ana ia oe e wawahi i kau hoohiki hemolele loa, e hoopakele no au i kau kaikamahine mai kela pilikia nui. Aka mai hookaumaha i kou noonoo. E hana ana au a e huli ana au i aiahele e pau ai keia mea. Aote au e hoihope ana ma keia mea. aua ike no oe i ko'u ano, Ha! eia na Ho o kakou. Ano, aia hoi ihea kuu ukali opio? E hoohoka mai ana anei oia ia'u?" *Ke manao nei au. aole paha oia i makaukau," wahi a ka duke i pane aku ai. Aole paha ona makemake e hoike mai iaia iho me ka loaa ole o kona aahu kupono no ke kulana i loaa aku iaia. a ua ike no hoi au aole i loaa iaia ka manawa kupono e imi ai i aahu nona. E hoomanao iho no hoi oe i ka po nei iho la no kou hookohu ana aku iaia." "Ae—ua maopopo ia'u ia mea." wahi a ka moi, iaia i hopu aku ai i ka makuu o kona noho. a iaia i lele ae ai a kau iluna o ka noho. pane hou mai la oia: "Ke manao nei au ua ike aku la au iluna o ka helehelena o ka opio i kona ano he hikimua ma na ano apau, a aole hoi he hoihope. Ua koho hewa anei au ma keia " Mamua o ka pau pono loa ana o kona manao ua kahamahaia oia mamuli o ka nee ana mai o kekahi mea me ka hiehie nui. a e hu ana hoi ka makani—a aole i li'u iho. ku ana ka naita opio ma ka aoao o kona haku, me kona kulana nani a hiehie me kona aahu i kupono no kona kulana, ame ka haahaa. i hapai ae ai oia i kona lima a kau ae la

ma ka laulau o kona papale, a pane aku la: "E. kuu haku, ke hoike aku nei au no ka hana. Ua kali au no ka leo o ka o-le." '*E kuu opio koa luaole! Sir Fiodoa! Homai ko lima! Pela! Ma ko'u aoao akau oe e hele ai a malaila kou kahua i na manawa apau, a ma ia kulana e hiki ana ia'u ke hawanawana aku ia oe i na manawa apau a'u e makemake ai." 'Aole 1 i)an.)