Ka Nupepa Kuokoa, Volume XLV, Number 38, 21 September 1906 — KOMOIA KA RUMI O KEKAHI MAU KAIKAMAHINE KEPANI. [ARTICLE]

KOMOIA KA RUMI O KEKAHI MAU KAIKAMAHINE KEPANI.

I kekahi mau kaikamahine Kepani elua e moe ana iloko o ko laua rumi ma ka hale ma'i ma' Hilo, ua puoho ae la laua mai ko laua hiamoe mai, mamuli o ke komoia ana o ko laua rumi e kekahi mea ma kela Sabati aku nei. I ka manawa ana kaikamahine i lohe ai i ka nakeke oloko o ka rumi ua ala koke mai la laua mailuna mai o kahi moe, a holo mai la e hopu i ka mea komohewa, ua paa aku kona kuka i ka hopuia e na kaikamahine, a pahemo mai ke kino mai o ka mea komohewa, a pakele aku no ke kolohe, aka nae o ka papale ame ke kuka, ua loaa aku e waiho ana malalo o ka puka aniani. Maloko o kekahi o na'ekeeke o ke kuka i loaa ai kekahi pihi o ka poe hana, a malaila i loaa ai i na makai ka ike no ke Poko Riko ua pihi la, nona ka inoa o Juan Ontis. I ka manawa i hopuia ai keia Poko Riko, uā ae mai la oia nona ke pihi*, aka, ua komoia nae kona kuka ma kela po i komoia ai ka rumi o na kaikamahine Kepani e kekalii Poko Riko okoa aku, Santiago Crande kona inoa, ka mea i hemo koke mai nei no mailoko mai o ka halepaahao. Ua hoomaopopoia ae ka papale ame ka paa kamaa, no Santingo ia mau mea, a ua waihoia aku la kona hihia imua o ke Kiure nui no ka ninaunau ana, a ua hoopaapu ia ae no hoi o Ortis no ekolu mahina malalo o ke kaki aeahaukae.