Ka Nupepa Kuokoa, Volume XLV, Number 38, 21 September 1906 — MAKE O JOHN DAND, MAHOPE IHO O KONA HOOPAKELE ANA IA WILL CAMPBELL. [ARTICLE]

MAKE O JOHN DAND, MAHOPE IHO O KONA HOOPAKELE ANA IA WILL CAMPBELL.

Ma ka Poalua aku nei o ka pule i hala, ia Will Campbell e au ana i'.oko o ke kai ma Hauula ae nei, Mokupuni o Oahu, ua loohia iho la, oia i ka cramps (kahuli ka uala) a hiki ole ke au hou, e ikeia aku ana kona ano pihopiho, a ia manawa i wehewehe koke ae ai kekahi kanaka Hawaii nona ka inoa o John Dand i kona lole, a au aku la no ka hoopakele ana mai ika mea i loohia ika poino. Me ka hooikaika no 0 Mr. Dand i kaualupe mai ai ia Will Campbell a hiki i ka hoea ana mai ika aina. Mahope iho o kona hoomaha ana no kekahi mau hora, ua huli hoi aku la oia no kona home ma Punaluu, maluna o kona wahi kaa. Aole no i mamao ia holo ana aku ana ua haule honua iho la oia a make loa. O ke kumu o kona make ana, ua manaoia mamuli no ia o ka ma'i puuwai, a mamuli paha hoi kekahi o, ka hooikaika ana e hoopakele Ika haole poino. Palekana mai ka mea i hoopakeleia, a poino aku hoi ka mea nana i hoopakele.