Ka Nupepa Kuokoa, Volume XLV, Number 36, 7 September 1906 — NA ALAKAI KALAIAINA KUPONO OLE. [ARTICLE]

NA ALAKAI KALAIAINA KUPONO OLE.

O ka hoopaa ana o na alakai kalaiaina ia lakou iho malalo o na aelike e like me na alakai o ka Apana £ha ame ko ka Apana Elima ma ka mahele ana i na moho Junakiai ame na moho hoa ahaolelo, ina ua hana io lakou pela, e like ine ia i pu-a ae ai, alaila, ke pane kanalua ole nei makou, he mau alakai lakou e poino ai ka pono o ka lehulehu, no ka mea, aole ana e hiki ia lakou ke hana i ka pono pililaula o ka lehulehu a i ole i ka pono o ka hapanui loa o ka lehulehu, oiai, aia ka aelike ke koi hala ole mai la e hanaia na mea i aelikeia a aole na mea mawaho ae; a ma ia kumu i kupono ole ai lakou. He nui na wawa ana. o Alakai Lane ame Luna Alanui Johnson ame Lunamakai Balaunu, ka poe oia ano ma kekahi olelo ana, he poe wale 110 lakou e imi ana i ko lakou ikeia aku he poe aia i ka heke, he poe e imi ana i ko lakou iho me ka nana ole i ka pono i'o maoli. A oka poe alakai .i hoopaa ole ia lakou liia ka aelike, ke manao nei makou o lakou na alakai kupono e oni ae ai, 110 ka mea, aole lakou i punukuia e na aelike pilikahi. Aole keia i pili i na aelike kahuahana o na aoao kalaiaina, no ka mea, he mau mea lakou i waihoia ma ke akea iloko o ka ahaelele nui, kahi e kananaia ae ai ke kupono ame ke kupono ole o na ikamu.