Ka Nupepa Kuokoa, Volume XLIV, Number 27, 6 July 1906 — KA ALUMNI O SANA LUI. [ARTICLE]

KA ALUMNI O SANA LUI.

Eia na haumana i hemo o ke Kula o Sana Lui ke hoolala nei e kukulu i wahi punana no lakou, elike hol me na haumana o Kamehameha i kukulu ai i ko lakou ma alanui Papu ae nei. Ua manao ia e kukulu i keia Ahahui o na haumana i hemo ma ke ano hui e paa ana malalo o ke x kumuwaiwai o $5,000. a me ia mau dala e kukuluia ai ko lakou punana. Ua loaa no ke kahua i manao ia ai no ke kukulu hale ana, o ke kumukuaPua maopopo no. O na komike huli dala i kohoia oia o qf. A. Long, W. H. Crawford ame J. A. Thompson, a ua hiki no i kela ame keia haumana i hemo ke hookupu ae i $10 no ka mahele hookahi. • Ma ke kohoia ana o na lunanui,, ua loaa ae keia mau keonimana: Jarnep L. Holt, peresidēna; P. Gleason, hope-pe-residena ekahi; Rev. Makua Stephen, hope-peresident elua; H. P. o'Sullivan, kākauolelo, ohi dala, ame kakauleta; C. H. Rose, puuku; D. Kalauokalani, Jr., M. G. K. Hopkins ame M. K. Cook, na komike hooiaio buke; W. Welsh, makai. O na komike kumau i kohoia o ia iho keia: Komite Hoolaulea—C. A. Long, lunahoomalu; A. Eaptiste, J. A. Legros, B. P. Zablan ame C. H. Rose, kakauolelo. Komike o na Lealea Hooikaika Kino — J. A. Thompson, lunahoomalu; P. J. Ja.rrett, A. O. Otremba, J. C. Lane ame P. Gleason, kakauolelo. Komike Huli—John F. Cowes, lunahoomalu; F. L. Stack ame H. P. o'Sullivan, kakauolelo. Komike Hulihana —D. Kalauokalani, jr„ lunahoomalu; M. K. Cook ame P. Gleason, kakauolelo. O ka waihona o ka hui i keia manawa he $243. Ma ka. hookuku kinipopo o ka la Pokiulai iho nei, ua haule o Maile ia Kamehameha, a o Oahu hoi ia Punahou. Ma ka Poakahi nei I holo aku ai ka mokuahi Kinau. aole hoi ma ka Poalua elike me ka mau. No ka Pokiulal o Hilo ke kumu o. ka holo koke 'ana.