Ka Nupepa Kuokoa, Volume XLIV, Number 22, 1 Iune 1906 — KA MOKU HEIHEI LA PALOMA. [ARTICLE]

KA MOKU HEIHEI LA PALOMA.

Ma na hoike i loaa mai nei maanei e pili ana no ka moku heihei Hawaii La Paloma. ua maopopo na kumu e kona lohi. I ka lua o na la mai ka aina nei aku ua ikeia ke komo ana o ka liu, a hooponoponoia me ka hoomau no i kana huakai. Ua halawai oia me ka pohu, a komo no hoi iloko o ka ino nana i luaiele iaia i o a ianei: eia nae. ua puka mailaelae aku oia a komo i Kapalakiko me na wahi poino liilii. Ua loaa pu mai no hoi ka hoike huahelu o na mile i holo ia e ia i kela a:ne keia la, a ma ia hoike ua holo ia he 2939 mile iloko o na la he 29. Penei ua hoike helu la: 127, 150, 127, 40, 240, 100, 45, 69, 89, 116, 137, 68, 150, 102, 126, 130, 145, 95, 116, 12, 112, 107, 116, 75, 112, 92, 164, 109 ame 56. Ua hoike pu ae 110 hoi o Kapena Mosher i kona mahalo nui no ke kulana o keia moku ma kana huakai. Ma keia hoike helu no hoi e maopopo loa ai, ma kela hoike hoolele hauoli mai Kapalakiko mai, aia no o La Paloma ke holo la aneane e hiki aku i ka elua hapakolu o kana huakai oia hoi he 1874 mile mai Honolulu nei aku, a o ka umi-kumamahiku hoi ia o na la i holo ia.