Ka Nupepa Kuokoa, Volume XLIV, Number 21, 25 May 1906 — E LIIA ANA O JOHNSON. [ARTICLE]
E LIIA ANA O JOHNSON.
E liia ana o Frank Johnson, kela haole pepehi keiki o Waialua, ma keia Poaha ae. Mei 31. Ma ka Poaono ilio ne'. i kakauinoa ae ai o Kokua-Kiaaina Atkinson i ka palapala kauoha li-ka-naka. O keia ka pepehi kanaka manaonao loa i hanaia ma Hawaii nei iloko o keia au hooponopono aupuni Amerika, a o ka poe apau i ikemaka i na haawina a ka limakoko i hana ai maluna o Simeony Wharton ,ame ka moolelo i hoolahaia ma na nupepa, ua kau iho ka haawina eehia me ka manaonao no ia mea. Ua hoala koke ia na manao like ole maluna o keia karaima, a ua manao kekahi poe ua hanaia keia mea mamuli o na noonoo uluahewa o ke kanaka, a maluna no hoi o ia kahua i ka wa hookolokolo i lealele ai o John son i kona ola; eia nae ua hiki ole iaia ke alo ae ,i ke kanawai, a o keia hooholo ana o ke Kiaaina e make oia ma keiu Poaha ae, o ka panina hope loa ia o keia hana manaonao.