Ka Nupepa Kuokoa, Volume XLIV, Number 20, 18 Mei 1906 — KA IKAIKA O NA EKALESIA MA NA HOAHANAU NO 1905. [ARTICLE]

KA IKAIKA O NA EKALESIA MA NA HOAHANAU NO 1905.

O keia mau huahelu malalo iho nei ka mea nana e hoike ae i ka ikaika o na Ekalesia like ole ma Amerika Huiia no ka makahiki 1905. Na Kauka Carroll keia hoike a ua hoolaha ia ma ka nupepa Christian Advocate. Ma ia makahiki i hoike mua ia ae nei o ka nui o na hoahanau he 31,148,445 ua like hoi ia me 519,155,ka oi ae i ko ka makahiki 1904. Penei ka mahele ana i keia heluna o na hoahanau: Kakolika Roma, ekahi, 10,785,491 hoahanau, ua like hoi la me 192,122 ka oi ae; Mekokika, elua, 6,429,815, oi ae, 101,892; Bapekike, helu ekolu, me 4,974,047, oi ae, 72,667; Hoomana Lukela, helu eha me 1,841,346, oi ae, 51,580; Presbyterians, helu elima me 1,723,871, oi ae, 26,174; Na Haumana o Kristo, helu eono, me 1,235,294, oi ae, 1,428; Epikobola, helu ehiku, me 827,127, oi ae, 19,203; Ekalesia Huina oia no hoi ka hoomana a na makua misionari i lawe mai ai i Hawaii nei i ka 1820, helu ewalu, me, 687,042, oi' ae, 13,321; Hoomaemae (Denemaka ame Kelemania), helu eiwa, j me 405.022, oi ae, 4621. Ma ka nana ana ae hoi i na pakeneta oi, ua haule na hoomana nui o na hoahanau i na hoomana liilii a koe na hoomana Mekokika ame Kakolika Roma. Penei ke kulana o na hoomana | ma na pa-keneta oi; Lukela, .028; Epikobola, .023; Ekalesia Huina, .019; Kakolika Roma, .017; Mekokika, .015; Presbyterians, .015 Bapetike, .014 Hoomaemae, .008; Na Haumana a Kristo, 011, | Me he mea la o kekahi hapa o ka ikaika o ka Hoomana. Lukela mamuli no ia o ka nui o na poe e komo nei ma Amerika mai ka aina puni ole o Europa. O na hoomana Mekokika ame Bapetite aia ka ikaika o ka laua hana iwaena o na Paele o ka Hema a he ikaika loa laua ma ia huli. O ka pii ae o na hoahanau o ka Hoomana Bapetike ma ka Akau, kahi hoi i hiki aku ai ka nui o na hoahanau i ka 1,075,833; he 4,864; aka o ka Hoomana Mekokika ma ka Akau he 2,910,779 ka nui o kona mau hoahanau ,a o ka oi ae he 62,857. Ma ka nana ana'e i keia hoike ua hiki ke kapa iho he hoike hapa keia, oiai aole i komo mai na hoomana Sal vation Army, Moremona Mare Lehulehu, Moremona ku-e Mare Lehulehu, Hoomana Naauao Kristiano, Iudaio, (Hoomana Poaono), Hoomana Aahu Keokeo, ame kekahi mau hoomana e ae.