Ka Nupepa Kuokoa, Volume XLIV, Number 17, 27 ʻApelila 1906 — E KII ANA I MAU LIMAHANA PILIPINO. [ARTICLE]

E KII ANA I MAU LIMAHANA PILIPINO.

Ua mahui wale ia ae ua koho ae nei ka Ahahui o na Poe Mahiai o kakou nei ia Alfred P. Judd. Jr., (Kauka Opio) i komisina e holo aku ai no Pilipine no ka huli ana i poe limahana no na mahiko o Hawaii nei. He hana keia na mahiko o Hawaii nei. He hana keia i manao ia na O. H. Stevens ame Lunanui, Fairchild o ka Mahiko o Makee. e hooko aku, aka ua hoole like ae !a laua. Ma keia lono i loaa ae. me he mea la ina keia America Maru e ku mai ana ianei 'keia pule ae e holo aku ai o Mr. A. F. Judd, Jr., ma kana mi- ' siona. Aole i ikeia na poe Pilipine e hana ana ma na mahinaai. a nolaila. ua lilo aku ia hana i na Pake. a i keia < manawa, mamuli o ke kanawai hookapu i na Pake o ke Aupuni o Amerika Huipuia. ke pilikia nei ia oihana ma Pilipine. Ma na hana e ae, ua hoikeia he poe hana na Pilipine, a ua lilo ia i mea e mahaloia ai e na haole e noho nei ma ia wahi. He poe puni lealea : na Piiipine; aka i ka wa o ka hana he hana lakou me ka ikaika, a pau hele . no lakou i ka hoohakaka moa. hookani i na meakani ame na lealea e ae. a i ke kakahiaka nui aia iakou ma kahi o ka hana. Aole keia he lahui makemake I na hana lauiima. a he makemake no iakou e ukuia aku ko lakou mau ukuhana ma ka la. a aole hoi ma ka lima o kekahi mea okoa aku. aka na ka haku 1 ponoi no e uku aku i kela ame k£* a mea pakahi a lakou. He lahui punl hakaka no keia, a he hoomau 1 ka inaina, Ina ua loaa mai he meana kekahi e huhu ai. o ka make ka hopena e loaa ana ia mea.