Ka Nupepa Kuokoa, Volume XLIV, Number 15, 13 April 1906 — KA MOKUAHI MAUNA KEA. [ARTICLE]

KA MOKUAHI MAUNA KEA.

Ua kakauinoaia a'e ka aelike no ka hana ana i ka mqkuahi hou o ka Hui Mokuahi Holo Piliaina. ma ka Poalima i hala e Pere?idena James A. Kennedy, ma ka aoao oia hui, ame Hope-Peresi-dena Fredericks o ka Hui Hanahao Uniona o Kapalakiko. Ma ua olelo aeHke la ua hoikeia he 251.6 kapuai ka loihi o ka moku a he 37 kapuai ke akea. Ua hiki ke hoomaopopoia ka nui o keia moku ma kā nana ana'e ia Kinau, nona na kapuai loihi he 186 a o ke akea hoi he 32, ua like hoi ia me 65.6 kapuai ka loihi a'e o keia moku.hou a he 5 hoi kapuai ke akea a'e. E hanaia ana keia moku a nanl, a e hookomoia ana me na ano hou o kela au i laweia mai ke kii o ka mokuahi Mongolia. E paluaia ana olalo o ka moku. i mea e poino ole ai ka moku l ka manawa e iii ai iluna o ka puko'a. He elima ana paha ka nui o na oneki. a e hiki ana ka nul o na ohua papa ekahi i ka hookanl haneii me kanaono, a o na lumimoe apau e huli ana i ka oneki. He alua moe Iloko o ka lumi hookahi a he punee no hoi, a e nani ana na mea apau oloko o ka lumimoe. E hookomoia ana na lumi-moe apau me ke kukui uwila ame ka peahi na ka uwila e hooniniu. O na lumi-moe nunlii he umi kapuai ka loihi. Aia pu no hoi he iumi hoonanea nui me na pono apau no ka hoohauoli an» i na ohua a he lumi puhi paka no hoi kekahi ma ka oneki maluna loa. a iloko o ia. lumi he mau pakaukau ame kahi e hoolakoia mai ai na ohua e makemake ana e inu ti a i ole kekahi mau wai ona oie. Ma keia onekī no hol, mahope koke iho o ka hale kuhoe, maialla ana. kekahi mau lumi-moe no na aliimoku. oia hoi ke kapena, malama-moku ame ka hulipahu. O kahi o na ohua oneki aia ma ka oneki mua oka moku. E hanaia ana I lumlmoe no na wahine i makemake e 'moe kaawale, a mawaho a'e o keia he wahi akea no na kan.e. He mikini ku'e pakolu ka mea nana e hoonee i keia inoku. a*e biki ana kona hoio i ka umi-kumamalima mile i k a hora. B hiki ana i kela moku ke iawe he 600 tona ukana a ua manao ia ina oia e haalele ana ia Honolulu nei ellke me ka manawa holo o Kinau e hiki ana oia i Hilo i ke kakahiaka o kekahi la a'e. Ua kapaia ksia moku o Maunakea.