Ka Nupepa Kuokoa, Volume XLIV, Number 14, 6 ʻApelila 1906 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KEKAHI HUA 0 KA KUHIO HANA

Iwaena o na hana a ka Elele Alii o Hawaii. ka Hon. Jonah

Kuhio  Kalanianaole I noho hana ai a e noho hana mai la iloko o ka

Ahaolelo  Nui o Amerika Huipuia no Hawaii Teritori mai kona manawa

i hoomaka ai e hana a hlki mai la i keia mau la, o ka bila kanawai

haawina o $30,000 ana i hookomo ai iloko o ka Ahaolelo Nui,

kukuluia hoi no ka uku ana i kekahi mau hoolilo nunui o ka Ahaolelo

Teritori o Hawaii e pau ana i lune 30. 1907, oia kekahi hana i holopono

loa ma ka hooholo ponoia ana mai e ka Ahaolelo Nui e like me

ia i puka aku ai ma ka helu o ke Kuokoa.o ka pule i hala, oiai, ua

lilo ae ia i kanawai no Amerika Huipuia no ka pomaikai o ka Teritori

0 Hawaii, i pili loa nae i kona Ahaolelo; a makou i hauoli nui

ai i ka haawi ana i na mahalo kiekie i ka Elele Alii o ka Teritori

no kela lanakila i loaa iaia, he lanakila hoi e haawi ana i ka maikai

ame ka pono no ka lehulehu holookoa o keia Paeaina ma ka oihana

kaukanawai. E oi loa aku no ka waiwai o keia kanawai haawina

dala i holo mai la i ka Ahaolelo Nui ina e naauao ana ka hoohana

ana o ka Ahaolelo Teritori e noho mai ana i ke kau Ahaolelo o 1907,

mahope iho o ka pau ana o na koho balota ana o keia kau o Novemaba

e nee mai nei; a o keia mala!o iho nei ke kino o ua bila kanawai

haawina nei:

   "Na Hoolilo Ahaolelo, Teritori o Hawaii.

 

HAWAll NO HAWAII

"Hawaii no Hawaii:” he mamalaolelo maanau keia i ka hoopukaia

e na kanaka Hawaii, a ua lilo no keia mau huaolelo i mea e haiolelo

nui ia ai e kekahi poe alakai kalaiaina Hawaii ame kekahi mau

wahaolelo o ka lehulehu e hoolahaia nei ma ka olelo makuahine.

Ma na kalaimanao ana o na wa i hala a'e nei a hiki no i keia manawa.

Ua maopopo loa o ka manao nui o keia mau huaololo "Na ke

kanaka Hawaii no e hana no Hawaii"; aka o ka mea kupaianaha loa.

he hookah wale no aoao mailoko mai o ka hapanui i a'o nui loa ia

ai na kanaka Hawaii maluna o ka manao o keia mamalaolelo e na

poe kaIaiaina ame na wahaolelo no hoi o ka lehulehu, a oia aoao

he hoonui ino a hoopihapiha inaina iloko o na kanaka Hawaii. O ua

alahele la oia no keia: "Na ka kanaka Hawaii wale no e kau I na

kanawai no HawaiI. Na ke kanaka Hawaii no e lawelawe i na hana

aupuni. a o na kanaka Hawaii wale no ke kupono e noho ma na

nana aupuni:"

  Ke manao nei makou he mau a’o hewa loa keia I na kanaka Hawaii,

No ka mea. Aole o na oiwi Hawaii wale no ko Hawaii Nei mau

Makaainana.  Aka o ka poe apau I hookupaia a I hanau kupaia – haole.

Kepani a pela aku   Aole makou e hoohalahala ana no ke a’o ana e

Komo na kanaka Hawaii ma na lawelawe aupuni,, aka, ke manao nei

Makou he mea pono loa e hookahua pu ke kanana Hawaii ma ke

Anuu mua e hiki ai iaia ke pii ‘a’e a lio o ia I mea alakai I piha pono

Ii ka manao o ke poo-manao nona keia kinomanao.

     O ke anuu o ka naauao, ke manao nei makou aole he hoopaapaa

Ana malaila, no ka mea.  Ke aneane aku nei e kenekuria ka pono ma

Hawaii nei, a pela no hoi ka hoonaauaoia ana a na kanaka Hawaii

A I keia mau la aole e hiki ke hole a’e aia no he mau kanaka Hawaii

Naauao iluna o Hawaii Aloha. A o keaia anuu kekahi mahele e pono

E imiia e na Hawaii.  A e imi no a piha pono.

     O ke anuu o ka hoopono ame ka pololei o na aoao o ke kanaka Hawaii. 

Ke ninau nei makou, ehia iwaena o na Hawaii naauao o keia

Mau la e ku nei maluna o ia anuu?  Aole makou e hoohewahewa i

Ka olelo a’e he kakaikahi o lakou I kupono e noho mai ma na hana

Poo o ke aupuni, pela I kupono loa ai I ka huli ana I ka naauao a piha

Me ka lawa nae I na haawina o ka hoopono.

    No ka lilo mai i na kanaka Hawaii ka hana ana i na kanawai no

Hawaii. he ninau hoopaapaa ole ia:  no ka mea, ua haawiia mai e

Amerika Huipuia ka pono piha ia lakou a i ko ka Teritori holookoa

e hana i ko lakou mau kanawai  ma ka haawiia ana mai 0 ka mana

koho balota.

Ke manao nei makou aole he alahele oi ae o ka hanohano ame

ke pookela oi ae e kohukohu ai ke kanaka Hawaii e kaena iho a hoopuka

a'e me ka hoohewahewa ole "Na Hawaii e hana no Hawaii

aina.” a oia no ka huli ana 0 ke kanaka Hawaii a hana aku kona mau

lima maluna o ka lepo aloha o Hawaii.  mawaho ae o na kulana kupono

e hooponopono ai ia Hawaii ame ka ka noho mai ma na hana poo

o ke aupuni.

     He mea pono i ka oiwi Hawaii e kuonoono oia maluna o ka lepo

aIoha o kona aina kulaiwi, a e lawelawe ana he mau hana nui a hoowaiwai

iloko o ka aina ma ke alahele o ka pono ame ka pololei;  a

ina aole.  ua kupono na kekahi mea e rula aku iaia. a e rula i kekahi

mea e ae o na lahui e ae me ka nana ole owai la oia. he mea hoi i loaa

na haawina a i ole o kekahi paha o keia mau haawina i hoikeia a'e nei

ma kekahi olelo ana na haawina hakuhana.  Aole he kupono a pololei

na ka mea noho haku ole maluna iho o kana mau hana e rula mai

i ka mea waiwai a hakuhana, aka, e like me ko ka mea nele e noho

aku ai malalo o ka mea lako, a o ka pono ana o ka mea i lako oia ka

lako ana o ka mea nele ma kona hookauwa ana aku na ka mea i lako.

A ina he mau haawina maikai ka iloko o ka mea e hookauwa ana

iaia iho no ka mea i lako. Ua pomaikai ia mea, no ka mea. aia no he

ia nona e lilo ai i haku a hoopomaikai a'e ia i ka mea i nele elike me

kona ano mamua, a e heluia ai oia ma ka mahele kupono i hooaiaiia

ae nei.

     Ke manao nei makou o ke keehina maikai loa keia e hooliloia i

poo, a no na hana aupuni, he keehina elua ia a ke kanaka e imi aku

ai. no ka mea. ina i hiki i ke. kanaka ke hooponopono me ka pono

ame ka oiaio i kona pono iho, aole he hoopaapaa ana rio ka hiki iaia

ke hana aku no ka iehulehu. a o na hana aupuni no ka lehulehu ia.

A ina o na a'o ana o na kalaimanao kalaiaina o na au i hala aku nei

maluna 0 keia kumuhana a i hooikaika Ioa ia ma keia kahua a makou

e ku nei kikeke mau aku i na pepeiao o kakou HawaII. a i hookoia.

alaila. i keia la aole na hookuanui hooikaika ana me kakou.

aka, ua punihei na kanaka Hawaii ia mau a'o lalau ana, a o ka hua i

loaa mai o ia keia mau huaolelo kaulana i ka waha o na kanaka

Hawaii: "Lilo na maka i ka palaualelo, kalele ka noonoo i ke kuulala

i ka kaakaa ana a'e ka hana o na maka ua pau na aina i na haole

a ka poe hoonui ino e waha-a nei i pau ia lakou i ka 'aihueia.  Nowai

ia hemahema? Na na Hawaii no I ke a'o lalau i kekahi hoa Hawaii;

a na ka uhaai ke kumu i molakiia ai na wahi pono. a hiki i ke

kaa ole ana pau i ke kudala ia.

   O ke kupono loa o ka mamalaolelo "Hawaii no Hawaii." aole

wale no na kanaka Hawaii e like me ka makou i hooaiai ae nei, aka,

o na makaainana no pau loa o Hawaii Paeaina. mai na haole i noho

kupa a i hanau kupa ame na Pake i hanau maluna o ka lepo o Hawaii

ame na Kepani ame na lahui e ae i hanau ilaila i kulike ai me ke

kanawai hookupa o Amerika Huipuia; a maluna hoi olaila ka makou

kalele ikaika ana, a makou no hoi e kanalua ole ai i ka hoike ana

ua hana i'o no na Hawaii mai na oiwi ame na haole ame na Pake

ame na Iapana ame na lahui e ae i kupa iluna 0 Hawaii ua hana

i'o no lakou no Hawaii ke kumu o Hawaii Paeaina i holomua mau ai

a e holomua nei, a ma ia meheu no kakou e hoomau, aku ai e Pono

ai, oiai no nae, o kakou, Hawaii no ia e ano pupu nei I hope.

 

FIADOA

    Mamua o ka pulelo loa ana aku o “Kuliana,” kekahi o na moolelo

E puka nei I makahehi nui ia e ka luhulehu heluhelu o ke Kuokoa,

E hoopuka hapaia aku ana oia no keia pule ae me ka hoopuka pu ana

Ia “Fiadoa” ma ia manawa hookahi no ka moolelo hou no ke pani

Ana I kona makalua ke hiki aku I ka hopena, a e like me ka makahehiia

Ana o ka moolelo e pulelo aku ana, oiai, he nui na hoike manao

Ana I hoea mau mai I ke keena o ke Kuokoa a koi okoa mai no e

Hoololoa aku I na moolelo, pela makou e manaoio, nei o “Fiadoa,” kekahi

Moolelo hooni puuwai, e nele ole ana ka makahehi nui ia, a e

Nele ole ai no hoi ka loaa o na haawina a’o mailoko mai olaila.

     He moolelo keia mawaena o kekahi kauka ame kana haumana,

A iloko hoi o ka Anemoku puniole I ke kai o Europa.  A o kona mau

Anoai ame na pana ame ka nee ana o ka moolelo ma na mea apau,

Na kona mau puka ana aku no e hoakaka ae nona iho, a ma ko makou

Aoao, ke paipai aku nei makou I ko ka Paeaina e lawa mau I ke

Kuokoa, I loaa ai ka ike holookoa no na moolelo e puka nei ame ka

Ike mau ana I na meahou mawaho ae o na kalaimanao hoonaauao

Ana ame na mea like.   O ka makou e hooikaika nui mau nei oia no

Ka hoopuka ana i na hoomalamalama ni ka oihana nupepa.

 

     O ka hala ana aku ia o Hon. J. W. Keliikoa, o na Kona, oia ka

Hhala ana aku la o kekahi Hawaii ko’ik’I o ka Paeaina, a o ka hala

Ana aku la nohoi ia o kekahi kalaiaina Hawaii, he makamaka ko’iko’i

O na Kona, a o kona hala ana, @@ ia mea I hookau iho I na haawina

Kaumaha ame ka minamina maluna o kona mau hoaloha I pilipaa

A I ike nui iaia I like me knoa ohana I komo iho la iloko o ia mau

Haawina;  Oka hala ana aku o Keliikoa, oia ka waiho hakahaka ia

Ana iho la o ka noho oihana hope lunamakai o na Kona.  Kalana o

Hawaii, aka, iloko o ka manawa kupono e hoopihaia ai kona wahi

E kona pani.  Ma ka aoao o ke Kuokoa aole I nele kona komo ana

I loko o ka minamina no keia oiwi Hawaii ko’iko’I o ka aina.

 

He Mau Mea Hoohala Manawa.

“UA LOAA AKU LA IA OE!”

 

I kekahi ahiahi ua hoohanohanol aa’e

Ke pakaukau aina a Mr. Baraunu ma

Muli o ka hiki ana a’e o kekahi mau

Kahunapule elua o na hoomana like @@

No na’e

   O ka pule ana mamua o ka ai @@@

He mea mau ia ma ko Mr. Baraunu papaaina.

A ua lilo keia I hana na Mr. Baraunu, ina na’e aole he mau malihini

I hiki au ma kona home I ka

Wa e ai ai a I kupono hoi e haaw@a

Aku ka hoomaikai an@.

     Ma keia wa na’e mamuli o ka elua

Kahunapule ana iloko o ka hale. Ua

Kunana iho ia o Mr. Barunu I kana

Mea e haawi aku ai ia hanohano a e

Noonoo ana hoi he mea pono anei ka

Haawi ana aku na ke kahunapule.  Baraunu

E pule a I ole pa ke hkahunap@@@

Mekokika paha.

    I ka wa I ike ai ka Mr. Barunu keikikane

A he ehiku no hoi ona makahiki

Ia manawa o Bobi kona inoa.  I

Ke kunana ana o kona makuakane.  Ame

Ka hiki ole iaia ke koho I kana kahunapule

E haawi ai noho pololei a’e

Ia ola iluna o kona noho, a kuhikuhi

Aku ia I na kahunapule a I elue me

Kekahi o kona manamanalima, me ka

Puana ana a’e I keia mau olelo paani

A kamalii me ka awiwi:

    “Ini, meni maina. Mo

     Hopu I ka niga ma ka huelo

     Ina e uwe a’e hookuu aku,

     Ini meni maina, mo”

 A me ka puiwa nui I hooho a’e ai ke

Kahunapule Mekokika.  Oia! Ua ku aku

Ia iaia ke koho a ke keiki:

    “Ua loaa aku ia ia oe!”

 

PUIWA A HAALELE I KA LOKOMAIKAI

      He mau anakahiki ehua I hala a’e nei

Ua hele aku ia kekahi o no kiaaina o

Kekahi o na mokuaina o ka Hema no

Palm Beach Florida no ka hoohala

Ana I kekahi manawa malaila.  Ua hoi

Aku la oia a noha ma kekahi o na hotele

Nani o ua wahi la, a ua laweia

Aku la oia no kekahi mau @umi helu

Ekahi loa o  us hotele la.  E noho ana

Ua kiaaina la me ka maikai. A ola no

Ka manawa I kipa aku ai kekahi o kona

Mau hoaloha e ike iaia.

    “Maikai maoli no kela mau lumi I

Haawiia mai ai nou.”  Wahi a kona hoaloa

I pane aku ai.

  “Pela I’o,”  I pane aku ai ua kiaaina

La “aole he mau lumi maikai I loaa ia’u

Mamua aku nei elike iho la me keia ka

Lako pono I na mea apau a ke kanaka

E makemake ai.   Ua lawa mai ka lunanui

O ka hotele nei ia’u no keia mau

Lumi  a ua noho iho nei au e noonoo

Ina pha ua ike keia lunanu he kanaka

Ilihune no hoi au, a o keia mau lumi ua

Kupono no ka poe waiwai.  Heaha la

Ka auhau a keia poe e hookau mai ai

Maluna ou, ma kou noonoo iho?”

  “well, e ke kianaina.”  I pane mai ai

Kekahi. “ua luaa iki no ia’u ka ike no

Ia mea.  O ke kanaka hope loa I noho

Iho nei iloko o keia mau lumi, he peresidena

Oia no ka hui alahao o Nu

Ioka.  A ua uku oia he kanahiku-kuma-malima

Dala o ka la hookahi no keia

Mau lumi.”

  “Pela!” I hooho a’e ai ke kiaaina, “a

He kanalima wale no dala me a’u I keia

Manawa.   He mea pono ia’u ke haalele

Iho I keia wahi I keia wa no.   Aka, e

Kuu hoaloha, aole o’u makemake e hoike

Aku I keia poe no ka hiki ole ia’u

ke uku aku I keia auhau ko’u kumu o

ka haalele ana.  Nolaila.  Ina oe e oluolu

mai ana, e hele aku oe I ke kahua

hoolulu kaa’hi a telegrapa mai ia’u e

hoi koke aku no ko’u home.   E hui hou

no kaua ma ke kahua hoolulu iloko o

hookahi hora mai kela manawa aku.”

    I ka hiki ana o ua kiaaina nei I kahi

Hoolulu kaa’hi halawai aku la oia me

Kona hoalaoha elike me ka laua I aelie

Ai.

  “Ua loaa pono kuu telegarapa ia oe.”

I pane mai ai kona hoaloha.

  “Ae,”  I pane mai ai ke kiaaina me ke

Kaumaha o kona manao, “a ke manao

Nei au owau paha ke kanaka laki ole

I hanauia mai.  I ko’u hele ana aku

Keia e ninau heaha la ko’u aie heaha

La ka pane au I manao ai I haawiia mai

E ke kakauolelo?  Ua pane mai la kela

Ia’u aole o’u aie – a ua I pu mai no hoi

Kela ia’u he hanohano ia no lakou ina

Au I noho malaila no hookahi makahiki!”

     Ma keia na’e, ua puiwa e oia, a haalele

I ua hotele la I haawi lokomaikaiia

Mai iaia, mamuli o na olelo hoonuinui

A kona hoaloha.

 

OLELO HOALOHALOHA NO MISS KAHALE KAHOOHULI

     Mamuli o ka oluolu ana I ke Akua

Kiekia Loa I ka hookaawale ana I ka

La mai ka hale aku a Miss Kahale Kahoohuli ma Kapalama, Kulanakauhale

O Honolulu, Mokupuni o Oahua ma ka

La 17 o Malaki nei, a oiai oia kekahi

O ko makou hoa I uhaiaholo pu ai no

Ka hehei lani ma na wahi like ole;

    Nolaila:  O makou, o ke Kula Sabati

Holokoa o Halawa.  Apana o Ewa.

Mokupuni o Oahu, ma o ko makou komite

la, ke komo pu aku nei makou

me ka makuakane, makuahine ame ka

ohana I hoonele ia I ka lei ole, e kaana

pu I na inea o keia mau la a na “Owau

Mau” no e hoomama mai iloko o Kona

Lokomaikai palena ole.

  Ma o ko makou komite ‘la,

   MISS MARY MOSES,

   MISS MARY H. LUI

   MISS ROSE KALIMAPEHU

   MISS KALUA KEKA

   MISS ANNIE MOSES

   MISS KAAIALII KAAPUNI

   MAS. JOHN MAKANANI

   MAS. CHARLIE KEKA

   MAS. THOMAS PAHU

 

     Hanaia a kakauia ma Halawa, Ewa,

Oahu, I keia la 21 o Malaki.  A.D. 1906

 

HE IKE MAA MAU OLE.

 

LOAA KA POMAIKAI I KEKAHI POE O HONOLULU MAMULI O KA IKE I LOAA I KONA HOA MAKAAINANA

 

    He kanaka naauao ua kanaka la ke loaa

Iaia ka pomaikai mamuli o ka ike

I loaa aku I kona hoa makaainana ame

kona mau hoaloha.  Eia keia a oukou

e ike mai ai a’ o na kane, na wahine

ame na keiki o Honolulu nei I ke i

na ehaeha o ke kua, ame na haawina

kaumaha mamuli o ka poino ana o na

puupaa.  a i ole na ehaeha paha mai

ka hanawai ae, e hoike ae ai I ka ike

maa mau ole a e loaa hoi ka pomaikai

mai ka ike mai a keia hoa makaainana.

   Ua hoike mai o Rev. J. Nua o Kawaiahao

I kona manao I amakou maluna

O keia mau haale kuahaneenee

Ame puupaa a Doan.

  “Ua loaa ia’u ka ehaeha nui ma o

Ka ma’I la o na puupaa a’u hoi I manaolo

Ai ua loaa mai kela pilikia ia’u

Mamuli o ka hapai nui ana I na mea

Kaumaha I ko’u wa opiopio.  O na maeele

Ame ka eha ma kuu kua o lakou

Na hoailona e hoike ana I ke ano o kuu

Pilikia.  O keia mau pilikia o’u ua hoomaka

Mai lakou mai ka manawa o’u he 28

Makahiki, a hiki wale I keia manawa

Ua piha ia’u he 49 mahkahiki e hiki

Ole ai ia kakou ke hoohewahewa iho i

Ka loihi o ia manawa.  A iloko o keia

Mau makahiki I noho ai au iloko o keia

Ehaeha ma kuu kua.  Mamuli o ka hoomau

Ana o ka ehaeha o keia ma’I la’u

Ua kolia mai au e ike aku I ha kauka

Aole wale o lakou aka o ka ai ana he

Mau laau okoa aku alole nae he loaa iki

O ka maha ia’u e like me ka maikai loa

I lona ia’u mai na HUAALE KUAHANEENEE

AME PUUPAA A DOAN

mai.   Ua loaa maoli no ia’u ka maha

kamahao lua ole mai ka manawa a’u i

lawe ai I keia mau huaale.  Ua oluolu

maoli no ko’u uhane ma o ka lakou

hua maikai la I loaa mai ai ia’u he mea

ho no’u e malama mau ai ia mau huaale

iloko o ko’u poli ianei a I na aina

o ka hema ke hele au no ka oihana haieuanelio.

Aohe he laau lapaau kupono

Loa no na ma’I puupaa anie kuahaneenee

E like me na Huaale Kuahaneenee ame

Puupaa a Doan.

    E loaa no keia ano laau, na Huaale

Kuahaneenee ame Puupaa a Doan ma

Na halekuai laau a pau he 50 keneta ko

Ke pho, a he eono poho no $2.50.  E

Kakau mai ia Hollister Drug Co., na

Agena o keia laau ma Hawaii nei a e

Haokoia ne na kauoha @a ke kuike no

nae.

 

HOOLAHA KUMAU

Kakela me Kuke

[KAUPALENAIA]

---

Poe Kalepa ma ke Komisina

: A HE:

Poe Lawelawe Kopaa.

-

Poe Agena no na Ma hiko Lehulehu.

--

 

Kauka Mitamura

--

    E hooneeia ana kona keena oihana a

Ka helu 1412.  Alanui Nuuanu, ma ka

La I o Malaki, a e hoonee pu ana no

Hoi I kona wahi noho a ka helu 50.

Alanui Vinia, I ka lua iho o ka pukapa

Mai ke Alanui Nuuanu aku.

    No hora hana: - Hora 9 a.m. a 12 m.; 5:30 p.m a 7:30 p.m., koe ke Sabati.

Sabati. Ma ka hooholo ana.

Telehpone Blue 3466  P.O. Box 842.

 

Hui Alahao ame Ama o Oahu

MANAWA HOLO

Oct 6, 1904

 

MAI HONOLULU AKU

No Waianae, Waialua, Kahuku @@@@

Na wahi hoolulu ma @@ @@@@@

*9:15a.m 3:20p.m

 

No Pearl City, @@@ @@@@, ame na @@@

   Hoolulu ma ke alahao – x7:30 a.m.

   *9:15 a.m,, *11:05 a.m., *2:15 p.m. 

   *3:20 p.m., *5:15 p.m., t9:30 p.m.,

   x11:15p.m.

 

@A@ WAHO MAI

Ku I Honolulu mai Kahuku, Waialua

  Ame Waianae mai *8:36 a.m.

* 5:31 p.m.

Ku I Honolulu mai Ewa Mill ame P@@r

  City mai – x7:46 a.m., * 8:36 a.m.,

    10:38 a.m., *1:40 p.m., *4:31 p.m.,

    *5:31 p.m., *7:30p.m.

   * Kela ame kei la

   t Sabati wale no

   X Koe ke Sabati

4. P. DENISON,

  Lunahoohana.

      F.C. SMITH

      G. P. & T. A

 

EXTELL AME SHAW.

(Na pani ma ko J.C. Axtell makalua.)

Na mea hoopae a hana I na

KIA HOOMANAO AMENA

PA – HAO.

    Pau pu no hoi me ka hoomaemae

Ana I na pohaku kia hoomanao, ke

Kakau ana I mau olelo hou ame ke pao ana.

    Keena ae ka Pa, 1048.50, Alanui Alakea,

Telepona Helu 1801 Blue.

   Pahu leta Helu 642, Honolulu

 

Aila Lauoho

a Ayer’s.

 

he ai ia na ka lauoho.  He hoolako oia

I ka lauoho me kekahi mea I kupono

E loaa ina I makemakeia e maikai kona

Ulu ana.

 

  I ka manawa e maloo ai ka lauoho a

paakiki, mokumoku mai ke kumu, helelei

a I ole lilo ae I lauoho hina, ua

loaa mai ia mau haawina mamu@i o ka

loaa ole o ka ai kupono nona.  He mea

oialo o ka

 

AYER’S HAIR VIGOR

Aole ia he mea laweia maiako.  Mawaho

No ia e hamo iho ai, a nana e

Hooulu a hanai hoi I ke kumu o ka

Lauoho.

  He hoihoi hou mai kana I ka lauoho

A kona ano mua.  A hooulu mai hoi

I lauoho maikai a nui  He lauoho nani,

A lohi!

   Ina he makemake kou e hoomauia kou

Opiopio alaila e lawe ae I ka

 

AYER’S HAIR VIGOR.

  Ua hoomakaukauia keia aila lauoho e

Dr. J.C. Ayer & Co,., Lowell, Mass., U.S.A.

 

KE KUNU PAA MAU

    O ke kunu mau e paa ana mai ke

Kau kupulau a komo I ke kau wela he

Hoike ana mai ia aia he wabe pilikia

Iloko o ka puu a I ole iloko paha o ke

Akemama a he hana hewa loa ka hoohemahema ana aku ia laua.  O ka laau

Kaulana no ka hoola ana ia mea oia

No ka Laau Kunu a Kamelena (Chamberlain’s Cough Remedy), a he mau

Kulu waie no o keia laau o ke ola no

Ia a koe ka bila loihi a ke kauka a

Hoopauia ae paha kou pilikia I noho ia

no na makahiki loihi.  Kekuaila nei e

BENSON, SMITH & CO., LTD. Na

Agena ma Hawaii nei