Ka Nupepa Kuokoa, Volume XLIV, Number 10, 9 Malaki 1906 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, HONOLULU, T. H., POALIMA, MALAKI. 9. 1906.

TISIA O ATICA

KA WIWOOLE O NA

Wiwoole

 

Ke Ahikanana Nana I Ulaa ke Kanawai ka Make o Ciretia

 

MOKUNA V@@@

HUI MALIHINI MA KA LUAPAAHAO.

 

“E ka lede,” I hooho puiwa ae ai o Arienda, iaia I hanu nui iho ai ma keia Manawa.

“Ae, he wahine opio, ana paha e lilo aku ai i aloha na ke kanaka opio, nona hoi kahi a’u lawe ai no’@.”

            Alaila hanu nui iho la o Arienda, me he mea la aia ke kaumaha ke lou la iloko o kona puuwai no ke kanaka opio, aka, o na hiohiona owaho ka Tisia e ike la i na baawina o ia ano iloko o ka wahine.

            “A, e ka u’I hookah a’u i ike ai iwaena o na wahine apau,” wahi a Tisia i pane malie ae ai, me ke kaumaha iloko o kona puuwai, “aohe he lede opio hookah e uwe ai no’u i ka wa o’u e hala ai.”

            “Aole hookahi!” i hooho ae ai o Arienda me ka pihoihoi nui, e ake ana o ka lohe aku i ka paneia mai aole hookah lede opio.

            “Aole hookahi!” wahi hou a Tisia.

            “A aole no he lede opio au e minamina ai ina e hemo aku oia?” wahi a ka u’i o Ciretia i ninau hou aku ai.

            Hakapono aku la na maka o ke kanaka opio maluna o ka helehelena o ka a’i no keka@@ mau minuke a pane aku la me ka leo nahenahe:

            “E kala mai e ka lede maikai ia’u no ka’u mau olelo e waiho aku ana imua ou, aka, n aka pono i koi mai ia’u e olelo. A hiki wale i ka Manawa o’u i inu kena ai in a hiohiona wahine u’i o ke kaikamahine a ka Moi Mainosa, aole, he’inae nana i hoano-e i ka lana malie o ka pana o kuu puuwai. Aka, mai ka Manawa i umeia ai ka ike o kuu ma@ onohi maka i ona la ma keia auwina-la iho nei, mai ia manawa mai ka loli ana o ke pana o kuu puuwai.”

            “A ina e lanakila wau mai ka lua mai o ka make, alaila, he mea paakiki lo aka haalele ana iho ia Ciretia nei me ka hookuu ana ia oe ka lede nana i ume aku a lilo kuu puuwai. Aka, ina e make au, alaila, he make hauoli ana ia no’u, no ka mea, o na minoaka mai ia oe mai, o lakou iho la na hiohiona olioli o ko’u ala malu o ka make a’u e au aku ai.”

            No ka nui loa o ka olioli e hakukoi la iloko o Arienda ua puili ae la kona mau lima a kau iho la maluna o kona puuwai e kapalili ikaika la no ke aloha, me ka hilinai ana aku maluna o kona wahineukali Kalia a hanu nui iho la, a hala kekahi manawa o ka hamau iki ana ua pane aku la oia me ka leo nahenahe kaili puuwai:

            “E Tisia, ua ikaika anei kou manao e lanakila oe maluna o na liona?”

            “Ua ikaika kuu manaolana mamua, e kuu lede maikai,” wahi a Tisia i pane aku ai, “aka, i ka manawa i kaawale aku ai kuu pahikaua mai ia’u aku, alaila haka-nu iho la wau, e ake ana o ka loaa mai ia’u o kekahi kokua i loaa ai i pahikaua na’u no ka paio pu ana me na liona.”

            “A ina e loaa ia oe he pahikaua, manao anei oe e lanakila oe maluna o lakou?” i ninau hou aku ai ke kaikamahinealii no ka hoomaopopo hou ana i ka hoike manao o ke kanaka opio malihini.

            “Ke manaoio nei au e hiki no ia’u,” wahi a Tisia alii i kalele iho ai i kona leo.

            “A, e Tisia alii,” wahi a Arienda i pane aku ai, “aole oe i hoomaopopo loa i ka weliweli o na holoholona hihiu.”

            “E ka lede,” i pane hou aku ai o Tisia ia Arienda, “ua lohe anei oe no Polukula ame Perifita?”

            “O kela mau pilikua anei o ka puali o Korino kau e olelo nei?” i ninau aku ai o Arienda.

            “Ae.”

            “Ae, ua lohe au no laua..”

            “O laua a elua, na’u laua i pepehi aku a make me kuu mau lima ponoi no. Aohe o’u maka’u no na liona,” wahi a Tisia i wehewehe aku ai i kona manao.

            “A pehea, ina wau e haawi aku ana i pahikaua nau—i pahikaua nui kupono e hiki ai ia oe ke hu-na iloko o kou poli?

            “O, he manaolana nui kela, a e aa no wau e paio aku me na liona,” wahi a Tisia.

            “Ua hele mai nei wau i ou nei no ke kokua ana ia oe,” wahi a Arienda i hooho ae ai me ka olioli nui, a hu mai la kona hoomaikai no ke kanaka opio. “Ua hiki ia’u ke hoolako aku ia oe me ka meakaua, a ua hiki ia’u ke haawi aku ia oe i ala e hiki ai ia o eke puka maalahi mai ka lua liona mai ke lanakila oe.”

            No ka piha loa o Tisia alii i ka mahlo no ke kokua lokomaikai o ka wahine opio, ua kukuli koke iho la oia a hopu aku la in a lima o ka wahine opio.

            “Ma ke kale@nu o ka nohoalii kiekie loa, ke noi aku nei au ia oe,” wahi a Tisia i pane aku ai, “e ha’i mai ina n aka manao aloha e kokua ka mea nana i kono aku ia oe e hana me keia?”

 

NA KAA OTOMOBILA I LOAA NA MAKANA, KO C. C. VON HAMM MA KA AKAU. KO KA HOTELE HAWAII MA KA HEMA.

 

            “A ina he manao kokua wale no keia!” i hooho ae ai ke kaikamahi@@al@, “heaha kau pane?”

            “Malia e haalele no wa@ i ka lokemaikai i haawiia mai, a e hookomo aku ia’u ma ka manaolana i maopopo mua e anaiia mai ana n@’@.”

            “A ina hoi aole pela?” i ninau hou aku ai o Arienda.

            “O, e ae mai ia’u e koho wale aku ae, eia hei, he aloha.”

            “A e manao anei oe, e Tisia, aole e hiki ka puuwai o Arienda @@ hoona@@@? E hoomanao oe, ua hele mai kau mau olelo a ka mea i hiki ke panai aku i ka olelo hoopaa o ke aloha ol@lo.”

            Alaila puaho ae la o Tisia me ke ku ana ae iluna a anehe mai la e hele mai imua o Arienda, aka, ua ani ae la o Arienda i kona lima @ @ ike aku ana i ke kanaka opio e ku aku i hope, a ia manawa hookahi no i huli ae ai oia i kona wahineukali.

            E Kalia, e holo awiwi oe i kuu lumi-moe, a lawe mai i ka pahikaua a kuu makuahine i haawi mai ai na’u. Ua ike no oe i kahi i kau ai.”

            “Ae, e kuu hakuwahine.” Wahi a Kalia.

            “A iloko o ka pahu iliahi e kau la iiuna o ke pakaukau, malalo a ke aniani, e loaa ana ia oe kuu wahi pola niho-palaoa me ke poi @ula. E lawe pu mai oe ia mea. A hele oe-e paa pu aku i ke kukui @ei i malamalama nou, a e eleu no hoi ka hele ana. Awiwi a hoi hou mai.”

            Emoole ua nalo aku la o Kalia iloko o ka pouli, a noho iho la na opio a elua, me kahi kukui o ke kiai e hoomalamalama ana.

            “E ka lede maikai,” wahi a Tisia i pane aku ai ma ka manawa i hala aku ai o Kaha, @ua haawi mua mai na akua i keia hui ana o kaua me he moeuhane la. Aka, i keia manawa ka i’o maoli. E panai mai anei oe e kuu aloha?”

            “Me kuu kino ame kuu uhane apau.” wahi a Arienda i pane mai ai. “Aole au i hoomaopopo loa ia mea he aloha kane a hiki i kuu ike ana ia oe.”

            “A o oe no hoi e Arienda onaona, ka mea mua loa i ahai ae i kuu puuwai a hiki ole iho ia’u ke paa iho. Eia nae, he mea pono ia’u e haaleie iho ia Ciretia nei ka wa o’u e puka lanakila mai ai mai ka lua liona mai.”

            “A aole anei o Arienda kekahi e hele pu me oe?” wahi a ka ninau o ke kaikamahinealii me kahi leo malie.

            Me ka hikiwawe loa i lele aku ai ke Keikialii Tisia imua me knoa mau lima e hamana ana no ka apo ana aku i ka wahine opio e ku la imua ona, a panaiia mai la no hoi kona iini ma ka waiho ana mai o ua u’i nei o Ciretia iaia iloko o ka puili ana o Tisia a waiho aku la kona poo iloko ka poli o ua ahikanana nei o Torene, a e waiho ana hoi @luna o ka umauma lahalaha o ke kanaka u’i o Atica.

            “Ma keia poli oe e maha ai e kuu aloha,” wahi a Tisia i hooho malie ae ai iaia i apo mai ai ia Arienda. “Maluna o keia umauma oe e malu ai me ka maka’u ole i na ke’ake’a. He hapa iho no ka ikaika hoopakele o ka Heiau o Vesita i na kaikamahine o kona mau okana, aka, o kou waiho ana mai ia oe iho e maha iloko o keia mau lima, o ko kaua malu like no ia mae ko kaua hauoli like no ia no ka mau loa.”

            “A ina e hele pu oe me a’u a lilo i wahine na’u, alaila e mau aku no kuu aloha nou a hiki i ka wa e iho aku ai i ke awawa malu o ka make, a ke hui hou kaua ma-o, ilaila no auanei kaua e noho mau loa aku ai me ka loaa ole o kekahi hookaawale ana a e hauoli mau ai i na wa apau. Ua like anei ko kaua manao ma ia mea, e kuu Arienda?”

            “Ae,” wahi a Arienda i pane malie ae ai mailoko ae o ka poli ana e hiolani la, me ka pili loa ana aku i ke aloha i lilo ai kona puuwai, ka puuhonua hookahi ana i manaoio ai nona.

 

MOKUNA IX.

KA LUA LIONA.

 

Aole no hoi i liuliu loa ua hoea koke mai la o Kalia mai kana huaka’i ona i hoounaia ai e kona hakuwahine, a kona hakuwahine hoi i manao mua ole ai pela iho la ka hikiwawe e eleuia mai ai e kona wahineukali, a ma ko Kalia lima e paaia ana he pahikaua pokole papalina laula ame kahi pola niho-palaoa.

Hopu aku la o Arienda i ka pahikaua pokole a paa iloko o kona lima me ka nana pono ana iho, me ka pane leo ole, me he mea la ua kanalua oia no kekahi mea. He pahikaua pokole ia o ke ano palaulau, i hanaia mailoko mai o ke kila maika loa, a nona hoi ke kuau gula i kinohinoliia me na pohaku makamae, a o ka wa-hi owaho, ua hanaia mailoko mai o kekahi laau kaulana o ke kuahiwia i hoonaniia me ka maikai loa.

“E kuu Tisia aloha.” wahi a Arienda. “a i haulehia oe mamuli o keia pahikaua, alaila, aole a’u makemake i koe e ola hou aku ai.”

“Aole au e haule, ina he oiaio keia pahikaua,” wahi a ke Ahikanana o Atica me ka leo ko’iko’i.

“Aole au i ike i ka nana ana i ke ano o ka pahikaua maikai,” wahi a Arienda i pane hou aku ai, “aka, ua ike no wau o ka’u e paa nei, aole au i ike i kekahi pahikaua o ko ianei ano iloko o ka aina apuni i like aku me ia nei.”

“O lniasa kuu makuahine.” wahi a ka u’i i hoomau aku ai i kana wehewehe ana, “ke Kaikamahine a Kuniasa, ka moi o Kaledonia, oia ka ona o keia waiwai i hooili mai maluna o’u. Ma ka manawa e noho moi ana kuu kupunakane ua hoouluia ae he wahi hana kip@ i kukuluia no ka pepehi ana iaia i ka wa e loaa aku ai me na ukai ole.”

“A i kona lohe ana ua hooholo koke iho la oia e hopuhopu ai@ i na kipi apau a e hoopa’i aku ia lakou me kona mau lima ponoi. Alaila, kaupha aku la oia i kekahi mea hana meakaua mai Perusia mai e hanaia mai i pahikaua kaumaha kupono, nona nae ka nui kino e hiki ai ke hu-nala iloko o ka poli me ka maalahi loa e ike ole ia ai.”

“A i ka hooikaika ana o ka Perusia i ka hana ana i pahikana, a i ka paa ana ua ike iho la kuu kupunakane aole he meakana i like me kona a he paa na mea apau. Ua hanaia mailoko mai o ke kila maikai loa a o kona mau mea apau he mea wale no o ka papa ekahi.”

“A me ia pahikaua, a oia no hoi keia, i hele mau ai kuu kupunakane moi, e hu-na ana iloko o kona poli, me ka hele hookani ana e like me kana i hooholo ai e hana. A no ka ike ana o ka poe kipi i kona hele hookahi ana he uni ko lakou nui, na hookolo aku la lakou mahope @na a hiki i kahi kupono a lak@u i ma@@@@ @e @@@@ ia e hooko ai i ko la@@@ manao kipi na hoomaka iho la @@@@@ e limaikaika i kuu kupanakane moi, a malaila no hoi ua poe kipi nei pepehiia ai e ka moi a p@@ @@ i ka make.”

“O kuu makauhine, ola wale no kana keiki, a @i@i ola malauna o kona moe o ka make, aneane e hala aku, ilaila a ia ma@@@@, oia i haawi @@@@ ai i keia pahi@@ua i kuu makauhine, me na olelo kalo@alo pu e i ana @@@ e i@aa mai ka hua o kona puhaka he keikikane, olaila, e haawi aku i ka opio ma ke ano he waiwai hooilina.”

“Ua hala aku kuu makuahine, a aohe ana keikikane, a owau wale no kana keiki, a ua haawi mai ola ia’u i keia waiwai hooilina, A owau.” i hoomau aku ai o Arienda i kana wehwehe ana, iaia i nana pono aku ai i ke kanaka opio me na maka aloha, “iloko o keia hora o ka hauoli nui mua i loaa ia’u, ke haawi aku nei wai i keia waiwai makemae hoo@lina. A ke pule nei wau a oia no hoi ka’u pule mau i na akua e kau mai ko lakou mau minoaka oluolu maluna o kuu nana wiwoole.”

Alaila, laalu aku la o Tisia i ka pahikaua a paa iloko o kona lima a kaupaona iho la i ke kaumaha o ka meakaua, a ia manawa hookahi no i pii ae ai ka hulue i’oko o kona uhane a hoomaopopo iho la oia ua hoi hou mai kona kulana koa niau, a ike pu iho la no hoi oia no ke koa wiwoole o ka Puali o Korino.

“E kuu Arienda aloha,” wahi a Tisia. “ua makaukau au e ka meakua a aole ke hookahi maka’u iloko o’u no kela poe liona. O ko makana i haawi mai nei aole oia e hoohaulehia mai ia’u.”

A no na olelo hoolana ame ke kilakila o ke kulana o ke kanaka opio Tisia ua lilo ia mau mea i mea e nalohia aku ai na noonoo weliweli liona iloko o ka wahine opio a kau aku la kona mau noonoo apau maluna o kona puuhonua.

“Aka,” wahi a Arienda, “he hookahi mea i know. I ka wa no e lanakila ai o ka puka malaelae ana iwaho o ka lua ka mea i koe.”

“Alaila he pol@hihi i’o anei na alanui o kela lua liona?” i ninau aku ai o Tisia.

“Ae, e Tisia,” wahi a Arienda. “Ma ka ikaika o na koa i hala i luma’iia iloko o ka lua ma ka lukuwale ana o na liona aole he hookahi o lakou i lanakila. A aohe no hoi he mea i lanakila ma ka hemo ana iwaho o ka lua ina e hookomoia kekahi iloko olaila a nana e imi i wahi nona e puka ai. Ua nui ka poe i hoao pela a aole he hookahi o lakou i lanakila. A o keia mau niahele iho la na kina’una’u nui o keia lua liona.”

“Aka, e kuu aloha, aole au e manaolana poho, oiai, eia oe he hoopakele no’u, a ma ia mea no hoi i maopopo loa ai ia’u eia na akua me a’u.”

“A pela no hoi o Arienda, aia oia ma kou aoao e kuu Tisia.” wahi a ke kaikamahinealii. “a he hiki no iaiai ke kokua hou aku, ia oe.” Alaila, huli iho la oia a lalau aku la i kahi pho niho-palaloa e paaia ana e Arienda a i kona wehe ana ae i ke po’i gula o ua wahi poho nei ua loaa iho la ka mea ana i makemake ai.

“Eia.” wahi hou ana i hoomau aku ai, iaia i huli aku ai i ka wiwoole o na wiwoole a i kana aloha hoi. “he pokaa lopi silika. O keia lopi silika ua ano iike aku no ka makalii me ko na lopi punawelewele, eia nae he paa kona e mokumoku wale ole ai.”

“I ka manawa o oukou e iaweia ai i ka lua liona, a mamua o ko oukou komo ana iloko o ka lua e pani mua ia ana na maka o oukou me ka lole i ike ole, a he kumu no hoi ia e puhili ai i ka helehuli ana i ke alanui e puka ai.”

“A i ka wa o oukou e ka’iia ai iloko o ka lua me ka makapo, ua hiki loa ia oe ke hoohihia aku i ka lopi ma kekahi wahi o ke komo ana aku, a me ka pokaa lopi oe e hookakaa ai iloko o kou lima, a ma ia mea e loaa auanei ia oe he alakai kupono loa e hookolo ai no kou hemo maalahi ana iwaho o ka lua.”

“He mea oiaio,” wahi a Tisia i hooho ae ai me ka leo olioli, “ke haawi i’o mai nei na akua  na minoaka oluolu maluna o’u e kuu Arienda,” a hopu aku la oia i ka pokaa lopi; “a o oe e ka mea i hoomaikaiia, ka elele i hoounaia mai e na lani no ka hoopakele ana ia’u.”

A e mea aku ke kaikamahinealii e hoopuka aku i kana olelo, ua pa-e aku la oia i ka Kalia kaomi ana aku, e hoomaopopo aku ana iaia ke aneane aku nei e hala ke aumoe.

“Ae,” wahi a Arienda i hawanawana aku ai. “ke ike la wau he mea pono ia kaua e hookaawale koke aku mai keia wahi aku.”

“Ina he poino kahi e kau mai ana maluna o olua ma ka nohohou ana iho iloko o keia wahi, alaila, e pono i’o no olua e hookaawale koke,” wahi a Tisia. “Aka, e ha’i mai oe pehea la kaua e hui hou ai!”

“Na’u ia e hoomaopopo aku.” wahi a Arienda . “Ina a puka malaelae mai oe mai ka lua liona mai, alaila, e hookuu kuokoa ia ana oe e hele nou iho, a mahope o ia e noho kali ai oe a loaa aku ka lohe mai ia’u aku. O, e hoomanao e kuu aloha, aia o Arienda ke ka la iloko o kahi nihinihi loa.”

“Alaila waiho hou aku la ke poo o ua u’i nei o Ciretia iloko o ka poli o kana aloha, a mahope o ka haawi olelo hoolana ana o Tisia ua hookuu mai la oia i ka wahine u’i mahope o ka muki ana iho i ka ihu no ka wa mua loa, a hahai aku la o Arienda mahope o kona wahineukali. A mahope o ka aloalo ana ua hiki aku la laua i ko laua keena ponoi me ka loaa ole o na kuia.

Malalo o na kuhikuhi o na kiai he mea pono e hoololi uwati na kiai i ke aumoe, aka, no ka hiamoe la o na koa, mai na alii a na kiai maoli, ua hooko ole ia ka hoololi ana i na uwati, a aole no hoi he loaa o na hoohuoi ana i ka moi no keia hiamoe a na koa.

           

(Aole i pau.)

 

KE KAA HUILALUA PUA LILIA ILOKO O KA HUAKAI HOOKAHAKAHA