Ka Nupepa Kuokoa, Volume XLIV, Number 7, 16 February 1906 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, HONOLULU, H.  T., POALIMA FEBERUARI 16, 1906

 

KA NUPEPA KUOKOA

DAVID L.  A-1, :  :  LUNAHOOPONOPONO

S.  K.  KAWAA, :  Kokua L unahooponopono

Hookomoia ma ka Hale Leka o

Honolulu, Teritori o Hawaii,

ma ke ano ka mea,

Papa Elua.

E hoouna mai na hoolaka apau ma ka inoa o "KA NUPEPA KUAKOA" wale no.

P.  O.  Box @@@

 

HOOPUKALA I KA

Hawaiian Gazette Co., Ltd

CHAS.  S.  CRANE  :  :  Lunanu

NO KA MAKAHIKI  - - - - $ 2.00

NO KONO MAHINA  - - - - - $ 1.00

SUBSCRIPTION RATES

ONE YEAR - - - - - - - $ 2.00

SIX MONTHS - - - - - - - $ 1.00

O NA OLELO HOOLAHA APAU E LAHA MALOKO O KEIA NUPEPA, E HOOUNA PU MAI ME KA AUHAU, OLELO HOOLAHA KE UI MAI KE KEENA NEI.

O na Dala apau o ka Pepa e hoouna pololei mai ka "HAWAIIAN GAZETTE COMPANY LIMITED," wale no.

P. O. Box @03.

HONOLULU, OAHU.

 

POALIMA…….FEBERUARI 16, 1906

 

KEKAHI LOINA NO KA HOOULU LAHUI.

            He manawa aku nei mamua, i ka makahiki i hala, i hoopuka aku ai makou he manaopepa maluna o ke kumuhana "Hooulu Lahui," a ma kela ua hiki hou mai kakou i ka wa e hoomahuakala hou ole ai i ka waiwai nui o ke kumuhana, ke alawa ae kakou a kilohi iho i ka hoike make o ke kulanakauhale nei no ka malama o Ianuari i hala iho la, e hoike ana o na Hawaii no ka oi o na make.

            Ma ko makou manaopepa mua i pili i keia kumuhana hooulu lahui, ua hooikaika aku makou i mea e uhai aku ai na kanaka ma na mea apau malalo o na loina hooulu kumau o ke Akua i hookahua mai ai, a mawaho ae o kela mau hooalai eia makou ke hooikaika hou aku nei ma kela loina maikai, oia hoi, e hooemi mai i ka oi aku o na make.

            Ma na oihana kalepa apau a ma na hana no apau oloko o na mahele maikai, a iloko no ka nohona home ana, a nohona lahui ana, a hooponopono au puni ana, he ruia paa mau ia e puka pono mau ai na mea apau me ka maikai ka "hooi aku i ka hua nui mai, a e hooemi loa iho i na hoolilo aku, a o ka hopena he mahuahua mau."

            Ua ikela ka olalo o keia loina.  Iloko o ko kakou hooponopono aupuni, he hana naauao loa ka ohi ana mai i na auhau ame na loaa e ae e nui ai ka waihona, a e palanaiki mai hoi ka hoolilo ana e kaa mau ai malalo o na loaa, a o ke aupuni o la kulana, aole on a manawa e wiwi ai.

            Pela no na hana e ae, e hoonui aku i ka ikaika imi loaa ma ke kupono a e hooemi loa i na hoolilo e kaa mau ai malalo o na loaa, a aole e nele ka mau o ka ulakolako me ia mau hana e pili ole ai ka wiwi ia lakou.  He olalo no hoi keia e pili ole ai ka ilihune i kekahi ohana, oia hoi, ka hoihoi mau ana i na hoolilo o ka nohona malalo o na loaa komo mai e koe koena ai, a o ka home o ia ano, e mau no kona ulakolako.

            A e hoohaili ae i kela lolina maikai i ka ninau hooulu lahui, a ke kalele ikaika ka noonoo laula o na Hawaii no ka malama ana ia lakou pakahi iho, malama i ko lakou noho ana, aole i ke kuulaia, malama iko kakou mau ohana ponoi iho, malama i na kamaiki, alaila, aole e nui na make kumu kupono ole, o pono ai e kaa mau na make malalo o ka huina pii mahuahua mau, he haawina hoi e mau ai ka lahui.

KA NAAUAO NO KA HANAUNA HOU.

            O ka naauao no na kanaka apau he haawina hiki ole ia i ka ikeia i ka maikai, a he waiwai nui hoi ia i imi nui ia a e imi nui la nei i keia mau la, a he pomaikai hoi no ka mea e loaa ana, a o ke Akua no ke kumu hoohalike, no ka mea he naauao ke Akua mawaho ae o Kona mau mahele haawina e ae apau.

            Aka, o ka naauao no ka hanauna hou o Hawaii nei, ola ke kumuhana pili pono e imiia e na opio no ko lakou pono o kela mua aku, a no ka pono o ka aina a lakou e noho hauoli iho ai, a no ke Aupuni a lakou e kakoo ai, a no ka lahui hou o ko lakou mau manawa e hoonaauao aku ai, a i hiki hoi la lakou ke neelike a hele like hoi me na au naauao e nee ana.

            He mea pono ia kakou Hawaii ke hoomaopopo i ke ano o na haole, i ka ikaika o ko lakou makemake hoonaauao i na hanauna hou a lakou, ka haawina hoi a lakou i hooikaika pauaho ole ai, a i ka pau ana o ka manawa hoonaauao, ua ike iho la no lakou i ka waiwai nui o ka imi ana, no ka mea, ua loaa ia lakou he mau pomaikai nui, a no ia mea aole i nele ko lakou hooikaika no ka lakou poe keiki:  olai hoi ko kakou, he hoomaopopo wale no ma na mea i hana maolila, ela nae, aole no kakou i nele loa no ka mea, he nui no na Hawaii i hoonaauao pono ia a ua komo aku iloko o na hana hooholomua like ole a ua ike a ua ai i na pomaikai i hua mai mamuli o ka naauao i loaa ia lakou, like loa me ko na haole.

            Eia he nui o na Hawaii o la ano i kela mau la, aku, o ka hapanui o kakou aia no i ka hapopo a makaukau ole pela no hoi i hookuanui ai ka lakou hooikaika imi pono no ka nohona ohana ana, a hapa no hoi ka hoomaopopo ana me lakou i ka ike iho i ka waiwai o ka hoonaauao ana.  Ke lawe mai no nae ma ke ano laula, maluna o ke kumu o ka hana ua loaa @@@e  ka hoomaopopo laula he waiwai nui ka naauao.

            Alaila, e pono e ulu ae la ano iini iloko o kakou Hawaii no ka hoonaauao ana i na oiwi Hawaii hou o ka aina ma ko kakou mau kula iho, a e hoonaauaola lakou ma oko o na kulanui o Amerika ame Pelekane no ka hoopiha pono loa ana.

            Ma kela mahele mae e hoomau ka paipai ana o na makua i ka lakou mau ke a'o ikaika e imi no a ka panepoo o ka naauao, me ka nele ole nae i ka huli ina i na ike limahana akamai, e laa ke kama-na, palainapuna, pena hale, amala, mahiai ame na hanalima e ae he nui.

            Alaila, e hooko aku na opio ia iini nui me ka paupauaho ole. I like ole hoi me kela mau haumana o Lahainaluna i paupauaha koke ai, a e hoohala ole hoi lakou i ka imi ana oiai no e opiopio ana, i ole e hala ka manawa o ka imi naauao, i komo ole ai iloko o ka mihi no ka hoomau ole ana, ma ka manawa ana e ike iho ai ua hala ka manawa hoonaauao nona.

            A ma ka aoao hoi o ka makua, in a he ano ulakolako kona, e haawi i kona kulana makua pihaku'i ma ka haawi ana i kona mau kokua apau no ka hoonaauao ana i kana mau keiki i ka pihaku'i o ka nauaao e hiki ana ia mau keiki ke imi.  Eia nae aole kakou Hawaii i lawa like ika ulakolako, oiai, ala kakou ma ka mahele ilihune, a maluna iki ae--aole nae e hiki ke hoohewahewa ae o ka ilihune no ka hapanui.

            Alaila, eia ka ninau, e hiki anei i na ohana ilihune ke hoonee aku i ka lakou mau keiki iloko o ka hoonaauao kiekie?  Aole.  A pehea e hiki ai?

            O ka mea i maa i ka ikeia e kakou iwaena iho o Hawaii Paeaina nei, na na makua haole na keiki ilihune e hoonauao nei, me ko lakou loaa ponoi a mailoko o kekahi poe i hoonaauaoia ma ia ano he nui na makaainana i kupu ae i ka hoowaiwai nui i oi pakela loa ae mamua o na keiki ano ulakolako i painuuia e na makua o lakou a o kakou na hoike no ka oiaio o keia, oiai, eia he mau kanaka kulana malamalama i hoonaauao maikaiia mai ka ohana ilihune mai no, nae. A o ka naauao ana o kekahi poe o lakou mai ka lokomaikai aku no ia o na haole i aloha i na Hawaii.

            Aka, eia ka ninau no ka lehulehu e pane ai, pehea e hiki ai ke hoonaauaoia, ka hanauna hou iwaena o ka poe hapa loaa ame ka poe ilihune o kakou iho?

            Ke manao nei makou aia ma ka laulima pu ana, aole o ka mea hookahi, aka, ma ka laulima pu ana o kekahi, heluna nui o kakou.  E hoalaia keia ano ninau e na ahahui hoonaauao a ahahui kokua o kakou e ku nei, e like me ka Hui Hookuonoono Oiwi Hawaii, Hui Kamehameha o na Haumana Makua, Hui Sana Lui o na Haumana Makua ame na ahahui e ae o ia ano, a aole no hoi i papala na ahahui pono Kristiano e hoomahele ma ia meheu.

            Ke oili mai nei ka nui o na pepa "haawi" wale a ke "Aloha Aina," elike me ia i hoikeia ae ai e ia ma kona helu o ka Poaono nei.  He 58 ka nui o na lunapepa mai Hawaii a Kauai, ua like ia me 38 pepa "haawi wale," a ehia la e "haawi wale ia" nei i kekahi poe iho o Honolulu, a ke houluulu ae me na poe lawepepa, nui i'o no ka poe e lawe nei.  He nui lau wale iho no, he ohaka nae ka hua.

            Wahi a Mr. Kamali a Aloha Aina, he mea oia i ike ka heluhelu a ke hana nei i na hana akamai o keia au e like me ke pena-hale, a ua noho hana malalo o kekahi mau hakuhana haole, alaila, he hoike ana hoi ia i kona ano malamalama, aka, o kana kapa ana a hoike akea ana i ka popopo o na kii, o kela ka hoike manao nana i hoike ae aole i malamalama, like loa me ka ke Aloha Aina kapa ana i ka popopo o na kii.

MAKE HE KEIKI KEPANI I PIIIA E KE KAA.

            Ma ka Poaono i hala, ma Waipahu, Ewa, ua make iho la he keiki Kepani mamuli o kona piiia ana e ke kaa ukana.  I ke kula Kepani keia keiki, a pau ke kula hoi aku la oia me kekahi o kona mau hoa kula a hiki i kahi e ku ana na kaa ukana:  aole nae he ukana o na kaa i kela manawa, alaila, kokolo akula ua keiki la malalo o kekahi kaa, me kona ike ole ia mai.

            I ka wa i hoomaka ai ke kaa ahi e huki i na kaa ukana, o ia ka wa i loheia aku ai ka uwe mai o ua keiki la, a hoopaa koke iho la no hoi ka wiliki i ka holo o kona kaa, a hele aku la e nan i keia pilikia.  Ua loaa aku la keia keiki e waiho ana ua make, aole nae i weluwelu kona kino, aole hoi i pii ka huila o ke kaa maluna on a, aka, ua loaa oia i kekahi apahu hao e lewalewa ana malalo oke kaa.  Ua keheaia ka aha koronero, a he make ulia, ka olelo hooholo i hoopukaai ae.

            Ma ka hoike a ka lunanui o ka mahiko, ua olelo ae oia, ua aʻo mau oia i ke kumukula Kepani aole e hookuukuu i na keki e hele kokoke ma kahi o ke alahao, a i ole paani paha ma kahi e ku ana na kaa ukana.  Aole i loihi loa ae nei ua haawi hou la no keia mau olelo a'o.

O JOE MARSDEN KA SAM PAKA I MANO AI.

            O kekahi o na ninau ano nui i ulu mai mamua aku a mahope mai o ka hoi ana mai o Kakauoelo Atkinson a lawe ae i ka hoeuli o ke aupuni, o ia no ka ninau e pili ana i ke kanaka kupono e holo ai no Pokukala no ke kii ana i mau limahana no na mahiko.  E hoomanao ia o Kakauolelo Atkinson no ke kanaka no ia hana, aka, mamuli o ka nawaliwali o Kiaaina Carter, ua haalele aku oia i ka holo ana no Europa, a hoi koke mai no Hawaii nei:  nolaila, ua lilo mai keia i ninau ano nui iwaena o na mahiko.

            Ma ka Poakahi iho nei i hoike ae ai o Konela Samuela Paka i kona manao, a wahi ana, ua manao oia o Joe Marsden, kekahi o na haole i noho mua ma Hawaii nei, a i keia manawa aia oia ma Kapalakiko, oia ke kanaka kupono e hoouna aku ai no Pokukala.  Ua hui o Konela Samuela Paka me keia kanaka, a ua kamakamailio laua maluna o keia ninau a hoike mai oia i kona manao, ua ae loa oia e kokua i keia hana.

            Ma ko Konela Samuela Paka aoaao na hoike ae oia e hui aku me Kokua Kiaaina Atkinson a waiho aku i ko Joe Marsden inoa.

Liela Ponquet.

(Hoomaula)

            Iloko o na la mua ana i noho ai maluna o ua wahi ailana la, ua piha oia i ke kaumaha.  O kona noho hookahi ana, me ka loaa ole o kahi  o-pu malumalu kupono, ame ka uuku no hoi o na wahi mea ai, me kahi hoa ole hoi e kamailio pu ai, he mau puupuu ikaika loa la nana e hoehaeha ana i kona naau, a  e kaili aku ana hoi mai iaia aku i ka manaolana e ola hou aku.  Aka mahope o ka hala ana o ka pule hookahi, e ai ana hoi i na moa make i pae ai i kaha-one, ua hoalaia a'e la ko Liela manaolana, a hooholo iho la oia e ola oia e pono ai.  Iloko o kona wahi kino opiopio i hoomaamaaia ma na hana keaka hooikaika kino, a me na aakoko e uilani ana, ala a'e la ola mai na kaumaha a'e a hoomaka aku la e hana nona iho.

            O kana hana mua i loaa ai kana mau mea ai oia ka hana ana i upena e paa i ka honu iaia, a mai na kaula i pae mai i ka aina i hilo iho ai oia i ano lawaai nana, a hele aku la oia iloko o na kaheka e lawaia ai.  O kana mau makau oia no na whi kui kakaikahi i koe mai laia ame kona mau kui lauoho.

HOOLILO I KA LIMU I WAHIE.

            Aneane ekolu pule kona noho ana me keahi ole, a he lehulehu na manawa ana i hoa'o ai e loaa ke ahi ma ka hi'a ana iluna o na apana laau, oiai ua lohe oia pela iho la e hana'i na poe hihiu: aka na'e aole i holopono a o keia kekahi mea nana i hookaumaha loa iaia.  O ka aimaka ana i ka i'a, ame ka ai ana i ke aa o kekahi laau ana i ike ole ai i kona inoa, na mea nana i hoopilikia iaia, nolaila hooholo loa iho la oia i kona manao e huli ikaika i loaa ke ahi.  Kaapuni a'e la oia i kahi ailana ona, e huli ana hoi i na pohaku e hiki ai iaia ke hahau iho a loaa a'e ke ahi, a ma ia huli ana i loaa aku ai iaia he elua apana laau nunui.  He elua la ana i hoa'o ai e loaa keahi iaia mai keia mau apana laau mai, a i ka hope loa no hoi loaa iho la kana mea i iini loa ai, a hoaa iho la oia maluna o ka limu maloo i loaa aku iaia, me ka hoomau ana i ka puhipuhi a hiki i ka a loa ana o ke ahi.

            O ke ahiahi o ka la i a ai kana ahi, he ahiahi hauoli loa ia nona, a hoono a'e la oia ua lanakila oia maluna o ka plikia:  eia na'e ka mea apiki aole he wahie oluna o ka aina, nolaila hoolilo aku la oia i kona manawa ma ka huki ana i ka limu mailoko mai o ke kai a kaulai a'e ia iluna o ka aina, a maluna iho o ka limu maloo i hookau iho ai oia i ka limu hou a pela iho ia i mau ai ka a ana o kana ahi.

            O Mona--ka liona--oia hookahi kona wahi hoa e noho puai, a oia ka mea nana i pale a'e i ka manaka o ka noho hookahi ana, aka i ka hala ana'e o ka malama hookahi, hoomaka mai la ua liona la e hana ano-e.  O ka ai mau ana i na i'a maka ame ka olepe ua kupono ole ia i ko ka liona ola ana, oiai he holoholona ia i maa i ka ai ana i na iʻo kolo.  Alila, hoea mai la ka paio ikaika loa i loaa i ko Liela mau la oke ola ana.

            Ia Liela e hiamoe ana, a e aneane aku ana i ke kakahiaka, ua hoopuiwaia a'e la oia mai kona hiamoe ana mamuli o kona ano paupauaho me he mea la e umiia ana oia.  Iloko o ka manawa polole ala a'e la oia a ku iluna.  He mau la mamua aku, i kona manawa i hoomaopopo ai i na hana ano-e a ka liona, ua hoomakaukau iho ola i kekahi laau nui no ka pale ana iaia iho, a iaia i ala a'e ai  a ku iluna, o keia laau kana mea mua loa i lalau ai, a nee aku la oia a pili ma kekahi kuono o kona wahi pupupuhale me ka makaukau e pale iaia iho.

            Mahope iho ike aku la oia i kana liona punahele, a kahea aku la i kona inoa, aka he nunulu inaina ka haina i haawiia mai iaia, a iloko o ka manawa pokole lele mai ia ua liona la maluna ona.

            Hoomaopopo koke iho la ua kaikamahine la i kona pilikia, a ike aku la no hoi oia ua pii ka ena o kona wahi hoa, a ke makemake mai la ua liona la e ai iaia.  Elike me ka uwila, hapai a'e la oia i kana laau, a maluna o kela wahi ailana uuku i noho kokoolua ia e laua no hookahi malama holookoa a oi iki, i hakaka iho ai laua nei no ko laua mea e ola ana.

PEPEHI I KANA LIONA PUNAHELE A MAKE.

            He lehulehu na manawa a ua liona la i lele mai ai me kona inaina piha, a i kela ame keia manawa ua hookuemi hope ia aku oia i ka manawa e loaa aku ai i na hauna laau a ke kaikamahine, aka i ka wa a Liela i hoomaopopo iho ai ke nawaliwali mai la oia mamuli o ka loihi o ka manawa a laua i hakaka ai, hooholo iho la oia i kona manao e haawi aku i ka auna laau ikaika loa:  nolaila, elike me kana i hooholo ia, hahau aku la oia i ka liona a pa pono maluna o ke poo, a hina aku la ua liona la a waiho maule iluna o ka lepo, a mamua o ke ala hou anaʻe o ua liona la, pepehi iho la o Liela a make loa kona hoa, alaila, hehee iho la oia ilalo a hoomaka iho la e uwe.

            Ua make aku la kona wahi hoa hope loa, a i keia manawa ua hoea mai la kona manawa e noho hookahi iho ai.  Pela oia i hoomau ai i ka uwe ana a hiki i ke ao ana, alaila, me ka pohaku oi lole iho la oia i ka liona, a hoomoa iho la i kekahi hapa no kona aina kakahiaka.

            Maanei hoomaopopo iho la oia he mea popo nona e huli i wahi hana nana e lilo ai kona poopoo ilaila oiai, o ka noho wale ana me ka hana ole he mea ia e hoinoino mau ana i kona noonoo:  nolaila, mahope o ka hala ana o na mahina eono o kona noho ana maluna o uawahi aliaana la, hoomaka iho la oia e kukulu i wahi papaihale nona o elua lumi.  He mau mahina kona hoohala ana ma ka huli ana i na pohaku maikai, a hookau iho la oia i kekahi pohoku maluna o kekahi.  Maluna iho o ke kaupoku, hookau iho laoia i na apana papa ana i kukulu ai ma na aoao o kahi o-pu malumalu mua on a, a hoomaka iho la oia e hahau maluna iho i na laulaau ame ka mauu e loaa ana iaia.

            Kaapuni aʻe la oia i kona wahi ailana no na manawa lehulehu, e huli ana hoi i na mea e pae mai ana.  I ka aneane ana e pau ka makahiki mua, ma kana helu ana ma ka lawe ana i hookahi pohaku o ka la a wiho ma kekahi wahi ana i hoahu ai, komo mai la ka makaʻu iloko on a. Aole he wahi kulu pakana i haule iho maluna o ua wahi ailana ia no kekahi mau pule, a ke hoomaka la kahi luawai uuku on a e maloo.  I kela ame keia ke noho la oia a kiai aku i ka emi liilii ana o ka wai, a o ka hope loa no hoi, koe iki iho la ka wai i hele naʻe a lepo e hiki ole ai ke inu.  Ia po hoi aku la oia e hiamoe me ka ehaeha o ka naau, a iaia e hiamoe ana, haule mai la ka ua a piha hou iho la kona wahi laawai.

            O na hua o na laau bama, na aa-laau palupalu o kekahi laau, na limu palupalu a ono no hoi e loaa ana iaia, ka olepe no hoi i kekahi manawa, a he opae, ame ka iʻa, oia iho ia na mea ai ano hui i ola ai keia kaikamahine: a i kekeahi manawa hoi ua loaa iaia ka manu, a he hookahi manawa i paa ai iaia he wahi manu olelo (manu aloha).

            Iloko naʻe o keia mau inea apau, aole i pio kona manaolana.  Ua manaolana mau oia e hiki mai ana no ka la e loaa mai ai na hoopakele ana nona.  O kona wahi pilikia wale no i keia manawa o ia kona noho mehameha, nolaila, hoohala iho la oia i kekahi manawa o ka la ma ka himeni ana me ke kamailio wale ana iho no iaia iho, me ka pinana mau ana iluna o na mukulaau a noho aku a nana aku iluna o ka ilikai.

            Ma ka auwina la o ka la on a i hoopakeleia ai, aia ua kaikamahine la iluna o kekahi kumulaau, e huli ana hoi a nana aku i ka hema, ma kahi ana i maa mau ai i ka hoohala manawa ana, a e noonoo ana oia no Farani, kona one hanau, a e noonoo wale ana no hoi ina paha e hoea iʻo mai ana he manawa nona e ike hou ai ia wahi.  He mau hora kona noho ana maluna o ua kumulaau nei, alaila, hoohikileleia aʻe la oia, a aneane e haule ilalo, oiai ua lohe aku la oia i ka hauwalaau mai o na leo o kekahi poe kanaka.

            Mahope koke iho, me ka uwe ana a hoopuiwaia na luina, lele iho la o Liela mailuna, iho o ke kumulaau, a holo aku la iluna o kahaone a ku aku la imua o keia poe malihina, me ka akaaka ame ka uwe pu ana, e nonoi aku ana hoi me ka haahaa i ua poe luina la e kamailio mai iaia.  He hookahi iwaena o ua poe luina la ua hiki ke kamailio ma ka olelo Farani.  Hoike mai la ua kanaka la iaia nei he poe luina lakou no ka mokukuna kalepa Cyrus, a e lawe no lakou iaia iluna o ka moku.

            Alaila, kukuli iho la ua kaikamahine la iluna o ke one, me ka mau no o kona akakaka ana, @a hehee iho la a waiho maule, a mamua o kona pohala loa ana aʻe, aia oia iluna o ka moku, me kona mau wahi pono ame kana mau mea paahana ana i hanaʻi, e holo ana no Noumea, a mailaila aku no Farani, kona one hanau.

            Walohia ka moolelo o keia kaikamahine, a kamahao pu no hoi na hana a ke Akua maluna o kona kino palupalu.  He 553 la maluna o keia wahi ailana, aole naʻe i paupauaho mai ko ke Akua aloha nona, a iloko o na manawa o ka pilikia loa, aole i haalele ke Akua iaia.  Pono a pololei maoli e kapaia ka ailana a keia kaikamahine i noho hookahi ai, a e kakauia iluna o ka palapala aina keia mau huaolelo: "Ailana o Liela Pnquet" (Ponegiuti) i kiahoomanao no keia kaikamahine nona aʻe la keia moolelo walohia!

PA-HU NUI MA KA PAUMA-WAI O ALANUI BERITANIA ME ALAPAI.

            He pa-hu nui o ka mahu ka i puoho ae a i hoonaueue ae i na kauhale o ke alanui Beritania ame Alapai ma kahi o ka hora1:30 auwina-la o ka la Sabati nei.  A ia manwa hookahi no i pii ae ai ka uahi nui e punohu ana i ka Hale Paumawai o kahi i hoike mua ia ae nei, a i hooneia e kekahi leo haluhalu a hihio mahu ikaika.

            O kahi o keia pa-hu, oia no kahi o ka pahu mahu e pili kokoke ana i ka mahu ma ka aoao mauka o ka paumawai o ke kihi o na alanui Beritania ame Alapai o ke kulana kauhale nei, i manaoia, i kulike ai me ka hoike a ka wiliki iaia ka mana ia manawa hana, ua ha-hu ka mahu mamuli paha o ke kulu o na paipu aila-ea, kahi hoi e kahe aku ai ka aoila a kahi e a ai.

            O na paia uinihapa keia o na mahu elua i kukulia no ka uhi ana ia laua, ma ka aoao maluna no nae, ua wawahiia ae la e ka ikaika hoonei o keia pa-hu ikaika a pau ae la i ka helelei, a mamuli no hoi o ka ikaika o keia pa-hu ana i unuia aku ai kekahi mau uinihapa a ku ana iloko o ke keena paoahi.

            O ka ikaika o keia pa-hu ana aole no i malele aku ma na wahi e ae, aka, ma kahi wale no o na mahu elua, a no ka ikaika nee, na ia mea i hoonee ae i na mea e ae o na mahu elua a hooleiia aku la ma kahi o ke@ paoahi e uhipaa ana hoi ia wahi ma kahi o elua iniha.

            I ka manawa koke no i kahea ae ai ka wiliki iaia ka hana o ka paumawai la manawa, i na limahana e ae o ka paumawai no ka laulima pu ana no ka hooponopono koke ana aku i ka mahu makai iho i hiki ai ke hoohana koke aku i ka pauma ana i mau ai ka loaa ana o ka wai i ka hapa o ke kulanakauhale e hoolawaia ana e ia.

            O keia ka paumawai e hoolawa nei i kekahi hapa o ke kulanakauhale i ka wai ma ka pauma ana i ka wai iuka o na luawai o Makiki ame Puoina, a mai ia mau iuawai ma e holo ae ai ka wai iloko o na paipu wai like ole.

            No na makahiki he nui i hoohanaia ai keia paumawai me ka mahu ho-a ahi maeli, a e ka nanahu no hoi ka wahie, aka, ua hookomoia ae la ka ailana a he hookahi mahina o ka hoohanaia ana a loaa iho la keia pa-hu ana.

IKEIA KE KOHO-LA MA KA NUKU O MAMALA.

            I ka mokuahi Monogolia ame na waapa mokuahi o na oihana du@e awa ame hoopaelimahana e mo-ku ana mawaho o ka nuku o Mamala, i ka auwina la Poakahi nei, ua hoopuiwaia kekeahi poe i ka hoohola ana mai, aia he iʻa nui ke puhi la i ke kai.  I ka nana ia ane aku, ike maopopo ia aku ia he koho-la nui e puhi ana i ke kai.

            He mea malihin keia i ikeia, a ua pahaohao kekahi poe no ke kokoke loa ana mai o keia iʻa i ka aina.  Ma ke koho wale aku a ka poe i ike, he umi a i ole he umi-kumamalua kapuai ka loihi o keia iʻa.

PAU KA HOMAMALI.

KA LANAKILA I LOAA MAI NA HUAALE AKALA A KAUKA WILLIAMS MAI.

O KA LAAU HOOKAHI KEIA NANA I HOANO HOU AE  I KE KOKO A ULAA AE I KA MOLE O KA MAʻI

            O ka amenia oia ka inoa a ke Kauka i kapa ai no ka homamuli no ke koko ole.  He mea oiaio he ikaika na Huaa@@ Akala a Kauka Williams no ka hoano hou ana i ke koko.  E loaa anei kekahi hoola hele pololei a kahi o ka mole o ka maʻi?

            O ke ano homamuli na ke koko no ia e hoano hou in a e loaa ka laau kupono.  He hoola maoli no na Huaale Akala a Kauka Williams i ka anemia e like me ka pau ana o ka pololi i ka wa e maona ai.  No ka oiaio o keia, o ke ola ana o Mrs. This J. McGann o Plainfield, N.  J., o ka helu 17, Lincoln Place, i hoolaia e keia mau huaale oia kekahi o na hooiaio, aka he nui no na hoola ana a keia mau huaale iwaena o na maʻi he nui.

            "Iloko o ke kupulau o 1903, he hana mau ia nauʻu o ka hoomaemae a malama mau ana i na haua o ke home," wahi a Mrs. McGann, "a mahope koke mai i loaa ai au i ka nalulu ikaika o ko poo.  A i kekeahi manawa he kapalili mau kuu puuwai o ke ana like ole a na ia mea i hoehaeha loa mai iaʻu a i ka hiki ana mai i kekahi kakahiaka aole i hiki iaʻu ke ala hou me ka ikaika kupono.

            "A ie ke kaheaia ana o ke kauka ua hoike mai la oia ua loaa ia wau i ka maʻi koko ole a homamali hoi ma kekahi olelo ana a ua puiwa no hoi oia i ka ike ana aole i kala i loaa ai au ia ano maʻi.  A nohopaa mau iho la wau iloko o ka hale a he hele mau mai no hoi ke kauka e lapaau iaʻu ma na pule mua, aka, aole he loaa iki he wahi maha.

            "A ke houluulu ana ae i na mea a pau, he elua makahiki ia o koʻu noho ana iloko o keia ano maʻi a hele mai la kuu kino a he iwi wale no .  Nui ka nalulu o ke poo, nui ka nawaliwali, pana kapalili kuu puuwai, ono ole mai ka ai, pipika wale no au, a hiki pono ole ke hiamoe i ka po.  Pii mai la ka pehu o kuu mau wawae.

            "I kekahi la iaʻu e noonoo ana pehea la ka nui o ka manawa i koe a make aku wau, e ola mau ai wau e like iho la pela, ua loaa mai la iaʻu he wahi buke e pili ana i na Huaale Akala a Kauka Williams.  Ua heluhelu iho la wau a haʻi aku la i kuu kane, no ke kuai ana i mau huaale noʻu.  A mamua o ka pau ana o ke poho mua ua ike koke iho ia wau i kuu maikai mai a ma ka manawa i pau ai he 12 poho laau, o koʻu ola loa no ia.  O ka pau loa no ia o ka nalulu, hoi hou mai la ka ono ai, a maikai mai la ka pana ana o kuu puuwai a hoi hou mai la ka ohelohelo o kuu mau papalina.  A no ia mea ua hiki loa iaʻu ke hooiaio aku i ka mana hoola o na Huaale Akala a Kauka Williams."

            I ka manawa e hana ai na Huaale Akala a kauka Williams iloko o ke koko no ke hoano hou ana, he hele loa no kana i ka mole o ka maʻi e ulaa ai, a pela no hoi e maalo ai na nalulu, pau ka nawaliwali hoowali ai o ka opu, ikiki ino o ke poo, ame na nawaliwali o na wahine.  He kualia na Huaale Akala a Kauka Williams e ka poe kuai laau lapaau apau, a e loaa no na kauoha laau e waiho aku ia Dr. Williams Medicine Company, Schenectady, N.  Y., ko hoouna pu aku i ke kumukuai o 50 keneta, o ke poho hookahi, a he eono poho i ka $2.50.

HOAO E PUHI I KA HALE I KE AHI.

            Ma ka po Poakahi nei ua hoao ae la o Henry Hendrickson, he keiki Pukiki, e pepehi i kona makuahine, ma kona hoao ana e puhi i ko lakou hale i ke ahi.  Ua ala ae he wahi hoopaapaa mawaena o ka makua ame ke keiki, a mamauli o ka ulupuni loa o keia keiki i ka huhu, ua hele aku la oia e inu a on a, alaila hoi mai la oia i kauhale me ka ike ole mai o kona mama.  Ma ke kala o ka hale i ho-a iho ai oia i ke ahi, aka, mamuli o ka hoomalule ikaika a ka waiona maluna on a, ua hiki pono ole iaia ka ho-a, a o ka hopena i loaa ae, ua lalapa ae la ke ahi maluna o kona mau wahi, a wela no hoi ka lima.  Ua uwe ae ua keiki la i ka pilikia, a i ka hele ia ana aku e nana i maopopo ai na mea i hoikeia ae la maluna.

            I ka wa o keia keiki e auwe ana ka pilikia, aia he makai kaulio mawaho o ka pa, a nana i hopu ae i ua keiki la a lawe ae no Kuapapanui.  O ka mama o keia keiki, aia no oia iloko i ka hale i ka wa a nei keiki lokoino e hoao nei e puhi i ko laua home i ke ahi.

            Ma ke kihi o na alanui Miller ame Puowaina keia hoao puhi ahi.

KE LIULIU NEI NO MALAKI AE NEI.

            Iloko ae nei o ka mahina o Malaki, e malama ia ana na hana hookuku heihei kukini, lele-pa, lelele ame na hana hooikaika kino e ae, elike no me ka mau e hana ia nei i na makaiki apau.

I keia mau la eia ke liuliu e mai nei no na Kula o Kamehameha ame Punahou, a mawaho ae o kela mau kula, he mau hui kekahi e manao nei e komo ae a hoike i na mea e hiki ana ia lakou. O na hui mawaho ae oa ia o Diamond Head ame Kamehameha Alumni.

            Ma na hiohiona e ikeia aku nei mai ka hikina a ka la eia ko Punahou mau keiki ke hooikaika nei ka hoomaamaa me ka iini nui e kaili ae ika hanohano, a ma kela pule aku nei ua malamala ae he hookuku nui ma ke kahua oia kula, a o ka pepa i lanakila o ia no ka papa makua, oia hoi na keiki i hemo i huipu me na keiki nunui o ke kula, a o keia papa ke hookomoia ae ana iloko o na hana hookuku.

            No ke Kula o Kamehameha, aole he pu-a wahi lono mailala mai, e hoike mai ana i ko lakou mau manao no na hana e manaoia nei, aka, ke hooikaika mai nei no lakou i ka hoomaamaa, me ka hilinai aku na keia mua aku e hoike ae i ka mea oiaio.

            I keia mau la iho nei hoi i hele ae ai na keiki o Diamond Head e hoomaamaa, a ke iini nei no hoi lakou e lanakila maluna o ko lakou mau hoapalo.  Pela no hoi me ko Kamehameha Alumni.

            O ka la 31 o Malaki ka wa e malama ia ai ka hookuku, a ilaila e maopopo ai na hui e ahai ana i ka lanakila.

            HOOLAHA KUMAU

Kakela me Kuke

|KAUPALENAIA|

 

Poe Kalepa ma ke Komisina

::A HE::

Poe Lawelawe Kopaa.

Poe Agena no na Ma hiko Lehulehu.

Kauka Mitamura

Alanui Kukui Ololi Helu 63, Honolulu, Na Hora Hana:

Hora 9 a.  m.  @ 12 m:  5 p.  m.  a 7 p.  hi.  koe ke Sabati.  Sabati ma ka hooholo ana.

Telephone Blue 3466   P.  O.  Box 843.

 

Hui Alahao âme Aina o Oahu

MANAWA HOLO

Oct. 6, 1904

MAI HONOLULU AKU

No Waianae, Waialua, Kahuku ame na wahi hoolulu ma ke alahao--

*9:15 a.  m., *1:20 p.  m.

No Pearl City, Ewa Mill, ame na @@@@ hoolulu ma ke alahao--@7:30 a  o.

*9:15 a.  m., *11:05 a.  m., *2:15 p.  m.

*3:20 p.  m., *5:15 p.  m., @9:30 p.  m.

@11:15 p.  m.

MAI WAHO MAI.

Ku i Honolulu mai Kahuku, Waialua ame Waianae mai @8:36 a.  m.

*5:31 p.  m.

Ku i Honolulu mai Ewa Mill ame Pearl City mai--@7:46 a.  m., *8:36 a.  m.,

10:38 a.  m., *1:40 p.  m., *4:31 p.  m.,

*5:31 p. m., *7:30 p.m.

*Keia ame kela la.

@Sabati wale no.

@Koe ke Sabati.

@.  P.  DENISON,

Lunahoonana

F.  C.  SMITH

G.  P.  & T.  A

 

EXTELL AME SHAW.

(Na pani ma ko J.  C. Axtell makalua.)

Na me ahoopae a hana i na

KIA HOOMANO AME NA PA-HAO.

            Pau pu no hoi me ka hoomaemae ana i na pohaku kia hoomanao, ke kakau ana i mau olelo hou ame ko pao ana.

Keena âme ka Pa, 1048.50, Alanui Alakea, Telepona Helu 1801 Blue.  Pahu leta Helu 642, Honolulu.

Ke Maikai Ole ke Koko ua Pilikia Iho Ia ke Kino.

            E hoomaemae i ke koko a e kipakula aku no na ano ma i apau.  Aole no laau loaa ae no ka hoomaemae ana i oi aku mamua o ka

AYERʻS SARSAPARILL--

ka mea hoi nana e hookaawale aku i na kumu o ka ma'i ma ka hoola hoowaiwai ana i ke koko a ma ia ano ua hooikaika ia ke kukulu ana i ke kino; a o ka hopena hikiwawe loa oia ka hoi ana mai o ke oia kino maikai.  Aia he kaukani o na kanaka i hiki ke hoike ae i na kula na ehaeha a lakou i noho kaumana ai mamuli o ke kokokoino, a i keia manawa eia lakou ke hauoli hou nei i kela ola ana a lakou e makaukau mau nei e hapai pookela ae i ka Ayer's Sarsaparilla.

Hoomakaukauia e Dr.  J.  C.  Ayer & Co., Lowell, Mass., U.  S.  A.

EIA HOU KEIA RUMATIKA I HOOLAIA E KA LAAU HAMO A KAMALENA.

            O ka ikaika hoola o ka Laau Hamo a Kamalena (Chamberlain's Pain Balm) no ka hooluolu ana i ka rumatika ola ka mea e ike nuiia nei i na la apau. Eia ka pane a Parker Trilett o Grisby.  Virginia, U.  S.  A., e pili ana i ka laau hamo a Kamalena, e i ana ua loaa laia ka oluolu mau ana mai ka rumatika mai oiai e hoehaeha ana ia ma'i ma kona kua, ma kona hamo ana i ka laau a Kamalena, mahope iho o kona hoao ana i na laau o ia ano like a pahula ko lakou ikaika hooia.  A wahi ana aole e ha'o ia ano laau iaia.

No ke kuai ana e loaa no ma ka halekuai laau lapaau o Benson, Smith & co., Ltd., ko Hawaii nei Agena.