Ka Nupepa Kuokoa, Volume XLIV, Number 6, 9 February 1906 — AHA MELE NUI. [ARTICLE]

AHA MELE NUI.

Mr. Lunahooponopono. Aloha: Ma ke ahiahi o ka po Poalima, Feberuari 16, hora 7:30 p. m., o keia mahina no, e wehe ana ka Ahahui Opiopio Imipono Kristiano o Kawaiahao he aha himeni nui, ma ke keena nui akea malalo (basement) o ka luakini; a o na loaa apau o keia aha himeni. no ka pomaikai no ia o ka luakini o Kawaiahao ame kona Ahahui Opiopio.

Nolaila, auhea oukou e na manu hulu like, na koa Hawaii o ka pono KrlstiJino, na oniu maa o ka puali o ke ola, ka poe ihe kupaa o ka halepule o na 'lii, na mamalahoa akamai, ame o'u mau hoa hulumanu ukali oiaio o ka pono o ka Haku o lesu Kristo, ke kono aloha ia aku nei oukbu, e na iede ame na keonimana, ka poe puni i na ieo mele, i na hana maikai, i na aha hoolaulea, ame na anaina hanohaho o ko kakou ola ana, e ku'i lima pu mai me ka hoolohe oiuolu, i hookahi pana ana i waiolohia e na hoa paahana o ka pono, ame na makamaka apau o ke kuianakauhaie o Honolulu; pau ka paina ahiahi me ka ohana ma ka home, komo iho i kahi aahu ahiahi, hao mai a paihi, a au ka manu iluna, naue nui ae ma Kawaiahao, ilaila kakou e hoonanea ai, e ike i ka po lea o Kalani ame Halalii. Aia malaila na komite hookipa a ke

aloha, e kali mai ana nn kakou, huhui aku na maka ilaila. e ike a hoouu iho k;i makemake i na nua momona a ka leq o na manu, e maona al ka manao i ke kani kapalili honehone. a e oluolu ai ka uhane i ka mea om> a iiua: no ka mea. he poe puni himenl na Hawaii, he iini e ake no e lohe a ho makahehi nui hoi, ma ia maheie kiekie o ka naauao. A e lohe ana kakou mai na talena like ole a ka Makua Lani i haawi mai ai l na keiki laulima a ke aloha, no ke kokua ana i keia hana maikai; e nnna pono malalo ilio. O kahi auhau he hapaha ka uku komo, e loaa no na kikiki ma ka lima o na komite, a ma ka ipuka. Me ka malialo, EDWARD K. LILIKALANI, Lunahoomalu o ke Komike. PAPA KUHIKUHI MA KE ANO NUI. Kawaiahao Choir, full chorus, 2 himenl. Manoa Valley, chorus and eeho, 2 hlmeni. Kamehameha Glee Club, solo ame chorus, 2 liimeni. Kawaiahao Seminary, full choruß, 1 himeni. Mr. Harry Davison. baritone solo. Kaiulani Home, duett. Pauoa Valley, full chorup. 1 himenl. Kakaako Glee Club, full chorus, 2 hiirieni. Kamoiliili C. E.. full chorus. 1 hlmeni. Mr. E. K. Lilikalani, baritone solo. Ernest Kaai, hookani pila, 2 himenl. Waikiki C. E.. full chorus, 1 himeni. Ellis Bros. Glee Club, 2 himeni. Royal Hawaiian Band boys, hookanl pila, 2 himeni. Kakaako Mission, 2 himeni. Mr. W. S. Ellis, baritone i kokuaia e W. C. Aehi, Jr. Hawaii Ponoi.