Ka Nupepa Kuokoa, Volume XLIV, Number 6, 9 February 1906 — HAKAKA PU ME KE AHI. [ARTICLE]

HAKAKA PU ME KE AHI.

Ma ka Poakahi nei i puoho ae ai kekahi ahi iuka o Puuohia, mauka o Puoina, he pauahi inaluna o "Kuahiwi." ka pa-hale o Senatoa C. H. Dickey, a lilo ae la ia he mea hoolele hauli i ko ke kulanakauhale nei, eia nae, ua pio | iho no ua ahi nei ma ka hora eiima o ka auwina la, a aohe no hoi he mau poino nui. Ma kahi o ka hora 10 a. m. o ia la i hoomaka ae ai ua Kenakoa la e puhi- | puhi opala a i ke ano akakuu ana mai o ke ahi mahope iho o ka puhipuhi ana, ua iho aku la ua Kenakoa nel me kona mau limakokua ma ka aoao malaio o ka pa-hale. lioko no o keia manawa i pa mai ai kekahi makani ikaika a pii hou ae la ke ahi me ka ikaika a holopuni ae la ma ke kahua. A ia manawa koke no 1 hoomaka ae ai ka hakaka ana o ke Kenakoa me na limakokua i ke ahi. Ua kaheaia i mau kokua hou aku, a emoole no hoi i hoea mai ai na Kepani a Mr. Walakahauki a hookahi ka paio like ana i ke kupuino. Me ka hoolkaika nui ana i ke kinai ana i ke ahi a hiki wale i ka hora elima o ke ahiahi. A ua hauoli no hoi ua Kenakoa nei i ka hoike ana ae i ka pio ana o ke ahi iloko o ka manawa kupono ia Mr. Hosmer, kekahi o na luna o ka Oihana Hoouiu Laau ame Mahi, he hoopakele ana hoi i ka holopapa loa ana aku o ke ahi maluna o na aina e aku.