Ka Nupepa Kuokoa, Volume XLIV, Number 6, 9 February 1906 — AIA HE UMI OHANA A HIKI MAI I HAWAII NEI. [ARTICLE]

AIA HE UMI OHANA A HIKI MAI I HAWAII NEI.

O ka hiki ana mai o Mr. W. F. Bold, 0 ka Mokuaina o Wakinekona, i Hawaii nei a i holo aku la no ka mokupuni o Hawaii, o ka hiki ana inai ia o ka makemake o kekahi poe ohana haole he umi no ka nana ana i wahi kuP°no no lakou ma ka oihana mahi, a home mahi liilii no ka hookuonoono ana. He wahi hui keia i kukuluia ma ko lakou wahi a i hele aku la o Mr. Boid 1 Hawaii e nana pono ai i aina no keia mau ohana he umi, a ke ku i kana koho o ka loaa no ia o na aina mahi. O ka aina i manaoia oia no kela poe eka o Kaao-paalea, no ka huina o 325 eka aina mahi maikai loa e pili kokoke 1 la me ka mahiko o Honokaa. A ina e laweia keia mau aina, alaila, o ka hoomaka koke no ia o na hooponopono ana me ka lawe pu ana ae i na pulapula ko maluna o na aina e makaukau ai no na ohana ke hoea mai a hoohana koke no, he haawi ana hoi ia he manawa no lakou e hooikaika ai a loaa j e no ka hua o ka luhi ma ka hapamua o ka makahiki e hoea mai ana. |