Ka Nupepa Kuokoa, Volume XLIV, Number 4, 26 January 1906 — OLELO HOALOHALOHA. [ARTICLE]

OLELO HOALOHALOHA.

"Mai hookaumaha ia ko oukou naau, e manaoio oukou i ke Akua, e manaoio mai hoi ia'u. Ma ka hale o ko'u Makua he nui na wahi e noho ai, ina aole pela ina ua hai aku au ia oukou, ke hele aku nei au e hoomakaukau i wahi no oukou." Mamuli o ke kina ana ae o ka anela o ka make a lawe paianehe aku la i ka hanu hope loa o Mr. J. K. Naone, ma kona home noho ma Pauoa, Honoiuiu, Oahu, ma ka la 8 o lanuari, A. D. 1906, a waiho iho la i ka ukana a ke aloha e paiauma aku nona me ka u ana, na kaikaina, na keiki, na moopuna, na makamaka ame na hoaioha iehuiehu, ma keia aoao o ka muiiwai eleeie o ka make. He aloha a heahea, hoopono a makaala i na hana o ka ekalesia ame Kula Sa-, bati o Pauoa,* a he hoahanau no ka' Ekaiesia o Kawaiahao; a i kona halai ana aku la, ua hakahaka iho la kona noho i maa mau i na haumana a he hana hiki oie ia ia kakou e kaohi mai oiai oia e hooko ana i ka oleio paa, "he lepo no oe. a e hoi aku no oe i ka lepo, a o ka uhane e hoi aku ia i ka mea nana i hana." Pomaikai ka mea make ke make iloko o Karisto lesu. Nolaiia: E hooholoia: O makou o na hoahanau ame na haumana Kula Sabati o Pauoa ma o ko makou komite 'la, ke komo pu aku nei makou iloko o na u pu ana me na ohana apau o ka mea i haia aku; a E hooholo hou ia: E hoouna ia kekahi kope o keia Olelo Hoaiohaloha i ka ohana o ka mea i hala aku, a hookahi kope i ka nupepa Kuokoa. Ke pule nei makou i ke Akua Mana Loa e hoomama mai i ko kakou mau u ana a Nana no e hoopau ae i ko kakou mau naau kaumaha. S. K. NAKAPAAHU, JAS. H. S. KALEO, A. K. KEAO, LAPANA KEAWEPOOOLE, SAM KAAUMOANA. Komite.