Ka Nupepa Kuokoa, Volume XLIV, Number 3, 19 January 1906 — KU-E I KA MARE LEHULEHU. [ARTICLE]

KU-E I KA MARE LEHULEHU.

(Hoomauia.) Mr. L«xmahooponopono. Aloha nui:— E ae mai kou ahonui ia'u i kauwahi kaawale o na kolamu o kau mllimili ("Kuokoa") no ko'u manao pane i kuu makamaka a hoaloha Hon. Chas. Broad, no ka mea e pili ana i ke kumuhana ano nui e paio ia nei i keia mau la ma ke kumumanao o ka mare lehulehu, ke kumumanao hoi i ku-eia kona hanaia ana ame Jce a'oia ana ma na la o losepa Kamika e ola ana; a, aole loa no hoi i ikeia ma ia manawa ka Olelo Hoike Mare Lehulehu a ka poe o Uta e manaoio nei, a hoea i ka M. H. 1876, he 30 a oi makahiki mahope iho o ka make ana o losepa Kamika, ma ia \va lakou i hookomo mai ai i keia mau a'o ana. a kapae ae la i ke "Kanawai no ka Mare ana" ma ke ano kukahi, ke kanawai hoi e papa ana i ka mare lehulehu a i pa'i ia ma na Buke Berita a pau mamua aku o ka M. H. 1876, me keia mau huaolelo:

"Ke aelike mai nei olua e lilo kahi i hoa no kekahi, i kane a i wahine, e malama ana hoi i na pono ame na kuleana ma keia berita ana; oia hoi, e malama ana kela ame keia o olua ia olua iho me ka hemolele no kekahi ame kekahi, a e kaawale ana hoi mai na poe e ae mai apau, oiai hoi na ia o ko olua ola ana." (Pauku 2, No ka Mare.) Penei hoi na olelo ma ka Pauku 4, oia mea hookahi no: "Oiai, ua hoinoia keia Ekalesia no ka hewa moekolohe, ame ka mare lehulehu: ke kukala aku nei makou, (losepa Kamika ma) ke manaoio nei ma- i kou. i hookahi wahine a ke kanaka. hookahi; a o ka wahine hookahi, i hookahi no kane, koe waie no ma ka wa e make ai, oia ka wa e hiki ai i kekahi o laua ke mare hou aku." O keia na a'o ana ma ka wa o losepa Kamika e ola ana; a o C. Benete ka lunakahiko mua i oki ia maiioko aku o ka Ekalesia, ma ka hooholo lokahi like ana o ka Ekalesia ame loaepa Kamika ma no ka hewa mare lehulehu, e like me ka hoike ana a ka moolelo Ekalesia. A me ka ike maopopo no o keia poe o Uta i keia ku-e o ka Ekalesia ia mau la ame losepa Kamika, i ka hana mare lehulehu, olelo mai no lakou, ua loaa mai no ia losepa Kamika keia Olelo Hoike Mare Lehulehu mai ke Akua mai. Mamuli wale iho no keia o ko lakou mau manao maalea, i wahi e hooko ia ai ko lakou mau manao puni wahine. He kanaka anei o losepa Kamika e ku-e ana iaia iho, a e hoopoina oia i na he kauoha kekahi na ke Akua no ka hoike ana mai imua o na kanaka, e like me ka mare lehulehu a oukou e manaoio kuhihewa nei, a e waiho oia a hiki i kona make ana. no kekahi manawa loihi, a o ka poe o I Uta, ka poe na lakou e hoike mai imua j 0 na kanaka, no ke kowa o 7 makahiki a oi? (1852.) Aole; aole loa he poe e puni aku i keia mau a'o lalau. Penei ka olelo a ka Buke Berita, Mah. 2S: 11-12, o Uta: "A eia hou, e lawe aku oe i kou hoahanau, o Hairam Page, mawaena ona ame oe wale no, a e hai aku oe iaia, o kela mau mea ana i kakau ai mai kela pohaku mai, aole ia Na'u, a | ua hoopunipuni ia oia e Satana. no ka j mea hoi, aole i haawiia aku keia mau mea iaia, aole hoi e haawiia aku kekahi mea i kekahi kanaka o keia Ekaleaia. e ku-e ana i na berita Ekalesia; no ka j mea e hanaia ana na mea apau me ! ka pololei, a mamuli o ka ae lokahi ana o ka Ekalesia, ma o ka pule 'la o ka manaoio." Penei hoi ke Kanawai Ekalesia ma ia wa, Buke Berita, Mah. 49:15-17, o ! Uta; 49:3 o Lamoni: "A eia hou, ke hai aku nei au ia oukou. o ka mea papa i ka mare, aole ia no ke Akua mai, no ka mea, ua kukuluia ka mare e ke Akua no ke kanaka; nolaila, ua pono e loaa iaia i HOOKAHI WAHINE, a o laua elua e liio i hookahi i'o. a o keia hana ana, i hooko ai ka honua i ka hopena o kona hana ia ana: a i hoopiha ia al hoi oia ma ke ana a ke kanaka, eiike me kona hanaia ana mamua o ka hanaia ana o ka honua nei." E hoomaopopo e na makamaka heluhelu. he kanawai keia no ka ekaleeia, a, aoie ioa he kanaka e haawi ia aku ai Kekahi kauoha e ku-e ana i keia t>erit& ekalesla e like me Biriguma lana :no ka mare lehulehu. Ia wai la kakou e manaoio ai. ia Biriguma lana anei, a 1 ole, i ka ke Akua paha e kauoha mai j nei. aoie loa e haawi ia i kekahi kanaka na kauoha e ku-e ana i na berita Eia lakou ke a'o mai nei 1 ka mea okoa. a he okoa nae ke a'o ana a ka Buke Berita. Huhewa ka poe hilinai maluna o ke kan&ka, a hoole i na kauoha a k« Akua. Ano, maanei au e wehewehe ai no na mea i ku-e ia e Charlejr Broad e pili ana i ko'u mau manao hoakaka ku-e 1 ka mare lehulehu. HOSBS KEAULANA. (AoU 1 pau.)