Ka Nupepa Kuokoa, Volume XLIV, Number 3, 19 January 1906 — Page 6
| This text was transcribed by: | Nahua Patrinos |
| This work is dedicated to: | Athena Napuahaʻaheo Vaughn |
NUPEPA KUOKOA, POALIMA, IANUARI 19,1906.
HE MEA MAU E PONO E HOOHOIHOIIA.
O ka makuahine i maa mau i ka malama ana i omole o ka Laau Kunu a Kamalena (Chamberlain's Cough Remedy) ma kona home, ua hoopakele ae oia iaia iho mai na manao pihoihoi. O ke kunu, loaa ana ame ka hupekole, he mau mea loaa mau i na keiki, he hikiwawe loa ko lakou hoolaia. He pale hoi kana i ke komo ana aku o ke anu e loaa mai ai he numonia mahope, a in a e haawi koke ia i ke keiki i ka manawa e hoea mai ai na hiena o ka hupekole e pale koke ia no ka ma'i. Aole he mau mea hoopilikia i loko o keia laau, a aole he me a ka makuahine e hoomakaukau ai ke haawi aku i kana kamaiki. Ke kuaiia nei ma na halekuai laau lapaau apau. BENSON, SMITH & CO., LTD. ma Agena ma Hawaii nei.
HOOLAHA HOOKO MORAKI.
RAMOND REYES
HOOLAHA MANAO PANIKU A KUAI A KA MEA PAA MORAKI
Ma kela ke haawiia aku nei ka hoolaha mamuli o ka mana o ke kuai i paa iloko o kekahi moraki i hanaia i Sepatemeba 9, 1902, i hanaia e RAMOND REYES, Kahu Malama o ke kino ame ka Waiwai o DAVID CALLIHAN, he keiki oo ole, no Honolulu, Teritori o Hawaii. Mea Moraki Mai ia Julia Edwards, Mea Paa Moraki, o ka moraki hoi i oleloia ua kakaukopeia iloko o ko hawaii Keena Kakaukope Aina iloko o ko Hawaii Keena Kakaukope Aina iloko o Honolulu i oleloia, iloko o ka buke helu 237, aoao 370-372, pau pu me ka aoao 372, o ka Mea Paa Moraki i oleloia ke manao nei e paniku i ka moraki i oleloia no ke kumu i uha'iia, e hoike ana, o ka uku ole ia o ke kumupaa ame ka ukupanee i ka manawa e uku ai.
Ke haawi pu ia aku nei no hoi ka hoolaha o ka waiwai i paa iloko o ka moraki i oleloia e kuaiia aku ana ma ke kudala akea ma na keena kudala o James F. Morgan, ma ke Alanui Kaahumanu, i loko o Honolulu i oleloia, ma ka Poaono, Ianuari 20, 1906, hora 12 awakea o ka la'i oleloia.
O ka waiwai i paa iloko o ua moraki nei i oleloia a e kuaiia aku ai e like me ia i olelo mua ia ae nei oia kela apana a mahele apau loa o ka aina e waiho la iloko o Honolulu i oleloia, nona ka ilianina o 5880 kapuai kuea, a olia no hoi ka apana Helu 5 o waiwai o Machado i maheleheleia ma (Alanui Moi) a oia no hoi ia hooiaia a i hoakakaia iloko o ka palapala mahele anina i hania i ka la 15 o Aperila, 1902, i hookoia e W.A. Wall, Komisina, iloko o ka hana o ka hoopii mahele aina o Raymond Reyes, et al., vs. (ku-e) David Calihan, et al., Hoopii Kaulike (Equity Suit) Helu1145, o ka aina i oleloia oia no hoi ka hapa o ka aina i hoakakaia i loko o ka Palapala Sila Nui Helu 423, L.C.A. Helu 605, Apana 2 pau pu me na pono apau loa, ame na kuleana apau loa ame na pomaikai apau loa, i pili aku ilaila.
Ma ke dala kuike ka makemake a ma ke dala gula Amerika no hoi a ma ka aoao o ka mea kuai mai na lilo palapala apau e hoomakaukauia ai e na @ o ka mea paa moraki.
No na mea aku i koe e noi ae ia Smith & Lewis, no ioio no ka Mea Pas Moraki.
Hanaia ma Honolulu, Teritori o Hawaii, Dekemaba 22, 1905.
JULIA EDWARDS
Mea Paa Moraki i oleloia.
3110 -- Dec. 29, '05; Jan. 5, 12,19, '06.
MARY REYES.
HOOLAHA MANAO PANIKU A KUAI A KA MEA PAA MORAKI
Ma keia ke haawiia aku nei ka hoolaha mamuli o ka mana o ke kuai i paa Hoko o kekahi moraki i hanaia i ka la 26 o Augate, 1902, i hanaia e MARY REYES, wahine mare a Ramond Reyes, ame Ramond Reyes i oleloia, no Honolulu, Teritori o Hawaii, na Mea Moraki Mai ia Julia Edwards, ka Mea Paa Moraki, o ka moraki i oleloia ua kakaukopeia iloko o ko Hawaii Keena Kakaukope iloko o Honolulu i oleloia, @oko o ka buke helu 236, aoao, 377-380, pau pu me ka aoao 380, o ka Mea Paa Moraki i oleloia ke manao nei e paniku i ka moraki i oleloia no ke kumu i uha'ila, e hoike ana, o ka uku ole ia o ke kumupaa ame ka ukupanee i ka wa e uku ai.
Ke haawi pu ia aku nei no hoi ka hoolaha o ka waiwai i hoopaaia maloko o ua moraki nei i oleloia e kuaiia aku ana ma ke kudala akea ma na keena kudal o James F. Morgan ma Alanui Kaahumanu iloko o Honolulu i oleloia, ma ka Poaono, Ianuari 20, 1906, ma ka hora 12 awakea o ka la i oleloia.
O ka waiwai i paa iloko o ka moraki i oleloia a e kuaila ana e like me ia i olelo mua ia ae nei oia keia mau apana a mahele apau loa o ka aina e waiho ia iloko o Honolulu i oleloia, oia no hoi na Apana Helu 1, 2 ame 3 o ka waiwai o Machado i mahelemeheia (ma Alanui Moi) a oia ia i hooiaia a i hoakakaia i loko o na palapala mahele aina i hanaia i ka la 15 o aperila, 1903, i hookoia e W. A. Wall, Komisina, iloko o ka kana o ka hoopii mahele o Ramond Reyes, et al., ku-e (vs.) David Callihan et al., Hoopii Kaulike (Equity Suit) Helu 1145, o na aina i oleloia oia no na hapa o ka aina i hoakakaia iloko o ka Palapala Sila Nui Hel 4423, L.C.A. Helu 605, Aoaba 1 e ili ana no lakou pakahi iho ma ka neepapa he 7340 kapuai kuea, 8180 kapuai kuea, ame 4382 kapuai kuea, e koe ana nae mai ia lakou mai he wahi lihi apana aina ma Alanui Moi i manaoia e lawe no ka hoakea ana i ke Alanui Moi ma ka la o ka hana ia ana o ka moraki i oleloia, pau pu me na pono apau loa ame na kuleana ame na pomaikai apau loa i pili aku ia mau waiwai i oleloia.
Ma ke dala kuike ka makemake a ma ke dala gula Amerika no hoi a ma ka aoao o ka mea kuai na lilo palapala apau e hoomakaukauia ai e na loio o ka Mea Paa Moraki i oleloia.
No na mea aku i koe e noi ae ia Smith & Lewis, na loio no ka Mea Paa Moraki.
Hanaia ma Honolulu, Teritori o Hawaii, Dekemaba 22, 1905.
JULIA EDWARDS,
Mea Paa Moraki i oleloia.
3100 - Dec. 29, '05; jan. 5, 12, 19, '06.
HOOLAHA HOOKO MORAKI.
KUMUKAHI AME OHAI
HOOLAHA MANAO PANIKU AME KUAI PANIKU A KA MEA PAA MORAKI
I kulike ai me ka manao o kekahi molaki i hanaia e KUMUKAHI ame kana wahine, OHAI, ia A.B. CAMPBELL, KAHU, ma ka ia 6 o Iulai, 1903, a i kopela ma ka Buke 244, aoao 455, ma keia ke hoikeia aku nei ka Iohe ua makemake ka mea paa molaki e paniku i ua molaki la no ka uhakiia o na kumu, oia hoi: ka uku oleia o ka ukupanee ame ke kumupaa i ka manawa e uku ai.
A ke hoolaha hou ia aku nei mahope o ka hala ana o na pule ekolu mai ka la aku o keia hoolaha, o ka waiwai i paa ma ua molaki la i oleloia, e hoolahaia aku ana no ke kuai kudala ana ma na keens kudala o James F. Morgan, ma Honolulu, Poaono, la 10 o Feberuari, 1906, ma ka hora 12 o ua la la, a ma ia manawa a ma ua wahi la e kuaiia aku ai ua mau waiwai la.
E loaa no na hoakaka hou aku i koe ma ke keena o Castle ame Withington na Loio no ka mea paa molaki.
Kuike ma ke Dala Gula o Amerika Huipuia. O na lilo Palapala ma ka aoao la o ka mea Kuai mai.
Hanaia Honolulu, Ianuari 13, 1906.
A.N. CAMPBELL, TRUSTEE,
Mea Paa Molaki.
Penei na waiwai i paa maloko o ua molaki la i oleloia:
O kela apana aina apau loa e waiho la ma Waikiki-lai, Honolulu i oleloia, he mahele no ka Palapala Sila --- , L.C.A. No 2084, apana 3, ia Keohohina, a i hoakakaia penei:
E hoomaka ana ma ke kihi Akau Hikina o keia aina, e pili ana i ka aina o A. S. Cleghorn ame Charles Kanuha, a e holo ana:
1. Hem. 25° 30 ʻ Hik. 79.7 kapuai ma ka aina o A.S. Cleghorn:
2. Hem. 62° 15ʻ Kom. 75.8 kapuai ma ka aina i hooliloia e aʻu ia Florence K. Hoolae;
3. Ak. 33° 40ʻ Kom. 69.6 kapuai ma ka L.C.A. 2006. Ap.3;
4. Ak. 55° 30ʻ Hik. 86.4 kapuai ma ka aina o Charles Kanuha, a hiki i ke kihi i hoomaka ai, a e ili ana he 6000 kapuai, oi aku a emi mai paha.
3103---Jan. 19, 26, Feb. 2, 9.
L. AHLO AME LAHELA.
HOOLAHA MANAO PANIKU A KUAI PANIKU A KA MEA PAA MOLAKI
I kulike ai me ka manao o kekahi molaki i hanaia e L. AHLO (i kapaia no hoi LEE LOK), nona ponoi iho a he KAHU ame LAHELA, kana wahine, ia VERNON L. TENNEY, ma ka la 31 o Mei, 1899, a i kopeia ma ka Buke 196, aoao 27, a pela aku, ma keia ke hoikeia aku nei ka lohe ua makemake ka mea paa molaki ia o na kumu, oia hoi: ka uku oleia o ke kumupaa ame ka ukupanee.
Ke hoike hou ia aku nei ka lohe mahope iho o ka hala ana o na pule ekolu mai ka la aku o keia hoolaha, o ka waiwai i paa maloko o ua molaki la e hoolahaia aku ana no ke kui kudala ana, ma na keena kudala o James F. Morgan ma Honolulu, Poaono, la 10 o Feberuari, 1906, ma ka hora 12 o ua la la, a ma ia wahi a ma ia manawa e kuaiia aku ai ua waiwai la.
E loaa no na mea aku i koe mai a Castle ame Withington, na Loio no ka mea paa molaki.
Kuike, ma ke Dala Gula o Amerika Huipuia: o na lilo pepa ma ka aoaoa o ka mea kuai mai.
Hanaia ma Honolulu, Ianuari 15,1906.
VERNON L. TENNEY
Mea Paa Molaki
Penei na waiwai i paa maloko o ua molaki la:
1. O kela apana aina apau loa ma Kaheeka, Waialua, ma ka Mokupuni o Oahu. e ili ana he kanalima (50) eka, oia ka apana aina i hoakakaia ma ka Palapala Sila (Grant) 428 ia Kauloaiwi, a i hooliloia i ka mea molaki mai ma ka palapala kuai a James B. Pakele, i hanaia ma ka la 2 o Malaki, 1899, a i kopeia ma ka Buke 189, aoao 496, a oia ka aina e manaoia nei e kuai aku.
2. He kuleana hoolimalima i hanaia e Robert Wyllie Davis ame kekahi poe e aʻe iaia, ka L. Ahlo i oleloia, ka mea molaki mai ma ka la 29 o Mei, 1899, kopeia ma ka Buke ---, aoao ---.
O keia hoolimalima ua hookuuia mai keia molaki mai ma ka la 23 o Feberuari, 1904, aole hoi e kuaiia ana malalo o keia kuai paniku.
3103---Jan. 19,26, Feb. 2, 9.
HOOLAHA MANA HOOKOLOKO
ILOKO O KA AHA KAAPUNI O KA APANA KAAPUNI ELUA, TERITORI O HAWAII, MA KE KEENA HOOPONOPONO WAIWAI
Iloko o ka Hana o ka Waiwai o Rev. Z. S. K. Paaluhi, Mea i Make o Waialua, Molokai. Kauoha o ka Hoolohe ana i ka Palapala Noi no ke Kuleana Hooponopono Waiwai ana.
Ma ka heluheluia ana ame ka waihoia ana mai o ka Palapala Noi a Rev. D. Kaai, ka Mea Koi Ale o ka mea i make i oleloia, no Kalaupapa, Molokai, e hoike ana me ka oiaio i ka make kauoha ole o Rev. Z. S. K. Paaluhi o Waia lua, Molokai, ma Waialua i olelo mua ia ae nei, ma ka la 8 o Okatoba A.S.1905, a waiho iho he waiwai iloko o Hawaii Paeaina i kupono no ka hooponoponoia, a ke pule nei e hoopukaia mai i mau Leta no ke Kuleana Hooponopono Waiwai ana i kekahi mea kupono.
Ua kauohaia no hoi o ka Poakahi, ka la 5 o Feeruari, A. D. 1906, ma ka hora 10 a.m., a ma keia oia ka manawa i hooholoia no ka hoolohe ana i ka Palapala Noi i oleloia i loko o ke Keena Hookolokolo o keia Aha ma Wailuku, Maui, a ma la manawa hoi a ma ia wahi e akoakoa ae ai ka poe apau i kuleana i loko o ia mea a e hoike ae i ke kumu, in a he mea kahi o ia ano, no keaha la e ae ole ia ai ka Palapala Noi i oleloia, a he hoolaha no hoi o keia kauoha e hoolahaia ma na olelo Beritania ame Hawaii, no ekolu pule neupapa iloko o ka "Pacific Advertiser ame ka "Nupepa Kuokoa" he mau nupepa i hoolahaia iloko o Honolulu.
Hanaia ma Wailuku, Maui, Dekemaba 27, 1905.
(Kakauinoaia) A. N. Kepoikai, Lunakanawai o ka Aha Kaapuni o ka Apana Kaapuni Elua.
(Sila) Ikemakaia: (Kakauinoaia) Edmund H. Hart, Kakauolelo o ka Aha Kaapuni o ka Apana Kaapuni Elua.
3100---De. 29, ʻ05: Jan. 5, 12, 19, ʻ06.
ILOKO O KA AHA KAAPUNI O KA APANA KAAPUNI ELIMA, TERITORI O HAWAII, MA KE KEENA HOOPONOPONO WAIWAI.
Iloko o ka Hana o ka Waiwai o Clinton Howard Willis, o Hanalei, Kauai, i make. Kauoha o ka Hoolaha no ka Hoolohe ana i ka Palapala Noi no ka Hooponopono Waiwai ana.
Ma ka heluheluia ana ame ka waihoia ana mai o ka Palapala Noi o John A. Palmer o Lihue, Kauai, e hoike ana me ka oiaio, i ka make kauoha ole ana o Clinton Howard Willis o Hanalei, Kauai, ma Hanalei, Kauai, ma ka la 30 o Okatoba,A.D.1905, a waiho iho he waiwai iloko o ko Hawaii Paeaina i kupono no ka hooponoponoia, a ke pule nei e hoopukaia mai i mau Leka no ke Kuleana Hooponopono Waiwai ana, iaia, John A Palmer i oleloia.
Ua kauoha pu ia hoi o ka Poalima, ka la 2 o Feruari, A. D. 1906, ma ka hora 10 a.m., o ka la i loeloia, a oia no hoi ka manawa i hooholoia no ka hoolohe ana i ka Palapala Noi i oleloia iloko o ke Keena Hookolokolo o keia Aha ma Lihue, Kauai, a o ka manawa i oleloia ame kahi i hoikeia ae nei e ku ae ai na mea apau i pili aku i keia hana a hoike ae i ke kumu, ina he mea kahi a lakou o ia ano no keaha la a ae ole ia ai ka Palapala Noi i oleloia, a he hoolaha no hoi o keia kauoha e hoolahaia iloko o ka olelo Beritania ame ka olelo Hawaii no eha pule neepaa iloko o ka "Hawaiian Gazette" ame ka "Nupepa Kuokoa" he mau nupepa i paʻiia iloko o Honolulu.
Hanaia ma Lihue, Kauai, Dekemaba 22,1905.
(Kakauinoaia) J. HARDY,
Lunakanawai Aha Kaapuni o ka Apana Kaapuni Elima,
Ikemakaia:
(Kakauinoaia) JOHN A. PALMER,
Kakauolelo Aha Kaapuni o ka Apana Kaapuni Elima
3100 -- Dec.29, ʻ05; Jan. 5, 12, 19, ʻ06
LOKO O KA AHA KAAPUNI O KA APANA KAAPUNI EKOLU, TERITORI O HAWAII, MA KE KEENA HOOPONOPONO WAIWAI.
Iloko o ka Hana o ka Waiwai o David Hukai Kahoiwai, i make. Kauoha o ka Hoolaha no ka Hoolohe ana i ka Palapala Noi no ka Ae ana i Heluwaiwai Hope loa, ka Mahelehele ana ame ka Hookuu Ana.
Ma ka heluhelu ana ame ka waihoia ana mai o ka Palapala Noi ame na heluwaiwai o E. A. FRAZER, Lunahooponopono waiwai o ka Waiwai o DAVID HUKAI KAHOIWAI, iloko hoi olaila e noi ana oia e aeia i $-------------, a e auhau iaia - iho me $--------------- a e noi ana hoi e huli pono ia mai ia mea a e aponoia mai hoi, a e hanaia i kauoha hope loa no ka mahelehele ana i ka waiwai e koe nei iloko o kona mau lima i ka poe apau i komo kuleana aku, a e hookuu ana hoi iaia ame kona mau hope hoopaa mai na koikoi e ae apau ma ke ano Lunahooponopono waiwai no ka Waiwai o DAVID HUKAI KAHOIWAI.
Ua kauoha pu ia no hoi o ka Poakolu, ka la 31 o Ianuari, A.D. 1906, ma ka hora umi a.m. imua o ka Lunakanawai o ka Aha i oleloia ma ke Keena Hookolokolo o ka Aha i oleloia ma Kailua, Mokupuni o Hawaii, a ma keia, o ka manawa ame kahi i hoikeia ae nei, oia ka manawa ame kahi i hooholoia no ka hoolohe ana i ka palapala noi i oleloia ame na helu waiwai, a e akokoa ae ka poe apau i komo kuleana iloko o keia hana a hoike ae i ke kumu, in a he mea kahi a lakou o ia ano, no keaha la e ae ole ia ai ia noi, a e hoike pu ae i na hoike lawa kupono no ke kuleana io o kekahi mea iloko o ka waiwai i oleloia.
A he hoolahalaha o keia Kauoha iloko o na olelo Beritania ame Hawaii e hoolahaia iloko o ka "Evening Bulletin" ame ka "Nupepa Kuokoa," he mau nupepa i paʻiia a hoolahaia iloko o Honolulu, no ekolu pule neepapa, o ka hoolaha hope loa aole ia e emi malalo o elua pule mamua o ka manawa i hooholoia no ka hoolohe ana i oleloia i paa iloko nei.
Hanaia ma Kailua, i keia la 19 o Dekemaba, 1905.
NA KA AHA, JOHN GREIG, Kakauolelo.
Harry T. Mills, Loio no ka Mea Noi
3100--Dec.29, ʻ05; Jan. 5, 12, 19, ʻ06
HOOLAHA AINA AUPUNI
Ma keia ke haawila aku nei ka hoolaha ma ka hora umi-kumamalua (12), Poanono, Feberuari 3, 1906, e kuai ia aku ai ma ke kudala akea malalo o na manao o ka Hapa 4, o ka Pauku 17, Kanawai Aina o 1895, ma ke alo iho o ka Hale Hookolokolo, Honolulu, i kela hapa o ka Aina Aupuni e waiho la iloko o Hamakua poko, Mokupuni o Maui, a i ikeia o
"OLINDA."
E ili ana keia aina ma kahi o 70.5 eka aina, he aina kula ka hapanui pau pu me kekahi halenoho ame na hale e ae e pili kokoke ana i ke alanui e moe la a ka piko o Haleakala, a aia ma kahi o ke kiekiena o aneane 4000 kapuai maluna o ka ilikai.
Kumukuai haahaa --- $2800.00. Ma ke dala kuike ka makemake a ma ke dala gula Amerika no hoi.
No ka palapala kuhikuhi ame na mea e ae, e noi ae i ke Keena o na Aina Aupuni, Hale Hookolokolo, Honolulu.
JAS. W. PRATT,
Komisina o na Aina Aupuni.
Honolulu, Ianuari 3,1906.
3101 -- Jan. 5, 12, 19, 26; Feb. 2.
He Kakaikahi Wale No
Iwaena o ka nui na kanaka apuni kakou he uuku hea ka poe iloko o ia huinaʻi maikai ke ole kino. O ka hapanui o lakou he mau pio lakou na kekahi mau ano mau iloko o ke ano kuhohonu a lahilahi ike mai.
No kekahi manawa ua hapaiia ke kanaka iloko o ke ano ikaika mamuli o na knawai o ke ola kino, aka, i ka hala ana o kekahi mau manawa ua pii ae la ke ano ino iloko o ke koko, a o na mea paahana keia o ke kino ua hookaumahaia iho la, ke kumu i haule ai malalo iho o ka ikaika mau. O keia mau mea apau e loaa ana i ke kanaka i ka manawa pokole a i ole i ka manawa loihi paha, aka hookahi no hopena.
O ka poe i hookaumahaia e keia mau pilikia o lakou ka poe i kaa aku mawaho o ke ano ola maikai. Iloko paha o keia huina aia he poe o lakou i loaa i ka ehaeha i ulu mai mamuli o ka maikai ole o ka oihana hoowali ai o ka opu ai-ai a lilo mai mahope mai i maʻi kuluma a maʻi nahu hoi iloko o ka ipu. O na lapaau ana maluna o keia ano he pohihihi ka loaa o ka pono a nele loa no paha i kekahi manawa, aka o na kauka ua hooiaio mai lakou i ka.
WAMPOLES PREPARATIONS
He laau keia o ke ano hoomaemae koko a hoihoi hou mai i na wahi i pilikia a ke kulana maikai mua. O keia lapaau ola a maikai no hoi he laau ono i ka ai ana, ano like me ka hone a he mau waiwai hoola hoi kona mailoko mai o ka Aila Akepaa o ka Iʻa Cod, i loaa mai ia makou mai ke akepaa mai o ka iʻa cod makamaka hou loa i hoohuihuiia hoi me ke Compound Syrup of Hyphosphites and Extracts of Malt and Wild Cherry.
E hoomaka ka ai ana i keia laau i ka manawa no e hoomaka ana ka maʻi pela no i ka manawa e kinohou loa. Eia ka Kauka J.M. Guijosa pane maluna o keia laau:
"Ua haawi aku wau i keia laau a oukou i kekahi wahine nona ka maʻi pili i na mea paahana o kona kino a mai ka omole mua ana i inu ai ka hoomaka ana o ka oluolu iaia.
"mahole iho o ka lawe ana he eono omole laau ua pau loa kona maʻi a loaa iaia ke ola piha. Ua inu oia i keia laau me ka maikai, aole hoi e like me kekahi ano laau e ae i ka maikai ole o ka ai ana e like me ka mea i ike mau ia o ia mau ano haawina."
He hookahi no omole o ka lawa no ia o ka na o ka noonoo e pau ai ke kuhihewa. Aole e hoohokaia kekahi ke hoao iaia. He kuaiia keia laau ma na halekuai apau apuni ke ao holookoa.
HOOLAHA KUKULU HUI.
Ma keia ke haawiia aku nei ka hoolaha, ma ka la 20 o Dekemaba, 1905, o ka poe no lakou na inoa malalo iho nei ua hana a komo aku lakou iloko o ka noho hui ana maloko o na Olelo Hoopaa o ka hui;
A o na inoa ame na wahi noho o kela ame keia lala o ka hui i oleloia oia keia:
Antonio do Rego, o Wailuku, Maui
Joseph do Rego, o Wailuku, Maui
ame
Arsenio do Rego, o Wailuku, Maui
A o ke ano maoli o na hana kalepa o keia hui oia ka lawe ana, ka malama ana ame ka lawelawe ana (1) i ka Iao Stables (Halelio Iao), e ku la ma Wailuku, (2) Lahaina Stables (Halelio Lahaina) e ku la ma Lahaina, (3) Puunene Stables (halelio Puunene), e ku la ma Kahului, ame (4) Half Way House (Hale ma ka Hapalua o ke Ala), e ku la ma ke Awapae o McGregor, ame (5) na lumi pahupahu e ku la iloko o Wailuku, o lakou apau aia iloko o ke Kalana o Maui, he hana i hoohanaia e ka poe i oleloia ae nei; a o keia hui e malama mau me ka lawelawe ana i na hana pakahi no apau, i oleloia, pau pu me na lala hana e ae e ku ana ma keia manawa a mahope aku i pili aku iloko o keia hui, a pela no hoi na hana e ae mai kahi manawa a kahi manawa aku ma keia hope aku, e noonooia ai hoi ma ka hoolala a lawelawe hana ana o keia hui no na pomaikai kaulike, i pakuiia mai, a lawelaweia hoi maloko olaila:
A o ka inoa hui o ka hui i oleloia, oia keia: "A. do Rego & Company."
A o na wahi oihana o keia hui i oleloia, aia ma Wailuku, Lahaina, Kahullui ame ke Awapae o McGregor, o lakou apau, aia iloko o ke Kalana o Maui.
ANTONIO DO REGO,
JOSEPH DO REGO,
ARSENIO DO REGO
3102---Jan. 12, 19.
HOOLAHA MA KE KAUOHA
MA KE KAUOHA
HOOLAHA
KUAI O KA APANA AINA AUPUNI MA KAALEO, HONOLULU, MOKUPUNI O OAHU, MAUKA O ALANUI KAUKA (JUDD).
Ma ka Poakahi, Ianuari 22, 1906, ma ka hora 12 awakea, ma ke alo iho o ke Kapitala, (Hale Aupuni Manahooko) e kuaiia aku ai ma ke kudala akea he apana o ka Aina Aupuni e waiho la ma Kaaleo, ma ka aoao mauka o Alanui Kauka (Judd), Honolulu, Mokupuni o Oahu, nona ka iliaina o 29-100 eka, oi iki a emi mai.
Kumukuai haahaa --- $500.00.
Ma ke dala kuike ka makemake a ma ke dala gula Amerika no hoi, a o na lilo palapala apau, mai na hoolilo Palpala Kuleana, Pooleta ame ka Hoolaha ana e ukuia lakou e ka mea kuai mai.
O ka palapala-aina ame na kuhikuhi o ia mea e ikeia no ma ke Keena o ka Lunanui o na hana o ka Lehulehu.
C.S. HOLLOWAY.
Lunanui o na Hana o ka Lehulehu.
Keena o na Hana o ka Lehulehu,
Honolulu, Dekemaa 21, 1906.
3101---Jan. 5, 12, 19.
PANE I KE KUOKOA
Hoomauia
Kekahi. I kou kakoo ana i ka Moses Keaulana mau hoakaka no Natana ame Davida e hoike hou mai ana no ia i kou lauwili oiai ua pane mua mai oe. "O ka Mare Lehulehu aole ia he Moekolohe." a o ko Moses keaulana manao e noke nei i ka hooiaio. "He Moekolohe ka Mare Lehulehu" I na aole pela alaila heaha la kou manao o ke kii ana aku nei ia Natana ame Davida. I na oe i kii e hoahewa ia Davida no kona kue ana i ka ke Akua loina (au e manao nei) i palapala ia ma Kin. 2:24. alaila ahona iki, aka aohe pela ma kau pane kakoo ia Moses Keaulana.
He mau pane mua aku nei no kaʻu no keia kumu hookahi no, aka, aole oukou i pale ae. Eia hou mai kaʻu mau hooiaio e pakui aku ana no kaʻu mau hoolalo e pakui aku ana no kaʻu mau hooiaio mua, no laila e oi loa aku ana ka paa ame ke kulanalana ole.
Ua mare lehulehu o Davida mamua o kona lilo ana, a poniia i alii. 1 Sam. 18:17. A i ka wa o ka Davida e noho mare lehulehu ana, aia pu no nae o Iehova me ia. Mamua koke iho o ko Davida poni ia ana i alii ua mare oia ia Ahinoama ame Abigaila. II Sam. 2:2. Ma keia wahi e ike oe ame ka poe kue mare lehulehu, aole ka Haku i kue mai ia Davida, aka kona kii ana, a moekolohe me Bateseba, ka wahine a Uria, huhu iho la ke Akua iaia, a mihi iho la o Davida. Ia Bateseba hewa iho la o Davida, a i kana mau wahine mua hoi, ua hamau ka Haku. Malia paha e, ua hele ka Haku he wahi okoa, a i ole ua hiamoe paha, a i ole ua ano hoopilimeaai iaia mamua, a akahi no a ike a huhu ia Davida.
Ina ua hewa o Davida i kona noho pu ana me na wahine lehulehu, no ke aha la oia i olelo ole aku ai i ka Haku, "No ke aha la kou kumu e ka Haku i hoahewa mua ole mai ai iaʻu i koʻu wa i mare ai i ka lua o kaʻu wahine, oiai e ola ana no o Meraba, kaʻu wahine mua, aka ua waiho mai nei oe i ka hoahewa ana iaʻu a i kaʻu kii ana la Bateseba, i kaʻu wahine hope loa?" No ka mea, he ninau kupono ia e ninau ia. Aole wahi e Davida e olelo ana pela, a ano like paha, no ka mea, aole no ka mare lehulehu ko ka Haku mea i hoahewa ai iaia, aka no ka moekolohe.
I na he hewa ka mare lehulehu no ke aha i hoahewa ole mai ai ke Akua ia Aberahama, Iakoba, Mose, Gideona, Saulo, Davida, a pela aku? No ke aha i hoiek ole mai ai ka Haku i ka pauku 24 o ka mokuna 2 o Kin.? No ke aha i hoonoho ia ai keia poe kanaka i mau poo, in a he kupuino, haumia, hoema i ka loina hooulu lahui, a pela aku, ka mare lehulehu? No ke aha i launa pu ai ka Haku me lakou?
E pane mai oe i kau mau manao pale no keia, in a aole, alaila ua maopopo kou kulana.
Kekahi ua kii hou mai la no oe i na olelo a ka Haku, "MAI HOOMAHUAHUA OIA I NA WAHINE NANA." Aole anei ke waiho kaʻu pane ia oe no keia pane au, a aole oe i pale ae, a ke kali nei au o kou pane mai? E nana i kaʻu pane iloko o ke Aloha Aina o ka la 23 ame 30 o Dekemaba. Aole keia he hana naauao ma kou aoao. Eia hou kaʻu ia oe, o ka MANAO anei ia o keia mau olelo ae la a ka Haku, "i hookahi wale no wahine a ke ʻlii o ka Iseraela, i ka wa hookahi?ʻ Aole loa pela. Aka, o ka manao maoli oia no keia: "MAI HOOMAHUAHUA A OI AKU MAMUA O KA LAWA KUPONO."
I na aole pela, alaila i HOOKAHI no Lio a ke ʻlii e pono ai, a i HOOKAHI no WAHINE, I ELUA no KALA, a pela me ke GULA; oiai o ka HOOMAHUAHUA i kou manao he OI AKU IA MAMUA O HOOKAHI. Ua like no ia me kou olelo ana mai he "MAHUAHUA" o HOOKAHI (1) E hoole mai ana paha oe i keia la? Aole hiki ia oe ke hoole, oiai na na huapalapala HOO" i pakuiia mamua o ka huaolelo, "MAHUAHUA" i hoonui ae ai ia HOOKAHI (1) a lilo ia i ELUA (2), a na ka huaolelo "LOA" i pakuiia mai mahope o ka huaolelo "HOOMAHUAHUA" i hoonui loa ae ia HOOKAHI a lilo ia i EKOLU (3 a oi aku). Nolaila, i na o HOOKAHI (1) o MAHUAHUA ia, alaila e ELUA (2) he HOOMAHUAHUA la, la MAHUAHUA (1) a o ekolu (3) he HOOMAHUAHUA LOA ia ia MAHUAHUA (1). Nolaila, ma kou manao ua hewa o HOOMAHUAHUA (2) ame HOOMAHUAHUA LOA (3 A OI AKU) A O mahuiahua (1) ka pololei.
Ke ninau nei au he MAHUAHUA anei o HOOKAHI? I na e hiki ia oe ke kaupalena ia MAHUAHUA i ka heluna hookahi (1) wale no, alaila haule au ia oe ma keia kumu hooia aʻu, aka, i hiki ole alaila ua maopopo kou kulana. I koʻu manao e noke oe i ka huli a kolo pupu, aohe e hiki ke kaupalena ia MAHUAHUA I HOOKAHI wale no. Aole maa o ka Hawaii i ka olelo ana ia HOOKAHI he MAHUAHUA ia; aka, mai ka elua pii aku.
Kekahi o kela mau inoa o na haole au i hoike mai ai iloko o kau pane, no lakou na inoa hoohanohano a kanaka i haawi aku ai no lakou oia hoi ka, D.D., B.D., M.A., LL.D., D.C.L., M.D., F.R.S., he opala wale no ia, aohe wahi hooiaio. Aole no ko lakou kue ana i ka marelehulehu, oia ka mea e haule ai ka oiaio o ka marelehulehu. I na no he mau tausani o ia ano poe haole heaha ia iaʻu. Mai manao oe he ole loa hoi ma koʻu aoao, oiai he nui na haole i loaa like o ia mau inoa hoohanohano a kanaka, e kakoo ana i ka marelehulehu.
Owau no me ka oiaio,
C.W. KINNEY.
(Aole i pau.)
---------------------------------
Hale Kuai Bipi
---o---
"MAN HOP"
Kihi o na Alanui Moi ame Aala, E huli ana i ka hale hoolulu o ka Hui O.R. & L. Co., Ltd.
--------------
Ke Kuai Aku Nei Makou:---
---------------------------------
Bipi hou, 3 paona no ka 25c.
Bipi paakai, 4 paona no ka 25c.
Ke kuai pu nei no hoi makou i ka Puaa ame ka Hame ame na iʻo holoholona e no.
E IKE AE IA MAKOU:
--------------------------------------------------------------------
PANE IA C.W. KINNEY & CO.
----------------
(Hoomauia.)
Nolaila, ke i mai nei oukou he loli wale ke Akua. Ke ae Po aku nei no au, he hoololi Po ke Akua e like paha me nei, ma o Adamu la make na kanaka a pau loa ma ka Uhane la. Oia hoi ka make mua e pili ana i ka Uhane o Adamu ame kakou apau loa. Aka, oia no nae ko kakou kino ua uiha nae i ka hewa ma o Adamu la. Oia ko kakou okila ana mai ka nani mai o ke Akua. O keia ae la ka make mua ana. A no keia make ana, i make ai o Iesu Karisto, a aia mai ka make mai i ala na kanaka apau loa ma Kona alahou ana mai. Aole loa hookahi kanaka e koe aku i ke ala hou ole mai. A o ka make elua hoi, oia ke kaawale ana o ka Uhane mai kela kino ae o kakou. A o ka poe e apo ana a malama a hooko i na kanawai ame na kauoha a ke Akua apau loa me ka haʻi ole o kekahi kanawai, alaila pela iho la i loli ai ke malama i ka euanelio a JKaristo i lawe mai ai, aia iloko oia euanelio aole loa he aʻo ana a Iesu e pili ana no ka mare lehulehu.
Pela i hooko ia ai kana olelo i hai mai ai a makou hoi e hoao ikaika loa nei e malama ke kokua mai ka uhane oiaio e like me nei iho:
No ka mea, he oiaio Kaʻu e olelo aku nei ia oukou, e LILO e ka lani ame ka honua. AOLE e lilo kahi huna, AOLE hoi kahi lihi iki o ke KANAWAI, a pau loa ae la la i hookoia.
Nolaila, o ka mea e UHAʻI aku i kekahi HUA iki o keia mau KANAWAI, a e AO aku hoi i kanaka pela OIA ke olelo ia, he mea OLE iloko o ke aupuni o ka lani, aka, o ka mea e malama la mau kanawai, a e aʻo aku i kanaka, pela oia ke oleloia he mea mai iloko o ke aupuni o ka lani.--MAU 3-18-19.
E oʻu mau hoa lahui Hawaii hookahi e, ka poe hoi aʻu e manaoio nei no, aia no he noonoo ao kanaka iloko o oukou Hawaii. Pehea la keia i ko oukou manao ana? Wahahee no paha aunei au la, aka, ua ike no nae au i kekahi kumu i pilikia loa ai oukou, mamuli no ia o ko oukou ikaika loa ma na aʻo akamai kanaka la a hoao hoi e wehewehe i na olelo o ka Baibala a buke e ae paha me ko oukou noonoo kanaka wale no pela iho la i palaha loa ai ka hewahewa nui loa e ike ia nei mawaena o oukou iho, i keia wa.
A ke lawe mai nei au i kahi mau wehewehe Baibala a oukou, aʻu hoi i lohe ai mai ka waha o kahi poe Lunakahiko a poe hoahanau o oukou, a oia iho kela:
"Wehewehe ano a oukou i AO ai." O ka mea e noi mai ia oe, e haawi aku nana, a o ka mea noi mai e lawe lilo ole i kau MEA, mai KAII ae oe.--Mat. 5:42.
Akahi--Eia kona ano, wahi a oukou, ua pili ka ia no na hoahanau kane e kaahele ana ma ka huakai Misiona a hoohiki aku lakou i ka home o ka hoahanau wahine iloko o ia manaoio like, e pono oia e haawi aku i kana apau loa na ka pilikia ame ka hewahewa kuikawa o kona kaikunane e like ae la me keia.
Eia hou iho kela pauku: Olelo mai la Iesu, i mai la, he oiaio kaʻu e olelo aku nei ia oukou, aole ka mea i haalelel i ka Hale in a kaikuaana, in a kaikuahine, i ka makuakane, i ka makuahine, i ka WAHINE, i na Keiki, i na aina, noʻu nei a no ka euanelio. E loaa ole mai iaia ka pahaneri i keia ao ame na hale, a me na kaikuaana, ame na kaikuahine, ame na makuahine ame na keiki ame na aina, me ka hoomainoino ia nae, a i kela ao mahope o ke OLA mau loa.
E ka lahui e, nana mai i keia olelo a ka Haku o na Haku, ke Alii o na ʻLii ame ka Lunakanawai Kiekie loa nana e hookolokolo mai ia kakou apau loa. Ua hewa anei o Iesu i Kona hookomo ole ana i ka huaolelo WAHINE maloko o kela pauku ae la? A i ole ia, o Mareko anei ka mea i hewa i knoa hookomo ole ana ia huaolelo WAHINE maloko o kana buke i kakau ai a kakou no i ike ae la, nani wale ka malailena o keia ano hana hoopailua ia e ke Akua iloko o oukou e oʻu mau makamaka. Ke ike mai la no oukou aole he wahine lehulehu kahi na oukou e loaa ma keia ao. Aole loa. E oluolu e HOOKI koke i kena hana a e maliu mai i keia leo o ka uhane e hea adu nei ia oukou. AApo ia mai no ka mea o ka oukou e aʻo hewa nei he mea pono e loaa pahaneri na mea a pau loa i olelo ia ae la a pahaneri pu me on a wahine, a manuahi wale mai ke ola mau loa, he ike ole paha no oukou i ka Iesu olelo Nona ponoi iho no. Penei:
I mai la Iesu iaia, he lua ko na "Alopeka," he wahi noho ko na manu o ka lewa; aka, o ke keiki a ke kanaka, AOHE ONA wahi e hoomoe ai i KONA POO. Mat. 8:20.
Ma kela e ike ai oukou he ilihune maopopo o Iesu a AOHE no hoi ana kumu hoohalike 10 WAHINE e hiki ai ia oukou e aʻo hewa aku e like lme la a oukou e ku-e nei i ke "AALII" ku makani o ka Nupepa Kuokoa i keia la e ike nui la nei ma kona kikoni ana i ko oukou lae i kinohi loa a puiwa ai o "Miss" a o ka lima nae no Esau. Nolaila, ke ike mai la oukou e ka lehulehu i ka Iesu Papahaneri.
Eia hoi ka Paulo nona ponei iho me kona pulima; nana mai ana oukou:
He poe kahuna anei lakou? Na Karisto (ke olelo naaupo nei au.) owau ke oi aku, ua pakela aku au ma na hooluhi ana, he nui aku kkoʻu hahauia, he pinepine aku hoi kuu paa ana i na halepaahao, he nui wale hoi kuu make ana.
Elima oʻu hahauia ana e ka poe Iudalo i na kaula. he kanakolu kumamaiwa.
Ekolu oʻu hahauia ana i na laau, akahi oʻu hailukuia ana i na pohaku, ekolu oʻu make ana i ka moana, akahi po akahi ao aʻu iloko o ka hohonu.
He pinepine kuu hele ana, he pilikia i na muliwai, he pilikia hoi i na powa, he pilikia i oʻu hoahanauna kanaka, he pilikia i kanaka e, he pilikia o ke kulanakouhale, he pilikia hoi ma ka waoakua, he pilikia ia ke kai, he pilikia hoi iwaena o na hohanau hoopunipuni.
I ka hana kaumaha, ame ka uhi loa, i ka makaala pinepine ana i ka pololi ame ka makewai ana, i ka hooke-ai pinepine ana, i ke anu ame ka olohelohe. ---2 Kor.11:23, 24, 25, 26, 27.
J. MAHUKA.
(Aole i pau.)