Ka Nupepa Kuokoa, Volume XLIV, Number 1, 5 January 1906 — HE HOALOHALOHA. [ARTICLE]

HE HOALOHALOHA.

I E ka Lunahooponopono o ke Kilohana Pookela o hui Lahui Hawaii, Aloha ! oe:—E oluolu oe e hookomo iho ma kahi kaawale o kou kino lahilahi i : ka'u wahi puolo kaumaha luuluu, i ike mai ai na Kini o kuu makuakane hele loa, J. M. Maele mai kela pe'a a | keia pe'a o ka Aina. | Ma Kapalama, ua haalele mai la i ' keia ola ana kuu makuakane i aloha nui ia J. W. Maele i keia ola ana i ka la 21 o Dee., A. D. 1905, ma ka hora ia.rn.oka Poaha. Ua loaa oia i ka ma'i fiva haalulu i ke ahiahi Poaono a ua kii ia ke kauka Katshuki, ua hoike mai oia, o keia

fiva i loaa iaia he ikaika loa, nona ke ana he 103 degere, nolaila, ua kanalua ke kauka no kona palekana mai oiai, he elemakule oia. He kupa a he kamaaina puuwai hamama oia no ke Kai Maiino a Ehu, he ike i ke nui ame ka liilii i ke kiekie ame ka haahaa, a he hale kipa hoi no na poe ha'i Euanelio Hoole Pope, a he Luna Ekalesia no Kaohe ame MiloliL Ua hiki mai oia i Honolulu nei i ka mahina o lune ma kona ano he Elele mai ia mau Ekalesia mai ,a ua noho iho no i Honolulu nei me maua, kekahl pua mai kona puhaka mai me ka manao, a pau ka Makahiki Hou, alaila hoi aku, aka, ua hala e aku la e komo i ko luna Karisimaka ame ko laila Hapa Nuia me kona Haku i Aloha nui ai. He Karistiano oiaio oia a hiki i kona moe ana aku la, a ua pili mau aku oia i ka pono, a hoowahawaha aku no i ka hewa i na la o kona ola ana, a hala wale aku la. 0 na la o kona ola ana a hala aku la, he 78 makahiki ia a nana mai na ohana e ola nei, mai a makou na keiki a na moopuna, he 46 a owau hookahi ame na moopuna elua, ame ka'u kane, ame na hoaloha, ka i ike iho iaia a nalo aku la. Aloha kuu makua hele loa. 1 ka hookj> ana 1 keia, ke haawi aku nei maua i ka hoomaikai nui ia Mrs. Kalaehao ame Mr. Kalaehao ame na hoaloha e ae i komo pu mai me maua e auamo pu i keia pilikia. Owau no me ka luuluu, MRS. KALOKUOKAMAILE KAHA* LEANUI. Kapalama, Honolulu, Teritori o Hawaii, Dec. 28, 1905.