Ka Nupepa Kuokoa, Volume XLIII, Number 52, 29 Kekemapa 1905 — Page 2
| This text was transcribed by: | Inger Hojfeldt |
| This work is dedicated to: | Daughters of Hawaii |
Ka Nupepa Kuokoa
KE KILOHANA POOKELA NO KA LAHUI HAWAII.
2 NUPEPA KUOKOA, POALIMA, DEKEMABA 29, 1905.
KA
Nupepa Kuokoa
DAVID L. A-1, : : Lunahooponopono
S.K. NAWAA, : Kokua Lunahooponopono
Hookomoia ma ka Hale Leka o
Honolulu, Teritori o Hawaii,
ma ke ano o ka mea
Papa Elua.
E hoouna mai i na hoolaha apau ma ka inoa o
"KA NUPEPA KUOKOA" wale no.
P.O. BOX 208.
HOOPUKAIA E KA
Hawaiian Gazette Co., Ltd.
CHAS. S CRANE : : Lunanui
NO KA MAKAHIKI - - - - $2.00
NO EONO MAHINA - - - - -1.00
O NA OLELO HOOLAHA APAU E HOOUNAIA MAI ANA NO KA HOOLAHA MALOKO O KEIA NUPEPA, E HOOUNA PU MAI ME KA AUHAU, A INA AOLE, AOHE NO E HOOKOMOIA, E HOIKEIA AKU NO KA AUHAU OLELO HOOLAHA KE UI MAI I KE KEENA NEI.
O na Dala apau o ka Pepa e hoouna
pololei mai i ka "HAWAIIAN
GAZETTE COMPANY
LIMITED," wale no.
P.O. BOX 208.
HONOLULU, OAHU.
POALIMA : : DEKEMABA 29, 1905
HAPE-NUIA.
HAPE NUIA na mea apau.
O ke Aloha Makahiki Hou ana no hoi ia a makou e haawi aku nei i ko ke Kuokoa lehulehu heluhelu a i ka lehulehu no apau o ka Teritori, no ka makahiki hou 1906 e nee mai nei me ka hiki ole ke kanalua ae i kona hoea ole mai, no ka mea, aole e nele kona hiki mai a aole no hoi e nele ka maalo aku o kona la mua loa, ka wa e kau nui aku nei ke ao holookoa no ke komo ana aku iloko o ka olioli nui o kona hoea ana mai i ke ao nei no ka manawa mua loa; pela i haawi aloha makahiki hou ia ai a makou hoi e panai aku nei no kakou apau.
A aloha no hoi ka makahiki 1905 e nee kaahope aku nei a he mau la uuku loa koe a maalo loa aku oia no ka mau loa me ka hiki ole ke hoi hou mai, oiai nae kona mau hana i koe koena e nee mau aku ana a komo i ka makahiki hou no ka hoopau pono ia aku.
He hookahi no nae mea i maopopo loa mawaho ae o na mea e ae o keia makahiki, a o ua mea la, oia no ka loaa-e ana i ka makahiki hoi e nee mai nei he mau makaukau nona no kona holomua mai ka makahiki 1905 aku. Mai ka hoomaka ana mai o ka makahiki 1905 a hiki i keia la ua lawa kona mau hana e koe koena nei i hoohanaia mawaena o keia mau manawa no ka makahiki hou e nee mai nei a ke huiia ae me na hana hou e komo mai ana iloko ona (1906) alaila ua nui maopopo ia nona e auamo ai, koe wale no na hana e hiki e aku ana i ko lakou mau hopena mamua o ka panina o ka makahiki hou.
No ka makahiki hou e hoea mai ana, na ka manawa no e hoike mai i ka nui o kona mau hana a na ka manawa no hoi e hoike mai i na hua o ua mau hana la ina he maikai a inoino paha, a na ka manawa no o ia makahiki hou e hoike ae i ka hoowaiwai o ia mau mea i kanaka; eia nae, o ka mua loa e loaa ana i ke kanaka oia no ke komo aku iloko o ka olioli "Hape Nuia" a mahope aku na hakoko ana ame na hooikaika ana.
A no ka hoea ana mai o ka makahiki hou a hala aku ka makahiki kahiko pela no hoi kakou lehulehu e waiho aku ai i na ano kahiko houlolohi a hoololoiahili holomua, e kapae ae i na ano hoilihune ana a hoopiliaiku nohona maikai, a e haalele aku i na ano hoohapopo malamalama noonoo a e lawe mai kakou i ka makia kaulana o kekahi o ko kakou Moi "E Hookanaka" a e like ka nee ana o kakou me ko ka makahiki 1906 nee ana, e papa like ko kakou nee ana me ko na hana hooholomua o ka manawa e nee ana, e nee like kakou i kaulike ai me ka nee ana o ka nohona ano hou maikai o ke Kenekulia Iwakalua e nee nei, alaila e o mai auanei na hiohiona o ke au malamalama maluna o ka lahui, a o ke kau malamalama ana no hoi ia maluna o ka aina ame ke aupuni.
Ma ka hoomaopopo ana i na wa i hala aole he mea o ka aina malamalama i nele ole ka hookau ana ia Hawaii ma ka papahele o ke anuu helu ekahi e hui pu ana hoi iaia me na aina nunui e ae o ke ao holookoa i kauia aku ma ia papahele helu ekahi, a haule no hoi kekahi poe aina nunui ia Hawaii mamuli o ko lakou holomua ole a kau ole ia maluna o ua papahele helu ekahi nei, e like me Kina ame kekahi mau aina o Aferika, a iloko o keia holomua o ka malamalama iloko o Hawaii, eia nae, i ka nana ana i na makahiki pokole i aui ae eia no kekahi hapa i ka holo hope. Neemua ka malamalama a oioi loa oia imua, i kekahi hapa o ka lehulehu i kaa mahope. Alaila, e hooholo iho i "Manaopaa"-e komo iloko o ka nee like ana me ke au holomua."
E hookaa pau aku i na aie ma ke kanakamakua, a ina aole e pau mamua o ka hoea ana mai o ka makahiki hou, "e hooholo iho e hookaa pololei i ka ha'i me ka manao kuio" "a e hooholo iho i manaopaa "aole e aie i ka ha'i ma he mea hiki ke alo ae, a e hooikaika e ku kuokoa nou iho, a e hana i na ano hana like ole apau mai ke nui a ka liilii me ka nana ole ae heaha la ia mau hana, maloko wale no nae o ka maikai ame ka hoopoino ole, apuka ole, poholalo ole, a iloko no hoi o na ano maikai apau.
No ka makahiki 1905 aia no he mau hana kamahao kekahi i loaa iaia, iloko
HAWAII PONOI
Words by KING KALAKAUA. Composed by H. BERGER.
SOPRANO.
Helu 1. Hawaii ponoi Nana i kou Moi
ALTO.
Helu 2. Hawaii ponoi Nana i na' lii
TENOR.
Helu 3. Hawaii ponoi E ka lahui e
BASS.
PIANO.
Ka lani Alii Ke Alii
Na pua muli kou Na poki
O kau hana nui e ui e
Makua lani e Kamehameha e
Makua lani e Kamehameha e
Na kaua e pale Me ka ihe he
Na kaua e pale Me ka ihe he
tremol.
tremol.
ona ka loaa ana o ka lanakila ia Iapana ma ke kahuakaua mai na Rukini mai, ia laua i hakoko iho nei, a loaa no hoi ia Rusia ka lanakila ma ke koi-poho oiai na aupuni elua ma ka ahakuka maluhia. I keia makahiki no hoi ka loaa ana ka la hanau kenekelia ia Paleka Makuahine, a loaa no hoi ia Hawaii ma kona moolelo i ke kipa ana mai o na kanaka liilii elua ma kahi o iwakalua-kumamalima iniha a laua i malama ai i aha hoikeike no ko laua liilii io ma Kimuki Zoo, a nui wale aku na kamahao.
A mamuli aku e ike ai kakou i ko ka makahiki hou.
KE "KUOKOA" NO KA MAKAHIKI 1906.
Maluna o ke kahua kuokoa, kahi i ku ai ke "Kuokoa" no ke ola mau ana a pili mau ana ma kona makia kaulana "Ke Kilohana Pookela no ka Lahui Hawaii, pela e hoohewahewa ole ia ai kona ku mau aku no ka makahiki 1906 e nee mai nei, a ke apo aku nei makou iaia me ka ohaoha nui a apo pu aku ia kakou Hawaii ame ka lehulehu e ae a hookahi ka nee like ana.
E like me ka ikaika i loaa ia makou ame na kokua pu mai o ka lehulehu ma ka oihana i pili ia makou, o ko makou iini nui oia no ka hapai ana i ke kanaka iluna, hapai i ka home iluna, hapai i ka lahui iluna, hapai ia Hawaii iluna a hapai i ke Aupuni iluna.
A ma ko makou aoao, ke panai aku nei makou no ka lehulehu i ke Mele Lahui kaulana o Hawaii "Hawaii Ponoi" me kona mau huamele ame na pauku ekolu, mai ka pauku akahi a hiki i ka pauku ekolu; he mea kokua nui i ka lahui Hawaii ma ka hoopaa hou ana iho i ke mele holookoa, oi @, he mele ia i nele ole ka malamaia ma na hana nui a iloko o na anaina ano kona aloha no ka Lahui, O keia ke nui no ka hookuu ana i ka panina o ia mau hana, a oiai, no hoi he kakaikahi loa ka poe i loaa ia waiwai i keia wa, a no ka pomaikai o ka lehulehu heluhelu ame ka lehulehu, ke Kuokoa e panai aku nei ia "Hawaii Ponoi."
Eia na mahele like ole o ke kahua o ke Kilohana i ku mau ai a e komo aku ai no ka makahiki 1906:
Ua hoopukaia no ka Pomaikai kiekie loa o ka lehuleu, no na home ame ka Aina.
He wahaolelo hoopuka meahou ame na manao naauao no ka poe heluhelu i na pule apau.
He pepa hoopuka moolelo hoonanea a ume puuwai a hoonaauao ma o na haku-moolelo noeau la i na hebedoma apau.
He hoopuka mau i na anoai o ke ao holookoa i na pule apau.
Ka wahaolelo hookahi wale no iwaena o na wahaolelo Hawaii e ae e hoopuka mau nei i na kii o ka poe kaulana ame na hana kaulana.
E hana pono kaulike i na mea apau, oiwi Hawaii a haole, a he nana oia i ke kanaka ma kona ano (character) aole ma kona one-hanau.
He wahaolelo hoomalu ole ia e kekahi aoao kalaiaina. O ka ke Kuokoa, oia ka hoopuka i na manao oiaio kupono i ku like me ko na kanaka koikoi a makaukau me ka nana ole ae i na aoao kalaiaina a lakou i ku ai.
O ka Nupepa Kuokoa, aole he Repubalika, aole he Demokarata, aole he Home Rula aka, he Kuokoa. Ke Kilohana Pookela i hoopukaia no ka Pono o ka Lahui Hawaii me ka nana ole ae i ke Kulana Hoomana a Aoao Kalaiaina.
He oiaio oia ma ka hoopuka manao ana, he oiaio ma na a'o ana, he oiaio ma ka hana a he oiaio maloko o ke kalaiiana.
O ke ola o ka Nupepa aia iloko o kumu i oi loa ai ke Kuokoa mamua o na nupepa e ae.
He Wahaolelo Hawaii Kuokoa no ka poe heluhelu kuokoa a i ku ia e ia no na makahiki loihi, a o ke kanaha-kumamaha keia o kona ola ana.
A oiai eia kakou ke nee aku nei i ka makahiki hou, a e like no me ko makou mau i ka pulama mau ana i na mea hoonaauao no ko makou poe heluhelu a no ka lehulehu pu, o ka wa maikai a ano hou oia ka Hape Nuia pela e ano hou ai na uhane, a o kekahi o ia haawina ano hou i ka poe i lawe ole i ke Kuokoa oia no ka lawe ana iaia no ka makahiki 1906 e nee mai nei.
O na kumu kahua i hoikeia ae nei maluna o na anoai no ia o kona lawe mau ia ana mai kinohi mai a o kona ola mau ana no hoi ia no na makahiki loihi, aka, aole oia i hookipa mau ia aku e kekahi poe iloko o lakou mamuli o kona nini nui ia, mea ae no he "pepa mikanele" he "aihue aina" he "pepa hoohuiaina" ame na ino he nui wale i houpuupuia no ka hoonui ino.
A e like me ka makou i paipai aku nei e haalele i na ano kahiko inoino a e lawe i na ano hou maikai no ka makahiki hou e nee mai nei a aole no auanei e nele ka nee like ana o ua oiwi la me ke au e nee nei.
EIA HOU KEIA MAU HOOHALIKELIKE ANA.
Ma ko makou kilohi ana iho i ke "Aloha Aina" o na Poaono nei, ua hele a aki na ku'i i ka piha inaina i ka papa hoohalikelike a ke "Kuokoa" i waiho aku ai ma kona helu i hala, a e apakau wale ae ana no i kahi e alo ai, a ma keia hoi, ke waiho hou aku nei makou i keia hoohalikelike ana. Ina aole he nauki loa o ke "Aloha Aina" e oluolu e helu pono iho me makou ma keia hoohalikelike ana, penei:
E lawe mai i ke "Aloha Aina" o ka Poaono nei, Dekemaba 23, a helu iho i ka nui o na meahou a e loaa no he 14 ka nui. Ma ka averika ana i eono huaolelo o ka laina hookahi, e loaa auanei he 3,112, ka nui o na huaolelo iloko o ua mau meahou la; lawe mai i ke "Kuokoa" o ka la mamua iho, Poalima, Dekemaba, 22, a e helu iho i ka nui o na meahou, a e loaa auanei he 27 ka nui o na meahou; e lawe mai i ka averika o ka "Aloha Aina," e like me ia maluna'e, a e loaa auanei he 8,774 ka nui o na huaolelo iloko o ua mau meahou la he 27, he oi hoi ma ka aoao o ke "Kuokoa" o 5,662 huaolelo mamua o ke "Aloha Aina."
Eia hou-e helu iho i ka nui o na manao kakauia mai o ua "Aloha Aina" la o ka la i hoikeia ae nei maluna, a e loaa auanei he 10 ka nui o na manao kakauia mai; lawe ae i ka averika o 6 huaolelo i ka laina hookahi e loaa auanei he 4,167 ka nui o na huaolelo iloko o ua mau manao la i kakauia mai. Hoolawe mai i ka huina o 3112 huaolelo o na meahou he 14, mailoko mai o na huaolelo 4,167 o na manao kakauia mai, a e loaa auanei ka like ole o 1,065 huaolelo, aole na ke "Aloha Aina" iho, aka mamuli o ka "manuahiia mai.
E lawe hoi i ke "Kuokoa" o ka la mamua iho o ke "Aloha Aina" a e loaa no auanei he 5 ka nui o na manao i kakauia mai; he 2328 ka nui o na huaolelo iloko o ia mau manao. Hoolawe i keia huina huaolelo mailoko mai o 8,774, ka nui o na huaolelo meahou o ke "Kuokoa," a e loaa no auanei he oi o 6,546 huaolelo, he ikaika ia no ke "Kuokoa" iho; nolaila, ma keia ke hoikeia nei ko ke "Kuokoa" hooikaika e hooi aku i ka nui o na meahou mamua o na manao kakauia mai, aole hoi e like me ke "Aloha Aina" he kauka'i i ka "manuahi ia" mai.
Eia hou no keia: He ekolu manaopepa o ke "Aloha Aina" i puka mai ai ia pule; he 996 ka nui o na huaolelo o ua mau manaopepa la., O ke "Kuokoa" o ka la mamua iho he ekolu no hoi manaopepa keia nae hoi ka mea h@ loa he 1,950 ka nui o na huaolelo @ mau manaopepa la, he oi hoi o na @ ka aoao o ka "Kuokoa" a i ole @ e papalua iho ko ke "Kuokoa" @ alakai mamua o ke "Aloha Aina."
O ka hope ma keia hoohalikelike ana, e lawe mai i na moolelo o ka "Aloha Aina." He elua no hoi ana moolelo o he 2688 ka nui o na huaolelo o na @ moolelo la ma ka he'u i hala. E nana e hoi i ko ke "Kuokoa," a e hiki ole no ke hoohewahewaia ae he ekolu @ moolelo ana e hoopuka nei. Maanei loli ka averika o ke "Kuokoa" mai ka 6 a i ka 13 huaolelo o ka laina hookahi oiai ke puka nei na moolelo ma ka @ M. E loaa ana ma ka imi pono ana he 9672 ka nui o na huaolelo o na @ olelo o ke "Kuokoa," he oi hoi @ huaolelo ma ka aoao o ke "Kuokoa" @ ko ke "Aloha Aina."
O ka huina nui o na huaolelo o ke "Aloha Aina" ma ua helu la @ meahou, na manao kakauia mai na moolelo, ame na manaopepa, a e @ ana i na hoolaha, he 10,963. Ma @ aoao hoi o ke "Kuokoa" ke lawe @ na meahou na manaopepa na @ kakauia mai ame na moolelo, e kau ana i na hoolaha ame kahi a@ ke "Aloha Aina" no ka la hoomau kenekuria o Makuahine Paleka, @ auanei ka huina piha o 21,624 huaolelo he like ole hoi o 10,661 huaolelo @ "Kuokoa" mamua o ke "Aloha Aina."
Ma ka hoomaopopo ana i keia @ hoohalikelike ana e loaa mai ai @ mea ano nui. O ka mua-ua hiki @ hookomoia na meahou, na manaopepa na manao kakauia mai ame na moolelo o ke "Aloha Aina" iloko o elua ao o ke "Kuokoa." O ka lua-aole he kahua o na hoohalahala no ka piha @ "Kuokoa" i na hoolaha, oiai aole i manawa i haule ai ke "Kuokoa" malalo o elua aoao meahou, manaopepa manao kakauia mai ame na moolelo aka aia maluna aku, mai ka ekolu a hiki i ka eha aoao.
Eia hou no hoi keia, ma ka helu n@ i hala o ua "Aloha Aina" la puka @ maka mai la me kona manao huhu pu @ kino i ka lunahooponopono o ke "Kuokoa" he hoike maopopo ana mai h@ ia o ua "Aloha Aina" la, no ka lunahooponopono kona manao huhu piliki@ kapapa wale ae la no i ka "Kuokoa. O kela kekahi hoola kupono loa o k@ makou i hoike mua aku ai, he nupepa hoopuka ke "Aloha Aina" i na mana pilikino, a hoonui ino.
He wahi mea ku hoi keia i ka aka makou i ike iho ai ma ka helu i hala e ua "Aloha Aina" la, a ina no hoi ua ike pu mai no ka lehulehu ia mea, alaila, e uumi iho no hoi i ka aka @ lohe mai ua "Aloha Aina" nei, puehuliilii ka lehu o kapuahi. Eia ua wahi mea aka nei: O ka aoao "3" pili me ka aoao "8" O ka aoao "2" pili me ka aoao "5." Ina e wehe pono ia ae ua "Aloha Aina" nei e like me kana i oili mai ai ma ke kakahiaka o ka Poaono i hala, e loaa ana ka helu ana e like me keia: "1, 6, 7, 4, 5, 2, 3, 8," aole hoi e like me ka helu ana i hoonaauaoia i na kamalii e hele nei i ke kula, e hoomaka ana mai ka "1, 2, 3, 4, 5, 6, 7, 8," a pela aku. Malia paha pela iho la no ka helu ana o ke kula i hoonaauaoia ai ke "Aloha Aina," a ina pela, ua hiki no, no ka mea o ke "Aloha Aina" wale no ka nupepa pololei mau i na manawa apau, aole he manawa e kekee ai. Hu no hoi ka aka!
I Feberuari ka Hookahakaha Otomobila.
Ma ka halawai i malamaia i ka Poakolu nei o ke komite kuikawa no na kaa otomobile (kaa huila raba-lio ole) no ke kumuhana o na hana e malamaia ai ma ka hookaahakaha kaa otomoile ma ka la hanau o Peresidena Wasinetona, oia ka la 22 o Feberuari, 1906, ui hooholo ae ia komite he papahana hoi a e hooponopono loa ia ai na hana kukahi mahope aku.
O kekahi mea i maopopo loa oia @ ka hoolilo ana ia Kamaki Kuea i wahi hoolulu a e hoomaka ai i na hana. O Lunamakai Kalana A.M. Brown ka ilamuku o ka la e kokuaia ai @ ka hoa o ka oihana makai kaulio.
O na kaa otomobile e hoonohonoho papa ia ana lakou e like me ko lakou ano, oia hoi, o na kaa no lakou na mea hana mahu, he hookahi papa like ia a pela no hoi na kaa mahu aiia @ papa okoa no ia a pela aku, a @ wiia no na uku makana e like me ke ano o na papa i na kaa no nae ia lakou e lilo ai ka hanohano o ka la.
Mawaho ae o na kaa otomobile he maluna o na kanaka opio u'i i haawi @ ko lakou ae e puka ae ia la ma ke ano paniolo hoohei pipi a he heluna no hoi o na wahine opio i haawi ae i ko lakou ae e komo iloko o ka hookahakaha maluna o na lio me na kahiko pa-u@ lio o na wa kahiko.
E haawi pu ia ana he kuleana k@ i na ano kaa kupono like ole iloko @ hookahakaha no ka hakoko ana @ makana i hoomakaukauia. A o @ apau e hoonohonohoia ana ma na @ e like me ko lakou ano a e hoo@waia me na wehi like ole.
O lakou kaa apau e kauia @ na helu a o ia mau helu e ka@ ke kahua o Kamaki Kuea a i ka k@ maalo ae ai na kaa ma kahi o na @ kanawai ua hiki la lakou ke @ popo pono la lakou kaa ma ko @ mau helu pakahi iho.
O ka haawi ana i na makana e haawiia no, ina aole i Kamaki Kuea @ i Kapiolani Paka, kahi e ka'i ai ka @ka'i, a oia hoi kahi e hookahakaha @
KAKOOIA KA LAAU KUNU A CHAMBERLAIN E KEKAHI MEA HOOLAHA KAULANA.
O Mr. Leon C. Streeter, ka ona o ka Worcester, Cape Colon, Standard, ua pane ae oia penei: "No na makahiki ehiku i hala ae a mai ka manawa mai no hoi o makou i Aferika Hema i malama mau ia ai ka laau kumu a Chamberlain (Chamberlain's Cough Remedy). Ma ka loaa mau ana o kela ano laau iloko o ko makou home ua kokua mau mai ia i ka'u wahine ma na manawa apau e hoea mai ai ke kumu i na keiki a maua a aole e u iho i loa mau ai ka maha.
No ke kuai ana e loaa no ma kahi o Benson, Smith & Co., Ltd., na Agena no Hawaii Paeaina.