Ka Nupepa Kuokoa, Volume XLIII, Number 49, 8 December 1905 — O Kahului ko Maui Kapitala Ma Keia Mua Aku. [ARTICLE]

O Kahului ko Maui Kapitala Ma Keia Mua Aku.

MAUI, Novemaba 24—0 ko Kahului ko Maui awakumoku ano nui, kulana ma keia mua aku a oia na mea i noonoo koke ia iho nei no ka mea ua hoike ia ae e kukuluia aku ana he banako ma keia mua aku e Hon H. P. Bald\vin me D. 0. Lindsay, ke kokua lunanui o ka Hui Mahiai o Maui. Ua loaa pu ae no hoi na lono lauahea o ka hale o ka hui ma-lu Masonic. he hale elua hale ke kiekie, e kukuluia aku ana ma kahi e kokoke ana i ke klkowaena o ke taona, a o "keia hana banako e manao ia nei e kukuluia ae ana ma ka hale lalo o keia hui ma-lu. Iloko o na makahiki pokole ma keia mua aku e haule ana o ia Kahului, a pela no hoi o Lahaina, pela na hoomaopopo ana. Mawaho ae o kona lilo ana i awakumoku ano nui, aia no ilaila ke kikowaena o ke alahao o keia mokupuni. a ke haaheo nei no ka mea aia ilaila ke kuai kukaa a kual liilii ana ma na waiwai apau mawvi ho ae o ko Amerika hale dute awa. "He hapanui o ke taona i ana koke ia iho nei a okiokiia i mau pa-hale. Ua manao hoi ka hui H. C. & S. Co. f e eli i ke awa a loaa he kanakolu kapuai ka hohonu a hana ae i uwapo loihi i paa i ka hale. Eia ke kakooia nei keia kukulu ana ia Kahului a lilo i kulanakauhale nui e ka hale wiliko o Puunene. oiai o ke kopaa o keia hui aia ma Kahului e hooiliia ai.