Ka Nupepa Kuokoa, Volume XLIII, Number 48, 1 December 1905 — Makemake e Hookawowo Maanei. He Poe Rukini ke Makemake Nei i na Aina Aupuni o Kapaa, Kauai. [ARTICLE]

Makemake e Hookawowo Maanei.

He Poe Rukini ke Makemake Nei i na Aina Aupuni o Kapaa, Kauai.

He mau la mamua Iho nei i hoea mai ai he mau alakai Hukini i Hawaii nei no ka hoomaopopo ana ina e loaa i mau home hookuonoono mahi no lakou Rukini, he ninau hoi i noonooia mamua iho nei a i ko laua hoea ana mai ua holo aku laua no Kauai me

na luna aupuni o ka Teritori—ke Komikina Aina Mr. Pratt ame Lunaalanui Johnson. He mau Rukini hoi laua i hoea mai ianei mai Amerika mai ma ka lawe ana mai o Kapena Demens, ka mea hoi i makemake loa e loaa i kahua hooinoana mahiai no na Rukini. Ua hulihoi mai lakou mai Kauai mai i ke kulanakauhale nei i ka Lapule iho la.

Ua hoike ae o Komikina Aina Aupuni Pratt i ke ano o ka lakou huakai o ka hele ana aku nei i Kauai, oia hoi, ua heleia e lakou me ke kilo a nana pono ana i na kulana o na aina aupuni o Kapaa, Kamalamalo ame Anahola.

Ua iioike pu ae no hoi oia (Pratt) i ka loaa iaia o ka noonoo aia ka makemake piha me na Hukini no na aina o Kapaa. He nui na nlnau i waihoia aku e na Rukini na Pratt e pane pili i ke kumuhana o na aina a ua paneia lakou e like me ka hiki ia Komikina Pratt ke lioolawa i -ko iakou makemake.

Ua ninauia mai e na Rukini pili i ka wai, ka pipi, hipa ame na meaulu ai. Ua hoohalaia no hoi kekahi manawa no ka mak \»kai ana i na wiliko no ka ikemnka aim i na hana o ka hoolilo ana i ke ko i kopaa. Ua hoohalaia nae e lakou ma kahi o akahi hora ame ka hapa ma ka hele ana mauka o ka aina.

Aia ma kahl o 5000 eka o na aina aupuni iloko o Kapaa kahi hoi i manaolana ia ua makemake na Rukini, he mau aina hoi i kaokoa ae mai ka afna i hookaawaleia no ke kuahiwi. He maikai ka waiho ana o ka aina a he nui no hoi ka wai i lawa no na ano mahiai apau.

Oiai aohe he ike o na Kukini i ka olelo haole ua hoomaalahiia %e ma ka maheleolelo ana o Lunaalanui Johnson ke kanaka Rukini opio e noho nei ma ke kulana lunaalanul no ke Kalana o Cahu nei ke kapena hoi 'o puall Hawaii nana i lawe mau ae i ka hanohano o na la hookahakaha paikau. A ke holopono a ku i ka makemake i na poo o na Rukini 1 hele mai nei no ka nana pono ana i na aina ame ka maikai ame ke kupono no ka oihana mahi i Hawaii nei maluna o na aina hookuonoono ina no ke aupuni a i ole no na mahiko mai e llke me na wahl hookuonoono i haawiia mai e na mahiko kuioko iho, alaila, e hoea nul mai ana na Rukini a me he la o laHpu aku ana n& limahana e iawa ai no ka hoopuipui ana i ka ninau limahana' a na mahiko e uwe nei f a o ka hoopiha ana ia ma kahi o na lapana ame na limahana e ae.