Ka Nupepa Kuokoa, Volume XLIII, Number 46, 17 November 1905 — Ke Noonooia Nei ke Alahao Kaauwila o Alan i Moiwahine. [ARTICLE]

Ke Noonooia Nei ke Alahao Kaauwila o Alan i Moiwahine.

I ka Poakahi iho la i haawi ae ai o Kiaaina Carter lie hoolohe ana ia lunanui o na Hana Hou Holloway amo James B. Castle ame L. Tenney Peek 0 ka Hui Kaauwila Honolulu. O ke kumuhana ano nui i noonooia ua pili ia i ke alahao o ka Hui Kaauwiia Honolulu e waiho a e moe nei ma Alanui Moiwahine o keia kuianakauhale no ka hoohana. ole ia o ia alaliao, oiai aia he mau hoohalahala i waihoia ae maluna o ua alahao hoohana ole ia nei a ua lilo hoi ia alahao 1 mea hoopilikia mai ka manawa no i hoohana ole ia ai. Ma ka aoao o ke Kiaaina ua haawi aku oia i ke a'o ana i ka Lunanui Holloway e hoolohe i na manao apau o ka poe i komo kuleana iloko o ke kumuhana no ka hoomaopopo ana i ko lakou manao, a ae pu aku i ka poe kuleana o ka Hui Kaauwila Honolulu ame ka poe mea kuieana ma kahi o ke alahao e moe la e hooloheia e ia a pau pu me na makaainana ina he manao kahi e haawi ana no ia kumuhana.