Ka Nupepa Kuokoa, Volume XLIII, Number 44, 3 November 1905 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, POALIMA, NOVEMABA 3, 1905.

 

 

NA WARENA

OPIO

ILOKO O KA ENAENA O KA LUKUWALE.

 

He Moolelo o ka Lukuwale Ana ia o na Pelekane ma Inia.

 

MOKUNA XIX.

ME KA HOOMANAWANUI KE KUPALE ANA.

 

            Ma ka pale mua no o lakou he kanakolu paha kapuai mailalo mai lakou i hookahua mua iho ai a o ke koena ala no hoi ua hamana ia no lakou e pii hou ai no kekahi mau papu o lakou i kukulu ai.

            “Ia papa ma e paniku ana i na enemi e hele kaua e hoona hou i wahi no kakou e pakele ai,” wahi a Dike i kona kaikuaana, ua loaa ia’u ka ike e hala ana kekahi manawa loihi mamua o ka loaa ana he hoomaopopo i na enemi i ko kakou wahi a o ka papu mua hoi a kakou oia kekahi o na kokua nui e hoohala ai i ko lakou manawa mamua o ko kakou lawelawe lima pu ana.”

            Ma keia manawa ke wehewehe ae nei kaiao; a i ka nana pono ana aku o na opio kane ua nui maoli ka poe owaho a paapu wale apuni ka hale.

            “He nui hewahewa maoli kela poe no kakou,” wahi a Nede ia Dike,” a’u e koho wale aku nei no aia lakou ma kahi o ka elima a eono kaakani ka nui he eono hoi a lakou pukuniahi,

            @“Huro!” i uwa leo nui ae ai o Dike, “o keia no ka’u mea i haupu mua ai e Nede.”

            Alaila kuhikuhi aku la oia i kona kaikuaana i ke alapii mawaho o ka puo’a e ku pololei ana me kahi kaola haahaa, a wahi a ko laua noonoo ua haaaia ia no ka poe hana hoomaemae i ka puo’a i ka wa e hapa’upa’u a alu’a iho paha.

            “O ka mea i loaa ai ia’u o keia ano noonoo me a’u oia no ko’u hoomaopopo i ke kukulu paa ia o na alapii mawaho o na puo’a kiekie o na hale nunui o Lukanao. I ka manawa paha e nawaliwali loa ai ka hale a o ka puo’a no hoi oia ka manawa e makemakeia ai e hooponopono a hana hou a o ia mau alapii ka mea hoomaalahi ana oiai he alanui ia no ka poe hana. E iho kaua a hoike aku i ko kaua poe i ka meahou hoolana manao.”

            Alaila iho aku la laua ilalo no ka hui ana me ko laua mau hoa o ke kaua hou.

            I ka manawa koke no i komo ikaika mai ai na enemi iloko o ka hale me ka ikuwa ikaika ana iloko o ka olioli nui no ka lanakila ame ka lako pu i komo aku ai oiai ua ike no lakou he paio ikaika no ia o ka hui pu ana me na Pelekane he alo a he alo, no ko lakou manao he nui ko lakou enemi oloko.

            Eia nae ua hoopuiwa nui loa ia lakou i ka ike ana aole ko lakou poe enemi iloko o ka hale aka i ka alaalawa ana ma o a maanei ua ikeia aku la ka hamama ana o kekahi wahi puka uuku a emoole pii ana na poe nei ma ke alapii me na iini nui iloko o kela ame keia o ka mea hiki mua nana ka ai o ka limaikaika i na enemi.

            A no ka ololi loa o kahi alapii ame ke ano pouliuli aole i ikaika loa ka lakou pii ana a he elua wale no hoi e pii palua i ka manawa hookahi ame ka paukiki o ka holo ana me ka noonoo ana ae o na aliikoa Inia o ka holo ana oiai he elua o na alii i lawe mua ae i ke kulana alakai ame ka moeuhane mua ole e pa mai ana i ka poka, oia no ka wa i kani mai ai na pu-panapana o na Pelekane mailuna mai a he wala ana ko ua mau kanaka mua nei a kau ana iluna o ko laua poe mahope e pii mai ana a lilo i mea hoopuiwa nui ia lakou. Ua loaa pono aku ua koa ma na umauma a waiho make ana iluna pono o ko lana mau hoa.

            A o na kanaka hoi keia mahope iho o na koa i lilo ae la ke ola ua kuha’u iho la no laua aka no ka hiki ole ke kuemi mamuli o ka pa-hu ikaikaia mai e ko hope poe ua nee mai la no laua imua a no keia kulana ano ikiiki loa i kau aku ai maluna o laua ua kau pu ae no hoi laua i ko laua mau pu no ke ki wale ana aku me ka maopopo ole o kahi o ka enemi e hoopue mai ana, a aole no hoi i u iho ua kani mai la no na pu a na Pelekane a ku no ua mau koa Inia nei a wala-kua aku ia no hoi ihope. A pela iho la ka hana mau ana a hiki i ka lilo ana o ke ola o kekahi mau aliikoa he nui mamua o ka piha ana ae la o ke alapii i na kino make a hiki pono ole i na hoa hope mai ke pii me ka maalahi ua emi pu iho la ko lakou hooikaika hou ana.

            Mahope o ka lawe ana i na kino make o na koa o lakou me ka nihinihi nae o ke kii ana oiai aia no na Pelekane ke makaala loa la a he manawa loihi hoi ia no lakou i lawe ai i ko lakou poe make alaila noho ae la ko lakou aha-kuka no na mea e hana aku ai. Ua haawi ae ke alakai nui he makana kiekie i ka mea i aa ana ma ke kana ana a he nui o na hookoia aku no hoi e like me ka hana ana aole nae he mea a manuhe’u aku na Pelekane.    

            A no ke poho o ka manaolana ua hamau hou iho la lakou a noho hou iho la ka lakou aha-kuka no ka lua o ka manawa. Mahope o ka hooiaia ana ame ka hooikaika nui o na noonoo ua hooholo iho la lakou he papahana hou a mahope o ko lakou paina ana oiai aole lakou i ai iki a awakea wale ua hoomaka iho la ka liuliu ana. O na apana maikai i koe iho mai ka hooweluweluia ana e ua poka pukuniahi i kiia ai e lakou no a leleliilii ai ke panipuka oia ka lakou i hana ae ai i palekaua papa manoanoa a mahope o ke kama-na ana a hana i mau puka liilii i loaa ai kahi e paa ai na lima o ka poe ia lakou ka palekana laau ua hoomaka aku la lakou e pii hoi ma ua alapii olowi nei ame ka uwa nui no hoi ia pii ana no ka manaoio i ka holomua o ko lakou hooiaia papahana ana.

            I ka wa i hoea pono aku ai na Inia ma kahi e lihi ikeia mai ai e na Pelekane ua kiia mai la no, eia nae, ma keia manawa aole i komo aku ko lakou poka iloko o na koa Inia oiai he manoanoa loa ka palekaua laau o ekolu iniha, a me ia ano i pii malie aku ai ua poe nei a hiki wale i ko lakou kau wale ana iluna o ke anuu e hehu aku ai i ka papahele luna o ka palekaua o na Pelekane i hookahua mua ai.

            A i ka hiki ana ilaila a oiai ua paa maoli no ka hoonohonoho ana o na Pelekane i ko lakou papu ua hiki ole iho la i na Inia ke nee hou aku imua a mahope o ka hooikaika nui ana e holomua ka hooiaia papahana a hiki wale i ke poho ana o ka manaolana ua emi malie hou aku la lakou ihope no ka hoi ana ilalo me ke akahele no nae o ani iki ae a loaa mai i na poka hala ole o na Pelekane, a pela iho la ka iho ana a ka wale no ilalo.

            “Ua palekaua@ kakou no keia manawa,” wahi a Konela Warena, “he manawa loihi ia no kakou e hemo ai mai keia wahi aku, oia hoi e like me ka loihi o ka manawa e nohopaa mai ai o na enemi pela ka nui o ka manawa a kakou e noho ai maluna o keia wahi.”

            Aole i hoomaka hou na Inia i ke kaua hou ana a hala wale ka auwina ia aka o na koa Pelekane hoi aole lakou i noho hana ole, oiai ma ka hoonohonoho ana ua noho kiai aku ia he hookahi o lakou ma ko lakou papu a o ka hapanui aia lakou iluna o ke kaupoku o ka puo’a a mailaila aku i hoohana aku ai lakou i ko lakou mau pu maluna o na enemi a aohe he ki ana e hala ai a he hookahi kanaka make hoi i maopopo a kela ame keia poka e kiia ai. Ua kiia mai no hoi lakou e na enemi aole nae he loaa mai a ma keia kulana i kaa ai ka holomua o ke kaua ma ka aoao o na Pelekane heluna uuku a manaolana poho hoi na Inia.

            Ua aneane aku e napoo ka la oia no ka manawa i hoomaka hou ae ai na Inia he kaua hou, oia ka ho-a ana i ke ahi iloko o ka hale i punohu nui ae ka uahi no ka hoopilihua ana aku i na enemi o lakou aka ua poho no ko lakou manaolana oiai aia no he wahi kupono loa o na Pelekane a nui hoi ke ea.

            Eia nae i na Pelekane e noho ana iluna o kaupoku a e hoomauia mai ana ka ho-a ana o ke ahi a punohu nui no hoi ka uahi ua hiki pono ole ia lakou ke iho aku i kahi o ko lakou papu e makaala ai a ua loaa pu no hoi ia lakou ka noonoo aole no hoi e hiki lakou ke pii mai oiai ka uahi e hana ana i kana hana, alaila noho hoonanea iho la lakou oiai ua ahiahi, a mahope o ka hala ana o kekahi manawa ua hoopuiwa loa ia lakou i ka hooho ana ae o Nede me ka leo nui.

            “Hoolohe!” wahi a Nede me ka leo nui, “aia lakou ke wawahi la i ka papu o kakou.”

            Me ka hoohakalia ole hou iho ua hopu iho la oia i kana pahikaua a holo aku la ilalo a hahai aku la no hoi kona poe hoa. A ia Nede no i ikeia mai ai e ua Inia oia no ka manawa i kiia mai ai a ku pono mai la oia ma ka poohiwi a e anehe aku ana oia e hina imua o ia no ka manawa i paa aku ai ia Mekia Danalope ma ka a-i o ka papule pela oia i huki hope ia mai ai iluna.

            “E paa aku i ke alapii e ke Konela,” wahi a Mekia Danalope i pana ae ai, “aia io no lakou ma ko kakou papu aole nae i pau loa i ka wawahiia. E lawe ae au ia Nede iluna o kaupoku. Ua ku oia ma ka poohiwi.”

            Ua hapai aku la o Mekia Danalope i ka opio eha a hoomoe iho la iaia ma kahi palahalaha o kaupoku a waiho maule iho la ke kanaka opio oiai ua pau ae la kona ike a hoi aku la o Mekia Danalope ilalo no ka hui ana me na enemi ia Konela Warena ame Lukanela Dike e hoopohapoha mau ana i ko laua mau pu, a aole no hoi he ki ana e hala ai.

            A mahope o ka hoomau ana o na Pelekane i ke ki ana a e loaa man ana no hoi na hoa enemi o lakou a nui ka make ma ko lakou aoao me ka neemua ole hou o ka lakou mau wawahi papu ana ua puhee aku la lakou a pau ana i ka hoi hou ilalo me na manaolana poho. Alaila me ka eleu no hoi i hoi aku ai na Pelekane iluna i kaupoku no ke kanaka opio eha, a ku kiai ae la o Dike no lakou me ka holoholo ana me kana pu i makaukau no ka hoohana ana i na manawa apau, ia Warena ame Danalope e hana ana maluna o Kapena Nede.

            He eha kuhohonu ko Nede. Ua komo aku ka poka ma ka umauma a pii iluna i ka poohiwi, a ua loaa pono mai ka iwi-poohiwi i ha’iha’i ae ma na apana. He nui maopopo ka eha. Eia nae aole he ike ae o ke kanaka opio oiai aia oia ke waiho la ua pau ka ike.

            No na enemi hoi ua noho hou iho la ko lakou aha-kuka a noonoo i ka mea e hana ai a no ka poeleele loa ua hooholo iho la lakou e hoomalolo ke kaua a wehe ae ke ao o kahi la ae a ia manawa e hoohana ai i ko lakou mau pukuniahi. Alaila ho-a ae la lakou i ko lakou mau ahi ma na wahi kokoke no nae i ka hale o na enemi o lakou no ke ku kiai ana.

            Ma keia manawa akahi no a pohala ae o Nede oiai ua napoo aku ka la a olu mai la ka ea, a mahope iki o ka hoonana ana ame ka inu ana he wahi oolopu wai akahi no a loaa wahi olelo iaia.

            “Ua hauoli loa wau i ko kakou ae lokahi like ana,” wahi a Nede, “o Dike wale no ka mea o kakou e hele.”

            “Aohe no e hiki ia kakou apau ke iho mai nei aku oiai o ke kanaka hope loa ka mea hiki ole iaia ke iho a ua oi aku ka maikai e hookuu i hookahi a e noho iho ka hapanui me ia.” O keia na olelo hoolana o ka makuakane i ke keiki nawaliwali.

            “I ka wa hea o Dike e hele ai?” wahi hou a Nede.

            “Aia i ka manawa e akakuu mai ai na Inia. E puka ana ka mahina ma kahi o ka hora 12 a he mea pono iaia e hala e mamua o ia manawa. Pehea oe i keia manawa? Pehea kou eha?”

            “Aohe he nui loa o ka eha aka he ano e mai ko’u me he la he kaumaha pu.”

            Alaila huli ae la o Konela Warena ia Mekia Danalope – “E oluolu e Danalope e ku kiai ma kahi o Dike i kaawale ai oia no ka ike ana mai ia’u. A ua maikai no kou haawi aku i kou gudibai iaia. O ka hora ewalu keia o ke ahiahi a he mea pono iaia e kaawale koke iloko o elua hora mai keia manawa, aku. A i kona wa e kaawale aku ai e ku kiai like aku ai kaua ma kahi o ka eha hora pakahi. A ke ao ae @ he manaolana no ka loaa wahi hiamoe ana.”

            A hiki wale i ka hora umi akahi no a hamau mai na Inia eia nae, aole no i pau loa ka hamumumu kamailio ana. He loheia aku no ka walaau mai o na puulu liilii ame ka a mai o na ahi like ole e like me ka nui o na puulu koa. Eia nae o ka hapanui o lakou ua hoomana iho lakou ma kahi kokoke i ka hale apuni omua o koe ohope.

            “Ano,” wahi a Dike, “ua hiki mai ka manawa kupono no’u e hele ai a oia keia wa. Aia ma kahi o kanahiku mile a’u e holo ai a hiki i Lukanao. Aole paha he kupono no’u e hookolo ai i ka puali i ukali mai ai ia kakou a i hoopuehuia aku e keia poe. Nolaila i o no o Lukanao wau e hele ai. Ina e loaa ia’u i lio maikai a ikaika aole e nele ko’u hiki aku ilaila i ke awakea o ka la apopo. A ke manao pu nei no hoi au i ka nele ole i ke Generala Nui Kolina i ka hoouna koke mai i kokua me ke kali ole ia’u. Alaila e hiki mai no lakou ianei i ka wa kupono, malia, e hiki mai elua po mai keia wa aku.”

            “Aole io no he pono o ka hoolohilohi ana i ka hiki ana mai o na kokua,” wahi a Konela Warena, “aka e manaolana aku kakou i ka hoea mai o na kokua iloko o ka wa kupono e like me kau i hoike mai nei, aka ke manao nei wau ua hiki loa ia makou mau poka, koe wale no a manao lakou e paniku ia makou no ka hoopololi ana.”

 

MOKUNA XX.

HOOMAHA MAHOPE O KE KAUA.

 

            Mahope iho o ka haawi aloha ana i kona makuakane ame kona kaikuaana ua hoomaka iho la ka huakai a ka Lukanela Dike. O ke kaula i paa pu ia ai na nakilia aku he hookahi poo i ka pou nui o ka puo’a. A me na kaula nei i hoohoholo aku ai o Dike iaia no lalo mahope nae o ka hale.

            Ua hookuukuu aku no oia iaia iho me ke akahele a hiki i kona ku ana iluna o ka paepae pukaaniani o ka hale a he mau kapuai wale no hoi koe a kuia ilalo alaila halo pono iho la oia ilalo no ka hoomaopopo loa ana ina ua malaelae ke ala nona. A ua ku io no e like me kana i noonoo mua ai aohe kanaka.

            Me ka eleu a hoohakalia hou ole iho ua hoohoholo loa iho la o Dike a ku ana i ka honua, a me ka eleu no hoi o Konela Warena i hukihuki mai ai i ke kaula ina paha ua kua io aku ke keiki i ka honua; a i ka maopopo ana mamuli o ka alu ana mai o ke kaula ua wehe koke ae la oia i ka piko o ke kaula i nakilia i ka pou.

            A i ke kiolaia ana mai o ke kaula mailuna mai a mahope no hoi o ka pokaa ana o Dike i ke kaula o hawele ae la ma kona nui kino, a mahope o ke ku iki ana ua hoomaka aku la kona helenihi ana. Ma keia manawa no hoi aole hookahi kuia.

(Aole i pau.)

 

 

KULIANA

Ka Weli o Damaseko.

KA HOOKO MOEUHANE A KA U’I ULINA.

MOKUNA III.

KA WELI O DAMASEKO.

 

            “Ua lohe makou nona mai kekahi mai o na kanaka kalepa i hele ae nei, a oia no hoi kekahi iwaena o ka poe i haoia kona mau waiwai e ua Kulina nei.”

            “Maihea ae keia huakai o ka poe kalepa?”

            “Mai Tamu ae lakou, e hele ana hoi me ka lakou mau waiwai @ ke alahele ae o Basora.”

            “Na’u kela mau waiwai,” i hooho ae ai o Horama.

            “Ae, e kuu haku, a ua pau aku i ka laweia e Kuliana – ua lawe aku na waiwai apau au, aka aole i laweia na waiwai o ka poe kale! ilihune. Eia nae aole ia o ke ino. Ua hoouna ae oia i ka lohe e hoo@ neoneo no oia i ke kulanakauhale o Damaseko. Ua kauoha @ o Ahoula Casema e holo awiwi mai wau o hoike aku ia oe i keia @.

            Ua kau koke iho la ka weli maluna o ka moi. O ka inoa @ liana he inoa maka’u loa ia ia e ia, a i kona manawa i lohe @ hoopukaia ana aku o ua inoa la ua haalulu ae la kona kino holo@. O kana mea no nae e maka’u loa ana oia kona hoomaopopo ana @ ikaika o na lala o ua Kuliana nei. Aia pu iloko o ua maka’u @ iini e panai aku i ka ino i hanaia mai iaa.

            “Aia ihea ua debolo la?” wahi a Horama i ninau ae ai, mahope @ kona ku iki ana a nana aku maluna o ka elele i hoounaia mai ai.

            “Aole oia i mamao loa aku mai ke kulanakauhale aku, e @ haku. Me he mea la aia oia ma ka hikina. Ina oe e makemake ai @ e hoi aku aole oe e poino ana, ke awiwi no nae oe.”

            “Ina pela e hoi like aku ana kaua,” i puana ae ai ua moi la @ kona pa’i ana iho i kona mau lima iluna o kona uha,” a e lawe ma@ no wau i pualikoa nui o ka hoopio loa ana aku i keia weli o Damaseko mai ka ilihonua aku.”

            Alaila, kauoha aku la oia ai Sada e hoi aku a hoomakaukau @ ka laua huakai, a huli ae la oia e pane aku la ia Ulina:

            “Maanei oe e noho ai, e kuu mea aloha, me ka poino ole a aole @ hoi e loihi loa a o ka piha pono no hei ia o ko kaua hauoli.”

            He pokole kana mau huaolelo o ke aloha hope loa, oiai ua @ piolokeia kona noo, a e haa@ ana hoi kona leo iaia e hoopuk@ ana ia mau olelo. Iaia i hiki aku ai i ka puka ua huli hou mai la @ ihope, me he mea la e manao ana e hoopuka hou mai i kekahi olelo eia nae ua huli aku la no oia a haalele iho la i ka opiowahine me @ hoopuka ole mai i kana mea i manao ai. Mai  ka puka aniani @ noho aku ai o Ulina a nana aku la i ka moi e hoi ana a hiki @ kona nalo ana aku iloko o ke alahele ololi, a i ka hala ana o @ naka hope loa mai ka ike ana aku a kona mau maka ua huli ae oia i kona hoanoho.

            “E Alabia, heaha la na mea e pili ana i keia powa e kauia @ ke weli – oia hoi keia weli o Damaseko? Ua lohe no wau i keka@ mea e pili ana nona. Ua lohe au i ke kamailio ana o ko’u mak@ kane nona i kekahi manawa loihi i hala ae nei; eia nae aole e hiki i@ ke hoomaopopo ia mea. Ua ike anei oe i kekahi mau mea e pili nona?”

            “Ua nui ka’u mau mea i lohe ai nona, e kuu lede maikai. @ kanaka oia i kauia ka weli a puni o Damaseko no kekahi mau @ kahiki.”           

            “No ehia makahiki e Alabia? Ke hoomanao ae nei wau ua @ ke ae ko’u makuakane aole no i loihi loa ae nei kona ike ia ana @ kela huli o ka aina.”

            “Malia paha ua hewa ka’u i ha’i aku nei ia oe,” wahi a Alabi, i pane aku ai, e hoao ana hoi e noonoo. “Ua ike no nae au he mea oia i kauia ka weli, a he pupuka hoi kona helehelena; eia nae aole wau i ike i ka nui o kona mau makahiki o ka hana ana i na @ haowale. Aole no paha i nui loa na makahiki e like me ka’u e @ nao nei.”

            “Aka hoi, owai la ia? Maihea mai kona hele ana mai?”

            “A, aia ilaila ke pohihihi, e kuu haku. Aole he mea i ike ko@ wahi i hoea mai ai; eia nae ua oleloia he mea no oia i hoopoi@ kona ohana e Horama ke alii. Oia hookahi wale no ka mea i@ ma keia ao, pela ka hoomaopopoia ana, a o Horama ma ka mea me@ i pepehi i kona ohana; nolaila i hele mai ai oia no ka panai ana @ i na hana a Horama i hana aku ai maluna ona. Eia me ia kek@ heluna o na kanaka maka’u ole, a he elua manawa ana i halawai ai me na pualikoa a ke alii i hoouna aku ai e pepehi iaia a i ole e@ pupio aku paha iaia. Aole ona haowale e like me ke ano o na po@ e ike mau ia nei. Aole ona hoopilikia aku i ka mea ilihune; aka o @ mea e nohoalii ana maluna o Damaseko ke hoopoinoia.”

            “Ua ike anei oe iaia, e Alabia?”

            “Auwe no hoi e! aole la. Aole loa wau e ae e ike aku iaia. @ kanaka helehelena hoomaka’uka’u oia. Ua lohe wau i ka hoike @ a kekahi o na aliikoa o kou makuakane ua hiki loa iaia ke pepe ka bibi kauwo me hookahi pa’i ana a kona lima; a imua hoi uwila o kona mau maka ua haalulu iho na kanaka koa a maka@ ma ke kaua. O, aole loa wau e ae ana e ike aku iaia.”

            “Ma ko’u manao iho he mea maikai ka ike ana aku i @ o ia ano,” wahi a Ulina i pane aku ai, me kona leo hoihoi. @ wau i ike i kekahi kanaka e like aku me ia ke ano. O ke @ hiki i kona lima ke pepehi iho i ka bibi kauwo, a nona hoi @ uwila i okomoia me ka manao e like me kau i hoike mai nei, aole oia e hoopoino mai i kekahi wahine i hiki ole iaia e pale ae iaia i@

            “Kupaianaha maoli no ko’u noonoo,” i hooho ae ai o Alabi @

            “No ka mea,” i hoomau aku ai o Ulina me na minoaka e kau maluna o kona mau papalina waianuhea, “aole i hoonaauaoia @ noho ana ma ia mea. Eia nae, ma ka noonoo nui ana ae i keia @ me he mea la e aloha no wau i ka moe ana iho maluna o na lim@ ika a maka’u ole o ia ano. Ina wau e aloha ana i kekahi kanaka ko’u naau apau, o ko’u makemake e ikaika oia a maka’u ole no@ a o kona noho ana mai imua o ko’u alo he maluhia ia no’u. He @ ianaha anei ia?”

            “He kupaianaha io no,” wahi a Alabia i pane aku ai, “a’u @ manao ae ai e loaa hou ana keia mea a ke alii e lili hou ai ina lohe ana i keia manao au i hoike ae nei.”

            “Ke lilo ae wau i wahine na ka moi, e ike aku no wau iaia ke ano he kane ua’u a e aloha aku no hoi wau iaia. Aka nae, @ bia, aole a kaua mea e kamailio ai maluna o ia mea. E hele @ ai i ko kaua paina ahiahi, alaila e hele aku kaua e holoholo @ ka malapua.”

            I kekahi la ae, e aneane ana paha i ke awakea, ia Ulina noho like ana iloko o ke keena hookipa e huli ana hoi i ka paka hoi e lelehuna ana ka wai iloko o ka punawai, ike aku la laua pioloke o na koa maloko mai o ke alahele o ke awawa. Ma ka nei hoomaopopo aku aia kekahi pilikia nui, oiai aia na kauwa @ la i o a ianei. Ike aku la laua nei i ka holo ana mai o kekahi no ka halealii, a aole no hoi i liuliu iho ike aku la laua nei i na@ noho iho iloko o ka hale he kanalima paha ko lakou nui, e @ no ke alahele.

            “Heaha hoi keia?” i hooho ae ai o Ulina me kona piho@

            Aole nae he hiki ia Alabia ke pane aku i ka ninau a kona@