Ka Nupepa Kuokoa, Volume XLIII, Number 43, 27 October 1905 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

ALEMANAKA O OKATOBA, 1905

[Calendar image]

Mahina Hou. Oct. 27, hora 7:37. E puka ana ka la i Oct. 23, hora 5:53. Oct. 24 amd 25, hora 6:00. Oct 26 amd 27, hora 6:01. Oct 28 amd 29, hora 6:02. Oct. 30, hora 6:03. a e napoo ana Oct 23 ame 24, hora 5:29. Oct. 25, hora 5:28. Oct. 26 ame 27, hora 5:27; Oct. 28 ame 29, hora 5:26. Oct. 30, hora 5:25

 

KAI PII                                                                                    KAI EMI.

Poakahi Oct. 23, hora 11:47;  0:10 a. m.               Hora  11:24 p. m.;  12:39 p. m.

Poalua Oct. 24, hora 12:45 p. m.;  0:55                Hora  7:12 p. m.;  6:40 a. m.

   a. m.

Pokolu Oct. 25,  hora 1:40 p. m.;  1:32                   “      7:51 p. m.;  7:40 a. m.

   a.m.

Poaha Oct. 26,  hora 2:15 a. m.;  2:28                     “      8:28 p. m.;  8:25 a. m.

   a. m.

Poalima Oct. 27,  hora 2:53 a. m.;  3:09                  “      9:02 p. m.;  9:18 a. m.

   p. m.

Poaono Oct. 28,  hora 3:35 a. m.;  3:50                  “      9:26 p. m.;  10:09 a. m.

   p. m.

Sabati Oct. 29,  hora 4:19 a. m.;  4:32                    “      10:10 p. m.;  11:00 a. m.

   p. m.

Poakahi Oct. 30,  hora 5:01 a. m.;  5:18                  “      10:45 p. m.; 11:57 a. m.

   p. m.

 

 

Nuhou Kuloko.

 

No ka Hoolaha ana:--Ina he mea maikai kau aole paha oe e hoopaa ana i kou waha. Mai kaii no na mea e akeakea m ai ana. E noonoo oe no ka hopena e loaa mai ana. Ina aole oe i hoao e hookomo hoolaha iloko o keia nupepa, aole no hoi he hewa ka @. Hewa ia la?

 

Piha o Kalakaua Hale i ke kakahiaka @ no ka hoolohe ana in na hihia piliwaiwai.

 

Ua lilo ia Fred Harrison ka aelike hana i na alanui hele wawae mawaho @ o ka Hale Leta.

 

Ma ke kudalaia ana o ko ka Hotele Hawaii wahi ma Waikiki i ka Poaono i @ ua lilo ae ia Geo. W. Macfarlane no $10,000, a o na pono hale no $1000.

 

A hiki i kela manawa aohe he mea i lohe hou ia no ka waiho oihana o Lunakula Nui Davis o ka Papa Hoonaauao. Aohe no e waiho i ka oihana pela i ka nana aku.

 

Mamuli oka nawaliwali o Lunakanawai Robikana, ua hoopaneeia ae kana aha ma ka Poakahi iho nei no hookahi pule. Ua waiho ae oia i na hihia karaima ia Lunakanawai Lindsay.

 

O Maguna Hale kihi o alanui Hema me Moiwahine, ola kahi nele ole i ka ulu mau o na haunaele a o makai ka puuhonua o ka poe malama maluhia e hoona ai. Hoomau ae i makai no laila.

 

He eiwa ka nui o ka poe piliwaiwai i kapua ae ai e Lunakanawai Whitney o ka Aha Apana i ka Poalua nei ma ka pa-ha dala o ka mea hookahi. E kupee pu ia ae na moi o ka piliwaiwai e pono ai.

 

He piko pau i ka iole ka i komo ae iloko o ka halekuai o Kalihi i ke kakahiaka nui o ka Poalua nei, oiai ka oihana makai e hoolilo ana i kona manawa ma ka hoomakakiu ana i ke keena o ka Nupepa Advertiser.

 

Ma ka auwina la Poalua nei ua hoike ae o Kiaaina Carter aole i loaa ka mea e pani ae ana i ka hakahaka o Lunakula Davis i waiho mai i ka oihana. Ma ka lono hoi i loaa ae i kekahi o na nupepa namu puka ahiahi. Ua apoia aku ko Davis palapala waiho oihana e ke Kiaaina.

 

Ua hoikeia ae eia o Senatoa McCandless ke lawe nei i kekahi mau palapala no ke kakauinoaia e na poe e noho ana ma na apana i loaa na haawina dala mai ka Ahaolelo mai i haia, e noi ana ia Kiaaina Carte e hoolilo piha ia ua mau haawina ia, aole hoi e like me ka Kiaaina Carter i manao ai e hoolilo hapa.

 

Eia ke hoomakaukau hou mai nei na keiki au o ka Halehana Hao o Honolulu ame Makala no ka heihei au e malamala ana mawaena o keia mau hui ma keia mua koke iho. I keia makahiki aku nei he elua manawa i haule ai ka Makala, a ke hooikaika nei na keiki o ia hui e kaili ae i ka hanohano i keia makahiki.

 

Ke hoomaka mai nei na hana hoomaemae alanui mauka o Pauoa. Ua hoomaka ae ka hoomoe ana i ke alanui Puowaina, e hoomaka ana mai ka uwapo aku o Pauoa a hiki i ka huina o na alanui Pauoa ame Puowaina. O keia kekahi o na alanui i kupono loa e hoomaemaeia, oiai he kohu lo‘i kalo maoli no i keia mau la e haluku nei koluna poe.

 

O Lunakiai Adams hookahi ka lala o ka Papa Lunakiai o Oahu nei e inainaia nei e ka poe ha‘iha‘i kanawai, mamuli o kona hooikaika pauaho ole e kinaila na hana piliwaiwai ame na hana ku ole i ke kanawai a ka oihana makai e manao ia nei ua hui pu aku iloko o ia mau hana. O na poe noonoo akahele apau, aole he kanalua e wehe koke no lakou i ko lakou mau papale a hoomaikai aku ia Lunakiai Adams no kana mau hana kanakamakua.

 

HALEINURAMA

PAUOA

 

E NA OIWI O PAUOA. No keaha kou kuai ana i ka waina nowai a na Pake o Honolulu. No ka emi anei he  @ keneta o ke galani? Aole anei ua oi aku ka makepono e hoolilo i kau kenikeni no ka waina maikai ma ka

THE PAUOA WINE CO.

Frank Correa, Lunanui.

Pauoa, palena o ke alahao.

 

Nuhou Kuwaho.

HOEA O TOGO I YOKOHAMA.

 

YOKOHAMA, Okatoba 20.—O Admarala Togo, ua hoea mai oia ianei i keia la no ka liuliu ana i ka hookahakaha paikau mokukaua e malamaia ai i ke Kuono o Yeddo.

 

NUI NA OLA I LILO

 

CLEVELAND, Ohio, Okatoba 20.—He ino nui ka i pahola iho maluna o ka Moana-wai nui o Erie a pahola iho la na hoopoino ana a nui no hoi na ola i lilo aku.

 

HAIOLELO O PERESIDENA RUSAWELA.

 

            ATLANTA, Ga., Okatoba 20.—Ua ha‘i olelo ae o Peresidena Rusawela ma Rosewela, ka home mua o kona luau‘i makuahine ma keia la. Ua ha’iolelo pu ae oia imua o kekahi anaina nui ma Atlanta.

 

WAIHO OIHANA KE DUKE VLADIMIR.

 

ST. PETERSBURG, Okatoba 20.—O ka Duke Kiekie Vladimir ua waiho iho oia i ka oihana alakai o ka apana oihanakoa o St. Petersburg a ua hoopihaia aku ka makalua e Generala Gripenburg.

 

HA‘IOLELO KU-E LIMAHANA KA PERESIDENA.

 

ATLANTA, Ga., Okatoba 21.—O ka ha‘iolelo a Peresidena Rusawela i nehinei e hookikaika ana ia i ke kupono maoli o ka hookaawale ana i ka hoopae limahana no ke kumu kupono o ka hoopakele ana ia loko iho.

 

HOOKIPAIA O DEMOKARATA BRYAN.

 

TOKIO, Okatoba 21.—Ua hoolauna aku o Kuhina Amerika Griscom ia William J. Bryan i ka Emepera ma keia la.

 

HOOMANAOIA KA HAKU NELEKONA O PELEKANE.

 

LADANA, Okatoba 21.—O ka malama ana no ka hoomanao o ka Haku Nelekona ke malamaia nei maanei ma keia la.

 

HOOKOHU HOU IA I KUHINA IAPANA MA RUSIA.

 

TOKIO, Okatoba 21.—Ua hookohu hou ia ae o Kurino i kuhina i Rusia.

 

PAU I KE PIHOLO ILOKO O KA MOANAWAI.

 

KIKAKO, Okatoba 22.—He iwakaluakumamakahi oia ame kanaha-kumamalua moku i nalowale ma ka hana o ka ino i pahola iho ai maluna o ka moanawai.

 

O KUHINA HAYASHI NO KE KUHINA HANA KUWAHO

 

            TOKIO, Okatoba22.—Ma ka hana o ka hoololi ana iloko o ke aupuni e kaheaia ae ana o Kuhina Mayashi mai Ladana ae no ka lawe ana i ka oihana Kuhina o na Hana Kuwaho.

 

MAKE NA IAPANA KIPI.

 

            THE HAGUE, Okatoba 22.—Iloko o ka hakaka mawaena o na koa o ke aupuni ame na kipi iloko o Java, he kanalima poe kipi i make.

 

HOPUIA NO KE KIPI.

 

BUDAPEST, Okatoba 22.—O ke kakauolelo a ka Premier (Pirimia)-i-pau Bannfy ua hopuia ae no ke kipi.

 

HOOKIPA O FOLORIDA LA RUSAWELA.

 

            ST. AUGUSTINE, Okatoba 22.—He malihini ohaohala o Peresidena Rusawela no keia kulanakauhale a e niho iki iho ana no keia la.

 

HUAKAI A LOUBET NO KEPANIA.

 

            PARISA, Okatoba 22.—Ua hoomaka aku ka huakai a Peresidena Louet no Kepania no ka panai ana i ka huakai makaikai o ka Moi Alfonso.

 

KU-LOHALOHA NA OIHANA KALE PA MA RUSIA.

 

            MOSCOW, Okatoba 23.—He olohani ka i hoomakaia ae maluna o na iaina alahao eha a holopono ole na oihana kalepa. Ua holopapa koke ae ka nele i ka walu ame na meaai i‘o holoholona a he mea pilikia maoli no.

 

NEE NA HANA KALEPA ME KA MALUHIA.

 

HARBIN, Okatoba 23.—Ke emi aku nei na koa o na Rukini. Ke hoomaka nei ka lawelawe oihana ana o ka Banako Rusia-Pake.

 

[Photo image]

@KAKAUOLELO TERITORI ATKINSON.

 

Holo Hou i Amerika.

 

Ma ka mokuahi Mongolia e haalele iho ana ia Kou nei i keia la e kau aku ai o Kakauolelo Atkinson a holo aku no Amerika ma kana hukai huli i na kanawai hoopae limahana e kipa nei ma Nu Ioka mai Italia ame na wahi e ae.

            E holo mua ana oia no Los Angeles, Kaleponi, a mailaila aku e holo loa aku ai no ka Hikina, a ma Wasinetona e hui pu aku ai oia me na luna aupuni ia lakou ia oihana no ka noonoo pu ana i na mea e pili ana i ka hoopae limahana.

            E hoao hou ana no hoi oia e loaa hou ona haawe na kakou e auamo ai, oia hoi he hoale o $750,000, he haawina kaokoa loa hoi. O keia iho la ka huina a Kiaaina Carter i hooholo ai, e hoemi ana hoi mai ka $1,377,000.

            O ka hana mua loa a Kakauolelo Atkinson ke hiki i o oia ka huli ana a loaa na mea e hana ai, alaila telegarapa mai i Hawaii nei, a o ka hoomaka koke no ia o ka Papa Hoopae Limahana e hooko i na mea i hooholoia e ia.

 

OI LOA AKU KA OLOHANI ALAHAO.

 

            ST. PETERSBURG, Okatoba 23.—O ke kulana o ka olohani alahao ua oi loa aku ka haunaele.

 

HA‘IOLELO I NA PAELE KA PERESIDENA.

 

            TUSCOGEE, Okatoba 23.—Ua ha‘iolelo aku o Peresidena Rusawela imua o na haumana Paele ma ke kula hoopololei oonei keia la.

 

EKOLU HANERI A OI MOKUKAUA HOOKAHAKAHA

 

            TOKIO, Okatoba 23.—He ekolu haneri ame ewalu mau mokukaua i komo ae iloko o ka hookahakaha kaua-moana maanei i keia la malalo o ka Emepera Mutsuhito. Mahope o ka nana ana o ka Emepera i ka hookahakaha i hookipa mai ai oia i na alakai alii kaua-moana o na mokukaua Amerika ame Pelekane oonei.

 

PAE O ALICE RUSAWELA I AMERIKA.

 

            KAPALAKIKO, Okatoba 23.—Ua ku mai ka Mokuahi Siberia ianei i keia la mai Yokohama mai ma ka holo pololei ana noonei. O Miss Alice Rusawela ame Peresidena E. H. Harriman ame na hoahele ua lele aku lakou mai ka moku aku noluna o ka mokuhuki a lele i Oakland no ke kaaahi a malaila no i holo aku ai no ka hikina o Ameika.

 

PUNI LOA O RUSIA I NA OLOHANI.

 

            MOSCOW, Okatoba 24.—O ka olohani ua laha loa aku apuni o Rusia.

 

NUI KA POE EHA A MAKE PU.

 

            SANTIAGO, Chili, Okatoba 24.—O ka haunaele maluna o na auhau ua ulu ae nei a he nui ka poe i eha a i make.

 

HOOKIPAIA ME KA OHAOHA.

 

            MOBILE, Ala., Okatoba 24.—Ua hoea mai o Peresidena Rusawela ianei a ua hookipaia me ka nui ohaohaia.

 

O TOGO KA I HOOKIPAIA MA IAPANA.

            TOKIO, Okatoba 24.—He hookipa ohaoha nui ka i haawila iuka o ka aina no Adimarala Togo ame kona mau luina.

 

Ku mai ka Mokuahi Claudine.

 

            He ehiku la, iwakalua-kumamakahi hora, ame kanalima-kumamahiku minate, oia ka manawa i holoia e Kelaudina mai ka Ipuka Gula o Kaleponi a hiki i Honolulu nei, mahope o ka pau ana o na hana hou i hanaia maluna ona. Aole oia i lawe mai i na eke leta, oiai no nae ua noi aku kona kapena i ka oihana leta o Kapalakiko e haawi mai i ko Hawaii nei eke leta.

            Ua haalele iho o Kelaudina ia Honolulu nei iloko o ka mahina o Iulai, i haia, a i kona hoi ana mai la, me he la he moku hou. Ua hookomoia he mau ipuhao hou, a ua weheia ae ka oneki mua a i keia manawa ke nana aku iaia ua ano like me Kinau: nolaila ua mahuahua hou ae kona mau keena moe.

            E holo hou aku ana oia no na kai o Maui i keia pule ae, a e haaheo ana ko Maui poe ke ike mai iaia.

 

            O Pilipi Rivera, keia kanaka nona kahi i piliwaiwai ai o Alika Nichollas ma, a i hopuia ai hoi no ka malama i kahi piliwaiwai, he limahana oia no ka Oihana Lawe Opala mamua aku nei, a no kona piliwaiwai i hoopauia aku ai oia mai ka hana aku.

 

Poino ma ka Hoopanee.

 

HE MEA PONO E LAWELAWE KOKE I KA MALAMA ANA I KE OLA.

 

            O ka pilikia o na puupaa he mea maikai ole ia ke hoohemahemaia, no ka mea he kolo malie kana hana a hiki i ka manawa e paa ai ke kanaka malalo o kona malu mamua o ka hoomaopopoia ana. Ua hiki ia lakou ke hoololi i ko lakou mau ano a like me kekahi mau ma‘i e ae a ma ia ano i kuhihewa nui ia ai lakou.

]           Mai kuhihewa oe!

            Mai hoopalaleha!

            Ano e lapaau i kou mau puupaa!

            Ke ma‘i na puupaa aole lakou e oluolu ana aia wale no a lawe oe i ka laau no na puupaa. O ka Doan’s Backache Kidney Pills oia wale no ka laau kupono loa e loaa koke ai ke ola i na puupaa. He hoola kana. Ua hoola oia i kekahi poe ma Honolulu nei.

            Mr.A. J. Cahill o ke laanui Papu, ma keia kulanakauhale, kiai po kana hana ma kahi o Messrs. T. H. Davies & Co., Kaupalenaia, wahi ana: He sela moku au i ko‘u mau la opio, a i kahi manawa, ua hana au no ka Hui Moku Piliaina. Mamuli o keia loaa ana o‘u i ke kikala haneenee me ka ma‘i ma ka puupaa ua haalele au i ko‘u hele ana i ke kai.

            No keia kumu, ua hoao au i na ano laau apau, a o ka laau nana au i hoomama keia mau luuluu i loaa ia‘u, oia no kela Huaale a Doans no ke Kikala Haneenee me ka Puupaa. Eia ke kuai ia nei ma ka halekuai laau o Hollister Ola loa ko‘u mai, pau na ehaeha i loaa ia‘u. Ina e manao ana kahi mea e ike ia‘u, e loaa no au ma kahi kuai lako moku, o Van Dorn’s alanui Papu.

            E loaa no ia oe, ka laau i ole ai o Mr. Cahill, me ka nana pono ana i ka inoa piha like me keia ma ka wahi:--

            Doan’s Backache Kidney Pills, ke kuai ia nei ma na hale haawi laau a pau ma ke 50 keneta o ke poho, 6 poho $3.50 a i ole e leia mai no i ka halekuai laau o Hollister Co., ma Honolulu. Agena no ka Paeaina Hawaii.

 

I ka Oiwi Hawaii.

(Hoomauia.)

 

            Ina aole hookahi Oiwi Hawaii kokua, alaila, e ninau hou iho: he hana hiki no anei ka hana kokua i na Oiwi Hawaii ponoi? He hana hiki wale no ia ke hana ia, aole paha ma ke ano kino hookahi, aka, ma ke ano kino hui.

            O ke kino hui ma keia ina e hoomaopopo ae, oia no ka hoohuihui ana o na Oiwi Hawaii a hoahu i kekahi huina dala mahuahua kupono, ina paha ma ke koho ana ia huina a i ole ma ka hoomaopopo ana paha i ka huina nui o na Oiwi Hawaii ma ke ano lahui e hui pu ana me na hapa—a ina e averika ia ae ma ka hapalua dala a ka mea hookahi a ina o ka huina lahui he Kanaha Tausani, alaila, e hiki ana ka huina dala aona ka waihona he iwakalua Tausani Dala $30,000 a o keia huina dala e waiho ia ma kahi e loaa mai ai he puka, a o ka puka e loaa ana i ka makahiki, oia auanei ke dala e uku ia ai na Oiwi Hawaii e hoouna ia ana i na aina e no ka hoonaauao ia ma na ike like ole.

            Ua loaa ka ike maopopo i keia manawa no ka uku o ka hoonaauao ia ana ma Amerika mamuli o ka hoike ia ana mai e kekahi opio Hawaii i noho, a hoonaauao ia ma na Kula o Amerika, wahi ana ua lawa no ka uku kula no ka makahiki o ka haumana hookahi he Elua Haneri me Kanalima Dala ke malama mae ke keiki i kona kulana hoopono a hoomakaukau a hana e loaa mai @ ka ike, a ina pela ke kulana o na opio Hawaii e hoouna ia ana no ka hoonaauao ia, alaila, ua hiki ke hoounaia i eha Keiki opio Hawaii i ka makahiki mua, a e uku ia hoi mailoko aku o ka puka o na Dala he Iwakalua Tausani ke hoahu na Oiwi Hawaii.

            A ina paha he hana paakiki loa ka hoouna ana i eha keiki i ka makahiki hookahi, alaila, ua hiki no ke hoemi mai ma ka huina e hiki pono ana ke uku ia, aka, aole nae he mea pono ke nele ka hoouna ana.

            I ke au o ka Moi Kalakaua a e noho Kuhina nui ia ana hoi e Kipikona, ua hoomakaia ka hoounaia o na keki Hawaii e hoonaauao ia i na Aina E, a o kekahi o lakou, oia no ke keiki a Mr. Makalua o Lahaina, ua hoouna ia oia ma na Kula o Enelani no ke a‘o ia ana i ka ike Kauka, a hiki mai i keia la oia kekahi o na keiki Hawaii i helu ia ma ka papa o na Kauka o Enelani, aka, oia ike nae, aole ia i @i mai a hoopomaikai mai ia oe e ka Lahui Hawaii, no ka mea, o ka Oihana Kauka ka oihana i pili aku i ka ninau nui e pahola nei iwaena o ka lehulehu, “ke ola o ka lahui.”

            Ina i mau ia hana hoonaauao a ke aupuni e hoouna ana i na keiki i na aina e a hiki mai i keia la, ina me keia ke lawelawe nei kekahi oiwi Hawaii ma ka oihana Kauka, aole paha hookahi wale aka, elua, a ekolu, a oi aku no, e like me ka nui o na Oiwi Hawaii e ake ana e hoonaauao ia ma ia ike, pela no ka nui o ka poe e hoi mai ana a pahola ae i ko lakou ike ame ka makaukau iloko o ka lahui, a i loaa hoi na haawina i hookaumahaia e ka ma‘i, aole hoi o ka ma‘i ma o ke Kanawai la, no ka mea, he nui o na Oiwi Hawaii i loaa ka makaukau no ka lapaau ana imua o ke kanawai, eha o J. N. Aluli, A. Kaulukou, W. C. Achi ame na Oiwi Hawaii e ae he nui wale, aka o ka oihana Kauka, ua nele loa na Oiwi Hawaii i ka ike ame ka makaukau ma ia mea.

            A oiai ua nele ko ke aupuni haawi ana mai i na kokua no ka hoonaauao ana i na aina e, aole anei hoi he hana pono na na Oiwi Hawaii e ala like a e hapai like a e kakoo like mai i keia manao i hoohuila “He mea pono e loaa ka nauao i na Oiwi Hawaii?” Aole he wahi e ae e hiki ai ke hooko ia keia mau manao alakai, aia wale no a loaa keia noonoo e like me ka mea i oleloia “o ka lokahi oia ka lanakila, a o ka mokuahana oia ka mea e haule ai,” ke manao nei au he mau olelo pololei loa keia e hiki ole ai ke hoole ia; a ina e ku like ka lahui apau me ka hooko ana e like me ka‘u i hoakaka mua ae nei i huina dala kupono, oia iho la ka manawa e hiki mai ai ka lanakila ana o keia mau manao alakai, a hookahi wale no hana i koe o ka hooko aku e loaa ka naauao i na Oiwi Hawaii.

            O ka ninau nui e pahola nei a puni ka lahui, a e ike ia aku nei hoi na waimaka e helelei hele ana ma ke alahele, ka makua i ke keiki, a o ke keiki i ka makua, ke kane i ka wahine a pela hoi ka wahine i ke kane, a o ka ohana i ka ohana, ola no ke ola o ka lahui ma o ka ma‘i i ike ia he “Lepera.”

            Ua ike kakou i ke Kau Ahaolelo i hala iho nei, o na lunamakaainana ame nao Senatoa a kakou i koho ai, ua hoike ae lakou a hele ana lakou a @ i ka pono ame ke ola o ka lahui, he mea oiaio no nae, i ka manawa i noho iho nei o ka Ahaolelo, o ka Hale o na Lunamakaainana, ua lawe ae lakou i ke kulana o ka hooko ana i ka lakou i olelo ai, ua hana iho lakou i ke Kanawai e hoololi ana i ke Kanawai Hoohuoi e ku nei i keia manawa, a ua hooholo ia Hale, a na ka moolelo o ia Hale, a na ka moolelo o ia Hale e hoike maopopo mai i ka po@ i kakoo no ka pono ame ke ola o ka lahui; aka nae i ka pii ana aku o ua Kanawai ia i ka Hale o na Senatoa, ua kakoo mai la lakou, a waiho ia aku imua o ke Kiaaina me ka manaolana ia e kakoo mai ana ola i ke Kanawai, aka, e like me ka mana piha i loaa iaia, ua vito mai la oia a hoi hou ke apana ana i na Hale elua.

            I kulike ai me ke Kanawai, ua @pai ia ka noonoo ana i ka vito a @ Kiaaina e ka Hale o na Lunamakaainana, a me ke ohohia no ka manao i ke ola o ka lehulehu, ua a‘e aku ia ka Hale maluna o ka vito, a i ke komo ana aku i ka Hale o na Senatoa, ua kakoo ae ia lakou i ka vito a o ka pau iho la no ia o ka pono no ke ola o ka lehulehu ma o ka lawelawe ana a ko kakou mau Hale Kau Kanawai o ke Kau i hala.

            E na makamaka ame na hoaloha, na Oiwi Hawaii, mai hoemi i ko kakou manao ana e imi i ke ola no ka lehulehu, aole o ka nele ana mai ko kakou mau Hale Kau Kanawai mai he kumu ia e hoopau ai i ka imi ana i ke ola, oiai oia ka mea nui hookahi. “O ke ola o ka mea maikai no na mea apau,” a ke olelo mai nei keia olelo “e haalele i na mea i hala, a e kikoo aku i na mea o mua,” ina pela, alaila, mai noonoo kakou i ka hana i hunaia e ko kakou mau Hale Kau Kanawai, aka, e nana aku kakou i ka mea e hana @ aku ana o keia mua no ka pono ame ke ola o ka lehulehu.

            Malia paha o olelo mai pukou ua hala ka manawa kupono no ka imi ana i ke ola o ka lehulehu ke manao nei au aole i hala ka manawa, no ko‘u imi ana, kou a o ko kakou pakahi a pau a @ ia no ka imi ana i @ e ola ai ka lehulehu mai ka hoopakele ia ana mai ka loohia ia ana e ka ma‘i i ike ia he “Lepera,” a aole wale malaila ma ka hoopilikia wale ia mai hoi kekahi e na poe e manaoino ana ia oe a ina aole oe i lawa me kekahi pale kupono no kou hoohuoi ia, alaila, ua lilo iho la oe i “Lepera.” He alahele okoa ae no kekahi e imi ai, aka oia alahele aole loa e hiki ke haawi mai i na kokua ana ia kakou ke ole kakou e hana aia a hana kakou i kekahi hana e hiki mai no na kokua

            Ua olelo mua ae nei au, o ka hoahu ana i kekahi waihona kupono me ka manao manao lokahi he mea ia e lanakila ai ka hana i manaoia ma keia manao alakai, a o ka hopena aku e hiki mai ana no he mau lima kokua. A owai ua poe lima kokua nei? O na poe waiwai no, na poe i ike a hoomanao ae me ka puuwai i piha i ke aloha nou e ka Oiwi Hawaii, oia no na keiki a na Mikanele, o lakou iho ia no ko kakou mau hoaloha e hiki mai ana ko lakou manawa e haawi mai ai. I na kokua ke hoala a hana kakou i kekahi hana maikai no ke ola o ka lehulehu, a i ka wa e ike mai ai lakou ua hana io kakou a he waihona hoi @ ko kakou aoao no keia hana maikai aole e nele ka pahola mai o ko lakou lima aloha no keia hana maikai.

(Aole i pau.)

 

            Ua haalele aku o Kupakako Conklin@ o Mauna Loa i ka hana ana maluna o ia moku, a he mea ok@a ke kau aku ana ma kona makaloa ma keia huakai a ua mahimahi ia o na Kona e haalele iho ana ia Honolulu nei i keia la.

            O ka moku kalepa Ernest R@ @ @ ai mawaho ae o Daimana H@. @ e ku nei iloko nei o ke awa, oia k@ komo nei ka @; a o ka ikaika o ka wai e komo nei he hookahi @ iloko o keia ame keia umi-kumamalua hora. Ke pau ae kona @ i ka @ @ huli koke ia ana kona poinu.

 

KUHIHEWA I NA HOAILONA.

 

            He nui wale na poe i loaa na ehaeha ma ke kua a manao iho lakou ua loaa ko lakou mau puu@ i ka ma‘i, oiai no nae o ko lakou wahi pilikia he rumatika o na aahuki. I hiki hoi ke hoola la mamuli o ka hamo ana me ka Chamberlain’s Pain Balm, a i ole ma ka hooma-u ana i apana iole huluhulu me ka laau Pain Balm a h@kau iho maluna o na wahi i @ohia i ka eha. O ka eha ma ka aoao a i ole ma ka umauma h@ ua hiki no ke lapaau ia e like me la i hoi@ @ nei a e loaa koke auanei ka oluolu. No ke kuai aku @ BENSON, SMITH & CO., LTD., na Agena ma Hawaii nei.

 

NA OHE nani no ka ulana papale ana, peahi ame na mea maikai e ae o ka loaa koko ana mai nei no no ia. He makepono ke kuai ana ma ke kukaa.

            HAWAII & SOUTH SEAS CURIO Co.

Hotele Iapa ame Hotelel Hawaii.

 

E Malama i kou Ili

KE ANO O KA MALAMA, HOOMAEMAE ME KA HOOUI ANA I KA ILI A ME KA HELEHELENA.

            No ka malama, hoomaemae a me ka hooui ana i na ili. I ole ai e loaa i ka huehue, ili pohaka, ili akaakaa wale, kolekole, lena, hou nui, ili nakakaka, ili lahilahi, a i na ano kinaunau lehulehu wale o ka ili, aole loa kekahi kope ili a helehelena paha e hiki ke hoohaukeia me ke KOPA KUTICURA, no ka mea, aohe kopa o ae e hiki ai ke imi aku a loaa na kumu penei, ka paakiki, upehupehu a hoopaaia paha o na pukapuka o ka ili.

 

E Malama i kou Lauoho

KE ANO O KE PALE ANA I KA LAUOHO HELELEI, NA EHAEHA O KA ILI POO ME KE KEPIA.

 

            E hoioi pono i ke poo me ka lauoho me ka wai KOPA KUTICURA pumehana, holoi i ke kopa me ka wai pumehana, hoomaloo maikai, alaila, hamo nalie me ke KUTICURA, ka laau hamo maemae loa. Ke komo malie ia a komo iloko o ka ili o ke poo. O keia wahi laau hoonui @ ole, iloko o kona ano ole, he oi aku o ka maikai no ka hoomaemae ana i ka ili o ke poo, a e pau ana ka ekaeka o ka lauoho me ka ili, a me ke kepia, e oluolu ana na @ eha, ka wewela, a e hooikaika ana i na kumu lauoho, e hoolawa ana i @ @ @ mea kupono e ulu ai, a e ulu auanei ka lauoho maluna o ka ili maemae, a @ maikai no hoi, ma kahi i nele ai i na laau e ae a pau.

 

E Malama i kou Lima

KE ANO O KA HANA I NA LIMA A PALUPALU ME KE AIAI I KA PO HOOKAHI.

 

            E holoi a lumai i na lima i ka wa e makaukau ai e moe, iloko o ka @ KOPA KUTICURA manoanoa hoi i hoopumehanaia. Hooma@ pono a @amo puni me ke KUTICURA HAMO, ka laau hooia ili oi loa, a o ka oi aku no hoi o ka laau hamo maemae loa. E komo i mikilima alualu i ke po, me ka hana nae i mau pukapuka ma na manamana. No na lima ula, kalakala, a mokumoku, maloo, nakakaka, maneo, owelawela o na poholima, maiao kokee me na manamana hu‘i, o keia lapaau ana no hookahi po wale no ka mea kupanaha loa, a he mea hoopomaikai no hoi i ka poe a pau i eha, mokumoku kalakala a lahilahi paha o na lima.

 

Kiho o Alanui Hokele me Nuuanu.

            Oia no hoi ka halekuai mua iho nei o “GUKIMA” Kelepo@ W@ P.O. Box @

 

            E hoao i ka makou laau kunu Eagle. I au puupuu maneo Eagle au kupono loa no ka hoola ana i na puupuu maneo, laau mimi eha Eagle aole hala kana hooia.

            Na huaale akepaa Eagle ame ka la [column unreadable]

 

[Makino Drug Co. Image]

 

E hamama ana i na po a pau a hiki i ka hora umi p.m.

E hoomanao i ko makou halekuai laau—Kihi alanui Hokele me Nuuanu.