Ka Nupepa Kuokoa, Volume XLIII, Number 43, 27 October 1905 — Page 2
| This text was transcribed by: | Michele Ikeda |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
KA
Nupepa Kuokoa
_____
NO KA MAKAHIKI - $2.00
NO KONO MAHINA - $1.00
_____
SUBSCRIPTION RATES
ONE YEAR - $2.00
SIX MONTHS - $1.00
O NA OLELO HOOLAHA APAU E HOOUNALA MAI ANA NO KA HOOLAHA MALOKO O KEIA NUPEPA, E HOOUNA PU MAI ME KA AUHAU, A INA AOLE, AOHE NO E HOOKOMAIA, E HOIKEIA AKU NO KA AUHAU OLELO HOOLAHA KE UI MAI I KE KEENA NEI.
_____
O na Dala apau o ka Pepa e hoouna pololei mai i ka HAWAIIAN GAZETTE COMPANY, LTD.
_____
HOOPUKAIEA E KA
Hawaiian Gazette Co., Ltd.
Hookomoia ma ka Hale Leka o Honolulu, Panalaau o Hawaii, ma ke ano Mea o ka Papa Elua.
_____
DAVID L. A‑I, Lunahooponopono
S. K. NAWAA, Kokua Lunahooponopono
Honolulu, Oahu.
_____
POALIMA :: OKATOBA 20, 1905
_____
KA LEALEA PANIOLO E HOOMAUIA.
_____
Ma ka Lealea Hookuku Hoohei Pipi i malamaia ma Kapiolani, kulanakauhale o Honolulu, i ka Poaono i hala iho la, a oia no hoi ka mua loa i malamaia ae ma ia wahi ma ia mahele paani ua ikeia ka ohohia nui ia a na hana kahi hoi i ikeia ae ai ke akamai maoli o na Hawaii ma ia hana keikikane a ua maikai maoli hoi ka hoomau ana, aole wale no ka Poaono i hala iho la aka ua maikai no ka malama a hoohana mau ia aku no keia mua aku, a makou e kanalua ole nei i ka pane ae i ke ohohia nui mau ia i na manawa apau e malamaia ai.
E like me ia e ku nei aia na hana hooikaika hoehoe waapa ua heluia iloko o ke kanawai o ka aina ma ka lilo ana o kekahi la o ka makahiki i la kulaia nona kahi i akoakoa mau ae ai ka poe makaikai i na lealea a pela no hoi ka hoomanaoia o ka hanohano o ka la o na limhana a pela o hoi e ulu ai na noonoo ohohia maluna o keia la hookuku hoohei pipi o na paniolo, eia nae , aole makou e hooikaika ana no ka hanaia i kanawai o ia ano no na paniolo, aka, e lilo ke ohohia nui ia o na hana laeoo keikikane o na paniolo i rula a i kanawai hooikaika no ka hapai mau aku i ka lealea, he haawina oi aku ia i ko makou manao mamua o ke kukulu kanawai ana a hoomanao kulaia ole ia.
Eia nae, ua hooho ae no na keiki i lini nui iloko o ka oihana paniolo e hoomau aku i kela ame keia makahiki i ka wa e ikela ai ka holomua e hoomau aku i kela ame keia makahiki i ka wa e ikeia ai ka holomua o keia hana ana iho la, a i ka holpono ana iho la oiai aole he mea i nele i ka hooho mahalo ana, alaila ke manao nei makou ua lawaia no ka loaa o ka ikaika e hoomau ai ia lealea paniolo maikai.
Maluna o na hoa na lakou i hooikaika a ku ai ka hookuku hoohei pipi na hoomaikai e kau ai no ka lanakila piha o ka lawelawe ana ia a maluna no hoi o ka poe paniolo i komo pu ae iloko o ka hookuku na hoomaikai pu ana ame ka poe i komo aku iloko o na hana lealea e ae.
_____
HELE OKOA KA PILIWAIWAI I KA LIMAIKAIKA.
O ka meahou hoolele hauli e puka aku nei ma keia helu o ke Kilohana pili i ka hiliia ana o ka meakakau nupepa o ka Advertiser e ka Mea‑piliwaiwai i hopuia Nicholls ma ke kakahiaka Sabati ma ke alo iho o ka Makeke kuai i’a olia maoli kekahi haawina hoike aopopo i ke komo maoli ana o ka mea piliwaiwai a hoeha ma ka limaikaika i ka mea i makee i ka pono o ka malama ana i ka maluhia ame ka makee ana i ke kanawai, eia nae, i ka poe malama kanawai a makee i ka pono aole ia he mea hoopuiwa o ka hoinoia mai a limaikaikaia mai oiai ua ike‑eia aku e hanaia mai no ia ino pela maluna o lakou poe makee maikai a maluhia mai ka poe hoonui ino mai a ikemaka maoliia ae la ka oiaio o ia mahele ino.
O ka hili ana o ka mea‑piliwaiwai hopuia no ka nui nini i na hoopahu o ka mea kakau nupepa i ake nui e ike ia ia ino a ka oihana makai i puhili ai,‑‑o ia hili ana, he hoike maopopo ia i ka hilahila ole o ka mea hewa maluna o kana ino, a he haawina no hoi ia e hoike ana ika makee loa o ke kanaka piliwaiwai ia mea he piliwaiwai a ua oi aku kona aloha ia mea mamua o ka maluhia ame ka laahia o ke kanawai i kukuluia no ia hewa—alaila i ko makou manao maluna o ia ano kulana, e hiki aku no ka aina iloko o ka inopuni ina pau ka hapanui o ka lehulehu iloko o ke aloha hana ino a piliwaiwai.
Koe nae, ina o ka oihana makai a mana hooikaika hooko manao kanawai e makaala pauaho ole ana i ko lakou kuleana, oia hoi, ka hopuhopu ana i na ino o keia ano, a hopu no me ka hookoe koena ole, e hopu ana aole wale i ka poe liilii aka hopu pu i ka poe ko’iko’i iloko o ka piliwaiwai alaila e pahu’a auanei ka ikaika o ka makee ana ia o ka ino e na kanaka.
Aole wale o ia aka o ka hopu no a hoopa’iia me ka ikaika e piha pono ai ka manao o ke kanawai ku‑e piliwaiwai a ma ka aoao hoi ia o ka Aha, e pono ai iaia e hoomeamea ole, a i ka makee ana o na mana hooikaika manao kanawai alaila o ka maluhia no ia a ku loa aku i ka maikai no ka pono o na mea apau.
A ke ole e hookoia pela, e hiki aku no ka aina iloko o ke kulana puikaika o ka maluhia no ka maikai iloko o ka aina oia hoi, mamuli o ka nawaliwali o ka oihana makai e like me ia e ikeia aku nei o oka oihana makai o ke Kalana o Oahu o keia mau la i ka nawaliwali maoli, a mananaio kona ikaika hana a lahilahi hoi ka hoopa’i o ka Aha Hookolokolo mamuli o ka loaa pono ole o na ike kupono a i ole hoolahilahi wale ia mai no e like me Moore piliwaiwai i hopuia a hookuula, alaila ua maopopo loa ka hoolana mai o ka poe hanaino a huli mai me ka haikaika a ho‑ohenehene mai i ka mana hooikaika kanawai no ka hala o ka laou kapi paakai ana.
Ma ka aoao o ua poe piliwaiwai nei ua ike no lakou i ko lakou hewa io ma ke ku‑e ana i ke kanawai oiai ua piliwaiwai io no lakou, aka i ka manawa e hopuia ai e ka oihana makai me ka hemahema a ku imua o ka Aha o iloko no o ia hewa aopopo maluna o ka piliwaiwai a puka no nae alaila ua maopopo ka aka hoohenehene ana mai o ka poe piliwaiwai i ka hawawa nui o ka oihana makai a i ole o ka aha paha.
A o ka loaa ana o ka haikaika a hoohenehene ana mai o ka poe hana ino maluna o na mana hooikaika manao kanawai a mana kinai hewa oia ka loaa ana ia lakou o ka ike i ko lakou lanakila ma ka paa ole ana, a o ka lanakila no hoi ia o ka piliwaiwai ana, he mea ia no lakou e koi ikaika ai e hoomau aku ai me ka maka’u ole, oiai, ua hiki ia lakou ke paani wale mai i ka oihana makai, a i ole ua hoaikane paha laua a elua, alaila i ka manawa e laha ai ia ano kulana i na mea apau a i ole i ka hapanui, oia hoi, aole lakou e maka’u i ka piliwaiwai a hana ino paha no ka mea ua hiki ia lakou ke paani wale aku i na mana hooikaika manao kanawai e paa loa ai ko lakou naau ma ka hanaino piliwaiwai alaila e like loa auanei ko Honolulu nei poe me na Iudaio o ke au o ka nohona o na alii‑o Nebukaneza ma ame na alii ino e ae o ia mau au kahiko a ke kahuna nui i kukala ai‑“No ka hooko koke ole ia mai o ka olelo hoahewa i ka hana ino, no ia mea, ua paa loa ka naau o na keiki a kanaka e hana hewa.
A o ka oiaio o keia oia no ka limaikaika ia ana o ka mea ake maluhia a kinai ino e ka mea piliwaiwai i hopuia. E lilo anei o Hawaii i wahi e hana maalahiia ai na piliwaiwai? Aole. “E pauku‑hao ka hana e pono ai,” wahi a Makai Kiekie William Henry o ka Teritori. Ua lokahi ko ke Kuokoa manao me ia.
_____
MOOLELO O KA HALAWAI O KA AHAHUI HOOIKAIKA KRISTIANO O KA MOKUPUNI O KAUAI.
_____
Lihue, Kauai, Oct. 20, 1905.
Noho ka halawai o ka Ahahui Hooikaika Kristiano o ka Mokupuni o Kauai ma ka hora 10:30 a.m., me Mrs. W. H. Rice, hope‑peresidena ma ka noho, a ma ke noi a Rev. S. K. Kaulili ua kohoia o J. Mahiai Kaneakua i Kakauolelo no ka manawa.
HOOMAOPOPO ANA I NA LALA O KEIA AHA.
Noi mai o Rev. S. K. Kaulili e lilo na Kahunapule, na Elele na Lala o ka Ahahui Kula Sabati ame na Lala o na Ahahui Opiopio Imipono Kristiano i mau Hoa no keia Aha, a hooholoia pela.
NA PERESIDENA.
Ahahui Hooikaika Kristiano: W. Werner (i hiki kino ole mai mamuli o ka pilikia) no Waioli; C. K. Haae, no Kapaa; J. K. Kapuniai (i hiki kino ole mai), no Waimea.
Ahahui Opiopio Imipono Kristiano: G. M. Huddy, no Koolau.
NA ELELE.
Ahahui Hooikaika Kristiano: S. W. B. Kauanoe, no Waioli; John A. Kealoha, no Kapaa ame Rev. J. K. Mahi, no Waimea.
Ahahui Opiopio Imipono Kristiano: Kaina Lovell no Koolau ame H. K. Kanehe no Haena.
NA LALA O KA HAHAHUI EUANELIO, AHAHUI KULA SABATI AME NA HOA E AE.
Na Revs. E. S. Timoteo, komite kaahele; D. P. Mahihila, no Waiola; R. Puuki, komite ha’iolelo no Koloa; I. K. Kaauwai, no Kapaa; S. K. Kaulili ame J. B. Hanaike, no Lihue; J. M. Lydgate, no Koloa; J. K. Mahi, komite hai’olelo no Hanapepe ame Waimea; Messrs. J. H. K. Kaiwi, D. Kapahee ame Jas. K. Apolo.
Noi mai o Rev. S. K.Kaulili e kohoia i Komite Imi Hana, a ma ka ninau ana ua hooholoia a koho ka Noho ia Revs. J. M. Lydgate, E. S. Timoteo ame S. K. Kaulili. Mahope o ka hala ana o kekahi mau minute pokole no, ua hoike mai o Rev. E. S. Timoteo no ia Komite, ma ke ano he Hoike Hapa na ke Komite e hoonohonoho ana i na hana a malaila e alakai ia ai ka Ahahui penei;
1. Hoike a na Elele.
2. Hoike a na Peresidena.
3. Ke kukulu ana i Ahahui Hooikaika Kristiano no ka Mokupuni o Kauai.
4. Koho ana i mau Komite.
5. Na Olelo Hooholo.
6. Kahi ame ka manawa e halawai hou ai.
Ma ka ninau ana ua apono loa ia keia Hoike a ke Komite.
Ma ke noi a Rev. J. M. Lydgate ua hooholo ka hale e lilo kekahi mau keonimana Korea, he mau kumu kristiano, i komo mai i ka Aha i keia manawa, i mau hoa no keia Aha.
Ua hapaiia na hana e like me ka papa‑kuhikuhi hana i aponoia a ke Komite Imi Hana i waiho mai ai.
HOIKE ELELE.
Noi mai o Rev. E. S. Timoteo i ka wa e heluheluia ai na Hoike Elele o na Ahahui Hooikaika Kristiano, e aeia aku e heluhelu pu mai na Elele o na Ahahui Opiopio Imipono Kristiano i ka lakou mau Hoike. Hooholoia.
NA AHAHUI HOOIKAIKA KRISTIANO.
WAIOLI: S. W. B. Kauanoe ka Elele hoike waha mai i kana hoike mamuli o ke kapaeia ana o na rula, ua ku he Ahahui Hooikaika Kristiano ma Waioli, a he Peresidena, Hope Peresidena, Puuku a he Kakauolelo kona, a oia no ka Elele. Ka manawa pule o ke Sabati, ma ka hora 2 auwina la. He mau Komite ha’iolelo ke koho mau ia ana i kela ame keia wa no na anaina pule a ka Ahahui. He waihona no hoi ko ia Ahahui. Ua kukuluia keia Ahahui i Feberuari aku nei i hala aku nei.
KAPAA: John A. Kealoha ka Elele hoike mai he mau luna nui no ko ka Ahahui o Kapaa e like me ka maa, a he mau lala mahuahua no hoi kona. Ka manawa pule, mahope no o ke anaina pule o ka Ekelesia ma ke Sabati. Ua kukuluia kela Ahahui i Aperila, 1905 nei a he kulana holomua hoi kona ma na hana.
WAIMEA: J. K. Mahi ka Elele, a hoike mai hemau Luna nui no ko ka Ahahui malaila e like no me ka maa a he malama mau no hoi i na manawa haipule no lakou ma na ahiahi Poalima ame Sabati o na @ apau. He mau Komite i kohoia ke malama i na anaina pule o ka Ahahui a he kulana nee mua no hoi.
HAENA H. K. Kanehe ka Elele, a hoike mai he kulana nee mua ko keia Ahahui oiai no nae he wahi kuaaina loa kela. He malama mau no i anaina pule mahope iho o ke anaina pule nui i na Sabati apau. Ke kulana o na iaia, he maemae no hoi a he maemae ole no hoi. He malama no hoi i mau Hoike Ahahui.
KOOLAU: Kaina Lovell Elele, hoike mai he kulana holomua no ko keia Ahahui e ku nei; he malama mau i na halawai mahope o ke anaina pule; malama no hoi i mau halawai komo kauhale ma na Sabati a ma kekahi mau la e ae no hoi a kokua pu no hoi i kona mau lala nawaliwali ma ke kino.
NA HOIKE PERESIDENA.
WAIOLI: Na ke Kakauolelo i heluhelu mai i ka Hoike Papa Helu a W. Werner, Peresidina i hiki ole mai.
KAPAA¨ Na C. K. Haae ka Peresidena no i heluhelu mai i kana hoike Papahelu.
MOOLELO AHAHUI HOOIKAIKA KRISTIANO O KAUAI.
KOOLAU: Na G. M. Huddy, Peresidena no i heluhelu mai i kana.
HANAPEPE: J. K. Maliekai, Peresidena hoike waha mai mamuli o ke kapaeia ana o na rula, he mau luna nui no ko keia Ahahui e like no me ka mea maa a he 30 lala o ia Ahahui.
Ma ke noi a Rev. S. K. Kalili, ua apono loa ia keia mau Hoike apau loa.
KUKULU ANA I AHAHUI HOOIKAIKA. KRISTIANO NO KAUAI.
(1) Koho ana i Peresidena: Ma ka o‑lima ana ua kohoia o Rev. J. M. Lydgate i Peresidena.
(2) Koho ana i Hope Peresidena: Ma ka o‑lima ana ua kohoia o Rev. S. K. Kaulili.
(3) Koho ana i Kakauolelo: Ma ke noi a Rev. S. K. Kaulili, ua koho lokahi ia ma ka o‑lima ana o J. Mahiai Kaneakua i Kakauolelo mau.
(4) Koho ana i Puuku: Ma ke kapaeia ana o na rula mamuli o ke noi ana a J. H. K. Kaiwi, ua koho lokahi ia o Hon. W. H. Rice, i hiki kino ole mai imua o keia Aha, i Puuku no keia Ahahui.
(5) Koho ana i Hoa: Ma ka o‑lima ana, ua koho pono ia o D.Kapahee.
KOHO ANA I MAU KOMITE.
(1) Komite Haku Kumukanawai: Ma ka o‑lima ana ua kohoia na Revs. J. M. Lydgate, S. K. Kaulili ame J. H. K. Kaiwi, Esq. ame J. Majiai Kaneakua no keia Komite.
(2) Komite Haiawai Pule: No keia Komite ua kohoia o Rev. S. K. Kaulili ame Rev. I. K. Kaauwai ame Rev. J. Kanoho Mahi.
(3) Komite Imi Hana: Ua kohoia na Revs. E. S. Timoteo, I. K. Kaauwai ame R. Puuki.
(4) Komite Kiai: Ma ke noi a D. Kapahee, ua kohoia na Kahu Ekalesia ame na Komite Haiolelo e noho nei ma kela ame keia Kihapai o Kauai nei, o lakou no na Komite Kiai o ko lakou mau Kihapai pakahi iho.
(5) Komite Hookipa: Ua kohoia, o Mrs. W. Hyde Rice, na Revs. J. M. Lydgate ame S. K. Kaulili, Hon W. H. Rice ame J. H. K. Kaiwi, Esq.
(6) Komite Hookipa: Ua kohoia o Mrs. W. Hde Rice, Rev. E. S. Timoteo ame ke Kakauolelo.
(7) Komite Hoeueu: Waiho mai o Rev. E. S. Timoteo he Olelo Hooholo e hoolilo ana ia James K. Apolo, he hoa‑paahana pu no, i Komite Hoeueu no na Ahahui Hooikaika Kristiano o Kauai nei me ka hoeueu pu ana i na Ahahui Opiopio Imipono Kristiano e hoololi ae i ko lakou inoa a lilo i Ahahi Hooikaika Kristiano me ka loaa pu hoi iaia o na kokuaia mai ma na lulu dala aloha, e na Ahahui apau o kakou nei. Ma ke kapaeia ana o na rula, ua hooholo loa ia ka Olelo Hooholo a ua kohoia oia no keia oihana.
NA OLELO HOOHOLO.
He mau olelo hoomaikai mai nae ka Jas. K. Apolo i ka Ahahui no kona kohoia ana i Komite Hoeueu.
KAHI AME KA MANAWA E HALAWAI HOU AI.
Ma ka noonoo ana ua hooholoia e noho hou keia Aha ma kahi a ma ka manawa a Ka Ahahui Euanelio o ka Mokupuni o Kauai nei e noho hou ai.
Noi mai o Rev. S. K. Kaulili e lulu dala na lala o keia Aha no ke kuai ana i Buke Moolelo no na hana o keia Aha, a na ke Kakauolelo no e kuai i buke kupono no ia hana. Hooholoia. He $1.65 i loaa a haawiia i ke Kakauolelo.
Heluheluia ka Moolelo o ka Aha a aponoia, a hoopanee ka Aha a noho hou e like me ka hooholo mua ana iho la me ka himeni ana ame ka pule a Rev. E. S. Timoteo.
J. MAHIAI KANEAKUA.
Kakauolelo.
_____
Hala aku no Amerika.
_____
Ma ka mokuahi lawekoa Logan o ke awakea Poakahi i haalele iho ai i ke awa o Kou nei no ka Ipuka Gula o Kaleponi, i kau aku ai o Mr. ame Mrs. Samuel Paka, a holo aku no ka ike ana i ka laua kaikamahine. Miss Muriel Campbell. Ua loaa mai he lono telegarapa ia laua e hoike mai ana i ka nawaliwali o ka laua kaikamahine, oiai oia ma ke kula o Notre Dame, San Jose. Aia ma ka aoao o ka mea nawaliwali kna kaikuaana, Mrs. Macfarlance ame kana kane, a o ka nawaliwali i loaa aku i kona kaikaina oia no ka ma’i i kahaia ai oia mamua o kona hoohuiia ana ma ka berita laa, me Walter Macfarlance.
_____
Ua kakauinoa ae na poe waiwai o ke kulanakauhale nei i kekahi palapala e hoohalahala ana ia Lunanui o na Hana Hou Holloway no ka ikaika loa o na hana hoopa‑hu o kahi e elila nei no na uwapo hou makai ae nei o Ainahou. He nui na hale oihana o ke kulanakauhale nei i loaa i na poino liilii mamuli o ka haule ana o ka puna mai ke kilina mai ame na paia.
_____
Pono e Loaa ka Ike.
_____
NO KA MEA HOOIKAIKA NO NA PO PAAHANA O KA OPU.
_____
HE HOOLA MAOLI IO NO NA HUAALE AKALA A KAUKA WILLIAMS I KA NAWALIWALI O KA OPU‑AOLE HE HOOMEAMEA.
_____
He nui no na laau e hooluolu mai ai i ka eha no ka manawa‑ka wela o ka umauma, ka eha o ka opu a p@ha makani a hoopahau’a i ka ikiiki o na aalolo no ka hoohiamoe ana no ka manawa. Ua hiki no hoi ke ai aku i kekahi mau meaai i mea e nalo iho ai ka eha o ka opu aka i ka wa e ai hou aku ai oe oia no ia manawa e aia hou mai ai ka eha a aole i kanamai ka eha.
He hookahi wale no mea maikai e hana ai. E hooikaika i ka opu a o ka hoopau no hoi i ka ai ana i na laau ame meaai hoomeamea. O ka opu, nona iho, i manawa e maikai ai a ikaika nona iho e hana aku no eia i kana hana mau me ka ikaika kupono i oi ae mamua o ka ikaika o na laau a kekahi kanaka e hookomo ai no ka hoeueu ana i ka opu.
O ka laau maikai hookahi i kupono no ka opu oia ka laau i laweia ai e E. E. Strong o Capleville, Kaiana o Shelby, Tenn.
“He kana‑ha makahiki i hala ae nei,” wahi ana. “Ua hoehaeha nui loa ia wau mai ka ma’i opu mai, oia hoi, o ka nawaliwali mai o ka ikaika hoowali ai. Ua hoao aku wau i na laau like ole a ua hooluolu io mai no kekahi o lakou no ka manawa no nae, a mahope, hoi hou mai no ka eha.
“He eono mahina i hala aku nei ua loaa iho la wau i kekahi eha ikaika i maa mau ole ia’u, a i ka manawa a’u i hoao ai i na laau a’u i lohe ai no ka eha o ka opu aole hookahi o lakou i kokua mai ia’u a holoi ae hoi i kuu pilikia ma keia manawa o ka eha nui.
“I kekahi la ua heluhelu iho la wau i ka nupepa Memphis he moolelo o ka hoola kamahaoia ana o kekahi wahine o Michigan he ea nona ka opu ma’i a nawaliwali hoi ka ikaika hoowali ai o ke ano paakiki loa. He umi‑kumamalua kauka o ka lawelawe ana i ka ma’i o keia wahine a pau lakou i ka hoopuhiliia a aole hookahi o lakou i i lanakila maloko o ko lakou oihana kauka, aka mahope mai ua hoola loa ia ua wahine nei a i ka manawa pokole no hoi ka hoolaia ana e na Huaale Akala Kauka Williams.
“A na ka hoike a ua wahine nei i koi mai ia’u e hoao i na huaale a ua hoikeia ae ka oiaio maloko o ko’u ma’i. He ekolu wale no poho a’u i lawe ai a ua loaa la’u ka manaoio a lawe no hoi ko’u noonoo no kuu ola pono loa ana aole no ka manawa wale no aka no ka mau. Aole he wahi hoailona o ka ehaeha o kuu opu no na mahina elua i hala ae.”
O ka lapaau io maoli maluna o na kumuoiaio ma ke ano he kahua lapaau hoola he nui ka lanakila oia ano lapaau ana. He nui wale na ma’i i lapaau ola ole ia e na laau e ae i hoola maopopoia e na Huaale Akala a Kauka Williams. He mana hoola ka ia mau huaale a hoonui koko no hoi a hoano hou i ke koko a ulaapuia na ino iloko o ke koko ino.
Aohe he mau ano ino hoopilikia iloko o ia mau huaale a he maikai i ka ai ana e hoopilikia ole mai ai mahope mai. He mea pono i ka poe nawaliwali o ka opu e heluhelu i keia “I ka mea e ai ai a pehea e ai ai.” E loaa no na kauoha ke hoouna aku ia D. Williams Medicine Co., Schenectady.
_____
Aole o Maui ka Oi.
_____
Ma ka auwina la o ka Poaono i hala iho la i malamaia ae ai ka hookuku kinipopo mawaena o na hui kinipopo Honolulu o ke kulanakauhale nei ame Ilima o Wailuku, Mokupuni o Maui a ma ka panina o ka hookuku paani ana i hoohaahaa ai lakou o Maui i ko lakou moto, “O Maui no ka Oi,” a hoihoiia ae lakou i hope loa o muliwaa ma na aipuni o 11 ia Honolulu a elua wale no ia Maui Ilima.
Ma ka hookuku ana ua loaa aku no he mau aipuni i ko Maui hui ma ka holo‑puni mua no a i ka holopuni ekolu ana a he ole wale no hoi a hiki i ka pae ana i kula ke kumu i ohi huakaka mau ai o Maui, i na keiki laeoo o ka Hui Honolulu e hana mau ana na aipuni iloko o ka holopuni mua, he eha; a i ka lua, he elima; a i ka ha, he elua; a pela ka loaa helu mau ia Honolulu a hiki i ka pae ana.
O na Espinda elua keia oia no hoi ka hopu‑popo ame ka nou‑popo, oiai i ka hopu‑popo aole he paa o ka popo ke nou ia aku a nui no hoi na hemahema.
O keia malalo iho nei na hoa o na hui o ka paani ana:
Maui Ilima—E. A. Dunn, D. Moses, P. Espinda, D. Espinda, D. White, J. King, Kalu, W. Searle, J. Espinda/
Honolulu—En Sue, Ed. Fernandez, Sheldon, Gleason, Joy, Bruns, Williams Desha, J. Fernandez.
Ma ke kahua paani i Kamoiliili i akoakoa ae na kini iini paani kinipopo a i ka nui kupono no hoi a ua maikai no hoi na hana o ka la, eia nae aole i oi o Maui ma keia hana ana.
_____
Ua hala o Petero P. Davis.
_____
Ma ke kakahiaka nui o ka Poaha i hala, ma Moanalua, ua kii ae la ka Anela o ka make a kaili aku la i ka hanu ola o Peter Peabody Davis i ke kanahakumamalua makahiki o kona ola ana. O ka ma’i make ai he luai‑akoko. Aloha no!
O Peter P. Davis, he keiki oia na George Hueu Davis, he moopuna hoi na Isaaka Davis, kekahi o na pukaua o Kamehameha ma ke kaua i lilo ai o Oahu nei ia Kamehameha. O Miss Lucy K. Peabody, he kaikamahine ia na ka mea i hala aku, ma ka pili ohana. He nui na hoaloha o ka mea i hala aku la e noho nei ma Honolulu nei a ma Hawaii.
He iwakalua a oi ae nei makahiki i hala, oia kekahi o na kokua lunahooponopono o ka Nupepa Kuokoa nei, oia no hoi ka manawa o ka nupepa e onaia ana e Rev. H. H. Paleka, e kokua ana hoi ia Paulo Aea, ko Paleka hope ponoi ma ka hana. Mahope mai ua lawelawe ae ia oia ma ka oihana kamana, a maloko o keia kulanakauhale, ame kekahi mau wahi e ae o keia Teritori, ke ku nei kekahi mau hale nani i hanaia e ia ame kona mau hoa kamana; o kekahi o ia mau hale oia iho no ka haku. Ua ikeia ae oia e kona mau hoa kamana ma ka inoa “Peter Low,” i hiki ai ke hoomaopopoia ka like ole mawawaena ona ame Peter High, kekahi o na haku kamana o keia kulanakauhale.
Ua @ kona kino wailua a waihoia ae ma kahi kupapu o ka Hui Kupapau Honolulu, a malaila @ i waiho ai a hiki i ke Sabati iho nei, e kali ana o ka hoea mai o kona makuahine mai ka mokupuni mai o Hawaii. Ma @ no hoi i ma@ ae @ @@ haipule hoolewa e Rev. W. K. P@ @ o na @ @ Moanalua ame Kalihi, e hoike @ ka makua o ka apana a Peter P. Davis i noho paahana pu ai ma @ pono i ka makaukau mau o @@@ la e hooko i na h@ pono @@@ kokua hoi ia mau hana ma @ manao maoli ana ae mai@ a@ o k@ pakeke a haawi i ka ke Akua.
He papa himeni kaikamahine ka mea nana i mele ai i na himeni o ke @@@ a o na @@ lakou i mele ae ai e ke ku i ka @@@ himeni “Iesu no ke Kahuhipa @@ he aloha i like aku me @@@ “O Iesu no ko’u Kahuhipa.” Mahope o keia anaina haipule i laweia @@@ kona kino wailua no ka p@@ o Moanalua, a malaila i malamaia ae ai he wahi anaina haipule p@, a “Hoi aku ia ka lepo i ka lepo.” Aloha nei.
_____
Nui ka hoohalahala no na Auhau Loaa.
Nui na hoohalahala e loaa mai nei ia Kiaaina Carter ame na ninau no hoi e pili ana i na auhau loaa, mai kela ame keia kalana mawaho aku o Oahu nei. O na auhau loaa, e like me ke kanawai ohi auhau, pili i na hui kalepa a mahiko paha. e ohiia no ia ma Honolulu nei kahi hoi e ku ana na keena oihana o ia mau hui: nolaila, o na auhau loaa apau o na mahiko ame na hui kalepa e ae o na Kalana o Hawaii. Maui ame Kauai eia ma Honolulu nei, a o ia kekahi hapa o na loaa o ke Kalana o Oahu nei.
Me keia iho ia i hoohalahala mai ai na kalana e ae, a ua pane aku nei o Kiaaina Carter i ka hoohalahala i waihoia mai e ka Ahahui Kalepa o Hilo, Hawaii. Ma ua pane la ua hoike aku ke Kiaaina i kona ike mua ana i keia hemahema, a i ka wa e noho ana ka Ahaolelo i hala, ua hoike aku oia i keia mea i na hoa o ka ahaolelo aole nae he hana i hanaia ae no ka hoopau ana ae i keia pilikia: nolaila o na hemahema apau aia maluna o na lunamakaainana ame na senatoa i kohoia mai ai e kela ame keia mokupuni.
E like iho la me keia e ku nei, aole he hana a ka manahooko o ka hookowale no i ke kanawai a na keia mua aku e hooponopono ae ia mea.
Ma ka Mokuaina o Nu Ioka, ua hookaawaleia no loaa o kela ame keia aupuni e hoomalu ana: O na loaa o ka Mokuaina mai na auhau pono kukulu hui auhau maluna o na hui kalepa ame na aina like o ia ano: o ko ke kalana hoi o ia ka auahau holookoa maluna o na aina. Ma keia iho la aole i huikau aku kekahi me kekahi, aka e hoohana ana kela ame keia mana aupuni i ko lakou mau loaa iho, e like me ka hookaawale ana a ke kanawai. O ko kakou nei hoi o ka hapalua o na loaa auhau; nolaila ma ka aoao o ke Aupuni Teritori aole oia i poho, aka no na kalana mawaho aku o Oahu nei ua pilikia, a ke ai ia nei ko lakou mau loaa e ke Kiaaina o Oahu.
_____
Hauoli i ka Maluhia o kona wahi.
_____
Mamuli o na hana hoopuoho mau a ka Advertiser i na heana o kia poe piliwaiwai, ua ku aku la na pewa hi’u o kekahi poe na lakou e hoohana nei i keia mau wahi ha’iha’i kanawai, a ke holo pu‑a‑a nei kekahi poe, a ua paniia ae hoi na ipuka o kekahi mau wahi.
O kahi piliwaiwai o Pilipi Rivers ma Kakaako ae nei ua hamau i keia mau la a ua maluhia hoi ka nohona o na kini o ia wahi. O Richards Ludloff, oia kekahi o na kanaka e noho kokoke nei i keia heana piiwaiwai, a i na manawa apau e ike ai oia ia Makai Kaulio Leal, e hoohalahala mau ana oia no ka hauwalaau mau o na poe piliwaiwai a hiki ole ke hiamoe maikai; ela nae o ka pane e loaa mau aku ana iaia. “Aole e hiki ia’u ke papa aku ia lakou.”
He iki wale no kahi huaale ua hiki nae ke hoopukaia mai ke ino o ka opu, a maha ke kanaka mai ka ma’i nana i hoopululuhi iaia; pela iho la ka hana a ka makakila a ka meakakau o ka Nupepa Advertiser i hana’i, a i keia manawa ua kiolaia aku ke ino nana i hoopululuhi ia Ludloff, a he kanaka hauoli oia i kela manawa.
_____
HE HOOMAIKAI I NA KULA SABATI O KA MOKUPUNI O KAUAI.
_____
No ka mea, ma ka noho ana iho nei o ka Ahahui Kula Sabati o ka Mokupuni o Kauai ma keia Kau iho la o Okatoba, 1905 nei, ua hoomaopopo ia Aha mamuli o na Hoike a na Kahukula Sabati Nui, na Kahukula Sabati Apana ame na Elele Kula Sabati, eia kona mau Kula Sabati ke nee mua nei mamuli o ka hooikaika ahonui ana o na Kahukula Sabati Nui ame Apana, na Kumupapa ame na haumana pu hoi, ame ka hooikaika mau ana o na Kahukula Sabati Apana e hoohuihui ma ka hapai ana i ka hana ma o ka huipu ana aku o na Kula Sabati o kekahi Apana me ko kekahi aku ma na manawa Hoike Hapaha o kela ame keia Kula me ke kaukai ole a ka manawa Hoike Hui; a no ka mea hoi, ua hoomaopopo pu ka Aha ua haawi mai no kona mau Kula Sabati i na kokua loha manawalea no ka malama ana i na lala o ka Aha.
Nolaila, me na manao hauoli a ohohia, ke haawi aku nei ka Ahahui Kula Sabati o ka Mokupuni o Kauai nei i kona mau hoomaikai nui i kona mau Kula Sabati apau a puni ka Mokupuni nei, no ka hooikaika e hooholomua aku i na hana Kula Sabati iloko o keia Mokupuni a e hapai ae hoi i na Kula Sabati ma ke kulana holomua oi ae, a ke noi pu aku nei i kona mau Kula Sabati apau, me ke kokua aloha nui ana mai o ko kakou Makua Nui ma ka lani, e hoomau i ka hooikaika ana i mau ka holomua o na Kula Sabati o kakou nei, ana ke Akua Mana no e kokua lokomaikai nui mai ia kakou apau no ka holomua ma ka pono iloko o Kristo Iesu ko kakou Haku. A ke hoomaikai pu aku nei no hoi no na kokua aloha manawalea i haawiia mai.
Ke aloha o keAkua me oukou apau loa.
Ahahui Kula Sabati o ka Mokupuni o Kauai ma o
J. MAHIAI KANEAKUA,
Komite Hoomaikai.
Kapaa, Kauai, Oct. 21, 1905.
_____
HOOLAIA KE AN@@@ O ANHEUS@.
_____
Penei @ hoike ae @@@ S@@@, Luna@@@ Brewing Ass@@@ ferika @@@anu nui, a ua @@@ e hoikie ae @@@@@@’s Cough @@@ ia u he mah@@@ ko’u lawe h@@@ia ua nalo aku @@@ Ke kuana @@@ COL. LTD. @@@
_____
HOOLAHA KUMAU
_____
Kakela me Kuke
(Kaupalenaia)
_____
Poe Kalepa ma ke Komisi@@
:: A HE ::
Poe Lawelawe Kopaa.
_____
Poe Agena no na Mahiko Lehulehu.
_____
Kauka Mitamura
_____
Alanui Kukui Ololi Helu @, Honolulu, Na Hora Hana:
Hora 9 a.m. @ 12 m; 5 p.m. a @@ koe ke Sabati. Sabati ma ka h@@@ holo ana.
Telephone Blue 3466 P. O. Box 812.
_____
Hui Alahao ame Aina o Oahu
MANAWA HOLO
Oct. 6, 1904
[picture of train]
MAI HONOLULU AKU
No Waianae, Waialua, @@@ *9:15 a.m., *3:20 p.m.
No Pearl City, Ewa Mill, @@@ hoolulu ma ke @@@
*9:15 a.m., *11:05 a.m., *1:15 p.m., *3:20 p.m., *5:15 p.m., @@ p.m., *11:15 p.m.
MAI WAHO MAI.
Ku i Honolulu mai Kahuku, Waialua ame Waianae mai *8:3@ a.m. *5:31 p.m.
Ku i Honolulu mai Ewa Mill ame Pearl City mai--*7:46 a.m., *8:@5 a.m., 10:38 a.m., *1:40 p.m., *@@ p.m., *5:31 p.m., *7:30 p.m.
*Kela ame keia ia.
*Sabati wale no.
*Koe ke Sabati.
G. P. DENISON, Lunahoonana.
F. C. SMITH, G. P.& T. @
_____
EXTELL AME SHAW
(Na pani ma ko J. C. Axtell makalua.)
Na mea hoopae a hana i na
KIA HOOMANAO AMENA PA‑HAO.
Pau pu no hoi me ka hoomaemae ana i na pohaku kia hoomanao, ke kakau ana i mau olelo hou ame ke pao ana.
Keena ame ka Pa, 1048.50, Alanui Alakea, Telepona Helu 1801 Blue.
Pahu leta Helu 642, Honolulu.
_____
HE LAAU KUNU.
_____
“Ua loaa mai la’u he ma@@@ iloko o ko’u ake a nawaliwali @@@ hoi a hiki pono ole ia’u ke h@@@ mailio hoi. Ua manao ko’u mau n@@@ ha aole loa wau e ola ana. @@@ koke iho la wau e lawe i ka
AYER’S CHERRY PECTORAL
a hoomaka koke iho ia wau e ike @@@ pii ae o ko’u maikai. He elua w@@@ a’u omole i lawe ai a o ko’u oia @@@ la. He olelo ua hoopakele mai @@@ ko’u ola.”
O keia kekahi o na hoike iwaena @ na kaukani hoike i loaa mai e pili @@@ i ka waiwaiio kamahao o ka
AYER’S CHERRY PECTORAL
no ke anu, kunu, ame na ma’i apau o ke ake ame ko ka puu. Ka laau pookela hookahi i ikeia no kanaono makahiki. Iloko o na omole nunui a liilii e loaa no keia laau a ma na halekuai laau lapaau apau.
Hoomakaukauia e Dr. J. C. Ayer & Co., Lowell, Mass., U. S. A.