Ka Nupepa Kuokoa, Volume XLIII, Number 42, 20 October 1905 — NA ANOAI O KA AINA O KA EHAEHA. [ARTICLE]

NA ANOAI O KA AINA O KA EHAEHA.

E Mr. Lunahooponopono ( aoha oe:— E ae mai hoi oe i wahi kaawale no ka'u puolo. Ma ke kakahiaka nui o ka Poaono Okatoba 7th, 1905, ua kii mai la ke Akua i kana o ka uhane a lawe au la a waiho iho la i ke kino lepo o Miss Rose Moenahele na kona mau makua ame na hoaloha e kumākena nona. He kaikamahine opiopio keia nona na makahiki he 14 oia nei kekahi o na Hoku lilelile iloko o ke |£ula Sabati o Kaanaana Hou he haumana oia no ka Papa Opio wahine, he lala no hoi no ka Ahahui Hooikaika Kristiano a he lala no ka Papa Himeni o ka Ekalesia. He nani na haawina o ka pono Kristiano i loaa i kteia kaikamahine Ma keia aina aole i ike kou mea kakau i kekahi opio hou ae i like aku me keia opio.

Ma ka po ana iho ua hele mai kona mau hoa haumana e himeni ma ka aoao o kona kino i na himeni i mele pu ia ma ia oiai oia e ola ana.

Inehinei iho la i pau nui mai ai na haumana o ke kula aupuni o Waipahu, Ewa, ma ke kaaahi no Honolulu no ka makaikai ana i ka Home o na I'a Ola ma Waikiki malalo o ka lakou kumupoo. Akahi no a ike *keia poe opio ia mahele hoonaauao. Pela na kula ma ia mahele.