Ka Nupepa Kuokoa, Volume XLIII, Number 38, 22 September 1905 — Page 5

Nupepa Kuokoa, poalima, sepatemaba 22, 1905.

 

ALEMANAKA O SEPATEMABA, 1905.

1905 Septemaba 1905

Sabati Poakahi Poalua Poakolu Poana Poalima Poaono

1          2

3          4          5          6          7          8          9

10        11        12        13        14        15        16

17        18        19        20        21        22        23

24        25        26        27        28        29        30

 

Hapa Hope o ka mahina, Sepatemaba 21.
E puka ana ka la i Sepatemaba 18, 19, 20 ame 21 ma ka hora 5:48: Sepatemaba 22, 23, 24 ame 25, hora 5:40; a e napoo i Sepatemaba 18 ma ka hora 6:00; Sepatemaba 19, hora 5:59; Sepatemaba 20, hora 5:58; Sepatemaba 21, hora 5:57; Sepatemaba 22, hora 5:56; Sepatemaba 23, hora 5:55; Sepatemaba 24, 5:54; Sepatemaba 25, hora 5:34.

 

            KAI PII.                                                                                 KAI EMI

Poakahi, Sept., 18, hora 6:22 a.m.; 6:12 p.m.             Hora 12:26 p.m.

Poalua, Sept. 19, hora 7:10 a.m.; 7:00 p.m.                   “       0:18 a.m.; 1:43 p.m.

Poakolu, Sept. 20, hora 8:10 a.m.; 8:08 p.m.                 “       1:00 a.m.; 3:05 p.m.

Poana, Sept. 21, hora 9:20 a.m.; 9:50 p.m.                    “       1:52 a.m.; 4:40 p.m.

Poalima, Sept. 22, hora 10:30 a.m. 11:25 p.m.              “       5:55 p.m.

Poaono, Sept. 23, hora 11:35 a.m.;                                “       6:45 p.m.; 4:30 a.m.

Sabati, Sept. 24, hora 12:30 p.m.; 0:27 a.m.                  “       7:27 p.m.; 5:45 a.m.

Poakahi, Sept. 25, hora 1:18 p.m.; 11:20 a.m.               “       8:10 p.m.; 6:45 a.m.

 

Nuhou Kuloko

 

No ka Hoolaha ana:--Ina he mea maikai kau aole paha oe e hoopaa ana i kou waha.  Mai kali no na mea e akeakea mai ana E noonoo oe no ka hopena e loaa mai ana.  Ina aole oe i hoao e hookomo hoolaha iloko o keia nupepa, aole no hoi he hewa ka hoao.  Hewa ia la?

 

ua haule ae o Kauwila mailuna ae o kekahi puu pohaku a ha’i kona wawae, iaia e lawai’a ana ma Koloa, Kauai.

 

Inehinei iho la i ka'i huakai ae ai ka moo deragona a na Pake ma na alanui o Kinakaona, a he hanakuli hoi kau o na pahupahu a na Pake.

Ua hiki aku i ka 300 ka nui o na ohua oneki a ka mokuahi Alameda i lawe aku ia no ka Ipuka Guia o Kaleponi.  O ka hapanui o lakou he poe Kepani.

 

Hana mau no hoi ka piko pau i ka iole i keia mau pule.  Ma alanui Ema ae nei.  ua komoia ae ka halenoho o Mr. Alfred Mossman a lilo ana he $1@.  Aole paha he hilahila i ke kii i ka ha’i?

Eia o Lunakiai Lucas ke hoomakaukau nei i kanawai e hooponopono ana i ka holo o na kaa otomobila.  Ua oleloia ae he mea pono e kau heluia na kaa o keia ano i hiki ai ke hoomaopopoia.

 

Ina e hololea ae na manao mawaena o na Ahahui Hooikaika Pono Kristiano o Kawaiahao ame Kaumakapili, alaila, i keia po Sabati iho e hui ana laua ma Kawaiahao, ma ka hora 7 p.m. Kumuhana:  Oihana Misiona Kuloko.

 

I keia Sabati iho e malamaia ae ana na hana hoike Kula Sabati o Kaumakapili, ma ko lakou Betela; Kawaiahao ma ko lakou, a o ko Kalihi ame Moanalua no hoi ma ko lakou luakini.  Mai poina i ka naue ae e ike i keia mau mea maikai.

 

E malamaia ae ana no he mau hookuku kinipopo, no ekolu manawa, mawaena o na keiki i waeia mailoko mai o na hui Punahou ame Elks i huiia, Honolulu ame Kamehameha i huiia.  I ka la apopo e hoomaka ai keia kau kimpopo hoohui o keia mau hui, a hoomau aku a hiki i ka pau ana o na paani ana ekolu.

 

Ua waiho ae o Ulysses H. Jones i ke noi e ae ia oia e lawelawe ma ke kanawai iloko o ka Aha Apana.  Ua hooiaioia ae kona palapala noi e J. A. Magoon, Fred Wright ame Isaac Harbottle.  Ua hookohu ae hoi o Lunakanawai Kaapuni Robinson ia C. W. Ashford, C. A. Long ame E. A. C. Long i komite ninaninau iaia.

Eia ke noonoo nei o Loio Aupuni Andrews ame Lunanui Holloway i ka ninau e pili ana i ka hoopii a na poe kuleana aina o ke alanui Moiwahine i waiho aku ai e koi ana i ka Hui Alahao Kaauwila e wehe ae i kona alahao e moe nei ma ia alanui.  Ua olelo ae ua hui la ke manao nei oia e hooholo koke ia aku ana na kaa ma keia alanui.

 

Aole me ka Teritori na Lilo Paahao.

 

I ka Poalua iho la i loaa mai ai ia Lunamakai Kiekie W. Henry o ka Teritori he hoakaka ana mai ka Loio Aupuni L. Andrews mai e hoike ana aia ka hana maluna o na luna aupuni kalana i ka hooko ana i na hoopa'i a ka aha hookolokolo ma ka hoopaa ana i na paahao iloko o na halepaahao kupene me ka hoolilo oie ma ka aoao o ka Teritori.

Ua hoouna koke aku la o Lunamakai Kiekie Henry he kelekalapa uweaole i Hilo e hoike aku ana a e kauoha aku ana ia Lunapaahao Mable o Hilo Hema e waiho ae i ke keiki i ka lunamakai kalana, a ina aole e hookoia alaila e hookuula aku oia.

 

HALE INU RAMA

PAUOA

 

WAINA, WAIKEKE ma ke Kalani.

BIA, GINI AME WIKEKE ma ke Kakini.

 

O na kauoha e hookoia no, a e lawe, ia no ma kou home.  Like no ke kuai ana me ko na halekuai kukaa a liilii o ke iaona.  Hoopokoleia kou luhi, koe kahi kenikeni uku-kaa uwila ina maanei oe e kuai ai.  Kipa mai hookahi, kipa no apau loa.  Eia ka wai lal.

THE PAUOA WINE CO.,

Frank Correa, Lunanui, Paues, palena o ke alabao.

 

Nuhou Kuwaho.

 

MALUHIA MA MANCHURIA.

ALAHELE O GUNSHU, Sept. 17.--Ua hookoia ae ka waiho ana i na meakaua, a ua pau na hoonee kaua ana.

 

E KIPA ANA I KOREA.

SEOUL , Sept. 17.--E kipa mai ana o Miss Alice Rusawela, i ukaliia e Mekia Generala Corbin, maanei i keia Poalua.  E hookipa aku ana ka Emepera ia laua me ka hoohanohano ana.

 

AOLE E KAUA ANA.

STOCKHOLN, Sept. 18.-- E maopopo loa ana ka maluhia mawaena o Norewai ame Suedena.  E wawahiia ae ana na papu o na palena aina.

 

NO KA WEHE ANA IA MANCHURIA.

KANAHAI, Sept. 18.—He nui na awa kumoku o Manchuria i kauohaia ae e weheia i na mana i noho kuikahi. 

 

Ko Rusia poho .

ST. PETERSBURG , Sept. 18.--O ko Rusia poho ma ke kaua moana me Iapana ua hiki aku i ka hookahi haneri kaukani ame kanakolu miliona.

 

KA'ULUA KA HOOIAIO KUIKAHI.

ST. PETERSBURG , Sept. 18.--O ko ka Za holo moana ana ke manao ia nei oia ka mea nana e hooka'ulua iho o ko ka imeperiela hooiaio ana ae i ke kuikahi.

 

HOI NO AMERIKA.

YOKOHAMA , Sept. 18.--Ua hoi aku nei o Kakauolelo Taft no kona home maluna o Korea.  E hoi aku ana o Miss Rusawela maluna o Siberia.

 

KAHEA NO KA AHA UWAO.

ST. PETERSBURG , Sept. 19.--Ua hoopuka ae ka Za i na palapala kono i na Mana Aupuni e hele ae no ka Aha kuka maluhia elua e malamaia ae ana ma Hague.

 

MAKA'U OLE I KA FIVA LENALENA.

NU OLINA, Sept. 18.--Ua telegarapa mai o Peresidena Rusawela i kona manao kanalua ole e kipa ae ma Nu Olina ma ka la 24 o Okatoba e like me ka papa kuhikuhi.  Ua pane aku nei ka Meia aole he mea pono e hele mai.

 

AHA HOOKOLOKOLO KOA.

MOKUPUNI MARE, Kaleponi, Sept. 19.--O ka aha hookolokolo kaua i kaheaia no ka hookolokolo ana ia Lukanela-Komodoa Young, ame Ensign Wade o ka mokukaua lawe pu Bennington o Amerika, i pahu ai ma San Diego, ma keia kakahiaka ua kipa ae no ka makaikai ana i ka moku i poino.

 

HAUNAELE MA COLUMBIA.

PANAMA , Sept. 20.--Ua hoikeia mai maanei ua lawe ae o Reyes i ka mana kuhikuhi puuone no Columbia a ua hooponoponoia ae ka Aha Kiekie.

Ua oleloia ae ua lele aku kekahi poe hoohaunaele no ka wawahi ana i ka halealii aka ua hoopuehuia aku lakou e na koa me ka nui o na make.

 

PAU KA HAUNAELE MA YOKOHAMA.

YOKOHAMA , Sept. 20.--Ua laweia aku na koa mai nei kulanakauhale aku olai ua pau ae nei ka haunaele kuloko.

 

HOOKIPA OHAOHAIA.

SEOUL , Sept. 20.--Ua hookipa hanohano ia ae o Miss Rusawela ame kona mau hoa maanei.  Ua haawiia aku ke kaa alii nona e laweia mai ai mai Chemulpo a hiki i Seoul.

 

KU-E I KE KUIKAHI.

TOKIO, Sept. 21.--Ma ka halawai ma kaainana i malamaia ae maanei ua koiia aku ka Aha Kuhina e wawahi ae i ke Kuikahi a i ole waiho ae i ko lakou kuiana.  He maluhia ua haiawai la.

 

Hiki Ole ke Hookaakaawale.

 

Ua Ike Kekahi Poe o Honolulu nei i ka Hookaawale ana ia Laua a Elua.

 

O ke kua haneenee ame ka ma'i o na puupaa he mau mahoe laua.

Aole e hiki ia oe ke hookaawale ia laua.

Aole e pau ke kua haneenee aia wale no a oia ka ma'i o ka poupaa.

Ina e ikalka a ola maikai na puupaa, he mea oiaio o ka maikai like no ia o na lala e ae o ke kino a o ka maikai no hoi ia o ke ola ana.

O na Huaaie Kua Haneenee ame Puupaa a Doan oia ka mea nana e haawi mai i ola maikai a ikaika no na puupaa.

Ria ka pane a Mr. S. Hanoland kekahi luna o ka Hale Kuke Awa:  Ma muli o ko'u loaa ana i ka haawina o ka eha nui ma kuu kua no kekahi manawa, ua hoao iho la wau i na Huaaie Kuahaneenee a Doan ma kuu kuai ana ma ka Halekuai Laau o Hollister ma a ua loaa la'u ka oluolu a pau ioa kuu eha.  Ua maopopo loa la'u he mau huaaie io no lakou no ka ma'i kuahaneenee.

E loaa no na huaaie kuahaneenee a Doan i ka poe kuai laau apau no bo keneia o ke poho hookahi.  @ poho i ka $2.50.  E hookoia no na kauona apau nia ka leia ma ke kuike ke hoouisa mai i ka Halekuai Laau o Hollister ma.  na agena o ka Paeaina.  E lawe i ka Doan me ka nana ole i ka ha'i.

 

Ke Au l@ i Ame ke Au Ka.

 

He hana paakiki no ka hoe ana oiai e ko ikaika ana ke au, ina no he mama ka waapa a oolea no hoi ka mea e hoe ana.  I keia ame keia une ana i ka hoe, e emi liilii aku ana ka ikaika.  Ke hanai ikaika nei na akemama i ka hoopiha ana i ke koko me ka ea.  E ikeia aku no na mea o kula i ka nee ae me ka malie.  Pii mai ka eha o na lima ame ke kua.  a emi pu mai ka manaolana.  O ke kanaka ma'i me ke akepaa piha i na mea ino, koko ino ame ka opu hoowali ai ino, ua like ia me kekahi mea e hoe ana i kona waapa i ka wa a ke au e ko mai ana mamua pono o ka ihu o kona waapa.  He mea walohia ka ike ana aku i kona hooikaika ana e loaa ke ola iaia.  I kona nana ana aku i ke aniani, e hoikeia mai no kona mau helehelena haikea a nawaliwali, me na papalina hohoma ame na maka poopoo, a ua pau hoi ka uwila o kona mau maka.  a ma na ano apau, e hoike mai ana ua loaa ia oia i ka hokii.  He mea pono oia e haawiia i kekahi mau lawelawe lapaau maikai ana, eia nae, aohe e lanakila keia manao ina no e mau no ka hilinai i na hana o ke au kahiko.  O na hoola hilinai a oiaio i puka mai ka lawe ana i ka.

 

WAMPOLES PREPARATIONS

 

i hanaia mai loko mai o na mea hoola a hoonoono ai o ka Alla Cod Maemae, i huiia me ke Compound Syrup of Hypophosphites ame ka Extracts of Malt ame Wild Cherry.  He momona ka hoopa ana iho, e like me ka hone a ka meli, a he laau hoi i heluia ma ka papa ekahi o na laau no na ano ma'i emi pu wale mai o ke kino.  Nana e hoeueu na hana a na mikini like ole o ke kino, hoomaemae i ke koko, hoonoono i ka ai, a kukulu hou i ke kino holookoa.  He laau maikai la keia no ka poe i loaa i ka Haalulu, La Garipa, na Eha o ka Opu, Puu ame Puupaa, a pela wale aku, a ua nui na hooia maikai no keia mau mea.  Wahi a Kauka E. J. Foyes:"  No kekahi wa pokole i hala ae nei ua pii ae na paona o kekahi ma'i he iwakalu maluna o kona kaumaha mau a o keia kana laau i lawe ai."  Mai loko mai o ka nohona ehaeha o ka ma'i e loaa ana no ke ola maikai a oolea ke kino.  E lawe i hookahi omole, a e ikeia no ka pololei.  Loaa ka pono ma ka lawe ana i ke kulu mua.  E hoao a nana.  "Aohe oe e hoohokaia."

Ke kuaiia nei e na mea kuai laau lapaau a puni ke ao holookoa.

 

Make mahope o na Hana Lokoino a ka Makua-kolea.

 

O ke ano mau o na makua-kolea he kukonukonu ole loa ke aloha keiki oiaio iloko, o ka puuwai pela i ulu mau ai na hana lokoino mai ia ano makua mai i ka hanaino mau ia oi na keiki i pili wale aku ai malalo o lakou no ka malamaia mai oiai na makua ponoi i hala aku i ka make a i ole haaleleia paha.  A o keia oiaio ua ikeia ae ma ka apana hoohikilele mau o Kakaako, iloko o Honolulu, mokupuni o Oahu, Teritori o Hawaii, iloko o kekahi nohona o ka makua lokoino nui wale o ia apana kahi no hoi i noho mau ia e na hana hoohilahila a hana lokoino a hoonui ino o na ano ino no apau.

He moolelo keia ano i hoikeia ae maloko o ka halawai hana o ka Ahahui o na Makuahine W. C. T. U. o Honolulu nei i malama i ka Poalua nei.

Na Mrs. Ryder i hoike ae i ua moolelo walohia nei a holo ae la ka lia iloko o na wahine i akoakoa ae i ka halawai, a o kekahi o ia mau hana ua hoomaamaaia ae no ma na wahi like ole, aka, o keia o Kakaako ae nei oia kekahi i maopopo loa ai ka nui o ka ino o ka makuahine kolea, a he wahine Hawaii no hoi keia i kaa mai malalo ona ka malama ana o kekahi keiki uuku nona hoi na makua ponoi i hala aku i ka make.

He keiki uuku keia i lawe hanai ole ia aka ua hoopili wale ia aku no me ka ohana o ua wahine Hawaii hana lokoino nei.  Mai ka manawa i kaa mai ai ua keiki uuku nei malalo o ka malama ana o ua wahine lokoino nei, mai ia manawa mai ka ehaeha piliaiku me ke kamaiki a mamuli ia o ka make i ka pololi no ka lawa ole o ka ai e hanaiia ai ame ka hili mau ia i ka huipa hulia me na hana hoomainoino e ae.  Ma na mea e ae no e nele ole ai ke keiki i ka hiliia e keia wahine lokoino, a he pomaikai loa ka manawa e loaa ai he paina piha pono no ke keiki i ka la.  Ua huli aku no o Mrs. Ryder i ke keiki e pili mai ai me ia no ke kokuaia aku oia no ka manawa a ka makua-kolea e uu hou mai ai i kana hana mau he hili me ka laau.

I kekahi la i loaa aku ai ua keiki nei ia Mrs. Ryder ua nawaliwali loa mamuli o ka pololi a nele i ka ai.  Ma ka hooikaika hoomalimali o Mrs. Ryder i ua wahine-kolea nei i lawe ai ke Samaria wahine o ke keiki iaia iloko o ka haleaina a i ke komo ana mai o ua wahine Hawaii nei a ma kona ano mau no o ka hooweliweli ua lilo iho la ia haawina weliweli i ho-aaia aku imua o ke kamaiki a hiki ole loa iho la iaia ke inu a moni aku i kahi oolopu waiu i haawiia nona.

Ua waiho ae ia o Mrs. Ryder i ke kumuhana i ka oihana makai ame ka Lunakanawai Whitney i hooikaika ai e huli i mea e maha ai ka bebe, eia nae, ua loaa aku aohe he kanawai hoopakele i na kamaiki maloko o na papalina o na buke kanawai o Hawaii.  A niahope koke iho no o keia hana ana, ua uu hou iho ia ua makuahine Hawaii kolea nei i kana hana o ka hili hoomainoino a mailo loa iho la ke ola o ke keiki alaila laweia aku la ke kamaiki ma'i e Mrs. Ryder i ka Haukipila o ka poe ma'i oia oie no ka lapaauia kahi i make ai ke keiki ia po no a hoi aku la i ka Makua Lani Nana i hana na mea apau.

Mawaho ae o keia hoike a keia wahine hooikaika hana maikai i hoikeia ae ai na hana e ae o ka halawai a hookuu no hoi. aka o na hiohiona i hoikeia ae ia oia kekahi iwaena o na hana ino he nui wale i ike mau ia e Mrs. Ryder ma Kakaako.

 

HOOIAIO I KE KUIKAHI.

 

WASINETONA, Sept. 21.--O na panailana no ka hooiaioia ana o ke kuikahi e maiamaia ae ana ma ka Hale Keokeo ma ke ano he panai ohaoha no ka Peresidena Rusawela hana.

 

PII HOU KA FIVA LENALENA.

 

NU OLINA, Sept. 21.--O ka hoina nui o na ma'i fiva lenalena e puka mai nei ela ke pii nei.

 

Ke Kuikahi Maluhia mawaena o Iapana ame Rusia.

 

(Mai ka aoao 1 mai.)

 

na waiwai o ka aina ma Manchuria.

Pauku 6.  O ke Alahao o Manchuria e lawelawe like ia mawaena o Rusia ame Iapana ma Kouang-Tcheng-Tse.  O na mana alanui elua e hoohana wale ia no no na launa kalena ana ame na hana hoowaiwai kuloko.  Ua lilo ia Iapana na lua maina i pili me ia mau mana alanui i lilo aku iaia.  E ikeia hoi na pono o kela ame keia kanaka a i ole hui paha.

Pauku 7.  Ke hoopaa nei o Rusia ame Iapana ia laua iho e hana i huina o na mana alanui elua i kuleanaia e laua ma Kouang-Tcheng-Tse.

Pauku 8.  Ke ae lokahi nei no hoi o ka mana alahao o ke Alahao o Manchuria e hana me ka manao e hooia ana i na launa kalepa ana mawaena o laua me na akeakea ole.

Pauku 9.  Ke hoolilo @ei o Rusia ia Iapana i ka hapa hema o ka mokupuni o Sakahelina, a hiki aku hoi ma ka akau ma ke degere kanalima o ka latiku akau, paupu me ka mokupuni e pili ana ilaila.  Ke hoopaaia nei ka pono no ka holoholo moana ana ma na kaikuono o Leperouse ame Tartare.

Pauku 10.  Na aelike o na poe noho o Rusia ma ka huli hema o ka mokupuni o Sakahelina e hele lanakila lakou a e loaa no hoi ka pono ia lakou e noho iho malaila me ka hoololi ole ae i ko lakou lahui.  Ma ka like ole, ua loaa i ke Aupuni o Ipana e hookuke i na poe i hoahewaia o na Rukini e haalele iho i ka teritori i hooliloia ku iaia.

Pauku 11.  Ke hookomo nei o Rusia iaia iho e hana i aelike e haawi ana i na makaainana Iapana i na pono e laweia ma na kai o ko Rusia mau Teritori ma ke kai o Iapana. ke kai o Oknotsk ame ke kai Berina.

Pauku 12.  O na aoao e aelike nei ke ae lokahi nei e lawe hou mai i ke kuikahi kalepa e ku ana mamua aku o ke ala ana mai o ke kaua, me na wahi hoololi liilii a i pauku hoi e lokahi like ia ana e ka lahui.

Pauku 13.  Ke ae lokahi nei o Rusia ame Iapana e hoihoi aku i na pio kaua ma ka uku ana i ke kumulilo oiaio o ka malama ana ia lakou.

Pauku 14.  E hanaia ke kumulilo ma na olelo Farani ame Enelani.  Ma kahi e ala mai ai he kumu paakiki o ka wehewehe ana i na manao o ka palapala i kakauia ma ka olelo Farani oia ka hoike hope loa.

Pauku 15.  O ka hooia ana i ua kuikahi nei a kakau hooia ia e na alii o na aupuni elua iloko o na la he kanalima mahope o kona kakauinoaia ana.  O na Amebasoda o Farani ame Amerika o laua na, kumu nana e hoike akea aku ma ka telegarapa i ka hooiaioia ana o keia kuikahi.

He elua mau pauku pakui i ae lokahiia ae e like me keia:

Pauku 1.  O ka haalele ana ia Manchuria e na pualikoa o na aoao a i elua e pau no ia iloko o na mahina he umi-kumamawalu mahope iho o ke kakauinoaia ana o ke kuikahi, a hiki ia manawa o na aoao a i elua e hiki wale no ia laua ke waiho iho i mau kiai no ke alahao, i umi kumamalima koa no kela ame keia kilometa.

Pauku 2.  O na palena e kaupalena ana i na hana i kuleanaia e Iapana ame Rusia ma ka mokupuni o Sakahelina e ma-kaia maluna o kekahi mau wahi like ole e kekahi kekahi komisina ana kuikawa.

 

Kipu ma Iwilei.

 

(Mai ka aoao 1 mai.)

 

ka-puu o ua wahine nei, ua lawa ia no ka hoike ana i ua hoohalahala nei a ka wahine, a ma ka wehewehe ana o ka mea eha ua loaa aku la ka ike i ka oihana makai i ke ku'i puupuu ia ana o kona mau maka a uli ae la e kekahi o na Poko Riko nona hoi ka inoa o Julio Sylva.

Ma kahi i kauohaia ua hui aku la o Kaulike makai me Makai North a hoomaka aku la ko laua hookolo ana mahope o ke kanaka ki pu ma ke alanui Ewa o Iwilei, oiai o Makai S. Parker i hoounaia mai e Kapena Parker no ka huli ana i ke kolohe ana i hamale ai i na maka o Jennie wahine, a oiai ua hanau lakiia mai oia ua halawai koke aku la oia ma ka huina o na alanui Moi ame Iwilei, he elua nae laua e hilinai ana i ke kaapi'o helu 41.

Ma ka ike ana mai o Sylva i ka makai ua unuhi koke ae la oia i kana pu, eia nae ua limaikaika koke aku la o Makai Parker a paa ana iaia mamua o ka hiki iaia ke hooko i kana ino, a oiai ua ikaika loa ka ona o ua mau kanaka nei, aole i lawa ka ikaika me laua no ka hoaano ana mai i ka makai a mailaila mai laua i noho ae ai i Kuapapanui, a ilaila i loheia ae ai ka inoa o ke kokoolua ma ka inoa o Mateo Blacia.

Ma ka maopopo ana o na anoai, ua eleu koke aku ia o Vida Makai a paa ana he Poko Riko ma ka inoa Eddie Torres i Iwilei no, a o Poko Riko Glacia ka mea nana i hoike ae e olelo ana oia ke kokookolu o Poko Riko Sylva i ka manawa i hoohanaia ai ke ki pu, a ua loaa aku maluna o ke kino o Sylva he pu-panapana iioko o kona wa-hi, ili, he pu ua piha kona mau keena poka a koe elua.

Ia Glacia ame Sylva iloko o ke keena makai ua komo hikaka mai la ke Kepani eha i kiia ai iloko olaila, i ke koko no e kahe ana mai kahi i wa-hiia ni ka eha, a me ka hoohewahewa ole ae ua kuhikuhi koke aku la o Sotarro ia Sylva ma ke ano oia ka mea nana i ki iaia me ka pu a eha ai, a i ka hui ana mai o na hoalahui Kepani Nakamura ame Gota ua hooia ioa ia ae la o Sylva no.

 

Helu ana i ko Laua Poho.

 

(Mai ka aoao 1 mai.)

 

na lako o ke kaua, ua hoikeia ae ka moolelo o ka poino ana o ko Rusia aumokukaua. penei:

Na Mokukaua Papa-ekahi i pihoio, 12 ka nui o na tona 144,968.

Mokukaua holomama palekaua, 5. ka nui o ua tona. 38,979.

Mokukaua pale aekai palehao, 1, tona 4126.

Mokukaua holomama.  6, tona 16,341.

Na mokukaua e ae e huipu ana i ua moku i hoolilola ae i mau mokukaua holomama, 1@. ka nui o na tona be 26,222.

Na moku wawahi topido, 15. na tona. 5666.

Ma keia e loaa ana be 57 mokukaua, no lakou na tona he 245,@@2.  O ka hopena i loaa ae iina ke@@ he ku nu i @ hooui manao.  Mailoko mai o @ mokukaua no lakau hoi na iona i hiki aku i ka 310,@@@. a Rusia i boouoa ae ai no ke k@@@@kaua. he 10 waie no moku i koe @@@. no lakou hoi na tona he 63,434.

 

LAAUILINONA BEBE

 

O Kana Paa ame Kana Lauoha kekahi mea

ana nui lea a na Makuahine e naanaa nui ai

 

UA HANAUIA KELA A ME KE A KEIKI ILOKO O KA HONUA NEX me ke ewe o na mai lehulehu e uiu ma i ana iloko o ka ili, ke poo a e lilo ana hoi ke koko ia wa i mea nui loa no i a panee ana i keia popilikia, a peia ilile ai ia i mea nui loa e hookaumaha mi u ai i ka noonoo o keia a me keia mea oohia i ka nali ana a na ma'i lehulehu.  Aole keia mea i hookaumaha ia ma kekahi ano e ae aka mamuii no o ka hoopalalehaia ana e ka mea i kupone e malama a makaaia i keia poino.  Nolaila, ua lili i kumuhana na keia ame keia makuahine maikai e makaaia mau ai i ka lakou mau keiki e loohia ana i na popilikia lehulehu e ulu mai ana n amuli o ke koko ino, e hookamaaina mau lakou me na mea a pa ue hiki a ke pale aku i keia mau popilikia lehulehu, i mea hoi e loaa ai ke ola maitai malalo o na iapaau noeau ana me ka hikiwawe a me ke ola loa no hoi.

Ua olelo ia o k aauau me ka wai @ u mehana a me ke KOPA CUTIKURA no ka hoomaemae ana i ka iii no ka papaa i ka lepo a me kahi mau ine e ae, a pela hoi no ka unahi-pii, a pela hoi, ina ka e kapili malie i ka Aila Fiamo CUTIKURA no ka hooki koke ana i ka maneo o ka ili, ka eeke ane manene o ka ili ame ka pehu, a pela hoi no ka hoomalielie ana i ka hu'@ a me ka hoola ana i na palapu, a mahope aku oia wa, ina ka e inu i ka Laau Hoohainu CUTIKURA, oia wale ae la no ka na mea a pau e hana ai no ka pale ana aku i keia mau kinaunau o na keiki liilii i na wa apau e hoomaka mai ai, a ina no ua loaa mua, ne mea pau wale no ia i keia mau laau ae la, ke malama pono ia na kuhikuhi.  Ma keia hana ana pela, e loaa ai i na makuahine hoomanawanui ka maha a me k oluolu o ka naau, a he mea ne hoi ia no lakou e hookaumaha ole ia ai i na wa a pau.  Ua hooiaia keia @@@ haawina pomaikai ma na home lehulehu a puni ka aina.

Mamuli o ka momona, ka maemae ame ka hikiwawe o ke oia o keia laau, i makemake nui ia ai e na lahui kanaka a pau i hoao a ikemaka i kona waiwai nui ma ke ano hoola a pela no hoi i hilinai nui ia ai kona waiwai no ka hoopakele ana i ka luhi a me ke kaumaha o na makua lehulehu ma na wahi a pau, a pela no i malama nui ia ai ma oko o na home.

 

HE HOOLA MAOPOPO NO NA MA'I MALOKO A MAWAHO O KE KINO.

 

Oia hoi ke KOPA CUTICURA e hoomaemae ai i ka ili a me ke kepia e ke poo a hoowaliwali i ka alualu, o ka AILA CUTICURA HAMO no ka hoopau koke i ka maneo a hooluolu a hoola, a me ke CUTICURA RESOLVENT no ka hooluolu a hoomaemae ana i ke koko.  Ke kualia nei ma na wahi a paw o ka honua nei.  Keena Kuai ma Auseteralia, R. Towns & Co., Sydney, N. S. W. Keena ma Aferika Hema, Lamron Ltd., Cape Town.  "I loaa ai ka ili pahee maikai, ka lauoho a me na lima," POTTER DRUG AND CHEM COMP., Boston, U. S. A., na Ona o n@ laau CUTICURA a pau loa.

 

Ma ka aoao hoi o ko na Kepani mana kaua moana, e ike pu ia ana no hoike penei:

Mokukaua Papa-ekahi, 2, ka nui o na tona he 27,757.

Na mokukaua holomama i paleia,--

Mokukaua holomama pale aekai,--

Mokukaua holomama 4, ka nui o na tona.  12,733.

Na mokukaua e ae, 4, ka nui o na tona he 4797.

Moku wawahi topido, 2, ka nui o na tona he 728.

Ma keia e loaa ai ka huina o 12 moku, no lakou na tona he 46,025.

Ma ka hoohui piha ana ae i ke kulana kaua moana, e loaa ae ana o ka ikaika kaua moana o Iapana o 76 moku, no lakou na tona he 274,184, ua hopupio a hoopiholo Paku lakou he 64 moku o na Rukini, no lakou ka huina tona o 289,778.  He mea oiaio ua hoohui pu ia aku me keia huina i na mokukaua Rukini i hoopiholoia e na papu aina ma Poto Ata, aka nae ua hana ae na Rukini pela mamuli o ka paa mau aku o ko Iapana aumokukaua mawaho aku o ke awa.

O kekahi mea ano nui ma keia, oia hoi, oiai ua poino he 12 moku o na Kepani, i hiki i ka 46,025 tona, ua lawepioia mai a houluulu hou ae me ko lakou mana kaua moana he ehiku moku i hiki aku na tona i ke 44,486.  Aole keia o ka pau ana.  Ma Poto Ata, ua hoolanaia ae ka mokukaua papa-ekahi Peresvich, nona na tona he 1,674, a pela no hoi me ka mokukaua holomama Bayan, 7800 tona, a ma Shemulpo, ua hoolanaia ae ka mokukaua holomama Variag, 6500.  E hoolamaia ae ana no kekahi mau moku, aka ina no e hoohuiia ae ana keia mau moku ekolu ua oili ae ko Iapana ikaika kaua moana he 25,435 tona oi ae mamua o kona i ka wa i aia mai ai ke kaua, oiai ko na Rukini ua aneane e pau loa i ka lukuia.

Mawaho ae o keia, he mea pono e hoomanao ia, ua hoohuiia ae me ko Iapana oihana hooholo moku kalepa he 49 moku. no lakou ka huina o 110,000 tona.  He mea hiki no hoi ke hoomaopopo iho, aole loa ma kekahi ano i hoopihlo aku na moku o Iapana i kekahi a mau moku paha o na aupuni i hui ole aku ma keia kaua, e like hoi me na Rukini.

 

Eia ka Moi Lana ianei.

 

O Kapena H. R. Robertson o Stella o Wasinetona, eia oia i Honolulu nei ma ka huakai e hoomaopopo ai no ke kumu o ka hana i pili loa i kana oihana oia ka lanaau ana i na lana papa nunui maluna o ka moana aole hui ma ka moku e like me ka maa mau, a maluna o keia oihana lanaau lapa-papa i kauia ae ai keia keonimana a kapaia ai ka moi o ka lana lapa-papa.

O ka hui lana Robertson he mau makahiki kona o ka hoohana ana i ke ano hoolanaau ana a Robertson no kekahi mau makahiki ma na paila-papa nunui e koloia aha no kahi loihi mai kahi wahi a kahi wahi aku ame ka holomua mau no hoi, a bia ano haawina hookahi no ka i kau aku maiuna o ka paila-papa lana nui i koloia ae mai ka muliwai Columbia aku a iloko o ke awa o Kapalakiko.

Eia o Mr. Robertson ma ka Hotele Young kahi i noho ai no na la ona e noho ai maanei a ia manawa hookahi no e hooikaika ai oia no ka holomua o kana hana o ka hele ana mai nei. a ma na hooiaio ana ua oleloia ke kau nei kona mau maka no ka hoolanaau mai i kona mau lana paila laau nui @loko o ka moana Pakipika a ola ia e hooikaika nei o ka loaa ae Pakahua hoolulu no ia oihana maanei.

Iwaena o kana mau lana paila laau nunui, he nui o lakou i hiki aku na kapuai laau i ka 3,000,000 a o ka lana-Au ans ia mau lapa-iaau nunui ma ka moana Pakipika mai Amereika mai a na Aina Hikina e like me Iapana ame Kina oia ka mea nana i koi ikaika e pono e loaa i mau wahi hoolulu ianei i hiki ai na hooponopono hou ana o na ulia poino ma ke ala a loaa no hoi ka lanahu no ke koena o ke alahele aukai o na lana.

 

N NA OHE nani no ka ulana papaie A ana, peahi ame na mea maikai e ae o ka loaa koke ana mai nei no O no ia.  He makepono ko kuai ana H ma ke kukaa.

E HAWAII & SOUTH SEAS CURIO Co.

Hotele Iana ame Hotele Hawaii.

 

HOOLAHA.

 

E hiki mai na lala apau o ka Ahahui Euanello Mokupani o Oahu, ma ka hora 19 a.m., o ka Poakola raua o Okatoba @@ 4.  M. H. 1905, ma Kawaiahao.  W. K. POAI, Kakauoielo.

 

HOOLAHA HOOKO MORAKI.

 

ANNIE K. HART.

 

HOOLAHA MANAO PANIKU A KUAI A KA MEA PAA MORAKI.

 

I kulike ai me ka manao o kekahi moraki i hanaia e Annie K. Hart ia Kapiolani Estate, a i hooliloia aku ia W. R. Castle, Kahu, i kopeia ma ka Buke 232 aoao 321, a i hoopaa houia aku e ua Annie K. Hart nei ia W. R. Castle, Kahu, ma ke ano pakui i ka moraki mua i hoikeia maluna ae, i hanaia ma ka la 14 o Mei, 1904, a i kopeia ma ka Buke 259 aoao 95, a e paaia nei e ua W. R. Castle, Kahu nei i oleloia ma ke ano he Mea Paa Moraki a he Mea i hooliloia aku ka moraki. nolaila ke hoikeia aku nei ka lohe ua makemake ka Mea Paa Moraki e paniku i ua moraki la no ka uhakila o ke kumu i hoakakaia maloko, oia hoi, ka uku ole ia o ke kumu paa a i ole o ka uku panee i ka manawa e uku ai.

A ke hoolaha hou ia aku nei, mahope o ka hala ana o na pule ekolu mai keia la aku, alaila e hoolaha ia aku ana na aina i hoikeia ma ua moraki ia ne ke kudala ana ma ke keena kudala e  e James F. Morgan, ma Honolulu, ma ka Poaono, la 16 o Sepatemaba, 1905, ma ka hora 12 awakea o ua la la.

No kekahi mau mea aku i koe e ninau ia Castle & Withington na Loio no ka Mea Paa Moraki.

Hanaia ma Honolulu, Augate la 18, 1905.

W. R. Castle, Kahu,

Mea Paa Moraki.

Penai na waiwai i hoopaaia ma ua mau moraki la:

1. He kuleana hapalua i mahele ole ia iloko o ka pa-hale o Love e waiho nei ma ka aoao makai o ke Alanui Moi ma Kawaiahao, Honolulu, e kupono ana i ka hale noho o Charles H. Artherton, e elo ana ma ke Alanui Moi he 120 kapuai, @ e ili ana he 29620 kapuai kuen, he hale uinihapa maikai ke ku nei maluna o ua aina la, me kekahi mau hale e ae.  He mahele ua apana aina la no na aina i hoikeia ma ka Palapala Kuleana Heiu 60@ Apana 1 la Hoonaulu, ame ka Palapala Kuleana Helu 200 ia Kaina.  O ke kuleana apau loa i loaa i ka Mea Moraki Mai maialo a ma o ka mana o kekahi Palapala Kahu i hanaia ma ka la 28 o Augate, 1901, mawaena o James Love, Annie K. Hart, James Love, Jr., Annie L. Roe ame George A. Davis, i kopeia ma ka Buke 225, aoao 281, o ua kuleana ia, he kuleana i mahela oleia i hoikeia maloko o ua palapala kahu nei, iloko o kekahi mau waiwai paa ame waiwai lewa maloko o Honolulu nei.  Ka waiwai paa he apana aina ma ka aoao mauka o ke alanui Moi, he 47 kapuai ma ke alanui Moi a he 112 kapuai ma ke Alanui Kekaulike.

 

O ke kuai maluna ae ua hoopaneeia a ka Poaono, Sepatemaba 30, 1905. ma na keena kudala o James F. Morgan helu 857. Alanui Kaahumanu. Honolulu, T. H.

JAMES F. MORGAN,

@@@@@@@@:12

3066--Sept. 22, 29.

 

HOOLAIA HE KANAKA KAMANA NO AFERIKA E KA LAAU CHAMBERLAIN'S COLIC, CHOLERA AME DIARRHOEA.

 

Penei ka Mr. Geo. Taylor, he kanaka kamana e noho nei ma Port Elizabeth, Cape Colony, i loaa hoi i ka ma'i umil ame hikoko, i hoike ae ai:  "Ua pilikia loa ia wau a hoi au no ko'u wahi moe. a ia manawa i haawi mai ai he hoaloha no'u he eiua puna o ka Laau Chamberlain's Colic. Cholera ame Diarrhoea, a loaa koke iho ia ka maha ia'u.  I loa kolu no o na puna laau o ko'u ola loa ae ia no ia.  I keia manawa aoia wau i hoonele iho ia'u iho me la laau." Ke kuai ia nei keki laau e BENSON, SMITH & CO., LTD., na Agena ma Hawaii nei.

 

HOOLAHA.

 

Ma keia ke panaia aku nei na mea apau aoie e ki-pu a uhai holoholona a aoie e aeia, maluna o na aina o Waipio.

O ka poe komo-bewa e hoapilia no lakou ma ka pihaku'i o ka kanawai.

 

THE JOHN II ESTATE,

Ma o C. A. BROWN, Lunanui.

He 314 ka haawi a na Mea Hoelimalima Aina no na hoike no ka poe komo-hewa.