Ka Nupepa Kuokoa, Volume XLIII, Number 36, 8 Kepakemapa 1905 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

Sepatemaba 8, 1905

 

(page is different...no heading to column just starts as if continuation from another column or page)

 

Ke kahukaa e lawe loa iaia no kahi hoolulu o ka Hui Alahao Komohana Akau.

 

            “Owai ka’u e haihai aku ai mahope?” i huli mai ai ke kahukaa a ninau mai la iaia nei.

 

            “Aole au mea e hahai,”  i pane aku ai o Peterika, “e holo koke aku kaaa no ke kahua hoolulu e like me ka hikiwawe i kou lio ke holo aku.”

 

            Ia laua i hiki aku ai i kahi hoolulu, kaumaha iho la o Peterika i kona hoomau ole ana i ka hal@i ana mahope o Ivana, oiai o ka hale hoolulu a laua i hiki ai he hale nui a lehulehu hoi kona mau puka e komo aku ai, a no kumu i hopohopo ai oia o nalo o Ivana mai kona mau maka mai.

 

            No kekahi manawa ua holoholo ae la oia mailaila, e hakilo ana hoi i na poe e komo ana i iloko o ka hale a ike aku la oia he poe ohua kekahi i holo mai maluna o Galatia, oiai na ike aku la oia i na palapala hoailoha o ia moku i hoopaaia maluna o ka lakou mau puolo e lawe ae ana.  O ka hapanui o lakou he poe ohua oneki.  O Ivana hoi, kekahi iwaena o ka poe mua i puka mai ai mai kahi-hookuu kananak mai aole oia iwaena o keia poe.

 

            “Ua hewa paha ko’u haalele ana aku nei ia Ivanaihope,”  i noonoo iho ai ka kaua makaikiu.

 

            Komo aku la oia iloko o kahi hoolulu a ninau iho la i na mea e pili ana no ke kaaahi e holo ana no Ladana, a hoikeia mai la iaia  e haalele iho ana ke kaa i ka hora eiwa.

 

            “He kaa keia e lawe pu ana i na ukana,”  i hoike mai ai kekahi o na luna o keia hui, “a e ku ana keia ma na wahi hoolulu apau ma ke alahele.”

 

            I ke kokoke ana aku i ka hora eiwa o ia ko Peterika manawa i hele aku a kuai iho ia i kikiki nona o ka papa ekolu no Ladana, oiai ua manao iho la no oia e holo ana o Ivana ma ia papa.  Mahope o keia hele huli aku ia oia i ke kaaahi no ka hora eiwa.

 

            Ma ka puka e komo aku ai iloko o kahi o ke kaaahi e ku ana i hoike aku ai oia i kona kikiki a hoikeia mai la no hoi iaia aole ia o ka hapa.  Nolaila, hele huli aku la ka makaiku i kona kaa i ha’iia mai ai, a loaa aku la iaia e ku ana me ka piha i ka ohua.

 

            Hele loa aku la oia no ka palena pau o na kaa, alaila hoi hope mai la, e hele malie ana hoi a e komo ana i kela ame keia kaa ohua, me kona mauaolana e ike ana oia ia Ivana.

 

            He pouliuli oloko o ua hale hoolulu ia, a he la omamalu hoi, nolaila ua hiki ole iaia ke hoomaopopo aku i ka helehelena o kekahi mea ke ku mai ma kekahi poo o ke kaa.  I kona nana ana hoi ma ka hookuina o na kaa ohua ike iho ia oia aole he papahele mawaho o na kaa, aka o ka mea ana i ike aku ai he mau hao ekolu a eha paha e moe ana.

 

            “He mea pono ia’u ke hele aku ma kela aoao,” i noonoo iho ai o Peterika, “i hiki ai ia’u ke kiei aku ma na puka aniani o kela kaa.”

 

            Aole i hoopiliia mai ke kaaahi me na kaa ohua i kela manawa, nolaila lele iho la oia ilalo, me kona manao e hele aku ma ka aoaoa o na kaa.  Iaia e hele ana, holo mai la kekahi o na limahana o ke alahao, hopu mai la iaia a huki aku la mai ke alahao aku.

 

            “Aole he aeia kekahi mea e hele maluna o ke alahao, wahi a ua kanaka la i pane mai ai iaia nei.

 

            Aole he makemake o ua Peterika nei e komo hou oia iloko o ka poino, oiai na ha’i mua no hoi he rula iaia ma Dubalina, a o kekahi no hoi ua loaa aku la no kana jea i makemake ai, nolaila ua noi aku la no hoi oia e kalaia mai, a hele aku la me ka malie no ka ekolu o na kaa, kahi hoi ana i komo aku ai ma ka mahele waena.  Ua hauoli loa ka makaikiu i keia manawa.

 

            Ua pau ae ko ka makaiku huli ana no ke kanaka Nihiliti no ka mea i kela manawa pokole ana i ku ai maluna o ke alahao, ua ike aku la oia i ka haule ana mai o kekahi mea eleele mai ka puka aniani la oia i ka haule ana mai o kekahi mea eleele mai ka puka aniani mai o kekahi kaa a haule ana ilalo.

 

            Ua ike’aku ia na maka uwila o ua makaikiu nei he umiumi ua mea i kiolaia ai iwaho, a o kela ike lihi ana ona ua maopopo iho la iaia ke kaa nona ka puka aniani i kiolaia mai ai ua umiumi la, a o kona hele no hoi ia a pii iluna oia kaa.

 

            He hookahi wale no noho kaawale iloko o ua kaa la, a oia ka ua makaikiu nei i lawe ae ai nona.  I ke kamaaina ana iho o kona mau maka i ka hapopo oloko o ua kaa la oia ma kekahi aoao mamua pono iho ona ia Ivana Kivi, ua hemo no nae kona umiumi.

 

            Ua hoololi ae na Rukini nei i kona helehelena mamua o kona lele ana mai i ka aina, no ka mea ua manao oia ua teleegarapaia mai Amerika mai na mea e pili ana nona, a malia paha o paa oia i ka hopuia.  O kona hiki ana i kahi hoolulu kaaahi o ka Hui Alahao Komohana Akau me ka loaa ole o na kuia iaia o ia ka mea nana i hoike mai iaia ua malaelae kona alahele a no ia kumu oia i kiola ai iakona umimumi hoonalonalo.

 

            He eono hora ka loihi o ko lakou nei manawa i holo ai mamua o ka hiki ana i Ladana, a iloko o keia manawa aole i haalele iho o Ivana a i ole o Peterika paha i ua kaa la.  Ua lele aku he lehulehu wale o na ohua ma kekahi mau wahi hoolulu, a nolaila i ka hiki ana o ke kaa i kahi hoolulu o Eusetona, ua koe elua iho la laua nei iloko o ua kaa la.

 

            He mea hiki no hoi ke ikeia aku ua ike mai la no o Ivana i ke kanaka malihini i halawai ai me ia ma kahi hoolulu kaaahi; eia nae ma ka aoao o ka makaikiu aole loa oia i haawi aku he wahi lihi e hoike aku ana ia Ivana ua halawai mua no laua.

 

            Nolaila, he mea maopopo loa, ua manao iho o Ivana ua hiki oia i Ladana, a ua kaawale aku hoi na poino ana i ike ai ma Amerika no ia mea aole oaa manao ae eia no oia ke hele pu nei me ka mea ana i enemi nui ai.

 

            Ma ko Peterika aoao hoi aole oia i hoao aku e papaleo me ua Nihiliti la mamuli o kona maka’u o ikea mai oia.  Ma ka palapala aina e kau ana iloko o na lumi la i ike iho ai o Peterika aole loa e holo kokoke ana ko lakou kaa ma kauwahi o Hotele Ke’a o Carisona.

 

            “Aole ia he mea e nana e nana ai,”  i noonoo wale iho ai no ua makaikiu nei, “no ka mea aole paha e hemo koke ana o Panina mai kela poe mai i ka manawa kupono e loaa ai iaia ka moku o ke Kai o Irelana a hiki hoi i Ladana mamua o’u.”

 

            He mea maopopo ua kamaaina o Ivana ia Ladana, no ka mea iaia i haalele iho ai i ke kaa aole oia i kunana iho, aka puka loa aku la oia no ke alanui mamua iho o ka hale hoolulu, huli aku ma ka hema, a mahope o kahele ana no kekahi mau kuea hale iho aku la oia ma kekahi alapii.

 

            @ahai aku la no o Peterika iaia a hiki i kona loaa ana aku e ku ana ma kahi hoolulu o kekahi kaa alahao malalo o ka honua, a hookokoke loa aku ia no hoi oia ma ko Ivana wahi e ku ana, me ko ia la ike ole mai iaia i mea nona e lohe aku ai i na olelo a Ivana e kamailio ana i ke kanaka kuai kikiki.

 

            Eia nae aole oia i lohe aku i na huaolelo a Ivana i hoopuka ai, a i ka hiki ana mai i kona manawa e kuai ai i kikiki nona, nana aku la oia i ka papa kuhikuhi e kau ana iluna o ka paia, a hoike aku la i kona wahi e hele ai, me ka hooho leo nui ana ae:

 

            “Alagate.”

 

            Loaa mai la iaia he kikiki o ka papa ekolu, a oia no kona manawa i puka ai iwaho.

 

            E hele malie ana no o Ivana no ka palena pau o na kaa.

 

            E like no me ko ka makaikiu hikiwawe ma ka hoolele ana i kona kiionohi, ua ike iho la oia ua maheleia kahi hoolulu iloko o na mahele ekolu, a ma na palena o kela ame keia mahele e kau ana kekahi mau papa i kakauia maluna o lakou na huaolelo i like aku me keia:

 

                                                            (Aole i pau.)

 

Kenekuria Umi-kumamaiwa

---AME---

Kana Mau Hana Kamahao

(Kakauia e Simeon K. Nawaa)

MOKUNA XV

(KAU POO EKOLU)

NA MAKAHIKI MALUHIA AME HOLOMUA O AMERIKA

-------------------

 

                Ua hookaawale ae ka Ahaolelo o Amerika i $200,000 ame kekahi apana aina nona, ma ke ano he“panai no kana mau hana maikai ame kona mau lilo i ka manawa e kauia ana ke Kaua ku-e ia Beritania Nui,” a i kona manawa i makaukau ai no ka huli hoi ana aku no Farani, ua hoouna aku la ke aupuni i ka moku “Brandywine” nona e h oi ai.  He moku keia i kapaia aku kona inoa mamuli o ko Lafaiete bakaka ana ma ke kana no ke Kuokoa o ka aina ma ka’e o Brandywine.  Ua makaikaiia e keia kanaka kaulana o Europa ko Amerika neemna ana ma ke kulana aupuni Repubalika, a i kona huli hoi ana no Farani ua ike aku la oia i ke kulike ole o ka lawelawe aupuni e malamaia ana e ka mana o Bourbon, oiai, iaia i hiki aku ai, ua akoakoa ae la kekahi heluna kanaka nui no ka hookipa ohaoha ana mai iaia, eia nae ua kauohaia aku la lakou e hookaawale aku e ka oihana makai.

 

                I ka neenee kokoke loa ana mai o ka manawa e pau ae ai ko Monoroe noho Peresidena ana, ua ili iho la he hana nui i ka lahui no ka wae ana e i kanaka nana e hoopiha ae i kona makalua.  Ua nui a lehulehu wale na kanaka kuonoono i hoopukaia ae ko lakou mau inoa i mau moho, aka nae o ka poe’i waeia ae ai aole ma ke ano kalaiaina, aka ma ko lakou kulana maoli iho no.  O ka wae inoa ana ma ike ano o na aoao kalaiaina i kela manawa, ina no nae e holookoa ka wae ana, ua like no ia me ke kohoia ana o ia mea.  Eia nae ua nui a lehulehu na moho, nolaila aole e hiki ke loaa ae ka Jokahi.  O na kanaka ano nui nae iwaena o ka poe no lakou na inoa i hoopuaia ae oia o William H. Crawford (Kolopoka), John Quincy Adams, (Akamu).  Henry Clay (Ka-le), John C. Calhoun (Kalahona), ame Andrew Jackson (Keakakona).

 

                Ua malamaia ae ke koho balota ana i ka hapahope o ka makahiki 1824, a ma ia koho ana aole i loaa ka wae a ka lahui, nolaila na kau aku ka hanohano o ka wae ana i ka Peresidena maluna o ka Hale o na Lunamakaainana.  Na Ka aha hoonoho peresidena i hooholo ae pela; a iloko o Febernari, 1825, ua koho ae ka Hale o na Lunamakaainana ia John Quincy Adams, o Makekukeka, i Peresidena, a o  John C. Calhoun, o Karolaina Hema ka Hope-Peresidena, a ma o ke koho ana o na Mokuaina he umi-kumamakolu.

 

                Aole no i nui loa na mea ano nu i ala mai ma ke kau o ko Peresidena Monoroe noho ana ma ka noho alakai no ka lahui, mawaho ae o na mea i hoikeia ae nei, koe wale no paha ka hooholoia ana ma ka Ahaolelo i ke kanawai e hookaawale ana i kekahi haawina ho ka uku hoomau no na wahine ame na keiki a ka poe i make ma ke kaua no ko Amerika Kuokoa ame ke kaua o ka 1812-1815; pela; pu no hoi me ka aelike ana mawaena o Beritania Nui ame Amerika e haawi ana i ka pono i na aoao a i elua e lawai’a ma na aekai o Nufaunelani, a ia manaw hookahi no hoi i kikuluia ae ai ka laina palena aina mawaena o na Mokuaina Huiia ame Amerika-Beritania Nui, e holo ana mai Lake of Woods (Lokowai o na Ululaau) a hiki i Mauna Pohaku.

 

                Ua hooponoponoia ae nahana hoolaupai i ka aina.  Ma Nu Enelani, kahi hoi i hoolilo nui ia aku ai na dala ma na hana kalepa, o ka holomoku, ka lawai’a, ame na hana hou iluna o ka aina na mea a na kanaka i komo nui aku ai, a o ka ikaika o na auhau waiwai i hooholoia i ka 1816, ua hookoia me ka ewaewa ole, a ma ka olelo pokole ana e ua holomua maoli no ka aina i kela manawa.  Ua pii pu ae ka heluna lahui, ua hoololiia ae ka dala pena o ka aina a lilo i dala maoli.  Ma na Mokuaina hoi o ka Hema ua lilo ae la ka hana pulu i mea waiwai nui loa; a o na waiwai i hanaia maluna iho o ka aina ua paumi iho i ko ka wa i hala; ua hoemia mai ka aie lahui mai ka hookahi haneri ame iwakalua-humamahiku miliona.  O keia iho la ke kulana o ka aina i ka manwa a John Quincy Admas i lawe ae ai i ka hoeuli o ke aupuni, a o ke kanalima-kumamahiku hoi ia o kona mau makahiki o ke ola an.

 

                I keia kau no hoi i hoao ae ai o Kapena Pare (Parry) e huli i ke Kukulu Akau, aka nae aole oia i hiki aku ilaila.  Ua hele aku no kona huli ana a ka la@iku 82 degere 45 minute, pau iho la kahi i hiki iaia ke hele hou aku.

 

                I keia kau no hoi i hoomaka ai kela hapa o ka aina e moe @  ma na lalani mauna o Apalakina  A ppalaehiau @  hoopaka @  kona waiwai.  I kinohi o ka lanahu wah@   ka mea @   huiia no ka hoopuka ana mai i ka haa aka i ka @   la ka poe hanain@  o Penoselevania i na hoao ana e hoohiui@  hu wahine me ka lanahu paa lanahu paakiki  ani@       I ka @  ai na hiki no ke hanaia ka hao ma ka hoohui ana me @   wahiie, a pii mahnahua loa ae la ke hanaia ana e ka hao.

 

 

 

                O keia lanahu paakiki, he pili pu no ia me ka @   a i elna ua hiki no ke loaa ma na wahi kokoke loa i na @  Moana Akelanika, a no ia mea aole i nui loa ka lilo ma ka @   ia mea ma na awa-kumoku.  Mamuli o ka nui o ka aina, @     hui hoi e hoopalahalaha ana ma kela ame keia kihi o ka aina @  ae la i mea nui ka huli ana i na ala e hikiwawe ai a e maalahi ai @  kaahele ana mai kekahi aoao o ka aina a hiki i kekahi @

 

                I ka wa e noho ana o Monoroe ma ka noho Peresidena @   aka mamua o ka miliona na dala i hooliloia e ke Aupuni ao @  kulu ana i alanai aupuni mai Kamahelana, ma M @    Ohio.  Aole i ku wale iho na makaainana a nana wale aku @  aupuni e hana i mau alanui, a he lehulehu hoi o na mak@   manao aole i kupono na ke aupuni e hana i na alanui, a @  wale hoi i ka dala ma keia alahele.  I kekahi manawa @  mau hui, a i ole Mokuaina, na lakou e kukulu ae i na ala@  na alawai.    O ke dala i loaa mai no ka hana ana i keia mau@  ame ka hoolilo ana no na hana hoomaemae alanui ua loaa @  ma ka auhau ana maluna o na poe apau e hoolilo ana i @  alahele i wahi no lakou e hele ai.

 

                O ka hana kukulu alahele nui paha iwaena o keia oia ke @ o Erie, a na kau aku hoi ke koikoi o ka hanaia ana o ke @  maluna o Kiaaina De Witt Clinton (Kalinatona) o ka M@   Nu Ioka.  Ua  hoomakaia ka hana ana i keia alawai i ka @  heia i ka 1825.  Ua moe ae keia alawai maluna o ka aina, @  ana hoi mai ka Lokowai o Erie a hiki i ke Kahawai Hak@  keia hoi ke alawai nui hookahi ma ka honua holookoa ia @     Ua lilo keia Alawai Erie i wahi e laweia ai na waiwai o na @ apo ana i ka Lokowai ame na mahinaai waiwai nui o ka Awa@  Mohaka (Mohawk) a hiki aku i Nu Ioka.  Mamuli o keia a @  lilo ai o Nu Ioka oia ke kulanakauhale poo o na Mokuaina @

 

                Ua hanaia keia mau mea mamua aku o ka manawa i @  ai na mea paahana e hiki ai ke hooholo i na kaaahi, nolaila @  naia na alanui-hao.  I kela manawa nae e hoomaka ana na @  e holoholo ma na lokoowai ame na muliwai.  Mahope koke @  hoomaka ana e kukulu i ke Alawai Erie, ua hanaia iho la he @   hi, a oia no hoi ka mokuahi mua loa nana i holoholo ae i na @  la.  I kekahi makahiki ae, ua paa iho la he mokuahi a @   la.  I kekahi makahiki ae, ua paa iho la he mokuahi a kapa@  vana” (Savannah), a holo aku la ua moku la ma ka Moana@   nika, a hiki loa aku la oia i St. Petersburg, a hoi hou.  @  hiki mahope mai, i ka paa ana hoi o ke Alawai Erie, ua holo @  ka mokuahi “Enterprise,” o inia ma ke alahele aku o ka @  a pela iho la i hoomaka ai ko Amerika holomoana ana me ka @  ahi.

 

                He makahiki mahope mai o ka holo ana o na moku@  Inia, ua weheia ae la ke alahao mua loa ma Amerika, e @  aua mai Militona (Milton) a hiki i Kuinike (Quincy) ma @    ka.  He elua wale no mile ka loihi o keia alahao, a ua @  no ka lawe wale ana no i ka pohaku paakiki; a o na kaa ua @  ia mamuli o ka hukiia ana e na paalio ie like me ia i @  i ka Haui Kaa Hapaumi), aka ua kaa ka oo i keia alahao #  keia ke alahao mua loa i hoomeia ma ka lepo o Amerika.

 

                I ka 1830 ia wa wehe mua loa ia ana o ka alahao hali@     O keia ke alahao o ka Hui Balatimoe ame Ohio, a he umi-kumamalima mile ka loihi o keia alahao.  I kona hoauia au, he lio no ka mea nana e huki, aka he makahiki mahope mai, akahi @o a holo ke kaaahi.  Mai keia manawa aku, hoomaka na haua kukulu alahao ma Amerika; a he iwakalua makahiki mahope mai aneane e mai kaukani milialaho i hoomoeia.

 

                I keia wa i ala hou mai ai na hana anuunu a hapuku wale ana a na ilikea i na aina o na Hikina.  Makemake ae la na @  (Georgia) e kipaku aku i na ohana Hikini Greeks ame Cherokees e noho pu ana me lakou eia nae ua hoole paakiki mai keia mau ohana.   Ua hana mua aku na Mokuaina Huiia i mau kuikahi me keia mau ohana, a ma keia mau kuikahi ua ikeia aku ke kuleana o @ Ilikini e malamaia iho i na aina e paaia ana e lakou.  He mau ohana @  kini keia i malamalama ae mamua o na ohana e ae, a he mau mahi naai ka lakou e mahi ana.  He hapa uuku o na alii Ilikini ka i hookonekonoia e kakauinoa ae i kekahi kuikahi hou, a ma ua kuikahi hou la i hoikeia ai ko na Ilikini haalele ana i ko lakou mau kaleana pakahi.

 

                I ka lohe ana o ke koena o keia poe Ilikini i ka hana i hanaia e k o lakou mau hoa, ua pepehi iho la lakou i keia poe; kukala ae @  aole he mana o keia poe Ilikini i kakauinoa ai i ua kuikahi hapuka aina nei, a o ua kuikahi la aole ia he kuikahi.

 

                                                                                (Aole i pau)

 

 

                                                ( large photograph of victorian ladies and men in military dress)

 

(caption)  KA MOI O SUEDENA AME KANA HUNONA WAHINE, KE KAMA’LIIWAHINE GUSTAVUS ADOLPHUS