Ka Nupepa Kuokoa, Volume XLIII, Number 35, 1 Kepakemapa 1905 — Hoi no ke Aloha i Hawaii. Kokua ka Makua C. R. Bishop i ka Home Kaiulani. Iini e Hookahua paa loa i keia Home no na Opio Wahine o Hawaii nei. [ARTICLE]

Hoi no ke Aloha i Hawaii.

Kokua ka Makua C. R. Bishop i ka Home Kaiulani.

Iini e Hookahua paa loa i keia Home no na Opio Wahine o Hawaii nei.

Oiai ka makua puuwai lahalaha, Hon. C. R. Bishop e noho ana ma Kapalakiko, Kaleponi, ke hoike mau mai nei no na hana a' kona puuwai i ka hoi no o kona aloha no Hawaii nei, ka home malihini ana i hookamaaina iho ai me kana Aliiwahine, ke 'iii hoopomaikai lahui Pauahi Bishop. He iehuiehu na manawa i haawi mai ai oia i na kokua nui ana no na hana maikai e pomaikai ai o Hawaii nei, a i keia mau la koke iho nei no ua puka amaka hou ae la kana kokua no ka hookal>uapaa ana i ka Home Kaiulani ,o na opiowahine. He $5000 oia kana kokua, me keia manao no nae: E houiuulu iho ko Hawaii nei poe e hana mau nei i na hana kokua i $15,000 mamua o ka la 1 o Okatoba e hoea mai ana, a i loaa, o ka panee mai no ia o ka ia la mau polohuku, a piha ka $20,000 no keia hana. 0 ka manao nui' o keia huina dala, oia ke kuai ana i kahua no ia home a kukulu i hale nui e lawa ai no na opiowahine e makamake nei e noho ma ia home. I keia manawa he $6000 ka huina i loaa ae, a he lehulehu wale na poe 1 hoike ae he mau kokua ka lakou e haawf ana. 0 ka Home Kaiulani e ku nei ma Kawaiahao ae nei, aole ia he home i manoanoa kona waihona, a aole no paha he waihona maoli, a aa kukuluia e na makuahine kakalkahi o ke kulanakauhale nei i wahi e noho ai na opiowahine i hemo mai na kula mai o Hawaii nei a noho haha paha ma ke kulanakauhale nei, a i ole, hele paha i na kula la, a kula kumu paha, e lika me ka mea e ala mai ana, me na auhau kupono no hoi e hiki ana ia lakou ke uku. ae 0 ia auhau i loaa ai ke ola no keia Home Kaiulani. 1 kinohi o kona kukuluia ana, ua manao wale ia no i home no na opiowahine ,e noho ai,a hoomau ia aku ka pono Kristiano i kanuia iloko o ko lakou mau puuwai, a hookaawale ae ia lf;kou mai na mea hoowalewale mai, aka mahope mai ua palahalaha aku, a

ke hohola nei kona mau eaeu ma o a maanei, a ke kikoo nei i na mea e pofio ai na opiowahine. I ka makahiki i hala iho la, ua hele aku kekahi mau opiowahine ia Mrs. S. D. Heap t -ka makuahine o keia home, a noi aku e haawi mai i home no lakou e noho ai, a e huli pu no hoi i hana na lakou. Aole i maa ka home ia hana mamua aku, aka ua manao keia m;vkuahine e hoao, a o ka hopena ua loaa ka hana a keia poe opiowahine, a ke hana nei a ke noho nei lakou ma keia heme. Na keia j>oe opiowahine no e hooinaemae i ka hale ame na hana e ae, a ma ia ano ua loaa hou ia lakou he mau a'o e pono ai lakou ma keia mua aku. ke lilo ae lakou i mau makuahine. 0 Mrs. Heap paha kekahi o na wahine e noho nei me kona hauoii iwaena o keia mau opiowahine, oiai e lohe mau ia ana ka hehe mai o na aka mailoko mai o ia home. Aole no he mau rula paakiki e hiki ole ai i na opiowahine ke inalama. He maikai na mea ai e hanaiia nei lakou, pela no hoi me na rumi, aka o ka pilikia wale no, aoft i lawa i na rumi. O ke kiekie i hiki ke malamaia maanei he 27, a he nui na opiowahine e makemake nei e komo malaila. Mamuli o keia i manao ai na makuahine na lakou i hoala i keia hana maikai e hoonui ae, a ala mai keia ninau no ke kuai ana i alna a kukulu 1 home e pau ai na opiowahine home oie malaila. a ua kakoo mai ka makua C. R. Bishop i keia hana maikaU