Ka Nupepa Kuokoa, Volume XLIII, Number 34, 25 August 1905 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUKOA, POALIMA, AUGATE 25, 1905.          @

 

ALEMANAKA O AUGATE, 1905.

   1905     Augate     1905

Sab@  P@hi   Poal@a            Poa@lu           Poaha  Poalima           Poa@o 

                          1          2          3          4          5

  6          7          8          9        10       11       12

 13       14       15       16       17       18       19

 20       21       22       23       24       25       26

 27       28       29       30       31

 

Hapaha Hope o ka Mahina, Augate 22.

E puka ana ka la i Augate 21 ame 22 ma ka hora 5:40; Augate 23, 24 ame 25. hora 6:25; Augate hora 6:23; Augate 25, hora 6:22; Augate 26, hora 6:21; Augate 27, hora 6:20; Augate 28, hora 6:19.

 

            KAI  PII.                                                        KAI  EMI.

Poakahi  Aug 21. hora 8:05 a. m.: 7:25 p. m.              Hora 1:16 a. m.; 2:02 p. m.

Poalua Aug. 22  hora 9:12 a. m.; 8:20 p. m.                Hora 2:00 a. m.; 3:35 p. m.

Poak@ Aug. 22. hora 10:22 a. m.; 9:50 p@m            Hora 2:52 a. m.; 5:30 p. m.

Poaha Aug 24, hora 11:28 a. m.; 11:24 p. m.              Hora 3:55 a. m.; 6:50 p. m.

Poalima Aug 25, hora 12:21 p. m. ---,                         Hora 5:00 a. m.; 7:39 p. m.

Poaono, Aug 26, hora 1:10 p. m.; 0:35 a m@             Hora 6:00 a. m.; 8:16 p. m.

Saba@ Aug 27, hora 1:52 p. m.; 1:30 a m@              Hora 6:55 a. m.; 8:50 p. m.

Poakahi Aug. 28, hora 2:32 p. m.; 2:16 a. m.              Hora 7:45 a. m.; 9:20 p. m.

 

Nuhou

          Kuloko

 

  E nana ae i ka hoolaha o Rosenberg & Co. @ puka aku nei ma keia helu.*

 

  E malamalia ana he aha hoolaulea ame hulahula ma ka Prog@ess Hale ke hiki aku ma ka po Poaono, Sepatemaba 2, no ka pomaikai o ka halepule Bihopa. Mai poina i  keia hana maikai.

 

  Ka haawi ae o Kokua-Kiaaina Atkinson i ka lohe i na keena oihana aupani apau e paniku i ko lakou mau puka ma ka la 4 o Sepatemaba ae nei oia no hoi ka La Kulaia o na Limahana.

 

  Ke manao ia nei e hoounaia aku ana n@ Nu Ioka ma keia mua koke iho he @au poe mai Hawaii nei aku no ke kukakuka ana maluna o ka ninau Limahana na ka Hui Mauu Hilo (Civic Federation).

 

  Ke manaolana ia nei e ka mana hooko o keia mahina ka mahina e loaa nui ai i na kalana ko lakou hapa o na loaa auhau, a ua hui like ae o Kokua-Kiaaina Atkinson ame Lunahooia Fisher a kukakuka no keia mea ma ka Poakolu nei.

 

  Ua apono ae o Kokua-Kiaaina Atkinson, ma ka Poalua iho nei, i kekahi aelike i hanaia e ka Moiwahine Liliuokalani, a ma ua aelike ia e hoololi ia ae ai kekahi o na auwai a ma ia hoololi ana e wehe hou ia ai he mau aina aupuni hou ma Palolo.

  Ea hoike ae o Mr. Hosmer o ko Amerika kahua mahiai maanei e haawiia aku no i kela ame keia mea e makemake ana e loaa na buke hoike makahiki o ia oihana. He nui na noi e waiho nei, nolaila aole no he hewa ke kii ae o nele auanei.

 

 Aole i hoomaluia ka mokuahi Ventura ma Kapalakiko, mamuli o ka pau maikai ana o na hana a ko Honolulu nei agena ola. E hoomanao ia he pule i hala ae nei ua ku mai keia moku maanei mai Nu Kilani mai me ka ma'i kamola boki maluna ona.

 

  O ka loaa koke ana mai nei no ia o na ohe keokeo maikai i ka Hawaii ame South Seas Curio Co., na Alekanedera Young Hale ame ka Hotele Hawaii. E kuaiia aku ma ka pu-a ame kuai holookoa ana. O keia kau mea i makemake ai no na papale, Peahi ame ka nanala i na mea ae. *

 

  Ua holo aku o James F. Langston, ka hoahui o McDonald, na haole haku kamana, me ka maopopo mua ole, no Kina ma ka po Poakahi nei. Ua lono wale ia ae ua alapoho iho oia i ka waihona hui o laua; ua hoole ae no nae o Mr. McDonald la mea. O keia Langston kekahi moho lunamakainana Demokarata o ke kau i hala.

 

Ka Hae Keokeo a Adimarala

Rojesivensky.

 

  O ka hae keokeo i hukiia ai iluna o ka moku wawahi topido Bildovi (Satsuki i keia manawa) i ka manawa a Adimarala Rojestvensky i haawipio ai i ka moku wawahi topido Sazanami o Iapana ma ke kaua moana o ke Kai o Iapana, ua hoounala ae nei i Tokio. Ua olelo ae na nupepa o Tokio ua hanaia ua hae ia mai ka lole lilina uhipakaukau o ka lumi lole, a o ka nui o ua hae la he 3 shaku (kapuai) ka loihi a ua oi ike aku hoi mamua o 4 shaku ke akea. Ua manao ka mana kaua moana o hoikeike i keia hae iloko o ka hale hoikeike kaua ma Yushukwan, Kudan, Tokio.--Kobe Herald.

 

HALE INU RAMA

P A U O A

 

  WAINA, WAIKEKE ma ke Kalani.

  BIA, GINI AME WIKEKE ma ke Kakini.

  O na kauoha e hookoia no, a e lawe. ia no ma kou home. Like no ke kuai ana me ko na halekuai kukaa a liilii o ke taona. Hoopokoleia kou luhi, koe kahi kenike@i uku-kaa uwila ina maanei oe e kuai ai. Kipa mai hookahi, kipa no apau loa. Eia ka wai la!

          THE PAUOA WINE CO.,

             Frank Correa, Lunanui.

  Pauoa, palena o ke alahao.

 

HOOLAHA KUKULU HUI.

 

  O na mea no laua na inoa malalo iho nei he mau mea e noho ana ma ke kulanakauhale o Honolulu, ua kukulu ae nei laua he hui no ka hana lawelawe ma ke kuai ana i na waiwai huikau malalo o ka inoa hui o ROSENBERG & CO., ma na Helu 1@4 ame 1@8, Alanui Hotele, AHonolulu.

              H. ROSENBERG.

              K. IWOKI,

3@6@--Aug. 25; Sept. 1.

 

  HOALOHALOHA A KA EKALESIA KULA SABATI, AME KA AHAHUI HOOIKAIKA KRISTIANO O KALAUPAPA IA KIMO KUWALE

 

  "No ka mea heaha ko oukou ola? He mahu no ia i pua iki ae, alaila ua nalo ia." Iak. 4:14.

  Ma ka Poaha, Augate 10, 1905, ua kipa ae ka Anela o ka make, a lawe aku i ka hanu ola, mai ia Kimo Kuwale aku i ka 24 makahiki o kona noho ana ma keia aina o ka ehaeha, a i ke 69 o na makahiki o kona ola ana. He luna ekalesia haahaa, a hoopono oia; he haumana kula Sabati hele mau a he Hope Peresidena no ka Ahahui Hooikaika Kristiano. O makou iho me ka haahaa, ka Ekalesia, Kula Sabati ame ka Ahahui Hooikaika Kristiano o Kalaunana nei. ma o ko makou Komite la. E Hooholoia:

  1.--Ua piha ko makou mau puuwai me ka mahalo ka hoomaikai, ke aloha, ame ka minamina i keia makua ohohina i hele aku a pae ma kela Ao laelae ma o; no kona kulana maemae, oluolu, a hoa hoomanawanui i na oihana a ka Haku, oiai oia e noho pu ana me makou.

  2. Ke hauoli nui nei makou, i ko makou hoomanao ae: E loaa ana i ko makou Makua, he wahi maha ma kela Ao ma o ma ka lokomaikai o ka Haku o Iesu Kristo.

  3. Ke komo pu nei makou e auamo pu i na luuluu me ka ohana o Kimo Kuwale ma ke Kahua Ma'i nei. a ma ka Mokupuni o Maui, a na ke Akua no e holoi ae i ko kakou mau waimaka.

  4. Hooholo ia. E hoounaia i kope o keia Olelo Hoalohaloha i ka Nupepa Kuokoa. a i hookahi i ka Hoaloha.

  "Pomaikai ka poe i make iloko o ka Haku."

          E. M. HANUNA,

          L. M. PAINAMU,

          M. K. MAKAENA.

  Kalaupapa, Aug. 17, 1905.

 

UA LIMAPUU IHO LA KEKAHI

LIMAHANA.

 

  Mr Lunahooponopo o ke Kilohana, Ka Nupepa Kuokoa, Aloha kaua: Ma keia leta e lilo ai kaua he mau hoaloha maikai. a o ke aloha o kou puuwai ka'u e noi aku ai, e ae mai e omau iho i keia poomanao e kau ae la maluna ona na hua hekili malalo iho i ike pu ae ka mea i lawehala i ko'u iaoa.

  Aia malalo o kekahi manao nona ke Poomanao "Iluna no ka ua waele e no ke pulu" ua lawe limapuu ae la kekahi limahana o ke keena pa'i palapala o ke Kuokoa Home Rula a omau hilahila ole iho la i kuu inoa S. W. Kamakaweo malalo o kela kukulu manao, e hooia ana he mea kakau no ka Nupepa Kuokoa Home Rula. Ma ke kumu hea ia oia i lawe ai a hoopaa i kuu inoa malalo o kelo manao, oiai aole au "S. W. Kamakaweo" i kakau i ko'u inoa malalo o kela kukulu manao. ina e nana ia ana ua kope la i lawe ia aku ai a haawi i ua Limahana la i limapuu iho la i keia inoa, ka mea a'u e makee nei i ka hanohano o kuu inoa.

  Aole oia "ka mea i haawiia'ku ai ua kope la i ninau mai ia'u i ka mea nana ke kope e hiki ai ia'u ke hoike aku i ka mea nana ia waiwai." ana o ka lawe kika-ho ana ae i ko'u inoa a kuni malalo o keia manao he limapuu hawawa ike ole o ke ano hupo ka mea nana i hookauwa i kuu inoa malalo o kela manao. E! aole no i kupono o oe ke kapena o ke Kahulihuli "Kuokoa Home Rula" he kamaili no ka aina eepa Kawaihae ke pono hana ma ka loaa aku ka nana, komo i ke eke he ipupaka ka hoaolelo, i olohewa wale ai no i ka hoino i kona mau haku i ke pahenehene i ka "Halawai a na ihepa o Kamanuwai.

    Owau iho no ka Oukou Kauwa,

                      S. W. KAMAKAWEO.

  Helu 113 Kukui St., Honolulu, Aug. 17, 1905.

 

Oihana Makaikiu no Hawaii.

 

    WASINETONA, D. C., Aug. 3.--O ka lala o ka Oihana Makaikiu o na Mokuaina Huiia i hoomakaukauia ai no Hawaii e hookahuaia ana ma ka la 1 o Sepatemaba. O ka hoi koke ana mai nei no ia o John E. Wilkie, ke poo o ka Oihana Makaikiu mai kana huakai aku nei no Hawaii ame na aina o ka Hikina. iloko o ka malama o Mei. Ua hoike ae oia i keia la ke pau o Augate me he mea la ola ka manawa e hiki ai iaia ke hookohu ae i ke kanaka nana e lawelawe i keia hana.

  "O na hana a ka Agena Oihana Makaikiu ma Hawaii," wahi a Mr. Wilkie i hoike ae ai. "e like ana no ia me na hana e hana mau ia nei e keia oihana ma Wasinetona O ka makou e hana nei oia ka hoomama ana ae i ka Loio Apana ame ka Ilamuku mai na hana a laua a hana nei no makou. O kela mau luna aupuni a elua ua hana mai laua i na hana maikai.

 

  Mamuli o ke palahaiaha ana aku o na hana a ka Hui Halehana Hao o Honolulu ma Amerika, ua kukuluia ae he keena no ia hui ma Nu Ioka.

 

E Kuasiia ana anei o Hoku Ao

Hou!

 

  Ua hoopuka ae kekahi nupepa puka ahiahi o Honolulu nei e hoohloia aku ana ka mokuahi popopo Hoku Ao Hou e ku nei ma keia awa i kekahi mau la o keia pule.

  Ua paa hapa ae nei ua moku nei a eia ke ku nei makai ae o ke poo o Alanui Papu. Ua hoikeia ae mamuli o ka nui o na lilo no ka hana hou ana iaia, ua manao ka Papa Bosetona aole he waiwai o ka hoolilo hou ana ana i na kenikeni malaila, a o ka hana maikai o ia ke kuai ana aku.

  Ina e ko ana keia hoolilo, alaila, e koe ana he elua wale no moku o ka Papa ma ka oihana misiona ma na Paeaina Gilibati, Karoline ame Makala, oia no na mokukuna Hirama Binamu ame Carrie ame Annie. O ka mokuahi oia ka moku maalahi loa o ke kaahele ana ma keia mau aekai oiai he ikaika ke au ame na makani ino, o ka pilikia wale no o ke kuai ana o ka Papa i moku popopo.

 

Make he Kelamoku

.

  Ma ka po a ao ae Sabati nei, ua haule iho la o Ole A. Eidam, he Norewai. mailuna aku o ka moku kalepa James Nesmith a pahu ana iluna o ka uwapo a make loa. Aia keia moku ma ka aoao Waikiki o ka uwapo o Mauna Loa. Penei kahi moolelo i loaa ae:

  Ua hele aku keia haole Norewai iluna o ka moku i ka po i hoikela ae nei, a halawai me ka haole, kiai, William Olonski. Ua ona ua haole nei, pela ka hoike a Olonski. Ua manao iho la ke kiai he aihue moa ka manao o keia haole Norewai, a ua kipakuia aku oia mailuna aku o ka moku, eia nae ua hoopaakiki aku no keia Norewai, eia nae ua hoopaakiki aku no keia Norewai, a i ka lohe ana o ka malamamoku o ka moku iaia e moe ana iluna o kahi moe i ka nunui o na leo, ua ala mai la oia a puka mai la iwaho. I ka ike ana o keia Norewai, ua holo aku la oia no kahi o ke alapii me ka hahai aku o keia mau haole elua mahope ona; eia nae, ma kekahi ulia i maopopo ole, ua haale aku la ua Norewai nei mai ke alapii aku a waiho ana iluna o ka uwapo. Ua manaoia ua hehi hewa kona wawae mawaho o ke alapii a haule oia ilalo, a noho ke poo. He kanakolu-kumamalima kapuai ke kiekie o kahi ana i haule ai.

 

He Moku Holo o Siberia.

 

  Aole i ku mai o "Keaka Kuladaiman," i ka Poakahi nei, eia nae ua haule ka manawa holo o ka mokuahi Korea ia Siberia. Ua holo ia e Siberia mai Kapalakiko a komo i Honolulu nei he 4 la 19 hora 21 minute, ua like hoi me elua hora me kanalima-kumamaha minute ka like oie.

  O ke kumu o keia holo loa aole no Keaka Kuladaimana, aka mamuli o ke kau ana mai o E. H. Hareiman, ame r. P. Schwerin, ka lunahoohana nui o ka Hui Mokuahi Laweleta Pakipika. Ua makemake o Schwerin e ike ina he hiki ke hoohauieia ka manawa holo o ka Moana Pakipika, a i kona ike ana iho la, ua oluolu loa kona noonoo, oiai e hiki mai ana ka manawa e hoouna awiwi ia ai na ekeleta a ua makaukau kona mau moku e hooko aku.

  O ka manawa oiaio loa o Siberia mai Kapalakiko a ku mawaho o ke awa o Kou nei he 4 la, 10 hora, 20 minute. Ma ke ahiahi no i niau @oa aku ai oia no Kina ame Iapana ma kona alahele hookelakela me kona kokoolua, ka mokuahi Korea.

 

Kuai o Iapana i ka Mokukaua

o Kile.

 

  Eia ke manaolana ia nei e ku mai ana ianei ka mokukaua pap-ekahi Aimi rante O'Higgins, o ko Kile aumokukaua mai Ceylon, Calcata.

  O Sr. J. G. Gonzalex de Bernedo. i ku mai ianei ma ka la inehinei maluna o ka mokuahi Tean oia ko Kila Kanikela ma Honokaona a i holo mai hoi ianei no ka hooponopono ana me ke kiaaina nui e ae aku i ka mokukaua e holoholo ma na kai o Pilipine. Ua haalele iho no nae oia ianei mamuli o ka loa ana mai he lono telegarapa iaia mai Honokaona mai e kauoha ana iaia e hoi aku, me kona hui ole ae me ka mana hooko maanei. Ua ae mai o Mr. Gonzalex. i panai no ka ninau iwaihoia aku iaia, e kuaiia ana ua mokukaua la i ke Aupuni o Iapana.--Manila Time.

 

Hoomaka hou ka Piko pau i

ka Iole.

 

  Ma na hora poniponi ke kahahiaka Poakolu nei, ua komoia ae na hale inurama Prost, Greater New York ame Kamehameha e kekahi piko pau i ka lole a pau aku la na dala ame kekahi mau mea inu i ka laweia. Ua hopuia ae he elua mau Poko Riko oia o Navarr@ ame Chito. ma ke kakahiaka Poakolu nei a hoopaaia aku no ka huii ana oiai ua manao ka oihana a makai o laua pu kekahi i ike i na mea e pili ana i keia wawahi hale a aihue.

  Ua wawahi ia mai ka puka ohope a pela iho la i komo aku ai ka aihue iloko o ka hale. Aia ka hale inurama Prost ma ke kihi o na alanui Maunakea ame Beritania; o Kamehameha hoi aia mawaena o ke alanui Moi ame Beritania ma ke alanui oioli o Aala, a o Greater New York aia ma ke alanui Liliha.

  He umi dala maoli ame elua omole waikeke i laweia mai ka hale inurama aku o Prost; $5 mai ka hale inurama Kamehameha aku.

  Ua paa ae na hale inurama apau ma ka hapaiua hora umi-kumamakahi o ka po Poalua: Aia no ka ona o ka hale inurama Prost ke noho la no ma kahi ana e malama nei i kana hana a ua ala oia a hiki i ka hora 2 o ka wanaao a aole hoi oia i lohe i kekahi halulu a @akeke paha. Ma ku hora 3:44 a. m., ia Kakalia i hele ae ai no ka pahu makai ma ke kil@ o no alanui Moi ame Liliha no ka hoike ana iaia iho i ka halewai. ua lohe aku ia ka makai i ka nakeke me he mea ia e wahe ana kekahi mea i ka pahu waiho dala. Ua hele koke aku la oia @ pa@ ae iluna o kekahi pahu ha@ea hia e ku ana mawaho o ka hale inurama Greater New York a kiei aku ia iloko. Ike aku la oia @ kekahi kanaka e kulou ana mamua o ka pahu dala. Ua ike mai ia ua kanaka la, a mamua o ka hiki ana i'ka makai ke komo aku mahope ua puhalahio e aku la ke kolohe.

  Eia keia hihia ke huliia nei e na makaikiu Flint ame David Kaapa.

 

Kanaha-kumamalima Puni e

Hakaka ai.

 

  Mai Kapalakiko mai i loaa mai ai ka lono o ka aelike ana o Mr. Nelson ame Mr. Britt, he mau kae'ae'a hoolei puupuu. e hakaka no 45 puni, $20,000 makana ame $10,000 pili a ka aoao hookahi.

  Ua ala mai keia hakaka mamuli o na olelo hoinoino i hooleiia aku imua o Britt mahope o ka hakaka ana iho nei me Nelson a haule oia, a i mea e hui hou ai laua a hoopau ae i na manao haakei o kekahi, ua aelike ae la laua 6 hakaka hou no na puni i hoikela ae nei.

  O keia kekahi o na hakaka loihi a nui no hoi ke dala o ka pili ana. O ko Britt makemake e lawe no ka mea e lanakila ana i na loaa apau aole nae i ae aku kon hoa, o kana i manao ai i 65 pakeneta e lilo i ka mea e lanakila ana, ua like no hoi ia me $20,000 a ae o Britt.

  Ma ka laua hakaka mua ana iho nei o Nelson ko laua kanaka makaukau loa.

 

Kukulu hou na Home Rula.

 

  Oiai no nae o ke kau koho balota hou e hiki mai ana aia iloko o Novemaba o keia makahiki ae, eia na Home Rula ke kukuiu hou nei i na kalapu apana. Aia keia hana malalo o ka Chas. Notley alakai ana. He papahana hou ka na Home rula e hana nei ,oia noi ma kahi o hookahi kalapu iloko o ka mahele hookahi e ku ae ana he mau kalapu lehulehu. O ka manao o keia oia ka hoomama ana i na laia i koma ae ma ia mau kalapu. Ua hoike ae o Mr. Notley ua kukulu oia i na kalapu mai Kamoiliili a hiki aku i Moanalua, a ua manolana pu no hoi oia e hoomau aku pela ma na mokupuni mawaho aku:

  O keia hooikaika a Mr. Notley he hoike ana mai ia i ka ikaika o kona manao e hooikaika i ole e hui hou ae na Home rula me ka aoao Demokarata. Ua nui na hoohalahala ana ma ka hui ana iho nei o na aoao a i elua ma ke kau koho i hala. i ala mai hoi mamuli o ka haaleleia ana o J. M. Poepoe. O kekahi poe hoi o ka aoao Home Rula eia no ke manao nei he mea pono no e hui keia mau aoao.

 

Na Kaumaha

o na

Wahine.

 

  HE MEA PAAKIKI I KEKAHI WAHI NE O HONOLULU NEI E KU ILU NA A HOLOHOLO I KA MANAWA E EHA MAU ANA KONA KUA.

 

  I ka manawa e eha ai ke kua o ka wahine.

  Iaia hoi e uwe ana i ke ao ame ka po;

  A i ole maluhiluhi paha oia:

  Hiki ole ke kulou iho me ka loaa ole o ka eha.

  I ka manawa hoi o ka mimi paa.

  A haupuupu a uluku kona noonoo ae.

  He mea paakiki ka hooikaika ana

  Aole e ola maikai aia wale no a maikai na puupaa.

  O ka laau Doan's Backache Kidney Pills ka mea nana e hoola i keia mau mea.

  Hoola i na puupaa a malama hoi me ka maikai.

  Ua hoolaio ko Honolulu nei hoike no ia mea.

  O kahi noho o Mrs. N. Joseph aia ma ke kihi o na alanui iliha ame Moi.

  No ehiku mahina i eha ai ko'u kua a e loaa ana hoi i kela ame keia wa i ke anu ame ka lia o ke kino. He maikai ole maoli no ko'u ola ana, a nolaila, ua kuko nui loa au e loaa ona laau e loaa ai la'u kahi oluolu. Ua loaa io ia'u ka'u mea i makemake ai ma na huaale a Doan. Kuai aku la wau ma ka halekuai laau o Hollister ma a ua hauoli loa au i ka hoike ana aku, aole wale no i haawi mai ia'u keia mau huaale, he maha aka he ola loa maoii no; a no ia mea aole o'u wahi kanalua iki ma ka hoomaikeike aku ia mea, oia hoi i ola au i na Huaale a Doan no ke Kuahaneenee ame Puupaa. He laau maikai keia no na ma'i puupaa.

  He kuaiia na huaaie a Doan no ke kuahaneenee ame puupaa e ka poe kuai laau Iapaau apau, he kanalima keneta no ke poho hookahi a he eono poho no $2.50. E hoounaia aku no maloko o na Eka Leta e Hollister Drug Co. Honolulu mna agena kuai nui no ko Hawaii Paeaina ke loaa mai ke kumukuai.

 

Lilo na Aina Hookuonoono.

 

  I ka weheia ana o ke Keena o na Aupuni ma ke kakahiaka o ka Poakahi nei, oia no ka manawa i komo koke aku ai na kanaka Hawaii i noi iho nei i mau aina no lakou mauka o Palolo. He mau la okoa ke kaii ana o keia poe mawaho o ke keena, a moe no hoi malaiia i ka po, aka nae o ka luhi i aloia e lakou ua loaa mai he hua.

  O na poe apau i komo ka lakou mau noi, a i ku-e ole hoi i na kumu hookupono i hookaawalela ma ke kanawai. ua loaa mai ko lakou mau aina. a ela lakou ke hoomaka nei e hooko i ka lakou mau aelike i hana ai me ke aupuni.

 

  Ua hoikeia mai nei aia ka ma'i taifoi fiva ke laha la ma Wiapio, Hawaii.

 

N   NA  OHE nani no ka uiana papale

A   ana. peahi ame na mea maikai e

      ae o ka loaa koke ana mai n@i no

O   no ia. He makepono ke kuai ana

H   ma ke kukaa.

E   HAWAII & SOUTH SEAS CURIO

          Co,

Hotele Iana ame Hotele Hawaii.

 

He Ili Nani Lima A'ia'i

 

: - ME KA - :

LAUOHO  ULIULI.

KA HUA O KE

 

Kopa Cutikura

 

  HE MILIONA A OI ka nui o na wahine e auau mau nei me keia KOPA CUTICURA no ka malama ana. noomaemae ana, a no ka hoonani ana i lo@ lakou ili. i pau ai ka papaa o ke poo, ka unahi-pil, a i mea no hoi kekahi o pau ai ka heleiei ana o ka lauoho, a i hoopalupalu, hoa'ia'i a me ka ho@'iu'i ana i ka ili o na wahi i hele a manoanoa i ka hooikaika i ka hana, e like me na lima, a pela no hoi e hoopau ai i na eha, ma ka holoi ana i @ wahi eha me keia kopa, i ole oi e ike i ka aai me ka welawela: i ole no hoi e hou nui, ma ka holoi ana i na wahi pehu a palahehe; a he oi loa aku ka waiwai nui o keia kopa i na makuahine e lawelawe ana i na hana lehulehu @ pili i na keiki a me lakou iho no hoi, a i na wahine no a pau: a he kupono loa no hoi keia kopa no na wahi auau a pau. O ka poe ikemaka i ka maikai o keia kopa, aole loa lakou e ae iki ana e hoao i kekahi kopa okoa aku, ke koiia mai; ina no e oleloia ana. he kupono ia ano okoa aku no na mea e pili ana i ke ili, ke poo a me ka lauoho o na bebe a me na keiki. Ua loaa m@ keia waiwai nui o ke KOPA CUTIKURA mailoko mai hoi o kela laau h@i@ ikaika loa i kapaia, KUTICURA. oia ka laau ikaika loa ma ka hoola ana @ na popilikia a pau e pili ana i na mea ika loa i ka pale ana i na mea ino, a he loaa no hoi ke ala maikai o na puailoko o keia kopa. Aole loa e hiki ke hoohalikeia mai kekahi ano kopa e aei hoohuihuiia e ke akamai o kanaka me keia kopa ma kana mau hana ma lama, hoola, a me ka hoou'lu'i ana i ka ili, a pela aku. Pela hoi i ka ili oke poo, ka lauoho a me na wahi e ao.

  Aole no i lihi launa mai na kopa ona aina e me keia, no ka auhau ana a me ka hana o na keiki liilii. Pela ihoia i lilo ai ka waiwai o na kopa a pau i HOOKAHI no ke KUMUKUAI hoo@, a ne Helu Ekahi keia Kopa ae na poino o ka ili a me kahi auau, a hehelu ekahi no hoi no na kamaili a pu@i ke ao nei.

  NO KA HOOLA LOA ANA I NA ANO PEHU A POHAKA PALAHU MA NA WAHI A PUNI KE KINO, e hoomaemae i ka palapu me ke kopa CUTICURA i pau ai ka paapaa lepo a ano e ae paha o ka ili a peia hoi @ poo, i pau ai ke kepia a me ka papaa piele, alaila, e hooma-u i kahi eha me ka Aila Hamo CUTICUR@ : mama ae ai ka akiaki ana a ka hu'i a me l@ ka Laau I@u CUTIKURA i mea e maemae ai ke koko maloko. Ke kuaaiia ne keia laau ma na wahi a pau o ka honua nei. Ma Aukekulia: o R. Town@ & CO., o Sydney, N. S  W. ko laila Agena: ma Aferika Hema Depot: Lemnon, Ltd. Na "Hoakaka no ka Hoola ana i na Bebe a me ko lakou mau kinaunau." he loaa wale no ke ke kuai ole.

 

  Ua haalele iho ia Honolulu nei ma ka Poalua iho nei o Kumupoo Frank A. Richmond o ke Kula Kiekie o Hilo, e hoi ana ma kona kahua hou.

 

HOOLAHA MANA HOOKOLOKOLO

 

  ILOKO O KA AHA HOOKOLOKOLO KAAPUNI O KA APANA HOOKOLOKOLO KAAPUNI EKAHI, TERITORI O HAWAII. MA KE KEENA. NO KA PONO KAULIKE. HANA NO KA HOOKUU ANA.

 

M. F. SCOTT KU-E IA E. E. PILIPO.

et als.

HOOLAHA.

  MA KEIA KE HAAWIIA AKU NEI KA HOOLAHA I KA POE APAU I PILI:

  O W. A. Wali, ke komisina i hookohu ia no ke kuai ana aku i kekahi mau aina ma o ke kauoha iloko o keia hoopii i hanaia i ka la 13 o Iune 1899, ma kela la 24 o Augate, 1905, ua @oi mai oia i ka Mea Hanohano J. T. De Bolt. Lunakanawai Ekahi o keia Aha, e hoapono i ke kuai i hanaia ma Kailua, Kona Akau. Mokupuni o Hawaii. ma ka la 15 o Iulai i hala, o na eka he 471.49 o ka aina i oleloia no Umi-kumamalima Haneri ame umi-kumamalima ame 33-100 Dala ($1515.33) e like me ia i hoike pono ia ma kana noi i oleloia e waiho nei me ka Aha, a mamuli hoi o ke noi o ua palapala noi la i oleloia ua hanaia ae keia kauoha malalo iho nei ma keia hoopii ana:

KAUOHA O KA HOOLOHE ANA.

  Ma ka waihoia ana mai o ka palapala noi a W. A. Wall, Komisina, e noi ana no ka hoapono ana i ke kuai o na aina i hanaia e ia, a i hoike piha ia hoi iloko o ka palapala noi i oleloia, a mumuli o ko'u ike ana iho o ka hoolaha no ia hoolohe ana he mea pono e hoolahaia i ka poe apau i kuleana iloko o ia hana i oleloia, ma keia ke kauohaia nei:

  O ka hoolohe ana maluna o ua noi la e hooloheia no ia a ma keia ke hookaawaleia nei no ka hora 10 a. m. o ka Poaono, la 2 o Sepatemaba, 1905, ma ko'u Keena Iloko o ka Hale Hookolokolo ma Honlulu, Mokupuni o Oahu. Teritori o Hawaii, a o ka hoolaha o ua hoolohe la i oleloia ma ka hoolaha ana i keia kauoha e hoolahaia i ke akea iloko o ka nupepa puka hapa-pule Hawaiian Gazette ame Nupepa Kuokoa a hiki i ka la i hoikeia.

  Hanaia ina Honolulu, Augate 24, 1905.

(Kakauinoaia)       J. T. DE BOLT.

Lunakanawai Ekahi. Aha Hookolokolo

    Kaapuni Ekahi, Teritori o Hawaii.

3082--Aug. 26; Sept. 1

 

Ka  Huaale

     Helu  Ekahi

 

  O na kane ame na wahine o na papa like ole ame na kulana like ole: na poe eii lanahu, na loio, na  kahunapule, na mekanika, na kelamoku, na poe mahiai, na haumana, na kupakake na poe kaahele, na poe hoio makaikai,--ina no ia ma ka moana, ma na papu pale palena aina, iloko e na lua maina, keena oihana a i ole kula hoonaauao paha; iloko o ke kulanakauhale a i ole ma na kuaaina.--e ike ana no lakou o na Huaaie a Aye@r's oia ka helu ekahi no ka hoomaemae ana mamua o kekahi mau laau e ae, a ma na ma'i hoi apau i kupono no ka hoomemo ana.

Huaale a Ayer's

he hoohemo kana me ka maikai; ke hooia nei keia mau huaale i ka eha iloko o ke poe, manawahua ame ne piikia apau oloko o ka opu. Ua hanaia me ke ko momona.

 

  Aole he mau huaale maikai lea i like aku me na HUAALE A AYER'S.

  Ua hoomakaukauia o Dr. J. C. Ayer & Co., Lowell, Mass, U. S. A.

 

AOLE AU KII ANA I KAUKA.

  O na ehaeha i loaa mai i ka opu me ka hikiwawe loa, he mau ehaeha hoi i kupono loa e hoopau koke ia ae, a i loaa mai hoi mamuli o ka maikai ole o ka waihona ai, he mea pono e loaa koke ka mea nana e hoopau @oke ae. Aole au kii ana i ke kauka ma ia mae nawaliwali ina he omole kau o ka Chamberlain's Colic and Diarrhoea Remedy e waiho ana me oe. Aole he kauka i oi aku ka maikai mamua o keia laau. Ke kuaiia nei e BENSON, SMITH & CO., LTD., na Agena ma ko Hawaii Paeaina.

 

HOOLAHA HOOKO MORAKI.

 

HOOLAHA MANAO PANIKU A KUAI

A KA MEA PAA MORAKI.

 

ANNIE K  HART.

 

  I kulike ai me ka manao o kekahi moraki i hanaia e Annie K. Hart ia Kapiolani Estate, a i hooliloia aku ia W. R. Castle, Kahu. i kopeia ma ka Buke 232 aoao 321, a i hoopaa honia aku e ua Annie K. Hart nei ia W. R. Castle, Kahu, ma ke ano pakui i ka moraki mua i hoikeia maluna ae. I hanaia ma ka la 14 o Mei, 1904, a i kopeia ma ka Buke 259 aoao 95, a e paaia nei e ua W. R. Castle, Kahu nei i oleloia ma ke ano he Mea Paa Moraki a he Mea i hooliloia aku ka moraki nolaila ke hoikeia aku nei ka lohe ua makemake ka Mea Paa Moraki e paniku i ua moraki la no ka uhakiia o ke kumu i hoakakala maloko, ola hoi ka uku ole ia o ke kumu paa a i ole o ka uku panee i ka manawa e uku ai.

  A ke hoolaha hou ia aku nei mahope o ka hala ana o na pule ekolu mai keia la aku, alaila e hoolaha ia aku ana na aina i hoikela ma ua moraki la no ke kudala ana ma ke keena kudala o James F. Morgan, ma Honolulu, ma ka Poaona, la 16 o Sepatemaba, 190@, ma ka hora 12 awakea o ua la la.

  No kekahi mau mea aku i koe e ninau ia Castle & Withington na Loio ne ka Mea Paa Moraki.

  Hanaia ma Honolulu. Augate la 1@, 1905.

                  W. R. CASTLE, Kahu.

                           Mea Paa Moraki.

  Penei na waiwai i hoopaaia ma ua mau moraki la:

1.  He kuleana hapalua i mahele ole ia iloko o 'ka pa-hale o Love a waiho nei ma ka aoao makai o ke Alanui Moi ma Kawaiahao, Honolulu, e kupono ana i ka hale nohe o Charles H. Artherton, e alo ana ma ke Alanui Moi he 120 kapuai, a e ili ana he 29620 kapuai kuea @he hale uinihapa maikai ke ku nei maluna o ua aina la, me kekahi mau hale e ae. He mahele ua apana aina ia no na aina i hoikeia ma ka Palapala Kuleana Helu 6@ Apana 1 ia Hoonaulu, ame ka Palapala Kuleana Helu 200 ia Kaina O ke kuleana apau loa i loaa i ka Mea Moraki Mai mal@lo a ma o ka mana o kekahi Palapala Kahu i hanaia ma ka la 28 o Augate 190@ mawaena o James Love. Annie K. Hart, James Love, Jr., Annie L Roe ame George A. Davis. i kopela ma ka Buke 225. aoao 231, o ua kuleana la, he kuleana i mah@lo olela i hoikela maloko o ua palapala kahu nei, iloko o kekahi mau waiwai paa ame waiwai lewa maloko o Honolulu nei, Ka waiwai paa he apana aina ma ka aoao mauka o ke alanui Moi. he 47 kapuai ma ke alanui Moi a he 112 kapuai ma ke Alanui Kekaolike.

3081--Aug. 18, 25; Sept. 1, 8, 15.

 

HOOLAHA MA KE KAUOHA.

 

HOOLAHA A KA LUNAHOOPONOPO.

NO WAIWAI.

 

  O na poe apau he mau koi ka lakou i ka waiwai o Chas. Allen i make o Waimea, S. Kohala, Hawaii. ke hoike ia aku nei e hoike mai i ka mea nona ka inoa malalo, maloko o eono malama mai ka ia e hoopuka ia ai ma ka nui @pa Kuokoa a me Hawaiian Gazette, he mau nupepa i pa'i ia ma Honolulu.

  A ina aole pela e hoole mau loa na aku no.

                             J. KAAPUNI,

Lunahooponopono Waiwai o Chas. Allen.

  Waimea, Hawaii, Augate 4, 190@.

Aug. 11, 18, 25; Sept. 1.