Ka Nupepa Kuokoa, Volume XLIII, Number 33, 18 ʻAukake 1905 — I Mau Kahunapule Hawaii Ike. Olelo Beritania. [ARTICLE]

I Mau Kahunapule Hawaii Ike. Olelo Beritania.

Ma ke Sabati i hala iho la, Āugate 13 i pu-a ae ai he manao, eia ka Papa Kahu o ka Ekalesia o Kaumakapili ke noonoo nei e hoouna aku i mau haumana Hawaii l Amerika no kār hoonaauao ana ia lakou ma na ike o ka oihana kahunapule, a hoi mai hoopiha ae i na makalua o na makua. kahiko e nalo liilii aku nei, ame na ekalesia kahu ole. He manao keia i hoalaia ae no kekahl manawa iloko o ka Papa Hawaii, a o ka hua o ia mea aole i maopopo; aika ke luluia nei no ka anoano o ia mea, a o ke kupu mai a hua ae la, aia no ia i ka Mea nona ka pawaina. Ma ka hoike manao a paipai ana hoi o ke kahu o Kaumakapili, ma ke Sabati i hoikeia ae nei, ua waiho ae i oia i keia ninau: "No keaha la hoi e hiki ole ai ia—ke hele?" e hoike pakahi ana hoi i na inoa o na opio Hawaii ana i manao al ua kupono e hoouna ia aku no Amerika e a'o ai i ka oihana kahunapule. He lehulehu wale na kumu e hiki ole ai paha i ua poe opio la ke hele, a ma ka hoopokole ana ae, "aole 1 hemo ke kaula oko lio." O kekahi kumu, oia keia, aole i koho mai o Kristo ia lakou; a ina hoi ua koho mai Oia, a ke kaliea nei, alaila, ua papani i na pepeiao i lohe ole, a i ole ke holopee nei e like me Adamu. A Ina pela, aole he alahele okoa ae o ke kahea mau no; "Auhea oe!"